“Pāpode 17–23: “Ioomiro Ro Rikarejera”: Katak im Bujen Ko 12–17; Josep Smith—Bwebwenato 1:66–75,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 12–17; Josep Smith—Bwebwenato 1:66–75,” N̄an M̧weeo im Kabun̄ in:2025
Reba Susquehanna iturin Harmony, Pennsylvania
“Pāpode 17–23: “Ioomiro Ro Rikarejera”
Katak im Bujen Ko 12–17; Josep Smith—Bwebwenato 1:66–75
Elōn̄ wōt armej ipeļakin laļ in bōlen rejjan̄in kar ron̄ kōn Harmony, Pennsylvania. Irooj emakijkij an kāālet jikin ko rejjab bun̄bun̄ n̄an iien ko raorōk tata ilo aelōn̄ in kiin̄ eo An. Ilo juon eria ewōjkeke iturin Harmony ilo Māe 15,1829, Jon Peptaij ekar walo̧kļo̧k n̄an Josep Smith im Oliver Cowdery. Ekar likūt pā ko pein ioon bōraer im leļo̧k Priesthood eo an Aron ioerro, ekar kūr er “ro karejera” (Katak im Bujen Ko 13:1).
Jon Peptaij ekar juon rikarejeran Anij kar lōke eo ekar peptaiji Rilo̧mo̧o̧r eo im kar kōpooj iaļ eo n̄an itok eo An (lale Matu 3:1–6, 13–17). N̄an likao rein ron̄oul jim̧a aer iiō, emaron̄ kar juon iien eo ettā, bōlen em̧ool tōr jān jon̄an, n̄an kar kūr ro rikarejeran Jon. Ilo iien eo, Josep im Oliver rekar jab lukkun bun̄bun̄, āinwōt an armej jab jeļā kōn Harmony. Ak jerbal ilo jerbal eo an Anij elakkar wōt kōn wāween ad jerbal, ejjab kōn wōn ejeļā kake. Mekarta jet iien ijo koņaam̧ edik ak jab kile, kwoj barāinwōt rikarejeran ilo “juon jerbal eļap im kabwilōn̄lōn̄” an Irooj (Katak im Bujen Ko 14:1).
Ļōmņak ko n̄an Ekkatak ilo M̧weeo im ilo Kabun̄ in
Imaron̄ bōk kuņaō ilo “juon jerbal eļap im kabwilōn̄lōn̄” an Anij.
Joseph Knight im David Whitmer raar kōņaan jeļā ekōjkan aer maron̄ jipan̄ ilo jerbal eo an Irooj. Ilo am̧ riiti uwaak eo an Irooj n̄an er (Katak im Bujen Ko 12; 14), ļōmņak kōn ta meļeļe in n̄an kwe “n̄an kōjerkak im kajutak jibadbad eo an Zaion” (12:6; bar lale 14:6). Ta pedped in katak ko im m̧wil ko m̧wilin Kraist kwoj loi ilo jekjōn kein me remaron̄ jipan̄ eok kōm̧m̧ane menin?
Bar lale “Baam̧le ko an Knight im Whitmer,” ilo Revelesōn ko ilo Ennaan eo, 20–24.
Jisōs Kraist ekar jilkintok Jon Ripeptaij n̄an kōjepļaaktok Priesthood eo an Aron.
Jon Ripeptaij ekar kūr Josep Smith im Oliver Cowdery “ro rikarejeran.” Ta eo kwoj ļōmņake kōn meļeļe in n̄an erom juon rikarejeran ippān Jon Ripeptaij? (lale Matu 3:13–17; Luk 1:13–17; 3:2–20).
