Pāpode 3–9: “En̄in Ej Jitōbōn Revelesōn”

Katak im Bujen Ko 6–9

Ilo fall in 1828 eo, juon rūkaki in jikuuļ edik kar etan Oliver Cowdery ekar bōk juon jerbal in rūkaki ilo Manchester, New York, im kar pād ippān baam̧le eo an Lucy im Joseph Smith Sr. Oliver ekar ron̄ kōn ļaddik eo nejier Josep im en̄jake ko an rekabwilōn̄lōn̄, im Oliver, eo ekar watōk e make juon rikappukōt m̧ool eo, ekar kōņaan jeļā eļapļo̧k. Smith baam̧le eo rekar kōmeļeļeik lotok eo an enjeļ ro, juon rekoot in etto, im menin letok eo n̄an ukook jān kajoor eo an Anij. Oliver ekar lukkuun itok limoin. Emaron̄ ke kar m̧ool? Lucy im Josep Sr. rekar leļo̧k n̄an e kapilōk me ej iookļo̧k aolep n̄an kappukōt m̧ool eo: jar im kajjitōk ippān Irooj.

Oliver ekar kōm̧m̧ane, im Irooj ekar uwaake, kōnono “aenōm̧m̧an n̄an [an] ļōmņak” (Katak im Bujen Ko 6:23). Revelesōn, Oliver ekar lo, ekar jab wōt kōn rikanaan ro āinwōt Josep Smith. Ej n̄an aolep ro me rej kōņaan im rej kappukōte ilo niknik. Oliver ekar ļap wōt ijo aikuj katak, bōtaab ekar bwe jeļā eo an n̄an bōk bun̄tōn eo tok juon. Ekar jeļā Irooj ekar kōm̧m̧ane juon men aorōk jān Josep Smith, im Oliver ekar kōņaan erom m̧ōttan.

Bar lale Armej ro Rekwojarjar, 1:58–64; “Days of Harmony” (video), Gospel Library.

Days of Harmony

Witness Oliver Cowdery’s experience as Joseph Smith’s scribe during the translation of the Book of Mormon.

Ļōmnak ko n̄an Ekkatak ilo M̧weeo im ilo Kabun̄ in

Katak im Bujen Ko 6; 8–9

Jemedwōj Ilan̄ ej kōnono n̄an eō kōn Jetōb Kwojarjar.

Ilo spring in 1829 eo, Oliver Cowdery ekar bōk ko̧ņaan n̄an juon an Josep Smith ilo an kar wōnm̧aanļo̧k wōt n̄an ukōt Bok in Mormon. En̄jake eo ekar kōlowetake, im ekar ļōmņak eļan̄n̄e emaron̄ barāinwōt bōk revelesōn im menin letok eo n̄an ukok. Kōn menin, kajjieon̄ eo kein kajuon, ekar jab kanooj em̧m̧an.

Eļan̄n̄e kwar kakkōt n̄an bōk ak meļeļe revelesōn, bōlen kwomaron̄ iookļok en̄jake eo an Oliver—im katak jān e. Ilo ami riiti Katak im Bujen Ko 6, 8, im 9, kile ta eo Iooj ekar katakin Oliver kōn revelesōn an juon make. N̄an waanjon̄ok:

• Ta eo Katak im Bujen Ko 6:5–7; 8:1; 9:7–8 ej elmakote kōn ta eo Irooj ej aikuji m̧okta jān An naaj kwaļo̧k Ankilan?

• Ta eo kwoj katak jān Katak im Bujen Ko 6:14–17, 22–24; 8:2–3; 9:7–9 kōn wāween ko rooktak revelesōn emaron̄ itok? Ekōjkan am̧ maron̄ kile?

• Bar ta eo kwoj katak kōn revelesōn jān jekjōn kein?

En̄jake ko an Oliver remaron̄ kōm̧m̧an bwe kwon “keememej ilo ļōmņak” iien ko ke kwar en̄jake bwe Irooj ekar kōnono n̄an kwe (Katak im Bujen Ko 6:22). Kwonan̄in ke kar ļōmņjeak ko am̧ ak en̄jake ko kōn en̄jake kein? Eļan̄n̄e em̧ōj, ļōmņak in riiti ta eo kwar je. Eļan̄n̄e jaab, bōk jet iien n̄an je ta eo kwoj keememej. Ļōmņak ekōjkan am̧ maron̄ wōnmaanļo̧k wōt n̄an bōk kajoor jān en̄jake kein. N̄an ļōmņak ko jet, lale ennaan eo an Elder Neil L. Andersen “Ememļo̧kjeņ ko Ralikkar ilo Jetōb” (Liaona, Māe 2020, 18–22).

