17– 23: “Hwehwɛ Wiase Papa mu Nneɛma”

Nkyerɛkyerɛ ne Apam 23–26

De ma nkorɔfoɔ bebree no, wɔrebɔ wo asu yɛ obuo ne asomdwoeɛ suahunu. Nanso, Emma Smith ne afoforɔ asubɔ no, basabasayɛfoɔ kuo bi seree wɔn, sɛee no, hunahunaa wɔn, na wɔhyɛɛ wɔn maa wɔdwaneeɛ. Akyire yi, Joseph yɛɛ sɛ ɔrehyɛ asɔremma afoforɔ no den pɛ, na wɔkyeree no sɛ ɔde ne nsɛmpaka no rehyɛ kuro no abofuo. Wɔ saa sɔretia yi nyinaa akyi, ɛyɛɛ dɛn na Emma nyaa ahotosoɔ sɛ na ɔreyɛ deɛ ɛtene? Beaeɛ korɔ no ara yɛn nyinaa bɛtumi ahunu—ɛnam adiyisɛm a ɛfiri Awurade. Ɔkasa kyerɛɛ Emma faa “[wiase] papa mu nneɛma ho”—N’ahemman—ne ne daberɛ wɔ mu. Ɔka kyerɛɛ no sɛ mma ɔnsuro sɛ “ɔbɛpaga n’akoma na wadi ahurusie,” na “wabata apam a [wa] yɛ no.” Na saa nkuranhyɛ nsɛm ne afotuo yi yɛ Ne “nne ma obiara” (Nkyerɛkyerɛ ne Apam 25:9–10, 13, 16).

San hwɛ Ahotefoɔ, 1:89–90, 94–97.

Nsusuiɛ ma Efie ne Asɔre Adesua

Nkyerɛkyerɛ ne Apam 24

Agyenkwa no bɛtumi “apagya me afiri [m’] amanehunu mu.”

Adiyisɛm a ɛwɔ Nkyerɛkyerɛ ne Apam 24 no wɔde maa sɛ “ɛnhyɛ den, ɛnhyɛ nkuran, na ɛnkyerɛkyerɛ” Joseph Smith ne Oliver Cowdery wɔ sɔhwɛ berɛ mu (ɔfa atifiasɛm; san hwɛ Ahotefoɔ, 1:94–96). Hwɛ nsɛm wɔ Nkyerɛkyerɛ ne Apam 24 a wote nka sɛ na ɛbɛhyɛ wɔn den na ahyɛ wɔn nkuran.

Deɛn na twerɛnsɛm a ɛdidi soɔ yi susu kyerɛ wo fa sɛdeɛ Agyenkwa no boa wo wɔ wo haw mu?

Nkyerɛkyerɛ ne Apam 24:1–3

Nkyerɛkyerɛ ne Apam 24:8

Nkyerɛkyerɛ ne Apam 121:7–8

Yesaia 40:28–31

Mosiah 24:14–15

Nkyerɛmu firi Ɔsaa Bebree Nnyarewa Ahodoɔ, ɛfiri J. Kirk Richards hɔ

Nkyerɛkyerɛ ne Apam 25

Mewɔ adwuma a ɛho hia yɛ wɔ Onyankopɔn ahemman mu.

Berɛ a Emma Smith hwɛɛ sɛ Mmaeɛ bio no nam ne kunu, Joseph Smith so reda adi no, ebia ɔdwenee sɛdeɛ n’adwuma bɛyɛ ho. Hwehwɛ mmuaeɛ a Onyankopɔn de maeɛ wɔ Nkyerɛkyerɛ ne Apammu. Wohunu biribi wɔ saa ɔfa yi mu a wote nka sɛ ɛyɛ Ne “nne de ma [wo]”? (nkyekyɛmu 16).

San hwɛ “Ɔbaa a Wɔayi No” (sini), Asɛmpa Akoraeɛ; “Woyɛ Ɔbaa a Wɔayi Wo,” wɔ Revelations in Context, 33–39; Joy D. Jones, “An Especially Noble Calling,” Liahona, Kɔtɔnima 2020, 15–18.

"An Elect Lady"

(D&C 25:2-3) Video portraying events in the life of Emma Smith.

Nkyerɛkyerɛ ne Apam 25:5, 14

“Toaso wɔ honhom mu ɔdwoɔ mu.”

