“ວັນທີ 10–16 ເດືອນມີນາ, ‘ການຈັດຕັ້ງສາດສະໜາຈັກຂອງພຣະຄຣິດ’: ຄຳສອນ ແລະ ພັນທະສັນຍາ 20–22,” ຈົ່ງຕາມເຮົາມາ—ສຳລັບບຸກຄົນ ແລະ ຄອບຄົວ: ຄຳສອນ ແລະ ພັນທະສັນຍາ 2025 (2025)

“ຄຳສອນ ແລະ ພັນທະສັນຍາ 20–22,” ຈົ່ງຕາມເຮົາມາ—ສຳລັບບ້ານ ແລະ ໂບດ: 2025

ວັນທີ 10–16 ເດືອນມີນາ: “ການຈັດຕັ້ງສາດສະໜາຈັກຂອງພຣະຄຣິດ”

ຄຳສອນ ແລະ ພັນທະສັນຍາ 20–22

ບັດນີ້ວຽກງານແຫ່ງການນຳພຣະຄຳພີມໍມອນອອກມາຂອງພຣະຜູ້ຊ່ວຍໃຫ້ລອດກໍໄດ້ສຳເລັດແລ້ວ. ແຕ່ວຽກງານແຫ່ງການຟື້ນຟູຂອງພຣະອົງຫາກໍໄດ້ເລີ່ມຕົ້ນ. ນອກເໜືອໄປຈາກການຟື້ນຟູຄຳສອນ ແລະສິດອຳນາດຂອງຖານະປະໂລຫິດ, ພຣະຜູ້ເປັນເຈັ້າກໍໄດ້ເຮັດໃຫ້ມັນຊັດເຈນ ຜ່ານທາງການເປີດເຜີຍກ່ອນໜ້ານັ້ນວ່າ ພຣະອົງຍັງຕ້ອງການຈະຟື້ນຟູການຈັດຕັ້ງທີ່ເປັນທາງການນຳອີກ—ສາດສະໜາຈັກຂອງພຣະອົງ (ເບິ່ງ ຄຳສອນ ແລະ ພັນທະສັນຍາ 10:53; 18:5). ໃນວັນທີ 6, ເດືອນເມສາ, 1830, ຜູ້ທີ່ເຊື່ອຫລາຍກວ່າ 40 ຄົນໄດ້ບຽດກັນຢູ່ໃນເຮືອນໄມ້ທ່ອນຂອງຄອບຄົວວິດເມີ ຢູ່ໃນເມືອງເຟແອດ, ລັດນິວຢອກ, ເພື່ອເປັນພະຍານເລື່ອງການຈັດຕັ້ງສາດສະໜາຈັກຂອງພຣະເຢຊູຄຣິດ.

ບາງຄົນໄດ້ສົງໄສວ່າເປັນຫຍັງສາດສະໜາຈັກທີ່ຖືກຈັດຕັ້ງຈຶ່ງຈຳເປັນ. ຄຳຕອບອາດມີຢູ່, ໃນພາກສ່ວນໜຶ່ງ, ໃນການເປີດເຜີຍທີ່ກ່ຽວພັນກັບການປະຊຸມຂອງສາດສະໜາຈັກເທື່ອທຳອິດນັ້ນ ໃນປີ 1830. ຢູ່ໃນນັ້ນມັນບັນຍາຍເຖິງພອນທີ່ຄົງເປັນໄປບໍ່ໄດ້ ຖ້າຫາກສາດສະໜາຈັກທີ່ແທ້ຈິງຂອງພຣະເຢຊູຄຣິດບໍ່ໄດ້ “ຖືກຈັດຕັ້ງ ແລະ ຖືກສະຖາປະນາຂຶ້ນຢ່າງຖືກຕ້ອງຕາມກົດໝາຍ” ໃນຍຸກສຸດທ້າຍ (ຄຳສອນ ແລະ ພັນທະສັນຍາ 20:1).

ເບິ່ງ Saints, 1:84–86; “Build Up My Church,” ໃນ Revelations in Context, 29–32 ນຳອີກ.

ແນວຄິດສຳລັບການຮຽນຮູ້ຢູ່ທີ່ບ້ານ ແລະ ຢູ່ທີ່ໂບດ

ຄຳສອນ ແລະ ພັນທະສັນຍາ 20–21

ພຣະເຢຊູຄຣິດໄດ້ຟື້ນຟູສາດສະໜາຈັກຂອງພຣະອົງແລ້ວ.

