Ɔbɛnem 31–Oforisuo 6: “Yesu Kristo Bɛboaboa Ne Nkorɔfoɔ Ano”

Nkyerɛkyerɛ ne Apam 29

Ɛwom sɛ na wɔahyehyɛ Yesu Kristo Asɔre no wɔ 1830 mu deɛ, nanso na wɔnnaa asɛmpa nokorɛ bebree adi, na na kane Asɔremma no bebree wɔ nsɛmmisa. Na wɔakenkan nkɔmhyɛ ahodoɔ wɔ Mormon Nwoma no mu fa Israel anoboaboa ne Sion kyekyere ho (hwɛ 3 Nephi 21). Na sɛn na ɛbɛsie? Adiyisɛm a Hiram Page kaa sɛ wanya no de nsusuiɛ hunu baa asɛm no so maa asɔremma no nsekuro dɔɔso (hwɛ Nkyerɛkyerɛ ne Apam 28). Nkorɔfoɔ afoforɔ nso ho dwirii wɔn fa Adam ne Hawa Ahweaseɛ ne honhom mu wuo no ho. Awurade sɔɔ saa nsɛmmisa yi mu wɔ 1830, na Ɔsɔ yɛn nsɛmmisa mu ɛnnɛ. “Adeɛ biara a wobɛbisa wɔ gyidie mu no,” Ɔka kyerɛɛ N’Ahotefoɔ, “sɛ moyɛ baako wɔ mpaebɔ mu sɛdeɛ m’ahyɛdeɛ teɛ a, mo nsa bɛka” (Nkyerɛkyerɛ ne Apam 29:6). Anokwa, sɛdeɛ adiyisɛm nkyerɛkyerɛmu a ɛmu dɔ wɔ Nkyerɛkyerɛ ne Apam 29 kyerɛ no, ɛtɔ da a Awurade bua yɛn nsɛmmisa berɛ a ɔma yɛn nokorɛ ne nimdeɛ a ɛboro deɛ yɛbisa no so.

Nsusuiɛ ma Efie ne Asɔre Adesua

Nkyerɛkyerɛ ne Apam 29

Ɔsoro Agya wɔ nhyehyɛeɛ ma Ne mma nkwagyeɛ.

Nkyerɛkyerɛ ne Apam 29 kyerɛkyerɛ nokorɛ bebree fa Onyankopɔn nhyehyɛeɛ a Ɔwɔ ma wo ho. Berɛ a wokenkan no, hwehwɛ nokorɛ a wosua fa Ne nhyehyɛeɛ no mu afa bi a ɛdidi soɔ yi ho:

• Ansa na ɛwuo asetena mu (hwɛ nkyekyɛmu 36–37)

• Adebɔ (hwɛ nkyekyɛmu 31–33)

• Adam ne Hawa Ahweaseɛ (hwɛ nkyekyɛmu 40–41)

• Ɛwuo asetena mu (hwɛ nkyekyɛmu 39, 42–45)

• Yesu Kristo Mpata no (hwɛ nkyekyɛmu 1, 42–43, 46–50)

• Owusɔreɛ no (hwɛ nkyekyɛmu 13, 26)

• Atemmuo a Ɛtwa toɔ no (hwɛ nkyekyɛmu 12–13, 27–30)

Nhunumu bɛn na wonyaeɛ? Sɛ ɛbɛboa wo a, wobɛtumi atwerɛ ato hɔ wɔ beaeɛ a wɔagya hɔ a mfonini a ɛwɔ nhyehyɛeɛ yi awieeɛ ka ho no. Sɛn na saa nokorɛ yi wɔ nkɛntɛnsoɔ wɔ w’abrabɔ mu?

San hwɛ Tinsɛm ne Nsɛmmisa, “Nkwagyeɛ Nhyehyɛeɛ,”Asɛmpa Akoraeɛ.

Nkyerɛmu firi Bra Me nkyɛn, ɛfiri Jenedy Paige hɔ

Nkyerɛkyerɛ ne Apam 29:1–28

Yesu Kristo frɛ me sɛ memmɛboa mmoaboa Ne nkorɔfoɔ ano ansa na Ne Mmaeɛ Mmienu no.

Yesu Kristo kasa fa Ne nkorɔfoɔ anoboaboa ho sɛ “sɛ akokɔ baatan boa ne mma ano wɔ ne ntaban ase” (Nkyerɛkyerɛ ne Apam 29:2). Deɛn na saa ntotoho yi kyerɛ wo fa Yesu Kristo ho? Deɛn adwennwene anaasɛ nsusuiɛ na wonya berɛ a wosua akokɔ baatan ne ne mma nkyerɛkyerɛmu wɔ saa nhyhyɛeɛ yi mu? Dwene sɛdeɛ woate nka sɛ Yesu Kristo reboa wo ano na ɔrebɔ wo ho ban ho.

Berɛ a wokenkan Nkyerɛkyerɛ ne Apam 29:1–11no, hwehwɛ nhunumu fa:

• Ɛhefoɔ na wɔbɛboaboa wɔn ano.