Ilo am̧ riiti ta eo Jon Ripeptaij ekar ba kōn Priesthood eo an Aron ilo jekjōn 13, kejekļo̧kjeņ ekōjkan an kii ko an priesthood jipan̄ kōtōprak mijen eo an Jon n̄an kōpooj iaļ eo an Irooj. N̄an waanjon̄ok:
-
Ta in “kwaļo̧k an enjeļ ro”? (lale 2 Nipai 32:2–3; Moronai 7:29–32; Unin Tōl n̄an Jeje Ko Rekwōjarjar, “Enjeļ ro,” Gospel Ļaibrāre eo).
-
Ta in “gospel in ukeļo̧k”? (lale Katak im Bujen Ko 84:26–27; Dale G. Renlund, “Priesthood eo im Kajoor in Pinmuur eo an Rilo̧mo̧o̧r,” Liaona, Nob. 2017, 64–67).
Ekōjkan an kain̄i ko an Priesthood eo Aron (ko āinwōt peptaij im kwojkwoj eo) jipan̄ kōpooj iaļ eo n̄an am̧ bōk Rilo̧mo̧o̧r ilo mour eo am̧?
Ta kii ko an priesthood?
Elder Dale G. Renlund im kōrā eo pāleen, Ruth, rekar letok kōmeļeļe in kōn priesthood kii ko:
“Naan eo priesthood kii ej jerbal ilo ruo wāween ko roktak. Eo jinoin ej kōmeļeļeik kōn juon mālim ak jeraam̧m̧an eo likūt ioon aolep ro rej bōk Aaronic ak Priesthood eo an Melkisedek. … N̄an waanjon̄ak, rikabwijer priesthood ro an Aron rej bōk kii ko an lotok an enjeļ raņ im kii ko an gospel in kōppopo n̄an ukeļo̧k im peptaij kōn tulo̧k n̄an jeorļo̧k jerawiwi ko (lale Katak im Bujen Ko 13:1; 84:26–27). Rikabwijer Priesthood ro an Melkisedek rej bōk kii in men ko rettino an aelōn̄ in kiin̄, kii in jeļāļo̧kjeņ an Anij, im kii ko an aolep kōjeraam̧m̧an ko an jetōb ilo Kabun̄ in (lale Katak im Bujen Ko 84:19; 107:18). …
“Wāween eo kein karuo kōn naan eo priesthood kii ko ej jerbal n̄an jerbal in tōl. Ritōl ro an priesthood rej bōk bar jet kii ko jet an priesthood, jim̧we eo n̄an lale juon m̧ōttan eo em̧ōj karōke an Kabun̄ in ak juon doulul. Ikijeen menin, priesthood kii ko rej mālim eo im kajoor eo n̄an kajebwebweik, tōl, im tōl Kabun̄ in” (Priesthood eo an Melkisedek: Meļeļe Katak eo, Mour kōn Pedped in Katak ko [2018], 26).
Josep Smith ej Peptaiji Oliver Cowdery, jān Del Parson
Josep Smith—Bwebwenato 1:66–75
Kain̄i ko rej letok n̄an eō maron̄ tōpar kajoor eo an Anij.
Kwonan̄in ke kar ļōmņak ta eo enaaj kar āinwōt n̄an pād ippān Josep Smith im Oliver Cowdery ilo iien ko reļļap an Jepļaaktok in? Ilo am riiti Josep Smith—Bwebwenato 1:66–75, ekoba kakeememej eo ilo jem̧ļo̧k in eoon 71, kwomaron̄ meļeļe jidik jet iaan ta eo raar en̄jake. Ta eo ej im̧we eok kōn naan ko aer? Kakeememej, eļap tata, kōjeraam̧m̧an ko raar būki kōnke raar bōk priesthood eo im raar peptaij. Ta kōjeraam̧m̧an ko Rilo̧mo̧o̧r eo ekar liwaj kōn kain̄i ko an priesthood eo?