ເປັນຫຍັງເຮົາຈຶ່ງມີສາດສະໜາຈັກທີ່ຖືກຈັດຕັ້ງ? ບາງທີຄຳຕອບທີ່ດີທີ່ສຸດແມ່ນວ່າ “ເພາະພຣະເຢຊູຄຣິດໄດ້ຈັດຕັ້ງມັນ.” ຂະນະທີ່ທ່ານສຶກສາ ຄຳສອນ ແລະ ພັນທະສັນຍາ 20–21, ທ່ານອາດສັງເກດເຫັນຄວາມຄ້າຍຄືກັນລະຫວ່າງສາດສະໜາຈັກທີ່ພຣະອົງໄດ້ສະຖາປະນາໃນສະໄໝບູຮານ ແລະ ສາດສະໜາຈັກທີ່ພຣະອົງໄດ້ຟື້ນຟູໃນທຸກວັນນີ້. ໃຊ້ຂໍ້ພຣະຄຳພີດັ່ງຕໍ່ໄປນີ້ ເພື່ອຮຽນຮູ້ກ່ຽວກັບສາດສະໜາຈັກຂອງພຣະຜູ້ຊ່ວຍໃຫ້ລອດໃນສະໄໝບູຮານ: ມັດທາຍ 16:15–19; ໂຢຮັນ 7:16–17; ເອເຟໂຊ 2:19–22; 3 ນີໄຟ 11:23–26; ໂມໂຣໄນ 4–5. ໃຊ້ຂໍ້ເຫລົ່ານີ້ ເພື່ອຮຽນຮູ້ກ່ຽວກັບສາດສະໜາຈັກທີ່ຖືກຟື້ນຟູ: ຄຳສອນ ແລະ ພັນທະສັນຍາ 20:17–25, 60, 72–79; 21:1–2. ບາງທີທ່ານສາມາດບັນທຶກສິ່ງທີ່ທ່ານພົບເຫັນໄວ້ໃນຕາຕະລາງທີ່ຄືກັນກັບອັນນີ້:

	ຄຳສອນ	ພິທີການ	ສິດອຳນາດຂອງຖານະປະໂລຫິດ	ສາດສະດາ
ສາດສະໜາຈັກຂອງພຣະຄຣິດໃນສະໄໝບູຮານ	ຄຳສອນ	ພິທີການ	ສິດອຳນາດຂອງຖານະປະໂລຫິດ	ສາດສະດາ
ສາດສະໜາຈັກຂອງພຣະຄຣິດທີ່ຖືກຟື້ນຟູ	ຄຳສອນ	ພິທີການ	ສິດອຳນາດຂອງຖານະປະໂລຫິດ	ສາດສະດາ

ທ່ານຮຽນຮູ້ຫຍັງແດ່ຈາກກິດຈະກຳນີ້ ກ່ຽວກັບວ່າເປັນຫຍັງພຣະເຢຊູຄຣິດຈຶ່ງໄດ້ສະຖາປະນາ—ແລະ ຟື້ນຟູ—ສາດສະໜາຈັກຂອງພຣະອົງ?

ເບິ່ງ Dallin H. Oaks, “The Need for a Church,” Liahona, Nov. 2021, 24–26 ນຳອີກ.

ເຊື້ອເຊີນການແບ່ງປັນ. ເມື່ອທ່ານເຊື້ອເຊີນຜູ້ຄົນໃຫ້ແບ່ງປັນສິ່ງທີ່ເຂົາເຈົ້າໄດ້ຮຽນຮູ້ດ້ວຍຕົວເຂົາເຈົ້າເອງ, ເຂົາເຈົ້າຈະຮູ້ສຶກໄດ້ຮັບກຳລັງໃຈທີ່ຈະສືບຕໍ່ກັບການສຶກສາສ່ວນຕົວຂອງເຂົາເຈົ້າ. ທ່ານສາມາດເຊື້ອເຊີນຄົນອື່ນໃຫ້ແບ່ງປັນຫຍັງແດ່?

ຄຳສອນ ແລະ ພັນທະສັນຍາ 20:37, 75–79; 22

ພິທີການສັກສິດຊ່ວຍເຮົາໃຫ້ກາຍເປັນເໝືອນດັ່ງພຣະຜູ້ຊ່ວຍໃຫ້ລອດ.

