Ainikien Jepļaaktok eo

Ukook eo an Bok in Mormon

Ilo Eprōļ 1829, allōn̄ eo me kar bōke jekjōn ko 6–9 ilo Katak im Bujen Ko, jerbal eo eļap an Josep Smith ekar ukook eo an Bok in Mormon. Jejjab jeļā jabdewōt kōmeļeļe ko kōn kabwilōn̄lōn̄ in jerbal in ukook eo, ak jej jeļā bwe Josep Smith eaar juon rilolo, kein jerbal eo me Anij eaar kōpooje: ruo dōkā ko kar ņaetan Urim im Thummim im bar jet dōkā kar ņaetan dōkā in elolo.

Ke kar kajjitōkin tokālik n̄an iookļo̧k wāween an rekoot in kar ukook, Josep ekar ba “bwe ejjab kar un eo n̄an ba n̄an laļ in aolep men ko.” Ekkā an kwaļo̧k naan in eļam waan bwe ekar ukook “jān mennin letok, im kajoor an Anij.”

Ennaan in, jān rikam̧ool ro n̄an jerbal in ukook eo, rej jipān̄ kam̧ool eo an Josep.

Kar tōmak bwe bo̧o̧k in, eo me kar an Hyrum Smith, kar kōjerbale n̄an no̧o̧je pileij gold ko.

Emma Smith

“Ke ļeo pāleeō ekar ukōt Bok in Mormon, ikar je jidikin, ke ej riiti kajjojo jentōj ko, naan ļo̧k naan, im ke ekar itok n̄an lukkuun jim̧we in etan ejjab maron̄ kar ba ilo jejjetin, ak naan ko raitok, ekar jipeeļi tok, im ke ikar jei, eļan̄n̄e ikar kōm̧m̧an bōd ilo aō jipeeļ, ej kōbōjrak eō im kajim̧we aō jipeeļ men̄e ekar pen n̄an e bwe en lo wāween an kar jeje ilo tōre eo. Jekdo̧o̧n naan eo Sara ejjab maron̄ ba jejjetin ilo jinoin, im ikar ba jejjetin n̄an e.”

“Pileij ko me ekkā aer pād ioon tābōļ eo ilo an ejjeļo̧k kajjieon̄ n̄an kabare, kar liboboiki kōn juon m̧ōttan nuknuk in āran tābōļ, eo me kar leļo̧k n̄an e n̄an kitmi n̄an iowaan. Ikar jibwe juon kōttan pileij ko, ke rekar pād ioon tābōļ eo, ikar lale im en̄jake jekjek in. Rekar ilo kalimjōk epidodo kubōļe āinwōt peba killep ko, im maron̄ ālōklōke kōn juon ainikien metal n̄e kwoj ālōklōke kōn addi kileplep eo, āinwōt an juon kōm̧m̧ane jet iien n̄e ej ālōklōke juon bok.

“Tōmak eo aō bwe Bok in Mormon ej m̧ool ekwojarjar—Ejjeļo̧k aō pere kake n̄an jidik. Emma eaar kōmeļeļeik ewi kar jekjekin n̄an jerbal āinwōt rijeje an Joseph: Ilukkun m̧ōņōņō bwe ejjeļo̧k armej emaron̄ kar riiti jeje ko ilo peij ko m̧ae iien kar im̧we e; ke ikar jerbal āinwōt juon an rijeje, [Josep] ekar riiti tok n̄an eō ium̧win awa im awa; im ke ekar jepļaaktok ālkin iien m̧ōn̄ā, ak kajjojo iien kam̧ad ko, ekar bar jino jān ijo ekar jem̧ļo̧k ie āliktata, ilo an kar jab lale peij ko me ikar jei ak kōtļo̧k bwe in riiti ļo̧k n̄an e men ko me ikar jei. Ekkā an kōm̧m̧ane menin. Enaaj kar pen bwe juon em̧m̧aan eo ekar ekkatak wōt maron̄ kōm̧m̧ane menin; im, n̄an juon eo ekar jajeļo̧kjeņ im jabwe jeļā ippān, ekar lukkuun pen ilo m̧ool.”

Oliver Cowdery

“Ikar je kōn kein jeje eo aō make aolepān Bok in Mormon (kakkoņ jet peij) āinwōt rekar wōtļo̧k tok jān tien rikanaan eo, ke ej ukōt e jān mennin letok im kajoor eo an Anij, kōn jipan̄ eo an Urim im Thummim, ak, āinwōt kar ņa etan jān bok eo, kein ukook ko rekwojarjar Ikar kam̧oole kōn mej ko meja, im kar un̄ūri kōn pā ko peiū, pileij gold ko me emōj kar ukōti. Ikar bar kam̧oole kein ukook ko.”

Kakeememej ko

1. N̄an eļapļo̧k meļeļe, lale Unin Kōnono ko im Kajjitōk ko,“Book of Mormon Translation,” Gospel Library; Richard E. Turley Jr., Robin S. Jensen, and Mark Ashurst-McGee, “Joseph the Seer,” Ensign, Oct. 2015, 48–55).

2. “Minutes, 25–26 October 1831,” Minute Book 2, 13, josephsmithpapers.org.

3. Ilo “Church History,” Times and Seasons, Mar. 1, 1842, 707; bar lale Teachings of Presidents of the Church: Joseph Smith (2007), 441.

4. Ilo Edmund C. Briggs, “A Visit to Nauvoo in 1856,” Journal of History, vol. 9, no. 4 (Oct. 1916), 454; quoted in Russell M. Nelson, “A Treasured Testament,” Ensign, July 1993, 62.

5. Ilo “Last Testimony of Sister Emma,” Saints’ Herald, Oct. 1, 1879, 290; standardized.

6. Ilo Reuben Miller journal, Oct. 21, 1848, Church History Library, Salt Lake City; jipeel im wāween jeje ko kar kōkm̧anm̧aniļo̧k.