Kurume 17–23: “Tsvaka Zvinhu zveNyika Irinani”

Dzidziso neZvibvumirano 23–26

Kuvanhu vazvinji, kubhabhatidzwa chiitiko chinoremekedzwa, cherunyararo. Rubhabhatidzo rwaEmma Smith nevamwe, zvisinei, rwakavhiringidzwa nemhomho yakavatuka, nokuvatyisidzira, uye nokuvamanikidza kuti vatize. Pashure, apo Joseph Smith paakanga ava kuda kusimbisa nhengo itsva idzi, akasungirwa kuti aiva atsamwisa vagari vemunzanga nekuparidza kwake. Mupikiso yose iyi, Emma aizokwanisa kuwana sei rusimbiso rwekuti aiita chinhu chakanaka? Nzvimbo imwecheteyo tinokwanisa kuiwana tose—kuburikidza nezvakazarurwa zvinobva kuna Ishe Vakataura kuna Emma pamusoro “pezvinhu [zvenyika] iri nani”—umambo Hwavo—uye nzvimbo yake mahwuri. Vakamuudza kuti asatya, kuti “asimudze mwoyo [wake] afare,” uye kuti “abatirire kuzvibvumirano [izvo zvaakanga] aita.” Uye mashoko aya ekurudziro uye rairo ndiwo “inzwi Ravo kuna vose” (Dzidziso neZvibvumirano 25: 9–10, 13–16).

Onawo Saints [Vatendi], 1:89-90, 94–97.

Mazano eKudzidza Kumba uye kuChechi

Dzidziso neZvibvumirano 24

Muponesi anokwanisa kundisimudza “kubva mumatambudziko [angu].”

Zvakazarurwa zviri muDzidziso neZvibvumirano 24 zvakapuwa kuitira “kusimbisa, kukurudzira, uye kurairidza” Joseph Smith naOliver Cowdery munguva yavo yekuedzwa (musoro wechikamu; onawo Saints, 1:94–96). Tsvaka mashoko muDzidziso neZvibvumirano 24 aunonzwa kuti aizova anosimbisa nekukurudzira kwavari.

Zvinyorwa zvitsvene zvinotevera zvinopa pfungwa yokutii kwauri pamusoro pemabatsirirwo aunoitwa neMuponesi nezvinetso zvako?

Dzidziso neZvibvumirano 24:1–3

Dzidziso neZvibvumirano 24:8

Dzidziso neZvibvumirano 121:7–8

Muporofita Isaya 40:28–31

Mosaya 24:14–15

Chikamu chakabvakuHe Healed Many of Diverse Diseases [Akaporesa Vakawanda kubva kuZvirwere Zvakasiyana–siyana], naJ. Kirk Richards

Dzidziso neZvibvumirano 25

Ndine basa rakakosha rekuita muumambo hwaMwari.

Apo Emma Smith paakatarisa Kudzorerwa kuchiitika kuburikidza nemurume wake, Joseph Smith, angangova akazvibvunza kuti basa rake ringava rei. Tsvaka mhinduro dzakapuwa naMwari muDzidziso neZvibvumirano 25 Pane chimwe chinhu chaunowana here muchikamu chino chaunonzwa kuti “inzwi Ravo [kwauri]”? (ndima 16).

-

"An Elect Lady"

(D&C 25:2-3) Video portraying events in the life of Emma Smith.

Dzidziso neZvibvumirano 25:5, 14

“Ramba uri mumweya weunyoro.”

Ndevo yekuti “mweya weunyoro” inorevei kwauri? Funga pamusoro pekutsvagurudza muchikamu 25 mashoko nendevo dzinokubatsira kunzwisisa izvo zvazvinoreva kuva munyoro. ­ Jesu Kristu muenzaniso weunyoro sei kwauri? (ona Mateo 11:28–30). Funga pamusoro pezvinhu muupenyu hwako zvaunokwanisa kuita “uri mumweya weunyoro.”

Dzidziso neZvibvumirano 25:10, 13

“Isa parutivi zvinhu zvenyika ino, uye wotsvaka zvinhu zveirinani.”

Apo paunofungisisa rairo yaIshe muDzidziso neZvibvumirano 25:10, zvingangobatsira kunyora mudorongodzwa “wezvinhu zvenyika ino” zvaVanoda kuti “uise parutivi.” Zvino unokwanisa kunyora mudorongodzwa “wezvinhu [zvenyika] irinani” zvaVanoda kuti utsvake. Ungangosarudza chinhu chimwechete zvacho kubva pamudorongodzwa wekutanga chaunozoisa parutivi uye chinhu chimwechete kubva pamudorongodzwa wechipiri chaunozotsvaka.

Mutungamiri Russell M. Nelson vakapa rairo nevimbiso pamusoro “[pekuisa] parutivi zvinhu zvizvinji zvenyika ino.” Itsvake papeji 77 yeshoko ravo “Spiritual Treasures” (Liahona, Mbudzi 2019). Unozotevera sei rairo yavo?