ເມື່ອສາດສະໜາຈັກຖືກຈັດຕັ້ງ, ພຣະຜູ້ເປັນເຈົ້າໄດ້ສິດສອນໄພ່ພົນຂອງພຣະອົງກ່ຽວກັບພິທີການສັກສິດ, ລວມທັງການບັບຕິສະມາ ແລະ ສິນລະລຶກ. ຂະນະທີ່ທ່ານອ່ານກ່ຽວກັບພິທີການເຫລົ່ານີ້, ໃຫ້ໄຕ່ຕອງວ່າ ມັນຊ່ວຍທ່ານໃຫ້ຮູ້ສຶກຖືກເຊື່ອມຕໍ່ກັບພຣະຜູ້ຊ່ວຍໃຫ້ລອດແນວໃດ. ຍົກຕົວຢ່າງ, ພິທີການເຫລົ່ານີ້ຊ່ວຍທ່ານຮັກສາ “ຄວາມຕັ້ງໃຈ [ຂອງທ່ານ] ທີ່ຈະຮັບໃຊ້ [ພຣະເຢຊູຄຣິດ] ຈົນເຖິງທີ່ສຸດ” ແນວໃດ? (ຂໍ້ທີ 37). ທ່ານສາມາດອ່ານຄຳອະທິຖານສຳລັບສິນລະລຶກນຳອີກ (ຂໍ້ທີ 77, 79) ແລະ ວາດພາບເຫັນວ່າທ່ານກຳລັງໄດ້ຍິນມັນເປັນເທື່ອທຳອິດ. ທ່ານໄດ້ຮັບຄວາມຮູ້ຫຍັງແດ່?

ເບິ່ງ D. Todd Christofferson, “Why the Covenant Path,” Liahona, May 2021, 116–19 ນຳອີກ.

ຄຳສອນ ແລະ ພັນທະສັນຍາ 20:38–60

ການຮັບໃຊ້ຂອງຖານະປະໂລຫິດເປັນພອນໃຫ້ແກ່ສະມາຊິກຂອງສາດສະໜາຈັກ ແລະ ຄອບຄົວຂອງເຂົາເຈົ້າ.

ທ່ານເຄີຍໄດ້ຄິດບໍວ່າເປັນຫຍັງມັນຈຶ່ງສຳຄັນຕໍ່ພຣະຜູ້ຊ່ວຍໃຫ້ລອດ ທີ່ຈະຟື້ນຟູຖານະປະໂລຫິດໃນສາດສະໜາຈັກຂອງພຣະອົງ? ການອ່ານສິ່ງທີ່ພຣະອົງຮຽກຮ້ອງໃຫ້ຜູ້ດຳລົງຖານະປະໂລຫິດເຮັດ ຢູ່ໃນ ຄຳສອນ ແລະ ພັນທະສັນຍາ 20:38–60 ອາດໃຫ້ຄວາມຮູ້ແຈ້ງບາງຢ່າງແກ່ທ່ານ. ພຣະຜູ້ຊ່ວຍໃຫ້ລອດໄດ້ອວຍພອນທ່ານ ແລະ ຄອບຄົວຂອງທ່ານແນວໃດ ຜ່ານທາງວຽກງານທີ່ຖືກບັນຍາຍຢູ່ໃນຂໍ້ເຫລົ່ານີ້?

ນອກເໜືອໄປຈາກຜູ້ທີ່ໄດ້ຮັບການແຕ່ງຕັ້ງຕໍ່ຖານະປະໂລຫິດ, ຜູ້ຍິງທີ່ຖືກແຕ່ງຕັ້ງໃຫ້ຮັບໃຊ້ໃນສາດສະໜາຈັກກໍນຳໃຊ້ສິດອຳນາດຂອງພຣະເຈົ້າ ຂະນະທີ່ເຂົາເຈົ້າມີສ່ວນຮ່ວມໃນວຽກງານຂອງພຣະອົງ. ເພື່ອທີ່ຈະຮຽນຮູ້, ໃຫ້ເບິ່ງຂ່າວສານຂອງປະທານດາລິນ ເອັຈ ໂອກສ໌ “The Keys and Authority of the Priesthood” (Liahona, May 2014, 49–52).

ເບິ່ງ Topics and Questions, “Joseph Smith’s Teachings about Priesthood, Temple, and Women,” ຫ້ອງສະໝຸດພຣະກິດຕິຄຸນ ນຳອີກ.

ຄຳສອນ ແລະ ພັນທະສັນຍາ 21

ການເຊື່ອຟັງພຣະຄຳຂອງພຣະເຈົ້າ ຜ່ານທາງສາດສະດາຂອງພຣະອົງ ຈະໃຫ້ເຮົາໄດ້ຮັບການປົກປ້ອງຈາກສະຫວັນ.