Jet ritōl ro an Kabun̄ in raar kwaļo̧k en̄jake ko aer kōn revelesōn ilo “Ron̄jake E” video collection eo. Ālkin alooje juon ak elōn̄ļo̧k pija in alooj kein, kwomaron̄ en̄jake im̧we n̄an jee en̄jake ko am̧ make, kwaļo̧k ekōjkan an Irooj kar kōnono n̄an kwe.

Bar lale Unin Kōnono im Kajjitōk ko, “Personal Revelation,” Gospel Library eo; “Oliver Cowdery’s Gift [Menin Letok an Oliver Cowdery],” ilo Revelations in Context, 15–19.

Katak im Bujen Ko 6:18–21, 29–37

Reiļo̧k n̄an Kraist ilo ļōmņak otemjeļo̧k.

Irooj ekar jeļā Josep Smith enaaj kar en̄jake “jekjek ko reppen” ilo iiō ko rej itok (Katak im Bujen Ko 6:18). E ejeļā ta mālijjon̄ ko ilju im jekļaj eo am̧ barāinwōt. Ta eo kwoj loe ilo kapilōk eo An n̄an Josep im Oliver ilo Katak im Bujen Ko 6:18–21, 29–37 me ej jipan̄ eok lōke E?

Ta eo kwoj en̄jake ej meļeļe in n̄an “Reitok n̄an [Kraist] ilo ļōmņak otemjeļo̧k”? (eoon 36). Ekōjkan an maron̄ ļapļo̧k am̧ jab m̧ūjkōk ilo kōm̧m̧ane menin—ilo iien ko rem̧m̧an im ilo “jekjek ko reppen”? Ļōmņak kōn kapilōk in jān Būreejtōn Russell M. Nelson: “Menin ej aikuj kijejeto ko ad kōļmenļo̧kjeņ n̄an reilo̧k n̄an E ilo aolep ļōmņak. Ak n̄e jej kōm̧m̧ane menin, pere ko ad im mijak ko ad rej jako” (“Bōktok Kajoor eo an Jisōs Kraist ilo Mour ko Ad,” Liaona, 41).

Bar lale Neil L. Andersen, “Kōlm̧enļo̧kjen eo Aō ekar Pen ilo Ļōmņak in Kōn Jisōs Kraist,” Liaona, Māe 2023, 91–94.

Kōmeļeļe ko jān Behold My Hand, jān Jeffrey Ward

Katak im Bujen ko 6:29–37

“Jab mijak n̄an kōm̧m̧an em̧m̧an.”

Etke jet iien jej “mijak … n̄an kōm̧m̧an em̧m̧an”? (eoon 33). Ta eo kwoj loe ilo Katak im Bujen Ko 6:29–37 me ej lewaj n̄an eok peran n̄an kōm̧m̧an em̧m̧an? Ļōmņak in al ak ron̄jake juon al in jar me ej im̧we eok n̄an wōr peran ilo Kraist, eo āinwōt “Jen Wōnmaanlok Wōt” (Al ko Al in Ajri, nō. 7).

Katak im Bujen Ko 6–7; 9:3, 7–14

“Em̧ool āinwōt am̧ kōņaan jān Eō āindein enaaj n̄an eok.”

Kile jete kōttan an naan ko āinwōt “ikdeelel” ak “ikdeelel ko” waļo̧k ilo jekjōn 6 im 7. Ta eo kwoj ekkatak jān jekjen kein kōn aorōk eo Anij ej likūti ilo ikdeelel ko am̧? Kajjitōkin eok make kajjitōk eo an Irooj ilo Katak im Bujen ko 7:1: “Ta eo kwōj kōņaan?”

Juon iaan ikdeelel ko rejim̧we an Oliver Cowdery—n̄an ukook āinwōt an kar Josep Smith kōm̧m̧ane—ekar jab kūrm̧ool. Ilo ami riiti Katak im Bujen Ko 9:3, 7–14, ta en̄jake ko kwoj būki me remaron̄ jipan̄ eok n̄e ikdeelel ko am̧ rejim̧we rejjab kūrm̧ool kiiō?

Bar lale Katak im Bujen Ko 11:8; Dallin H. Oaks, “Ikdeleel,” Liaona, Māe 2011, 42–45.

N̄an ļōmņak reļļapļo̧k, lale ennaan eo an allōn̄ in an Liaona eo im N̄an Kōkajoorļo̧k Jodikdik ro māākjiin ko.

Ļōmņak ko n̄an Katakin Ajri ro

Katak im Bujen Ko 6:5, 15–16, 22–23; 8:2; 9:7–9

Jemedwōj Ilan̄ ej kōnono n̄an eō kōn Jetōb Kwojarjar.