Apo paunoverenga ndima 13, funga pamusoro pezvibvumirano zvawakaita naBaba Vokudenga uye naJesu Kristu. Zvinorevei “kubatiria” pazvibvumirano izvi? Zvibvumirano zvako zvinokubatsira sei “kuisa parutivi zvinhu zvenyika ino, uye wotsvaka zvinhu zveirinani?

Hezvino zvimwe zvinyorwa zvitsvene zvinokwanisa kukubatsira kuziva pakati “pezvinhu zvenyika ino” uye “zvinhu zveirinani”: Mateo 6:19, 21, 25–34; Ruka 10:39–42; 2 Nifai 9:51.

Onawo Topics and Questions, “Sacrifice [Kuzvipira],” Gospel Library.

Koka kugovera. Kana urikudzidzisa vamwe pamusoro “pekuisa parutivi zvinhu zvenyika ino,” funga pamusoro penzira dzekuvakoka kuti vagovere zvavari kuita kuti vatevere rairo iyi. Tinokwanisa kuwana simba guru uye ushingi kubva mukunzwa nzwisiso uye zviitiko zvemumwe nemumwe wedu.

Dzidziso neZvibvumirano 25:11–12

Ishe vanofadzwa “nerumbo rwangu rwepamwoyo.”

Ndedzipi dzimwe “[dzimbo] dzako dzepamwoyo”—dzimbo dzinoratidza manzwiro ako pamusoro paBaba Vekudenga kana Jesu Kristu? Funga pamusoro pekuimba kana kuteerera kune shoma dzadzo. Chii chiri pamusoro pedzimbo idzi chinoita kuti dzive dzakakosha kwauri?

Ungangofungisisawo kuti nziyo idzi dzakaita sokunge munamato sei. Chii chakafanana munziyo dzinoera nemuminamato? Dzimbo dzako dzinoera “dzakapindurwa sei neropafadzo”?

­

Dzidziso neZvibvumirano 26:2

“Zvinhu zvose zvichaitwa nebvumirano yoruzhinji mukati mechechi.”

Ndevo yekuti “bvumirano yoruzhinji” mundima iyi inoreva chiito chekusimudza maoko edu kuratidza kuti tinosimbisa nekutsigira munhu ari kugamuchira daidzo kana gadzo yehupirisita. Ungatsanangura sei kumweni auya kumusangano weChechi zvazvinoreva apo patinotsigira mumwe munhu? - -

­

Mazano eKudzidzisa Vana

Dzidziso neZvibvumirano 24:1, 8

Muponesi anokwanisa kundisimudza “kubva mumatambudziko [angu].”

• - Zvino iwe nevana vako mungangowana izvo Ishe zvavakataura kuna Joseph pamusoro pematambudziko ake muDzidziso neZvibvumirano 24:1, 8. Munokwanisawo kugoverana kuti Ishe vanokubatsirai sei panguva dzakaoma.

  Chapter 11: More People Join the Church: April–June 1830

• - Chii chatinodzidziswa neDzidziso neZvibvumirano 24:8 pamusoro pemwoyo murefu? Muponesi anotizivisa sei kuti Iye “[anesu]” munguva dzematabudziko edu?

  Continue in Patience

  Patience requires that we obey God's commandments and faithfully wait for His will to be fulfilled.

Dzidziso neZvibvumirano 25:11–12

Jesu anoda “rumbo rwepamwoyo.”

• Mushure mokuverenga Dzidziso neZvibvumirano 25:12, munokwanisa kutaurirana pamusoro perwiyo kana rumbo rweChechi rwamunonyanya kufarira—“rumbo rwako rwepamwoyo”—uye modziimba pamwechete. Goveranai kuti sei muchida dzimbo idzi. Sei Ishe vachifara apo patinoimba dzimbo idzi? Kuimba kwedu kwakaita “semunamato [kwaVari] sei”?

Dzidziso neZvibvumirano 25:13, 15

Zvibvumirano zvangu naBaba Vokudenga zvinondiunzira mufaro.

• Kuti vanzwisise zvazvinoreva “kubatirira pazvibvumirano” (Dzidziso neZvibvumirano 25:13), vana vako vanokwanisa kutora mijana kubatirira pane chimwe chinhu zvakasimbisisa zvavanokwanisa. Zvino iwe navana vako munokwanisa kutaura pamusoro pokuti “munobatirira” kana kutsungirira pazvibvumirano zvenyu sei. Kana zvichidikanwa, wongorora nevana vako zvibvumirano zvatinoita (ona Mosaya 18:8–10; Dzidziso neZvibvumirano 20:37; uye peji yechiitwa yesvondo rino).

• Kuti upe vana vako mamiriro ezvinhu Dzidziso neZvibvumirano 25:13, ungangonongedza kuti ichi ndicho chimwe chinhu icho Ishe chavakaudza Emma Smith mushure merubhabhatidzo rwake. Sei iyi ichiva rairo yakanaka kune mumwe munhu akabhabhatidzwa munguva ichangopfuura?

­

Emma’s Hymns [Nziyo dzaEmma], naLiz Lemon Swindle