ຄຳສອນ ແລະ ພັນທະສັນຍາ 21:4–9 ບັນຈຸຄຳເຊື້ອເຊີນໃຫ້ຕິດຕາມສາດສະດາຂອງພຣະຜູ້ເປັນເຈົ້າ ແລະ ຄຳສັນຍາທີ່ມີພະລັງສຳລັບຜູ້ຄົນທີ່ເຮັດເຊັ່ນນັ້ນ. ຄວາມຄິດດັ່ງຕໍ່ໄປນີ້ສາມາດຊ່ວຍໃຫ້ທ່ານໄຕ່ຕອງຂໍ້ເຫລົ່ານີ້:

ມີຖ້ອຍຄຳໃດແດ່ຢູ່ໃນ ຂໍ້ທີ 4–5 ທີ່ບັນຍາຍສິ່ງທີ່ພຣະຜູ້ຊ່ວຍໃຫ້ລອດປະສົງໃຫ້ທ່ານເຮັດ ກັບຖ້ອຍຄຳຂອງສາດສະດາຂອງພຣະອົງທີ່ມີຊີວິດຢູ່? ທ່ານຮູ້ສຶກວ່າເປັນຫຍັງ “ຄວາມອົດທົນ ແລະ ສັດທາ” ຈຶ່ງຈຳເປັນເພື່ອຈະເຮັດສິ່ງນີ້?
ໃຫ້ໄຕ່ຕອງພາບທີ່ພຣະຜູ້ຊ່ວຍໃຫ້ລອດໃຊ້ໃນ ຂໍ້ທີ 6 ເພື່ອບັນຍາຍພອນທີ່ມາຈາກການຕິດຕາມສາດສະດາຂອງພຣະອົງ. ທ່ານຄິດວ່າ “ປະຕູນະລົກ” ໝາຍຄວາມວ່າແນວໃດ? ພຣະຜູ້ເປັນເຈົ້າ “ເຮັດໃຫ້ອຳນາດແຫ່ງຄວາມມືດກະຈາຍໄປ” ສຳລັບທ່ານແນວໃດ? ວະລີທີ່ວ່າ “ຟ້າສະຫວັນສັ່ນສະເທືອນເພື່ອຄວາມດີຂອງພວກເຈົ້າ” ໝາຍຄວາມວ່າແນວໃດ?
ພຣະຜູ້ເປັນເຈົ້າຮຽກຮ້ອງໃຫ້ທ່ານເຮັດຫຍັງແດ່ ຜ່ານທາງປະທານຂອງສາດສະໜາຈັກຄົນປະຈຸບັນ? ພຣະຜູ້ເປັນເຈົ້າໄດ້ເຮັດໃຫ້ຄຳສັນຍາຂອງພຣະອົງສຳເລັດແນວໃດ ຂະນະທີ່ທ່ານໄດ້ເຮັດຕາມຄຳແນະນຳຂອງພຣະອົງ?

ຂຽນຄວາມຮູ້ແຈ້ງເພີ່ມເຕີມທີ່ທ່ານໄດ້ມາຈາກພາກດັ່ງຕໍ່ໄປນີ້ ຈາກຂ່າວສານຂອງ ແອວເດີ ນຽວ ແອວ ແອນເດີເຊັນ “The Prophet of God” (Liahona, May 2018, 24–27):

ເປັນຫຍັງເຮົາຈຶ່ງຕິດຕາມສາດສະດາ:

ຄົນເຝົ້າຍາມຢູ່ທີ່ຫໍສູງ:

ຢ່າຕົກໃຈ:

ເບິ່ງ “Watchman on the Tower” (ວິດີໂອ), ChurchofJesusChrist.org; Topics and Questions, “Prophets,” ຫ້ອງສະໝຸດພຣະກິດຕິຄຸນ; “ເຮົາຂອບພຣະໄທສຳລັບສາດສະດາ,” ເພງສວດ ແລະ ເພງຂອງເດັກນ້ອຍ, 40 ນຳອີກ.

Watchman on the Tower
(Ezekiel 33:1-7) The Lord calls prophets to be the "watchmen" on the tower.

ສຳລັບແນວຄິດເພີ່ມເຕີມ, ໃຫ້ເບິ່ງວາລະສານ Liahona ແລະ For the Strength of Youth ສະບັບຂອງເດືອນນີ້.

