Ɔbɛnem 10– 16:“Yesu Kristo Asɔre no Sɔreɛ”

Nkyerɛkyerɛne Apam 20–22

Agyenkwa no adwuma sɛ ɔde Mormon Nwoma no reba no adi mu seesei. Nanso Mmaeɛ bio adwuma no deɛ afei na na ahyɛ aseɛ. Deɛ ɛka nkyerɛkyerɛ ne asɔfodie tumi a wɔsan de baeɛ ho no, na Awurade nam kane adiyisɛm so aka no pefee sɛ Ɔsan nso pɛɛ sɛ Ɔsan de nhyehyɛeɛ a mmara da ho ba—N’Asɔre (hwɛ Nkyerɛkyerɛ ne Apam 10:53; 18:5). Wɔ Oforisuo 6, 1830, agyidifoɔ boro 40 bɔɔ dwa wɔ Whitmer abusua nnua fie mu wɔ Fayette, New York, sɛ wɔrekɔdi Yesu Kristo Asɔre no Nhyehyɛeɛ ho adanseɛ.

Nkorɔfoɔ binom dwene sɛnti a Asɔre a wɔahyehyɛ no ho hia. Wɔbɛhunu mmuaeɛ no, anyɛ koraa ne fa bi, wɔ adiyisɛm a ɛne Asɔre no nhyiamu a ɛdi kan wɔ 1830 mu no wɔ twaka. Wɔkyerɛkyerɛɛ nhyira a anka wɔn nsa ntumi nka sɛ Yesu Kristo nokorɛ Asɔre no “wɔanhyehyɛ no yie na wɔamfa ansi hɔ” wɔ nna a ɛdi akyire yi mu a (Nkyerɛkyerɛ ne Apam 20:1).

San hwɛ Ahotefoɔ, 1:84–86; “Si M’asɔre no.”,”wɔ Revelations in Context, 29–32.

Nsusuiɛ ma Efie ne Asɔre Adesua

Nkyerɛkyerɛne Apam 20–21

Yesu Kristo asan de N’Asɔre no aba.

Adɛn nti na yɛwɔ Asɔre a wɔahyehyɛ? Ebia mmuaeɛ papa ne sɛ “Ɛfiri sɛ Yesu Kristo hyehyɛɛ bi.” Berɛ a wosua Nkyerɛkyerɛ ne Apam 20–21, wobɛtumi ahunu nsɛdie ahodoɔ wɔ Asɔre a ɔhyehyɛɛ no tete mmerɛ mu ne deɛ Wasan de aba ɛnnɛ yi ntam. Fa nkyekyɛmu a ɛdidi soɔ yi sua fa Agyenkwa no tete Asɔre no ho: Mateo 16:15–19; Yohane 7:16–17; Efesofoɔ 2:19–22; 3 Nephi 11:23–26; Moroni 4–5. Fa nkyekyɛmu yi sua fa Asɔre a wɔasan de aba no ho: Nkyerɛkyerɛ ne Apam 20:17–25, 60, 72–79; 21:1–2. Wobɛtumi atwerɛ deɛ wohunu wɔ pono so te sɛ yei:

	Nkyerɛkyerɛ	Ayɛyɛdeɛ	Asɔfodie tumi.	Nkɔmhyɛfoɔ
Kristo tete Asɔre	Nkyerɛkyerɛ	Ayɛyɛdeɛ	Asɔfodie tumi.	Nkɔmhyɛfoɔ
Kristo Asɔre a wɔasan de aba	Nkyerɛkyerɛ	Ayɛyɛdeɛ	Asɔfodie tumi.	Nkɔmhyɛfoɔ

Deɛn na wosua firi saa dwumadie yi mu fa sɛnti a Yesu Kristo hyehyɛɛe—na ɔsan de—N’Asɔre baeɛ?

San hwɛ Dallin H. Oaks, “Deɛ Nti Asɔre ho Hia,” Liahona, Obubuo 2021, 24–26.

To nsa frɛ ɔkyɛ. Sɛ woma nkorɔfoɔ kyɛ deɛ wɔn ankasa taa sua a, wɔbɛnya nkuranhyɛ de atoa wɔn ankasa adesua so. Deɛn na wobɛtumi ama afoforɔ akyɛ?

Nkyerɛkyerɛ ne Apam 20:37, 75–79; 22

Ayɛyɛdeɛ kronkron boa me ma meyɛ te sɛ Agyenkwa no.

Berɛ a wɔhyehyɛɛ Asɔre no, Awurade kyerɛkyerɛɛ N’ahotefoɔ fa ayɛyɛdeɛ kronkron ho, a asubɔ ne adidi kronkron ka ho. Berɛ a wokenkan saa ayɛyɛdeɛ yi no, dwene sɛdeɛ ɛboa wo ma w’atenka ne Agyenkwa no ka bom. Nhwɛsoɔ, sɛn na saa ayɛyɛdeɛ yi boa wo ma wokora “gyinaeɛsie de som [Yesu Kristo] kɔsi awieeɛ”? (nkyekyɛmu 37). Wobɛtumi nso akenkan adidi kronkron mpaeɛ no (nkyekyɛmu 77, 79) na woafa no sɛ worete berɛ a ɛdi kan. Nhunumu bɛn na wonya?