• Deɛ “boa ano” ma Kristo ase kyerɛ.

• Deɛ nti a yɛboa ano ma No.

Dwene deɛ nti a wopɛ sɛ afoforɔ boa ano ma Yesu Kristo ho. Deɛn na wonya nkanyan sɛ woyɛ de boa?

Wobɛtumi abisa wo ho nsɛmmisa korɔ no berɛ a worehwɛ sini “Onyankopɔn Adanseni” (Asɛmpa Akoraeɛ) anaasɛ kenkan anaasɛ tie dwom bi a ɛfa anoboaboa ho, te sɛ, “Israel, Israel, Onyankopɔn Refrɛ” (Nnwom, no. 7). Deɛn na wote nka sɛ Awurade rebɔ mmɔden akyerɛkyerɛ wo fa N’anoboaboa adwuma no ho?

A Witness of God

Elder Neil L. Andersen describes how all of God's children are pieces of a large puzzle in preparation for the Second Coming of Jesus Christ.

Titenani Russell M. Nelson kaa sɛ: “Seesei anoboaboa no kɔ so wɔ ɔman biara mu. Awurade ahyɛ Sion nkyekyereɛ wɔ ahemman biara mu baabi a Wama N’Ahotefoɔ no wɔn awoɔ ne aman a wɔfiri mu” (“Israel a Wɔahwete no Anoboaboa,” Liahona, Obubuo 2006, 81). Sɛn na anoboaboa wɔ saa kwan yi so boa ma yɛn “yɛ ahoboa wɔ nneɛma nyinaa mu” ma Agyenkwa no Mmaeɛ a Ɛtɔ so Mmienu no? (nkyekyɛmu 8; san hwɛ nkyekyɛmu 14–28).

San hwɛ Russell M. Nelson ne Wendy W. Nelson, “Israel Anidasoɔ” (worldwide youth devotional, Ayɛwohomumɔ 3, 2018), Asɛmpa Akoraeɛ; D. Todd Christofferson, “The Doctrine of Belonging,” Liahona, Obubuo 2022, 53–56; Tinsɛm ne Nsɛmmisa, “Israel Anoboaboa,” Asɛmpa Akoraeɛ.

Nkyerɛkyerɛ ne Apam 29:31–35

“Nneɛma nyinaa yɛ honhom ma me.”

Berɛ a wosua Nkyerɛkyerɛ ne Apam 29:31–35no, bisa wo ho, “Wɔ kwan bɛn so na mmaransɛm nyinaa yɛ honhom?” Wobɛtumi atwerɛ mmaransɛm kakra na woadwene honhom mu nokorɛ a ɛne ɛmu biara wɔ twaka. Nhwehwɛmu ma De ma Mmabunu Ahoɔden: Kwankyerɛ a Wɔde Yi Nneɛma a Wɔpɛ bɛtumi aboa—ɛkyerɛkyerɛ ɛnniawieeɛ nokorɛ no bi a ɛtaa Onyankopɔn mmaransɛm no pii akyi.

Sɛn na worehunu sɛ “nneɛma nyinaa yɛ honhom” nya nsunsuansoɔ wɔ sɛdeɛ wohunu Onyankopɔn mmaransɛm so? Dwene ho hwehwɛ honhom mu nteaseɛ anaasɛ botaeɛ wɔ nneɛma afoforɔ mu wɔ w’abrabɔ mu nso.

San hwɛ 2 Nephi 9:39.

Ma W’adwene Nkɔ Yesu Kristo So “Asɛmpa tiasɛm biara [yɛ] akwanya a yɛde kyerɛkyerɛ na yɛsua fa Yesu Kristo” ho (Rekyerɛkyerɛ wɔ Agyenkwa no Kwan so, 6). Deɛn na wosua fa Ne su ahodoɔ, Ne nnwuma, ne Ne nhwɛsoɔ ho berɛ a wokenkan Nkyerɛkyerɛ ne Apam 29?

Nkyerɛkyerɛ ne Apam 29:36–50

Yesu Kristo gye yɛn firi Ahweaseɛ no mu.

Sɛn na wobɛtumi de Nkyerɛkyerɛ ne Apam 29:36–50 akyerɛkyerɛ deɛ nti a yɛhia ɔgyeɛ nam Yesu Kristo so?

Adam ne Hawa Ahweaseɛ no de owuo ne bɔne baa wiase, nanso ɛsan nso siesiee kwan maa ɔgyeɛ ne anigyeɛ nam Kristo so. Saa nsusuiɛ no wɔ adwene mu no, kenkan nkyekyɛmu 39–43 na twerɛ nsɛmfua ne kasasin a ɛbrɛ wo anigyeɛ. Deɛn na ɛsɔ w’ani fa deɛ Adam ne Hawa ka faa Ahweaseɛ no ho wɔ Moses 5:10–12?

San hwɛ “Deɛ Nti a Yɛhia Agyenkwa bi” (sini), Asɛmpa Akoraeɛ.