ແນວຄິດສຳລັບການສິດສອນເດັກນ້ອຍ

ຄຳສອນ ແລະ ພັນທະສັນຍາ 20–21

ສາດສະໜາຈັກຂອງພຣະເຢຊູຄຣິດຖືກຟື້ນຟູແລ້ວ.

ໃຫ້ຄິດທີ່ຈະໃຊ້ຫົວຂໍ້ພາກສຳລັບ ຄຳສອນ ແລະ ພັນທະສັນຍາ 21, ບົດທີ 9 ຈາກ ເລື່ອງຄຳສອນ ແລະ ພັນທະສັນຍາ, ຫລື ວິດີໂອ “Organization of the Church” (ChurchofJesusChrist.org) ເພື່ອຊ່ວຍລູກໆຂອງທ່ານ ໃຫ້ເຂົ້າໃຈສິ່ງທີ່ໄດ້ເກີດຂຶ້ນ ໃນວັນທີ່ສາດສະໜາຈັກຖືກຈັດຕັ້ງ.

1:35
Chapter 9: Organization of the Church of Jesus Christ: 6•April 1830
ບາງທີລູກໆຂອງທ່ານສາມາດຈັບຄູ່ຮູບຂອງພຣະເຢຊູຄຣິດ, ຜູ້ຄົນທີ່ປະຕິບັດສາດສະໜາກິດ, ການບັບຕິສະມາ, ແລະ ສິນລະລຶກ ເຂົ້າກັບຂໍ້ທີ່ຢູ່ໃນ ພາກທີ 20 (ເບິ່ງ ຂໍ້ທີ 21–23, 47, 72–74, 75–79). ໃຊ້ຮູບພາບ ແລະ ຂໍ້ພຣະຄຳພີເຫລົ່ານີ້ເພື່ອສົນທະນາເຖິງພອນທີ່ເຮົາມີ ເພາະພຣະເຢຊູຄຣິດໄດ້ຟື້ນຟູສາດສະໜາຈັກຂອງພຣະອົງ.

ຄຳສອນ ແລະ ພັນທະສັນຍາ 20:37, 41, 71–74

ເມື່ອເຮົາຮັບບັບຕິສະມາ ແລະ ການຢືນຢັນ, ເຮົາສັນຍາວ່າຈະຕິດຕາມພຣະເຢຊູຄຣິດ.

ລູກໆຂອງທ່ານອາດມັກເບິ່ງຮູບຂອງເດັກນ້ອຍທີ່ກຳລັງຮັບບັບຕິສະມາ ແລະ ການຢືນຢັນ. ພວກເຂົາສາມາດຊີ້ບອກວ່າມັນເຂົ້າກັນກັບຄຳແນະນຳຢູ່ໃນ ຄຳສອນ ແລະ ພັນທະສັນຍາ 20:41, 71–74 ແນວໃດ. ເຮົາຮຽນຮູ້ຫຍັງແດ່ຈາກ ຄຳສອນ ແລະ ພັນທະສັນຍາ 20:37 ກ່ຽວກັບຜູ້ຄົນທີ່ຢາກຮັບບັບຕິສະມາ? ພວກທ່ານສາມາດຮ້ອງເພງ “ເຮົາເປັນລູກຂອງພຣະເຈົ້າ” ນຳກັນ (ເພງສວດ ແລະ ເພງຂອງເດັກນ້ອຍ, 64) ຫລື ເບິ່ງວິດີໂອ “The Baptism of Jesus” (ຫ້ອງສະໝຸດພຣະກິດຕິຄຸນ) ນຳອີກ.

2:54
The Baptism of Jesus
Jesus seeks out John the Baptist and is baptized in order to fulfill all righteousness.
ຖ້າຫາກລູກໆຂອງທ່ານໄດ້ຮັບບັບຕິສະມາ ແລະ ການຢືນຢັນແລ້ວ, ໃຫ້ຖາມພວກເຂົາກ່ຽວກັບປະສົບການຂອງພວກເຂົາ. ພວກເຂົາມີຮູບພາບທີ່ພວກເຂົາສາມາດແບ່ງປັນບໍ? ເວົ້າລົມກັບພວກເຂົາກ່ຽວກັບສິ່ງທີ່ພວກເຂົາກຳລັງເຮັດຢູ່ ເພື່ອຈະຕິດຕາມພຣະເຢຊູຄຣິດ ແລະ ວ່າພຣະອົງອວຍພອນພວກເຂົາແນວໃດ?