San hwɛ D. Todd Christofferson, “Why the Covenant Path,” Liahona, Kɔtɔnima 2021, 116–19.

Nkyerɛkyerɛ ne Apam 20:38–60

Asɔfodie som hyira Asɔremma ne wɔn mmusua.

Woadwene ho pɛn sɛnti a na ɛhia sɛ Agyenkwa no san de asɔfodie ba N’Asɔre mu? Rekenkan deɛ Ɔbisa asɔfodie kurafoɔ sɛ wɔnyɛ wɔ Nkyerɛkyerɛ ne Apam 20:38–60 bɛtumi ama wo nhunumu bi. Sɛn na Agyenkwa no nam adwuma a wɔakyerɛkyerɛ wɔ saa nkyekyɛmu yinom so ahyira wo ne w’abusua?

Ɛka wɔn a wɔahyɛ wɔn asofoɔ ho no, mmaa a wɔyi wɔn si hɔ sɛ wɔnsom wɔ Asɔre no mu nso de Onyankopɔn tumi no yɛ adwuma berɛ a wɔyɛ N’adwuma no bi. Sɛ wobɛsua sɛdeɛ ɛteɛ a hwɛ Dallin H. Oaks nkrasɛm “Asɔfodie Tumi ne Nsafoa” (Liahona, Kɔtɔnima 2014, 49–52).

San hwɛ Tinsɛm ne Nsɛmmisa, “Joseph Smith Nkyerɛkyerɛ fa Asɔfodie, Tɛmpol, ne Mmaa ho,” Asɛmpa Akoraeɛ.

Nkyerɛkyerɛ ne Apam 21

Meredi Onyankopɔn asɛm so nam Ne nkɔmhyɛfoɔ so bɛma me banbɔ.

Nkyerɛkyerɛne Apam 21:4–9 kura ɔfrɛ sɛ yɛdi Awurade nkɔmhyɛfoɔ akyi ne bɔhyɛ a tumi wɔ mu ma nkorɔfoɔ a wɔyɛ. Nsusuiɛ a ɛdidi soɔ yi bɛtumi aboa ama woadwene saa nkyekyɛmu yi ho:

• Nsɛm bɛn na ɛwɔ nkyekyɛmu 4–5 a ɛkyerɛkyerɛ deɛ Agyenkwa no pɛ sɛ wode Ne nkɔmhyɛfoɔ a wɔte aseɛ nsɛm yɛ? Adɛn nti na wosusu sɛ “aboterɛ ne gyedie” ho hia ma yei yɛ?

• Dwene mfonini ahodoɔ a Agyenkwa no de yɛ adwuma wɔ nkyekyɛmu 6 de kyerɛkyerɛ nhyira a ɛwɔ Ne nkɔmhyɛfoɔ akyidie mu. Deɛn na wodwene sɛ “bonsam gya mu apono” ase kyerɛ? Sɛn na Awurade “bɔ esum mu atumfoɔ hwete” ma wo? Deɛn na “ɔsoro bɛwoso ama wo yiedie” ase kyerɛ?

• Deɛn na Awurade nam Asɔre Titenani a ɔwɔ hɔ seesei so rebisa wo sɛ yɛ? Sɛn na Awurade ahyɛ Ne bɔhyɛ ma berɛ a wodi N’afotuo so?

Twerɛ nhunumu afoforɔ a wonya firi afa a ɛdidi soɔ yi wɔ Elder Neil L. Andersen nkrasɛm mu “Onyankopɔn Nkɔmhyɛni” (Liahona, Kɔtɔnimma 2018, 24–27):

• Deɛ nti na Yɛdi Nkɔmhyɛni Akyi:

• Ɔwɛmfoɔ bi wɔ Abantenten no so:

• Mma Ɛnyɛ wo Nwanwa:

San hwɛ “Ɔwɛmfoɔ wɔ Abantenten so” (sini), ChurchofJesusChrist.org; Tinsɛm ne Nsɛmmisa, “Nkɔmhyɛfoɔ,” Asɛmpa Akoraeɛ; “We Listen to a Prophet’s Voice,” Nnwom, no. 22.

Watchman on the Tower

(Ezekiel 33:1-7) The Lord calls prophets to be the "watchmen" on the tower.

Worepɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Nsusiɛ ma Nkwadaa Adekyerɛ

Nkyerɛkyerɛne Apam 20–21

Wɔasan de Yesu Kristo Asɔre no aba.

