Kurume 24–30: “Zvinhu Zvose Zvinofanira Kuitwa neHurongwa”

Dzidziso neZvibvumirano 27–28

Zvakazarurwa zvakanga zvichiri pfungwa itsva kuVatendi apo Kudzorerwa pakwaienderera mberi nekuitika. Nhengo dzeChechi dzokutanga dzaiziva kuti Muporofita Joseph Smith vaikwanisa kugamuchira zvakazarurwa zveChechi. Asi vamwe vaikwanisawo here? Mibvunzo yakadai yakava inokosha apo Hiram Page, mumwe weZvapupu Zvisere zvemahwendefa egoridhe, paakatenda kuti akanga atambira zvakazarurwa zveChechi. Vatendi vakawanda vakabvuma kuti zvakazarurwa izvi zvaibva kuna Mwari. Ishe vakapindura nekudzidzisa kuti muChechi Yavo “zvinhu zvose zvinofanira kuitwa nehurongwa” (Dzidziso neZvibvumirano 28:13). Izvi zvaireva kuva nemunhu mumwechete “anogadzwa kugamuchira mirairo nezvakazarurwa” zveChechi yose.(Dzidziso neZvibvumirano 28:2). Vamwe, zvisinei, vaikwanisa kugamuchira zvakazarurwa zvavo pachavo zvechikamu chavo mubasa raIshe. Muchokwadi, mashoko aIshe kuna Oliver Cowdery iyeuchidzo kwatiri tose yokuti: “Zvichapuwa kwauri … iwe zvaunofanira kuita” (Dzidziso neZvibvumirano 28:15

-

Mazano eKudzidza Kumba uye kuChechi

Dzidziso neZvibvumirano 27:1–4

Ndinotora sakaramende mukurangarira Jesu Kristu.

Sally Knight naEmma Smith vakabhabhatidzwa muna Chikumi 1830, asi kusimbiswa kwavo kwakavhiringidzwa nemhomho. Mushure memwedzi miviri, Sally nemurume wake, Newel, vakashanyira Emma naJoseph, uye zvakasarudzwa kuti zvino vaizosimbiswa uye kuti boka iroro raizotora sakaramende pamwechete. Apo paakanga ari munzira kunotora waini yesakaramende, Joseph akamiswa nengirozi.

Verenga Dzidziso neZvibvumirano 27:1–4 kuti uwane izvo ngirozi zvayakamudzidzisa pamusoro pesakaramende. Ndima idzi dzinopa pfungwa ipi pamusoro pemagadziriroayo Muponesi aanoda kuti uite pakutora sakaramende? Unofunga zvinorevei kutora “neziso rakanangisa chete kukubwinya [Kwake]”? Fungisisa izvi—uye wotsvaka dzimwe nzwisiso pamusoro pesakaramende—apo paunoverenga Ruka 22:19–20 uye 3 Nifai 18:1–11. (Onawo mavhidiyo “The Last Supper,” “Jesus Christ Blesses Bread in Remembrance of Him,” and “Jesus Christ Blesses Wine in Remembrance of Him,” Gospel Library).

The Last Supper

Meeting in an upper room with His disciples, Jesus washes their feet, institutes the sacrament, and commands them to love one another. John 13:1–35

Jesus Christ Blesses Bread in Remembrance of Him | 3 Nephi 18:1-7

Jesus breaks bread and blesses it and commands His disciples and the multitude to eat it in remembrance of His body. He instructs them to always do this.

Jesus Christ Blesses Wine in Remembrance of Him | 3 Nephi 18:8-11

Jesus blesses the wine and commands His disciples and the multitude to drink it in remembrance of His blood. He commands them to always remember Him so they may have His Spirit.

Kuti udzidze pamusoro pekuita kuti sakaramende ive chiitiko chokunamata funga pamusoro pekunzvera shoko raGosa D. Todd Christofferson rinoti, “The Living Bread Which Came Down from Heaven” (Liahona, Mbudzi 2017, 36–39). Chii chakadzidziswa naGosa Christofferson chinokwanisa kukubatsira kunzwa rubatano rukuru neMuponesi kuburikidza nesakaramende? Fungisisa zvaunokwanisa kuita kuti ugadzirire zvirinani kutora zviratidzo zveRudzikinuro rweMuponeso uye uzvibate neruremekedzo rukuru kana chinangwa chikuru.

Funga pamusoro pekuimba, kuteerera, kana kuverenga rwiyo rwesakaramende uye wonyora pasi manzwiro ako pamusoro pekutora chinhanho muchisungo chinoera ichi.