N̄an katak eļapļo̧k, ļōmņak in ejake juon tebōļ kōn taitōļ ko Kain̄i ko im Kōjeraam̧m̧an ko. Innām kwomaron̄ etale eoon ko āinwōt kein n̄an kōllaajraki kain̄i ko im kōjeraam̧m̧an ko me rej waļo̧k: Jon 14:26; Jerbal 2:38; Katak im Bujen Ko 84:19–22; 131:1–4; Josep Smith—Bwebwenato 1:73–74. Ta kōjeraam̧m̧an ko jet kwonaaj kar kobaik n̄an laajrak eo? Ekōjkan an kain̄i ko kwar būki bōktok kajoor eo an Rilo̧mo̧o̧r n̄an mour eo am̧?
Bar lale David A. Bednar, “Kōn Kajoor in Anij ilo Aiboojoj Eļap,” Liaona, Nob. 2021, 28–30; Armej ro Rekwojarjar, 1:65–68; “God of Power, God of Right,” Hymns, no. 20; Unin Kōnono ko im Kajjitōk ko, “Bujen ko im Kain̄i ko,” Gospel Library.
Bōktok jetōb ko n̄an Kraist eļap an aorōk.
Kwonan̄in ke kar ļōmņak, āinwōt kar John im Peter Whitmer, ta eo “en kar kanooj aorōk tata” ilo mour eo am̧? (Katak im Bujen Ko 15:4; 16:4). Ilo am̧ riiti Katak im Bujen Ko 15–16, kejekļo̧kjeņ etke bōktok armej ro n̄an Kraist ekanooj aorōk. Ta eo kwoj kōm̧m̧ane n̄an “bōktok armej” n̄an Kraist?
Bar lale Armej ro Rekwojarjar, 1:68–71.
Irooj ej kōjerbal rikam̧ool ro n̄an kajutak An in naan.
Ta in rikam̧ool? Etke Irooj ej kōjerbale rikam̧ool ro ilo jerbal eo An? (lale 2 Korint 13:1). Kejekļo̧kjeņ kōn kajjitōk kein ilo am̧ riiti naan ko an Anij n̄an Rikam̧ool ro Jilu ilo Katak im Bujen Ko 17. (Bar lale “Naan in Kam̧ool eo an Rikam̧ool ro Jilu” ilo Bok in Mormon.) Ekōjkan an rikam̧ool ro jipan̄ bōktok “jibadbad ko rejim̧we”? an Anij (eoon 4).
Ta eo kwomaron̄ kwaļo̧k kam̧ool kake?
Bar lale Armej ro Rekwojarjar, 1:73–75; “A Day for the Eternities” (video), Gospel Library.
A Day for the Eternities
N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjin ko.
Ļōmņak ko n̄an Katakin Ajri ro
Katak im Bujen Ko 13; Josep Smith—Bwebwenato 1:68–74
Jon Ripeptaij ej kōjepļaak tok Priesthood eo an Aron.
-
Pija eo ilo unin tōl in emaron̄ jipan̄ ajri ro nejūm̧ pijaikļo̧k jepļaaktok eo an Priesthood eo an Aron (bar lale “Jebta 6: Josep im Oliver Rej leļo̧k Priesthood eo,” ilo Bwebwenato ko jen Katak im Bujen Ko, 26–27, ak pija in alooj eo an ilo Gospel Ļaibrāre eo). Renaaj ke kōņaan jin̄aik juon pija in iien eo pedped ioon ta eo kwoj riiti ippāer ilo Josep Smith—Bwebwenato 1:68-74?
2:12Angels Restore the Priesthood: Power to do God's work
-
Kwomaron̄ barāinwōt kwaļo̧k juon pija in Jon Ripeptaij ilo ami riit ippān doon Matu 3:13–17; Josep Smith—Bwebwenato 1:68–70. Etke ekar aorōk bwe Irooj en jilkintok Jon Ripeptaij n̄an leļo̧k n̄an Josep Smith mālim eo an priesthood eo n̄an peptaij?
