Kim, Taaqehin 2024
14–20 abril: “Laa’in li yo’yo, laa’in li kikamsiik”: Li Paswa

“14–20 abril: “Laa’in li yo’yo, laa’in li kikamsiik”: Li Paswa,” Kim, Taaqehin—Choq’ re li ochoch ut li iglees: Li Tzol’leb’ ut Sumwank 2025 (2025)

“Li Paswa,” Kim, Taaqehin—Choq’ re li ochoch ut li iglees: 2025

estatua re Kristo

14–20 abril: “Laa’in li yo’yo, laa’in li kikamsiik”

Li Paswa

Li 3 xb’e li po abril, 1836 a’an chaq li Paswa. Chirix xtenq’ankil chixjek’inkil li loq’laj wa’ak reheb’ laj santil paab’anel sa’ li santil ochoch re Kirtland li toje’ q’axtesinb’il, laj Jose Smith ut laj Oliver Cowdery ke’xtaw jun ch’anch’ookil na’ajej chirix jun tz’apleb’ t’ikr ut ke’xwutzub’ rib’ chi tijok. Toja’ naq, sa’ li santil kutan a’an naq eb’ laj Kristiano yalaq b’ar yookeb’ chaq chixnimankil lix waklijik chi yo’yo li Jesukristo, li Kolonel li waklijenaq kixk’ut rib’ sa’ lix santil ochoch, ut kixye: “Laa’in li yo’yo, laa’in li kikamsiik” (Tzol’leb’ ut Sumwank 110:4).

K’a’ru naraj naxye xyeeb’al naq li Jesukristo “a’an li yo’yo”? Ink’a’ naraj naxye naq yal kiwakli chaq chi yo’yo sa’ li muqleb’aal ut kixk’ut rib’ chiruheb’ lix tzolom aran Galilea. Naraj b’an naxye naq yo’yo sa’ li kutan a’in. Na’aatinak rik’in xtz’uumaleb’ re li profeet sa’ li kutan a’in. Naxb’eresi lix Iglees sa’ li kutan a’in. Naxk’irtesiheb’ li aamej toch’enaq ut li ch’oolej yot’b’ileb’ sa’ li kutan a’in. Chi jo’kan naq naru naqaka’suti li raatin li xnimal ru xch’olob’ahom laj Jose Smith: “Chirix li k’iila ch’olob’ank xyaalal li k’eeb’il chaq chirix a’an, a’in li ch’olob’ank xyaalal … li naqak’e chirix: Naq yo’yo!” (Tzol’leb’ ut Sumwank 76:22). Naru naqab’i li xyaab’ xkux sa’eb’ li k’utb’esinb’il na’leb’ a’in, wank choq’ aj yehol nawom chirix lix k’anjel li ruq’ sa’ li qayu’am, ut reek’ankil naq “chi sa saʼ qaam li aatin naʼel: “Ninnaw! yoʼyo lin Kolonel!”” (Eb’ li B’ich, 77).

reetalil li tzolok

Li na’leb’ re tzolok sa’ li ochoch ut sa’ li iglees

reetalil li seminario
Yo’yo li Jesukristo.

Naab’al qe laa’o moko qilom ta ru li Jesukristo jo’ naq li profeet aj Jose Smith kiril. A’b’an naru naqanaw, jo’ kixb’aanu a’an, naq li Kolonel yo’yo, naq naxnaw k’a’ru li us naqab’aanu ut lix yalb’al qaq’e, ut naq tooxtenq’a sa’ li hoonal naqaj wi’ ru. K’oxlan chirix lix nawom aach’ool chirix li yo’yookil Kristo naq tatk’oxlaq chirixeb’ li patz’om a’in ut tattzoloq sa’eb’ li hu yeeb’il arin.

Wan xwankil xk’uulankil li na’leb’ sa’ k’a’uxlej. Li Elder Richard G. Scott kixch’olob’: “Naru nakak’ul nimla wankilal rik’in xk’eeb’aleb’ li raqal re li loq’laj hu sa’ laa k’a’uxl. Xk’uulankil sa’ qak’a’uxl jun raqal reheb’ li loq’laj hu, a’an chanchan xtawb’al jun ak’ amiiw. A’an chanchan xtawb’al jun ak’ kristiaan li naru tooxtenq’a sa’ xhoonal li ajb’il ru, li naru tooxmusiq’a ut tixk’ojob’ qach’ool, ut li naru tooreek’asi chixjalb’al li qayu’am” (“El poder de las Escrituras,” Liahona, noviembre 2011, 6). Wi nakataw junaq raqal chirix li Kolonel li wan xyaalal choq’ aawe—maare junaq li naxk’ojob’ aach’ool naq nakawaj ru—naru taak’uula sa’ laa k’a’uxl.

Sa’ li video “Mi meta espiritual,” jun li saaj naxk’uula sa’ xk’a’uxl li “Li Yo’yookil Kristo” (Biblioteca del Evangelio). K’a’ru nawulak chawu chirix li k’a’ru kixb’aanu a’an? K’a’ru nakaweek’a naq us taab’aanu re xk’ulb’aleb’ li yaal re “Li Yo’yookil Kristo” sa’ laa waam ut sa’ laa ch’ool?