Dɛen na kasasini “honhom mu ɔdwoɔ” kyerɛ wo? Dwene hwehwɛ ɔfa 25 mu nsɛmfua ne kasasini a ɛboa ma wote ɔdwoɔ ase. Elder David A. Bednar nkrasɛm “Akoma a Ɛdwoɔ na Ɛba fam” bɛtumi aboa yɛn (Liahona, Kɔtɔima 2018, 30–33). Sɛn na Yesu Kristo yɛ ɔdwoɔ nhwɛsoɔ de ma wo? (hwɛ Mateo 11:28–30). Dwene nneɛma a ɛwɔ w’abrabɔ mu a wobɛtumi ayɛ “wɔ honhom mu ɔdwoɔyɛ mu.”

Nkyerɛkyerɛ ne Apam 25:10, 13

“Fa wiase yi mu nneɛma to nkyɛn, na hwehwɛ papa mu nneɛma.”

Berɛ a wodwene Awurade afotuo a ɛwɔ Nkyerɛkyerɛ ne Apam 25:10no, ɛbɛtumi aboa sɛ wotwerɛ “wiase yi mu nneɛma” a ɔpɛ sɛ wode “to nkyɛn.” Afei wobɛtumi atwerɛ “[wiase] papa mu nneɛma” a Ɔpɛ sɛ wohwehwɛ. Wobɛtumi ayi anyɛ koraa adeɛ baako afiri nneɛma a wodii kan twerɛeɛ a wode bɛto nkyɛn no mu ne adeɛ baako nso afiri deɛ wobɛhwehwɛ no mu.

Titenani Russell M. Nelson ama afotuo ne bɔhyɛ afa wiase yi mu nneɛma bebree a “[yɛde to nkyɛn] ho.” Hwehwɛ firi krataafa 77 wɔ ne nkrasɛm no mu “Honhom Ahonyadeɛ” (Liahona, Obubuo 2019). Sɛn na wobɛsi adi nafotuo no so?

Berɛ a wokenkan nkyekyɛmu 13no, dwene apam a wo ne Ɔsoro Agya ne Yesu Kristo ayɛ ho. Deɛn na “bata” saa apam yi ho asekyerɛ? Sɛn na w’apam boa wo ma wode “wiase yi mu nneɛma to nkyɛn, na wo hwehwɛ papa mu nneɛma”?

Twerɛnsɛm afoforɔ a ɛbɛtumi aboa wo ma woanya nhunumu fa “wiase yi mu nneɛma” ne “papa mu nneɛma” ntam nie: Mateo 6:19, 21, 25–34; Luka 10:39–42; 2 Nephi 9:51.

San hwɛ Tinsɛm ne Nsɛmmisa, “Afɔrebɔ,”Asɛmpa Akoraeɛ.

Frɛ ɔkyɛ. Sɛ worekyerɛ afoforɔ fa sɛdeɛ wɔde “wiase yi mu nneɛma bɛto nkyɛn” a, dwene akwan a wobɛfa so ama wɔakyɛ deɛ wɔreyɛ de adi saa afotuo yi so. Yɛbɛtumi atwe ahoɔden kɛseɛ ne akokoɔduro afiri yɛn ho yɛn ho nhunumu ne suahunu mu.

Nkyerɛkyerɛ ne Apam 25:11–12

Awurade ani gye wɔ “m’akoma mu nnwom ho.”

Deɛn ne w’a “koma mu dwom [nnwom]”—no bi, nnwom a ɛkyerɛ w’atenka fa Ɔsoro Agya ne Yesu Kristo ho? Dwene ho to anaasɛ tie kakra bi. Deɛn na ɛwɔ saa nnwom yi ho a ɛyɛ sononko ma wo?

Wobɛtumi nso adwene sɛdeɛ saa nnwom yi te sɛ mpaebɔ ho. Deɛn twaka na ɛda nnwom kronkron ne mpaebɔ ntam? Sɛn na “wɔde nhyira abua” wo nnwom kronkron?

San hwɛ “O, Akoma mu Nnwom Bɛn,” Nnwom, no. 286.

Nkyerɛkyerɛ ne Apam 26:2

“Wɔbɛyɛ nneɛma nyinaa adwenkorɔ mu wɔ asɔre no mu.”