Shandisa mumhanzi. Mumhanzi unoera unokoka Mweya kuti upupure nezve zvokwadi zvevhangeri. Unokwanisa kukubatsira kunzwisisa uye kunzwa zvokwadi izvi nenzira isingakanganwiki. Mumhanzi unobatsirawo kuita kuti kudzidza kunyanye kunakidza.

Onawo Dzidziso neZvibvumirano 20:77, 79; 59:9–13; Topics and Questions, “Sacrament [Sakaramende],” Gospel Library; “Obtaining and Retaining a Remission of Sins through Ordinances,” in David A. Bednar, “Always Retain a Remission of Your Sins,” Liohona, Chivabvu 2016, 60–62.

Always Retain a Remission of Your Sins

Elder Bednar teaches about how priesthood ordinances help us retain a remission of our sins.

Dzidziso neZvibvumirano 27:5–14

Ishe vanopa varanda Vavo makiyi ehupirisita kuti vatungamire basa Ravo.

Chii chaunoziva pamusoro pevaporofita vakataurwa mundima idzi? Unokwanisa kutsvagurudza ruzivo pamusoro pavo muNhungamiro kuMagwaro Matsvene. Ndeapi maropafadzo awakazarurirwa kuburikidza nemakii aiva nevaporofita aya?

Dzidziso neZvibvumirano 27:15–18

Nguo yedziviriro yaMwari inondibatsira kukunda zvakaipa.

Mutungamiri Russel M. Ballard vakati: “Hakuna chinhu chimwechete chikurusa uye chinoshamisisa chatinokwanisa kuita kuti tizvipakatidze nezvombo panezvemweya. Simba rechokwadi rezvepamweya rinowanikwa muzviito zvidiki zvakawanda zvakarukwa pamwechete mumucheka wenhare yezvemweya inodzivirira nekuvharidzira kubva kune zvakaipa zvose” (“Be Strong in the Lord,” Ensign, Chikunguru 2004, 8).

Apo paunodzidza pamusoro penguwo yedziviriro yaMwari muDzidziso neZvibvumirano 27:15–18, Unokwanisa kugadzira chati yakaita seino iyi. Chii chauri kuita kuti upfeke chidimbu chimwe nechimwe chenguwo yedziviriro yaMwari?

Chidimbu chenguwo yedziviriro	Nhengo yemuviri yakadzivirirwa	Icho chingamiririrwa nenhengo yemuviri iyoyo
Chidimbu chenguwo yedziviriro Chidziviriro chepachipfuva cheururami	Nhengo yemuviri yakadzivirirwa Mwoyo	Icho chingamiririrwa nenhengo yemuviri iyoyo Zvido nezviyemuro zvangu
Chidimbu chenguwo yedziviriro Nguwani yedziviriro yeruponeso	Nhengo yemuviri yakadzivirirwa Musoro kana pfungwa	Icho chingamiririrwa nenhengo yemuviri iyoyo
Chidimbu chenguwo yedziviriro	Nhengo yemuviri yakadzivirirwa	Icho chingamiririrwa nenhengo yemuviri iyoyo
Chidimbu chenguwo yedziviriro	Nhengo yemuviri yakadzivirirwa	Icho chingamiririrwa nenhengo yemuviri iyoyo

Onawo VaEfeso 6:11–18; Jorge F. Zeballos, “Building a Life Resistant to the Adversary,” Liahona, Mbudzi. 2022, 50–52.

Dzidziso neZvibvumirano 28

Jesu Kristu anotungamira Chechi Yake kuburikidza nemuporofita Wake mupenyu.

Fungidzira zvazvaizova zvakaita dai munhu wose aikwanisa kugamuchira mirairo nezvakazarurwa zveChechi yose. Apo Hiram Page paakataura kuti akanga agamuchira zvakazarurwa zvakadaro, nhengo dzeChechi zhinji dzakavhiringidzika. MuDzidziso neZvibvumirano 28, Ishe vakazarura hurongwa hwezvakazarurwa muChechi Yavo. Chii chaunodzidza kubva muchikamu chino pamusoro pebasa chairo reMutungamiri weChechi? Chii chaunodzidza pamusoro pematungamirirwo aunokwanisa kuitwa naMwari?

Onawo Dale G. Renlund, “A Framework for Personal Revelation,” Liahona, Mbudzi 2022, 16–19.

Dzidziso neZvibvumirano 28:8–9

Sei ushumiri kuvaRamani hwakanga hwakakosha?