Kōpooj ajri ro nejūm̧ n̄an juon iaļ in bujen an Anij to̧o̧n wōt mour. N̄an ļōmņak ko reļļapļo̧k n̄an jipan̄ ajri ro nejūm̧ kōn kajoor eo an priesthood, mālim eo, im kii ko, lale appendix A ak appendix B.
Kōmeļeļe eo kōn an Jisōs kar peptaij, jān Dan Burr
Jemedwōj Ilan̄ ej kōjeraam̧m̧an eō kōn Pristhood eo an Aron.
-
N̄an kōketak juon iien ekōnono kōn kii ko kar kwaļo̧ki ilo Katak im Bujen Ko 13, kwe im ajri ro nejūm̧ maron̄ lale juon toto inkii im kōnono kōn ta eo kii ko rej kōm̧m̧an bwe jen kwon kōm̧m̧ane. Bōlen kwomaron̄ jipan̄ er pukot naan eo kii ko ilo jekjōk 13. Ta naan ko jet ak eoon ko ilo Katak im Bujen Ko 13 ej kōmeļeļeik kōjeraam̧m̧an ko an Priesthood eo an Aron? Ajri ro nejūm̧ remaron̄ barāinwōt kile wāween ko Jemedwōj Ilan̄ ej kōjeraam̧m̧an kōj kōn priesthood eo ilo pija in alooj eo “Blessings of the Priesthood” (Gospel Library).
Blessings of the Priesthood
Katak im Bujen Ko 15:4–6; 16:4–6
Jipan̄ ro jet itok n̄an Jisōs Kraist “ekanooj in aorōk.”
-
Jon im Peter Whitmer jim̧or raar kōņaan jeļā ta eo enaaj kar kanooj aorōk tata n̄an er (lale Katak im Bujen Ko 15:4; 16:4). Bōlen kwe im ajri ro nejūm̧ maron̄ kōnono kōn men ko me eļap aer aorōk n̄an kom̧. Ilo ami iiti Katak im Bujen Ko 15:6 ak 16:6, kajjitōk ippān ajri ro nejūm̧ n̄an kajutak peier n̄e rej ron̄ ta eo Irooj ekar ba ej “kanooj aorōk tata.”
-
Ta meļeļe in n̄an “bōktok armej n̄an [Jisōs Kraist]”? Jipan̄ ajri ro nejūm̧ kōm̧m̧ane juon laajrak in ļōmņak ko, ko āinwōt m̧ōttāik ro jet, kwaļo̧k eoon ko ippān juon m̧ōttam̧, ak jar kōn juon eo ej pād ilo aikuj. Ajri ro nejūm̧ remaron̄ pukōt pija in men kein ilo māākjin ko an Kabun̄ in ak Bok in Gospel Pija. Ak remaron̄ jin̄aik pija ko aer make. Kajjitōk ippāer n̄an kāālet juon men jān laajrak eo aer me renaaj kōm̧m̧ane. kwomaron̄ barāinwōt al ippān doon eoon emen in “I Feel My Savior’s Love” (Children’s Songbook, 74–75).
Imaron̄ in juon rikam̧ool kōn Bok in Momron.
-
“Jebta 7: Dri Kamol Ro Rej Loi Pileij Gold ko” (ilo Bwebwenato ko jen Katak im Bujen Ko, 31–33, ak pija eo ilo Gospel Library eo) emaron̄ jipan̄ ajri ro nejūm̧ katak kōn Rikam̧ool ro Jilu. Ālkin riiti Katak im Bujen Ko 17:5–6, jiron̄ ajri ro nejūm̧ ekōjkan am̧ jeļā Bok in Mormon ej m̧ool. Ekōjkan ad maron̄ erom juon rikam̧ool kōn Bok in Mormon?
4:58Witnessess See the Book of Mormon Plates: Bearing testimony to the world
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin eo.
Ioomiro Ro Rikarejera, jān Linda Curley Christensen