ຄຳສອນ ແລະ ພັນທະສັນຍາ 20:75–79

ເຮົາສາມາດຮັບເອົາພຣະນາມຂອງພຣະເຢຊູ ແລະ ລະນຶກເຖິງພຣະອົງຕະຫລອດເວລາ.

ລູກໆຂອງທ່ານສາມາດຊອກຫາຄຳທີ່ວ່າ “ເຕັມໃຈ” ທັງໃນ ຄຳສອນ ແລະ ພັນທະສັນຍາ 20:37 (ກ່ຽວກັບການບັບຕິສະມາ) ແລະ ຂໍ້ທີ 77 (ຄຳອະທິຖານສຳລັບສິນລະລຶກ). ແມ່ນຫຍັງຄືສິ່ງທີ່ພຣະເຢຊູຄຣິດຕ້ອງການໃຫ້ເຮົາເຕັມໃຈທີ່ຈະເຮັດ? ບາງທີລູກໆຂອງທ່ານສາມາດເບິ່ງບາງສິ່ງທີ່ມີຊື່ຕິດຢູ່ (ເຊັ່ນຊື່ຂອງຍີ່ຫໍ້ ຫລື ຊື່ສ່ວນຕົວ). ຊື່ນັ້ນບອກຫຍັງເຮົາແດ່ກ່ຽວກັບສິ່ງຂອງນັ້ນ? ການຮັບເອົາພຣະນາມຂອງພຣະເຢຊູຄຣິດ ໝາຍຄວາມວ່າແນວໃດ?
ໃຫ້ຄິດທີ່ຈະອ່ານ ຄຳສອນ ແລະ ພັນທະສັນຍາ 20:77 ນຳກັນ ແລະ ຂໍໃຫ້ລູກໆຂອງທ່ານລະບຸຄຳສັນຍາທີ່ເຮົາເຮັດ ທີ່ເປັນພາກສ່ວນຂອງສິນລະລຶກ. ບາງທີພວກເຂົາສາມາດປ່ຽນຜຽນກັນທຳທ່າເຮັດສິ່ງທີ່ພວກເຂົາສາມາດເຮັດ ເພື່ອຈະ “ລະນຶກເຖິງພຣະຜູ້ຊ່ວຍໃຫ້ລອດຕະຫລອດເວລາ” ແລະ ທວາຍວ່າການກະທຳຂອງກັນແລະກັນຄືຫຍັງ. ອີງຕາມ ຂໍ້ທີ 77, ເຮົາໄດ້ຮັບພອນແນວໃດ ເມື່ອເຮົາລະນຶກເຖິງພຣະຜູ້ຊ່ວຍໃຫ້ລອດຕະຫລອດເວລາ?

ຄຳສອນ ແລະ ພັນທະສັນຍາ 21:4–6

ພຣະເຢຊູອວຍພອນເຮົາຂະນະທີ່ເຮົາຕິດຕາມສາດສະດາຂອງພຣະອົງ.

ຫລັງຈາກໄດ້ຄົ້ນພົບຄຳເຊື້ອເຊີນ ແລະ ຄຳສັນຍາຢູ່ໃນ ຄຳສອນ ແລະ ພັນທະສັນຍາ 21:4–6 ແລ້ວ, ລູກໆຂອງທ່ານສາມາດເບິ່ງຮູບຂອງສາດສະດາຄົນປະຈຸບັນ ແລະ ແບ່ງປັນບາງສິ່ງທີ່ພວກເຂົາໄດ້ຮຽນຮູ້ ຫລື ໄດ້ຍິນຈາກເພິ່ນ. ແບ່ງປັນວິທີທີ່ພຣະເຢຊູຄຣິດໄດ້ອວຍພອນທ່ານ ທີ່ທ່ານຕິດຕາມສາດສະດາຂອງພຣະອົງ.

ສຳລັບແນວຄິດເພີ່ມເຕີມ, ໃຫ້ເບິ່ງວາລະສານ Friend ສະບັບຂອງເດືອນນີ້.

ໂຈເຊັບ ສະມິດ ກຳລັງຖືກແຕ່ງຕັ້ງເປັນທາງການໂດຍ ອໍລີເວີ ຄາວເດີຣີ — Oliver Cowdery Ordains Joseph Smith [ອໍລີເວີ ຄາວເດີຣີ ແຕ່ງຕັ້ງໂຈເຊັບ ສະມິດ], ໂດຍ ວາວເຕີ ເຣນ