2:5

Let Your Goals Be Guided by the Spirit

Ashley’s spiritual goal was to grow closer to Christ. So she made a plan, wrote it down, and set a completion date. Setting goals has increased Ashley’s ability to accomplish things she feels inspired to do.

Re xtawb’al xkomon aana’leb’ chirix chan ru naq li Kolonel nokorosob’tesi anajwan, naru nakatzol, nakawab’i, malaj nakab’icha “Ninnaw naq yoʼyo inKolonel” (Eb’ li B’ich, 136). Naru taatoch’e’q aach’ool xsik’b’aleb’ li yaal sa’ li b’ich a’in li neke’k’utman ajwi’ sa’ Tzol’leb’ ut Sumwank 6:34; 84:77; 98:18; 138:23.

Chi’ilmanq ajwi’ Temas y preguntas, “Jesucristo,” Biblioteca del Evangelio.

Sa’ xk’ab’a’ li Jesukristo, laa’in tinwakliiq chi yo’yo.

Laj Jose Smith kixnaw k’a’ru na’eek’aman chirix xkamik junaq li ani raaro aab’aan, jo’ xkamik lix yuwa’ ut wiib’eb’ li ras. Laj Jose ut li xEmma ke’xmuq sa’ ch’och’ waqib’eb’ lix kok’al chi maji’ neke’xket wiib’ chihab’. Rik’ineb’ li k’utb’esinb’il na’leb’ kixk’e li Dios, laj Jose ut xEmma ke’xk’ul jun junelikil rilob’aaleb’ xch’ool.

Sik’eb’ li yaal chirix li kamk ut lix junelikil k’uub’anb’il na’leb’ li Dios sa’ Tzol’leb’ ut Sumwank 29:26–27; 42:45–46; 63:49; 88:14–17, 27–31; 93:33–34. Chan ru naq eb’ li yaal a’in neke’xjal aana’leb’ chirix li kamk? Chan ru neke’xjal laa wanjik sa’ laa yu’am?

Chi’ilmanq ajwi’ 1 Korintios 15; Enseñanzas de los Presidentes de la Iglesia: José Smith (2007), 183–185; Easter.ChurchofJesusChrist.org.

Li Jesukristo kixk’anjela jun “xtojb’al rix li maak li tz’aqal re ru” choq’ we.

Re xk’oxlankil li Kolonel chiru xq’ehil li Paswa, naru xtzolb’aleb’ li k’utb’esinb’il na’leb’ sa’ li Tzol’leb’ ut Sumwank li neke’k’utuk chirix lix mayej re xtojb’al qix. Junjunq reheb’ a’in naru neke’tawman sa’ Tzol’leb’ ut Sumwank 18:10–13; 19:16–19; 45:3–5; 76:69–70. Naru nakatz’iib’aheb’ li yaal nakataweb’ sa’eb’ li raqal a’an. Re xchamob’resinkil li tzolok, naru nakatz’iib’a xkomon li na’leb’ rik’in sik’ok sa’ Lukas 22:39–44; 1 Jwan 1:7; 2 Nefi 2:6–9; Mosiah 3:5–13, 17–18; Moroni 10:32–33.

Wahe’ junjunq li patz’om li naru neke’xk’am aab’e sa’ li tzolok:

  • K’a’ru lix tojb’al rix li maak xb’aan li Jesukristo?

  • K’a’ut naq li Jesukristo kixsik’ ru xnumsinkil rahilal ut kamk sa’ qak’ab’a’ laa’o?

  • K’a’ru tento tinb’aanu re xk’ulb’aleb’ li rosob’tesihom lix mayej?

  • K’a’ru naweek’a chirix li Jesukristo chirix rilb’aleb’ li raqal a’in?

Chi’ilmanq ajwi’ K’utul Raqal reheb’ li Loq’laj Hu, “Xtojb’al rix li maak,” Biblioteca del Evangelio; “El Salvador sufre en Getsemaní” (video), Biblioteca del Evangelio.

8:30

The Savior Suffers in Gethsemane

Jesus, Peter, James, and John retire to the Garden of Gethsemane. Jesus submits to the Father's will and begins to suffer for the sins and afflictions of mankind. He is then betrayed and arrested. Matthew 26:36–57

Re xtawb’al xkomon chik li na’leb’, chi’ilmanq li hu Liahona ut li hu Para la Fortaleza de la Juventud re li po a’in.

reetalil li raqal reheb’ li kok’al 01

Li na’leb’ re xtzolb’aleb’ li kok’al

Sa’ xk’ab’a’ li Jesukristo, laa’in tinwakliiq chi yo’yo.