Chimwe chinangwa chimwechete cheBhuku raMormoni “ndechekuti VaRamani vagosvika kuruzivo rwemadzibaba avo, uye kuti vagoziva vimbiso dzaIshe”(Dzidziso neZvibvumirano 3:20). Izvi zvakanga zvichienderana nevimbiso dzakaitwa naIshe kuvaporofita vakawanda veBhuku raMormoni (ona, semuenzaniso, 1 Nifai 13:34–41; Enosi 1:11–18; Hiramani 15:12–13). Nhengo dzeChechi dzekutanga dzaifunga kuti maAmerican Indians aiva zvizvarwa zvevanhu veBhuku raMormoni. (Mafungiro aripamutemo eChechi nhasi ndeekuti vaRamani “varipakati pemadziteteguru emaAmerican Indians” [Chisumo kuBhuku raMormoni].)

Kuti uverenge zvimwe zvizhinji pamusoro peushumiri hwaOliver Cowdery kumaAmerican Indians, ona, “A Mission to the Lamanites,” Revelations in Context, 45–49. Ushumiri uhwu hwunokudzidzisa chii pamusoro paIshe nebasa Ravo?

­

Mazano eKudzidzisa Vana

Dzidziso neZvibvumirano 27:1–2

Sakaramende inondibatsira kurangarira Jesu Kristu.

• Vana vangangoshama kuti sei tichishandisa mvura pasakaramende apo Jesu aishandisa waini (ona Ruka: 22:19–20; 3 Nifai 18:1–11). Munokwanisa kuverenga Dzidziso neZvibvumirano 27:1–2 pamwechete uye mokurukura nezvazvinoreva kutora sakaramende “nezisorakanangisa chete kukubwinyakwa[Mwari]” (ndima 2). Chii chatinokwanisa kuita kuti tinangise pfungwa paMuponesi apo patinotora sakaramende?

• Pamwe kuva nemifananidzo, ndima dzemagwaro matsvene, kana mashoko erumbo zviri pamusoro peMuponesi zvinokwanisa kubatsira vana vako kuMurangarira apo pavanotora sakaramende. Vanogona kunakidzwa nekugadzira chibhuku chine mimwe yemifananidzo iyi, ndima, uye mashoko erumbo. Vanokwanisa kudhirowa mifananidzo yavo pachavo kana kuwana mimwe mumagazini reFriend.

Chikamu chakabva kuThe Last Supper [Chirairo Chokupedzisira], naSimon Dewey

Dzidziso neZvibvumirano 27:15–18

Nguwo yeDziviriro yaMwari inondidzivirira.

• Unokwanisa kuratidza vana vako mufananidzo wenguwo yedziviriro yakaita seiri muchidzidzo chino kana iri papeji yechiitwa muchidzidzo cheVaEfeso muHuyai, Munditevere—Bhukure Vana Vadiki: Testamente Itsva 2023. Apo paunoverenga Dzidziso neZvibvumirano 27:15-18, vabatsire kuwana zvidimbu zvenguwo yedziviriro mumufananidzo. Nguwo yedziviriro yaMwari inokwanisa kutibatsira sei “kukunda zuva rakaipa”? (ndima 15).

Dzidziso neZvibvumirano 28:2, 6–7

Muporofita anogamuchira zvakazarurwa pamusoro peChechi; ndinokwanisa kugamuchira zvakazarurwa zveupenyu hwangu.

• Kana uine vana vakati wandei, ungangovakoka kuti vaite mutambo “wokutevera mutungamiri,” asi kumbira vaviri kana kupfuura kuti vave vatungamiri panguva imwecheteyo. Chii chinoitika kana paine vatungamiri vanopfuura mumwechete? Unokwanisa zvino kudzidza pamusoro paHiram Page (ona “Chapter 14: The Prophet and Revelations for the Church,” muDoctrine and Covenants Stories, 56–57, kana vhidhiyo inoenderana nazvo muGospel Library; kana chikamu chemusoro wenyaya Chidzidziso neZvibvumirano 28). Baba Vokudenga vakagadzirisa sei kuvhiringidzika kwenhengo dzokutanga dzeChechi? Vanotungamirira sei Chechi nhasi?(ona Dzidziso neZvibvumirano 28:2). Govera uchapupu hwako hwokuti muporofita aripo iyezvino akadaidzwa naIshe kuti atungamirire Chechi Yavo muzuva redu.

  Chapter 14: The Prophet and Revelations for the Church: September 1830

• Apo zvakazarurwa zveChechi zvichizogara zvichipuwa kuburikidza nemuporofita, tose tinokwanisa kutungamirirwa neMweya Mutsvene. Unokwanisa kubatsira vana vako kutsvagurudza zvimwe zvezvinyorwa zvitsvene zvinotevera uye vogadzira mudorongodzwa wenzira idzo Mweya Mutsvene dzaunokwanisa kutitungamirira nadzo: Dzidziso neZvibvumirano 28:1, 4, 15; Johane 14:26; Moroni 8:26; 10:4–5. Goveranai matungamirirwo amakaitwa neMweya Mutsvene.

­