Kasasini “adwenkorɔ” a ɛwɔ saa nkyekyɛmu yi mu kyerɛ dwumadie a yɛyɛ de pagya yɛn nsa de kyerɛ sɛ yɛboa anaasɛ yɛtaa obi a ɔregye ɔfrɛ anaasɛ asɔfodie hyɛ bi akyi. Sɛn na wobɛkyerɛkyerɛ mu akyerɛ ɔhɔhoɔ a waba Asɔre nhyiamu berɛ a yɛretaa obi akyi? Deɛn mmuaeɛ na wonya firi Titenani Henry B. Eyring nkrasɛm “Gyidie mu Kura Tumi mu”? (Liahona, Kɔtɔnima 2019, 58–60).

Worepɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Nsusuiɛ ma Nkwadaa Adekyerɛ

Nkyerɛkyerɛ ne Apam 24:1, 8

Agyenkwa no bɛtumi “apagya me afiri [m’] amanehunu mu.”

• Sɛ wopɛ sɛ wosua fa amanehunu ne ɔhaw ahodoɔ a Joseph Smith ne kane Ahotefoɔ hyiaae a, wobɛtumi ahwehwɛ “Tire 11: Nkorɔfoɔ Bebree Dɔmm Asɔre no,” wɔ Nkyerɛkyerɛ ne Apam Abasɛm, 46–47, anaasɛ sini a ɛne no kɔ wɔ Asɛmpa Akoraeɛ. Afei wo ne wo nkwadaa bɛtumi ahunu deɛ Awurade ka kyerɛɛ Joseph fa n’amanehunu ho wɔ Nkyerɛkyerɛ ne Apam 24:1, 8. Mo ne mo ho nso bɛtumi akyɛ sɛdeɛ Awurade boa mo wɔ mmerɛ a ɛmu yɛ den mu.

  Chapter 11: More People Join the Church: April–June 1830

• Sɛdeɛ wobɛsua “aboterɛ wɔ [yɛn] amanehunu mu” asekyerɛ no, wo ne wo nkwadaa bɛtumi asan ayɛ nhwehwɛmu a ɛwɔ sini “Continue in Patience” mu no foforɔ (Asɛmpa Akoraeɛ). Deɛn na Nkyerɛkyerɛ ne Apam 24:8 kyerɛ yɛn fa aboterɛ ho? Sɛn na Agyenkwa no ma yɛhunu sɛ “Ɔka [yɛn ho” wɔ amanehunu berɛ mu?

  Continue in Patience

  Patience requires that we obey God's commandments and faithfully wait for His will to be fulfilled.

Nkyerɛkyerɛ ne Apam 25:11–12

Yesu dɔ “akoma mu nnwom.”

• Moakenkan Nkyerɛkyerɛ ne Apam 25:12, akyi no, mobɛtumi aka akyerɛ mo ho afa mo nnwom anaasɛ Asɔre dwom a mopɛ—mo “akoma so dwom”—na moto abɔ mu. Mo ne mo ho nkyɛ deɛ nti a mopɛ saa nnwom no. Adɛn nti na Awurade anigye berɛ a yɛto saa nnwom yinom. Sɛn na yɛn nnwontoɔ te sɛ “mpaebɔ ma [No]”?

Nkyerɛkyerɛ ne Apam 25:13, 15

Apam a me ne Ɔsoro Agya wɔ de anigyeɛ brɛ me.

• Sɛdeɛ wobɛte “bata apam no ho” asekyerɛ no (Nkyerɛkyerɛ ne Apam 25:13), wo nkwadaa bɛtumi asɔ biribi mu dendeeden sɛdeɛ wɔbɛtumi mmaako mmaako. Afei wo ne wo nkwadaa bɛtumi akasa afa sɛdeɛ “bata” anaasɛ sɔ w’apam mu yie ase kyerɛ ho. Sɛ ɛbɛhia a, wo ne wo nkwadaa nhwehwɛ apam a yɛyɛ mu (hwɛ Mosiah 18:8–10; Nkyerɛkyerɛ ne Apam 20:37; ne nnawɔtwe yi mu dwumadie krataafa).

• Sɛdeɛ wobɛma wo nkwadaa nnyinasoɔ ama Nkyerɛkyerɛ ne Apam 25:13, wobɛtumi ada no adi sɛ yei yɛ adeɛ a Awurade ka kyerɛɛ Emma Smith berɛ a ɔbɔɔ asu akyi no. Adɛn nti na yei bɛyɛ afotuo papa ama obi a ɔbɔɔ asu nkyɛreeɛ?

Wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Emma Nnwom, ɛfiri Liz Lemon Swindle hɔ