• M̧ool ko Oliver Cowdery ekar katak kōn revelesōn an juon make remaron̄ jipan̄ ajri ro nejūm̧ ilo aer kaddōkļo̧k kekemo̧o̧j eo aer n̄an kile Jetōb Kwojarjar. Kwomaron̄ kōjerbal “Jepta 5: Josep Smith im Oliver Cowdery” (ilo Bwebwenato ko an Katak im Bujen Ko, 22–25, ak pija in alooj eo an ilo Gospel Library eo) n̄an katakin er kōn Oliver im ta eo ekar katak. Kwaļo̧k n̄an doon m̧ōttan ko rem̧m̧an tata ippam̧ kōn bwebwenato eo. Ilo am̧ kōm̧m̧ane, kobaik men ko Irooj ekar katakin Oliver kaki n̄an ron̄ ainikien Anij, im riiti eoon ko rekkar, ko āinwōt Katak im Bujen Ko 6:23 ak 9:7–9.

  Chapter 5: Joseph Smith and Oliver Cowdery: February–April 1829

  

  Oliver Cowdery ekar katak kōn revelesōn ilo an kar jipan̄ Josep Smith ukōt Bok in Mormon.

• Kajjitōk ippān ajri ro nejūm̧ n̄an jibwe bōraer im ubbeer ilo am̧ riiti naan kein “ļōmņak” im “būruōm̧” ilo Katak im Bujen Ko 8:2. Kwaļo̧k n̄an ajri ro, jān en̄jake ko am̧ make, elmen n̄e Jetōb Kwojarjar ej kōnono n̄an ļōmņak eo am̧ im būruōm̧. Jipan̄ er pukōt uwaak ko n̄an kajjitōk eo “Ekōjkan an Jetōb Kwojarjar kōnono n̄an kōj?” ilo eoon kein: Katak im Bujen Ko 6:15–16, 22–23; 8:2; 9:7–9.

Kōjerbal bwebwenato ko. Bwebwenato ko rejipan̄ ajri ro meļeļe pedped in katak ko an gospel eo kōnke rej kwaļo̧k ekōjkan an ro jet mour kōn pedped in katak kein. Ilo am̧ katakin, pukot wāween ko n̄an kobaik waj bwebwenato ko—jān jeje ko rekwojarjar, jān bwebwenato ko an Kabun̄, ak jān mour eo am̧ make—me ej pijaik ļo̧k katak ko jānjeje ko rekwojarjar.

Katak im Bujen Ko 6:34

Kōn wōt Jisōs Kraist, imaron̄ “jab mijak.”

• Irooj ekar jiron̄ Josep im Oliver, “Jab mijak, bwij jidikdik in sip” (Katak im Bujen Ko 6:34). Kwomaron̄ kajjitōk ippān ajri ro nejūm̧ n̄an āliji naan jab eo ippām jejjo kōttan. Remaron̄ barāinwōt m̧ōņōņō in etan ke rej juon bwij in sip eleļn̄o̧n̄. Ta eo sip emaron̄ mijake? Innām kwe im ajri ro nejūm̧ maron̄ kappukōt juon pija in Rilo̧mo̧o̧r eo āinwōt juon seperd (ewōr juon ilo jem̧ļo̧kin unin tōl in) im kōnono kōn ekōjkan An mije kōj āinwōt juon seperd ej mije sip ko An.

• Ļōmņak in kōjan̄ ak al juon al kōn kappukōt peran ilo Kraist, ko āinwōt, “Dare to Do Right” (Children’s Songbook, 158) ak “Jen Wōnmaanlok” (Al ko Al in Ajri, nō. 243). Ta eo al eo ej katakin kōn ekōjkan an Rilo̧mo̧o̧r eo jipan̄ kōj jab mijak?

Katak im Bujen Ko 6:36

Imaron̄ reilo̧k n̄an Jisōs Kraist ilo aolep ļōmņak.

• Ālkin riit ippān doon Katak im Bujen Ko 6:36, kwe im ajri ro nejūm̧ maron̄ jin̄a n̄an jipan̄ kom̧ keememej n̄an “Reitok n̄an [Jisōs Kraist] ilo ļōmņak otemjeļo̧k.” Kwaļo̧k ippān doon jin̄a ko ami, im jipan̄ ajri ro nejūm̧ ļōmņak kōn jikin ko remaron̄ likūt er ie bwe en enaaj emakijkij aer loi.

N̄an ļōmņak ko reļļapļo̧k, lale ennaan eo an allōn̄ in an Jera māākjin eo.

Irooj Ej Aō Seperd, jān Yongsung Kim