• Dwene ho fa ɔfa tinsɛm ma Nkyerɛkyerɛ ne Apam 21, ti 9 ma Nkyerɛkyerɛ ne Apam Abasɛm, anaasɛ sini “Asɔre no Nhyehyɛeɛ” (ChurchofJesusChrist.org) fa boa nkwadaa no ma wɔnte deɛ ɛsii wɔ ɛda a wɔhyehyɛɛ Asɔre no ase.

  Chapter 9: Organization of the Church of Jesus Christ: 6•April 1830

• Ebia wo nkwadaa bɛtumi de Yesu Kristo mfonini, obi a ɔresom, asubɔ, ne adidi kronkron atoto nkyekyɛmu ahodoɔ ho wɔ ɔfa 20 hwɛ nkyekyɛmu 21–23, 47, 72–74, 75–79). Fa saa mfonini ahodoɔ ne nkyekyɛmu ahodoɔ yinom pɛnsɛmpɛnsɛm nhyira a yɛwɔ ɛnam Yesu Kristo Asɔre a wɔasan de aba no nti.

Nkyerɛkyerɛ ne Apam 20:37, 41, 71–74

Sɛ wɔbɔ me asu na wɔgye me tom a, mehyɛ bɔ sɛ mɛdi Yesu Kristo akyi.

• Wo nkwadaa ani bɛtumi agye sɛ wɔhunu akwadaa a wabɔ asu na wɔregye no atom ho mfonini. Wɔbɛtumi akyerɛ sɛdeɛ ɛne nkyerɛkyerɛ a ɛwɔ Nkyerɛkyerɛ ne Apam 20:41, 71–74no kɔ. Deɛn na yɛsua firi Nkyerɛkyerɛ ne Apam 20:37 fa nkorɔfoɔ a wɔpɛ sɛ wɔbɔ asu ho? Mobɛtumi nso ato dwom “Sɛ Wɔbɔ Me Asu a” abom (Nkwadaa Nnwomnwoma, 103) anaasɛ hwɛ sini “Yesu Asubɔ” (Asɛmpa Akoraeɛ).

  The Baptism of Jesus

  Jesus seeks out John the Baptist and is baptized in order to fulfill all righteousness.

  

• Sɛ wo nkwadaa no abɔ asu dada na wɔagye wɔn atom a, bisa wɔn suahunu ho asɛm. Wɔwɔ mfonini a wɔbɛtumi akyɛ? Wo ne wɔn nkasa mfa deɛ wɔreyɛ de adi Yesu Kristo akyi ne sɛdeɛ Ɔrehyira wɔn ho.

Nkyerɛkyerɛ ne Apam 20:75–79

Mɛtumi de Yesu din ato me ho so na makae No berɛ biara.

• Wo nkwadaa bɛtumi ahwehwɛ asɛm “ɔpɛ” wɔ Nkyerɛkyerɛ ne Apam 20:37 (fa asubɔ ho) ne nkyekyɛmu 77 (adidi kronkron mpaeɛ) nyinaa mu. Deɛn na Yesu Kristo pɛ sɛ yɛde ɔpɛ yɛ? Ebia wo nkwadaa bɛtumi ahwɛ biribi a ɛwɔ din wɔ so (te sɛ ahyɛnso din anaasɛ onipa din). Deɛn na edin no ka kyerɛ yɛn fa adeɛ no ho? Asekyerɛ ne sɛn sɛ yɛde Yesu Kristo din to yɛn ho so?

• Dwene ho na mommom nkenkan Nkyerɛkyerɛ ne Apam 20:77 na ma wo nkwadaa no nkyerɛ bɔhyɛ ahodoɔ a yɛyɛ sɛ adidi kronkron no fa bi. Ebia wɔbɛtumi ayɛ yɛkyerɛ mmaako mmaako de akyerɛ biribi a wɔbɛtumi ayɛ na “berɛ biara wɔakae” Agyenkwa no na wɔasusu deɛ obiara nneyɛɛ no kyerɛ. Sɛdeɛ nkyekyɛmu 77kyerɛ no, sɛn na wɔhyira yɛn berɛ a yɛkae Agyenkwa no berɛ biara?

Nkyerɛkyerɛ ne Apam 21:4–6

Yesu hyira me berɛ a medi Ne nkɔmhyɛni akyi.

• Berɛ a moahunu ɔfrɛ ne bɔhyɛ ahodoɔ wɔ Nkyerɛkyerɛ ne Apam 21:4–6no, wo nkwadaa bɛtumi ahwɛ nkɔmhyɛni a ɔwɔ hɔ seesei mfonini na wɔakyɛ biribi a wɔasua anaasɛ ate afiri ne hɔ. Mo ne mo ho nkyɛ akwan afoforɔ a Yesu Kristo ahyira mo sɛ moredi Ne nkɔmhyɛni akyi.

Wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Oliver Cowdery Hyɛ Joseph Smith Sɔfoɔ, ɛfiri Walter Rane hɔ