  • Re raatinankileb’ laa kok’al chirix li wakliik chi yo’yo, naru nakatikib’ xk’utb’aleb’ xjalam-uuch lix kamik ut lix waklijik chi yo’yo li Kolonel. Kanab’eb’ laa kok’al chixwotzb’al k’a’ru neke’xnaw chirixeb’ li na’leb’ a’in. Naru ajwi’ nekeb’icha junaq li b’ich jo’ “Ma yaal naq li Jesus xwakli?” (B’ichleb’aal choq’ reheb’ li Kok’al, 45).

  • K’oxla junaq li na’leb’ re k’utb’esink li naru naxtenq’aheb’ laa kok’al chixtawb’al ru k’a’ru nak’ulman naq nokokam (li qamusiq’ ut li qatib’el neke’xjach rib’) ut naq nokowakli chi yo’yo (li qamusiq’ ut li qatib’el neke’xjunaji wi’chik rib’, ut li qajunxaqalil tz’aqal chik re ru ut ink’a’ chik nakam). Qayehaq, k’a’ru nak’ulman naq naqisi li b’ateriiy sa’ jun li pook malaj li b’on sa’ jun tz’iib’leb’? K’a’ru nak’ulman naq neke’junajiman wi’chik? (Chi’ilmanq Alma 11:44–45.)

  • Eb’ laa kok’al, ma neke’xnaw ru junaq kristiaan li xkam? Kanab’eb’ chixwotzb’al junjunq li na’leb’ chirix li kristiaan a’an ut chirix a’an teeril Tzol’leb’ ut Sumwank 138:17. Aatinanqex chirix k’a’ru nekereek’a xb’aan xnawb’al naq eb’ li ani neke’qara te’wakliiq chi yo’yo ut te’wanq wi’chik xtib’el.

  • Wi wankeb’ aakok’al ak ninqeb’, naru nakab’oqeb’ chixsik’b’aleb’ ch’ol aatin li wankeb’ rilom rik’in li Paswa sa’eb’ li raqal a’in: Tzol’leb’ ut Sumwank 63:49; 88:14–17, 27; 138:11, 14–17. Naru neke’xb’aanu li k’a’ru nak’utun sa’ li video “Él vive - Celebra la Pascua gracias a que Jesucristo vive” (Biblioteca del Evangelio). Chan ru naq naru naqawotz li na’leb’ a’in rik’ineb’ li qas qiitz’in?

xmuqb’al ut xwaklijik chi yo’yo li Kristo

Li profeet aj Jose Smith kiril ru li Jesukristo.

  • Maare laa’at ut eb’ laa kok’al nawulak raj cheru rilb’al resil oxib’ li hoonal b’ar wi’ li Jesukristo kixk’utb’esi rib’ chiru laj Jose Smith ut wankeb’ chik li kristiaan, jo’ tz’iib’anb’il sa’ Jose Smith—Resilal 1:14–17; Tzol’leb’ ut Sumwank 76:11–24; 110:1–10. Eb’ laa kok’al naru neke’ril xjalam-uuch a’in sa’ li perel re kok’ k’anjel re li xamaan a’in. K’a’ru naqatzol chirix li Jesukristo sa’eb’ li junjunq chi hoonal a’an? K’a’ut naq a’an jun osob’tesihom naq laj Jose Smith ut wankeb’ chik xkomon ke’ril li Kolonel chi waklijenaq chi yo’yo?

Sa’ xk’ab’a’ li Jesukristo, naru neke’kuye’ lin maak.

  • Li yaal kixtzol laj Jose Smith chirix li kuyuk maak rik’in li Jesukristo naru naxk’eheb’ royb’enihom laa kok’al naq naru neke’kuye’ lix sachikeb’ ut lix maakeb’. Naru nakapatz’ reheb’ laa kok’al naq te’xyiib’ jun kaaxukuut rik’ineb’ li na’leb’ a’in: Li k’a’ru xb’aanu li Kolonel choq’ we ut Li k’a’ru tento tinb’aanu re xk’ulb’al lix kuyum. Tenq’aheb’ laa kok’al chixsik’b’aleb’ li raqal a’in re xtawb’al k’a’ruhaq li naru taatz’iib’amanq rub’eleb’ li jolomil na’leb’: Tzol’leb’ ut Sumwank 18:10–13; 19:16–19; 45:3–5; 58:42–43. Wotzomaq li sahil ch’oolejil ut li b’antioxink nekereek’a xb’aan li kixb’aanu li Kolonel choq’ qe.

  • Naru ajwi’ nakawil li video “La bicicleta brillante” rik’ineb’ laa kok’al (Biblioteca del Evangelio) ut teewotz lee numsihom naq xereek’a naq li Kolonel xkuy lee maak naq xejal eek’a’uxl.

3:4

The Shiny Bicycle

Everybody makes mistakes, and even though it's not easy, with the help of Heavenly Father and Jesus Christ we can receive forgiveness for our sins.

Re xtawb’al xkomon chik li na’leb’, chi’ilmanq li hu Amigos re li po a’in.

li Kristo waklijenaq chi yo’yo naxk’ut rib’ chiru li xMaria

Li Kristo ut li xMaria sa’ li muqleb’aal, xb’aan laj Joseph Brickey

perel re kok’ k’anjel reheb’ li kok’al