Why We Need a Savior

What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

Worepɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Nsusuiɛ ma Nkwadaa Adekyerɛ

Nkyerɛkyerɛ ne Apam 29

Ɔsoro Agya wɔ nhyehyɛeɛ ma Ne mma nkwagyeɛ.

• Sɛdeɛ wobɛhyɛ nkɔmmɔdie ase fa Ɔsoro Agya nhyehyɛeɛ a ɔwɔ ma yɛn ho no, wo ne wo nkwadaa bɛtumi akasa afa berɛ bi a moyɛɛ nhyehyɛeɛ bi, te sɛ akwantuo anaasɛ deɛ mode rewie dwumadie bi. Wobɛtumi nso akyɛ nhyehyɛeɛ nhwɛsoɔ, te sɛ asranaa bi a wɔatwerɛ dwumadie anaasɛ nkyerɛkyerɛ a wɔde yɛ biribi wɔ so. Adɛn nti na nhyehyɛeɛ ho hia? Afei mobɛtumi akasa afa deɛ Ɔsoro Agya pɛ sɛ ɔwie ne sɛdeɛ Ne nhyehyɛeɛ no boa yɛn ma yɛwie no.

• Wobɛtumi de mfonini ahodoɔ a ɛwɔ nhyehyɛeɛ yi mu aboa ma wo nkwadaa ahwehwɛ nkyekyɛmu ahodoɔ wɔ Nkyerɛkyerɛ ne Apam 29 a ɛkyerɛ Ɔsoro Agya nhyehyɛeɛ a ɔwɔ ma yɛn no afa bi. Wobɛtumi atwitwa mfonini no na woama wo nkwadaa no ahyehyɛ no yie. Adɛn na yɛde aseda ma Ɔsoro Agya sɛ ɔwɔ nhyehyɛeɛ ma yɛn? Sɛn na nim a yɛnim fa ho nya nsunsuansoɔ wɔ yɛn daadaa abrabɔ mu?

Nkyerɛkyerɛ ne Apam 29:1–2, 7–8

Yesu Kristo reboa Ne nkorɔfoɔ ano ansa na Waba bio.

• Nkyerɛmu a ɛwɔ aseɛ yi fa akokɔ baatan a ɔreboa ne mma ano anaasɛ sini “Nkokɔmma ne Nkokɔmmaa” (ChurchofJesusChrist.org) bɛtumi aboa wo nkwadaa ma wɔayɛ mfonini wɔ adwenemu nsɛdie wɔ Nkyerɛkyerɛ ne Apam 29:1–2. Afei mobɛtumi akenkan saa nkyekyɛmu ahodoɔ yi abom na moakasa afa sɛdeɛ akokɔ baatan bɔ ne mma ho ban ne sɛdeɛ ɛsɛ deɛ Agyenkwa no bɛtumi ayɛ ama yɛn.

  Chicks and Hens

  

  Mɛboaboa Mo Ano, ɛfiri Liz Lemon Swindle hɔ

• Deɛn na ɛbɛkanyan wo nkwadaa ama wɔapɛ sɛ wɔbɛboa Agyenkwa no aboa Ne nkorɔfoɔ ano? Ebia wɔbɛpɛ sɛ wɔtie obi a “ɔboaa ano” maa No berɛ a ɔbɛkaa Asɔre no ho suahunu. Nhwɛsoɔ, hwan na ɔde Asɔre no kyerɛɛ w’abusua no? Sɛn na wɔasi ahyira yɛn berɛ a yɛgye Agyenkwa no frɛ sɛ yɛmmoa ano mma No? Sɛn na yɛbɛtumi aboa afoforɔ ma wɔaboa ano ama No? (Hwɛ “Nkwadaa nkrasɛm bi a ɛfiri Titenani Russell M. Nelson” hɔ [sini], ChurchofJesusChrist.org.)

  Video: A Message for Children from President Russell M. Nelson

  In the 2021 Friend to Friend event, President Russell M. Nelson gave this message to children around the world.

Nkyerɛkyerɛ ne Apam 29:11

Yesu Kristo bɛba bio.

• Agyenkwa no Mmaeɛ a Ɛtɔ so Mmienu (te sɛ Gospel Art Book, no. 66) anaasɛ dwom bi a ɛfa ho (te sɛ “Sɛ Ɔba Bio a,” Nkwadaa Nnwomnwoma, 82–83) bɛtumi aboa wo ne wo nkwadaa apɛnsɛmpɛnsɛm Nkyerɛkyerɛ ne Apam 29:11. Boa wo nkwadaa ma wɔnhunu kasasin ahodoɔ wɔ twerɛsɛm no mu a ɛne biribi a ɛwɔ mfonini anaasɛ dwom no mu wɔ twaka. Mo ne mo ho nkyɛ atenka a monya fa Yesu Kristo a ɔreba asase so bio ho.

Wopɛ nsusuiɛ bebree a, hwɛ bosome yi Adamfoɔ nsɛmma nwoma mu.