“Olu niile nke Mweghachite: Ịgbakọta gaa Ohio,” Bianụ, Soro M—Maka Ebe Obibi na Nzukọ nsọ: Ozizi na Ọgbụgba ndụ niile 2025 (2025)
“Ịgbakọta gaa Ohio,” Bianụ, Soro M—Maka Ebe Obibi na Nzukọ nsọ: 2025
Olu niile nke Mweghachite
Ịgbakọta gaa Ohio
Ọmụmara Kirtland, site n’aka Al Rounds
Phebe Carter
N’etiti ọtụtụ ndị Nsọ gbakọtara ịga Ohio n’afọ ndị 1830 bụ Phebe Carter. O sonyere Nzukọ nsọ na mpaghara ugwu ọwụwa anyanwụ United States mgbe ọ gbara afọ iri abụọ na ụma ya, agbanyeghị ndị nne na nna ya esoghị. O mesịrị dee maka mkpebi ya ịkwaga Ohio ijikọta ya na ndị Nsọ:
“O juru ndị enyi m anya n’ihe m chọrọ ime, o jukwara m anya, mana enwere ihe dị niime na-akpali m iganiihu. Mwute nke nne m n’ọpụpụ m site n’ebe obibi gaara akarị nnọọ ihe m nwere ike ịnagide; ma a sị na ọ bụghị mmụọ nke nọ niime a gaara m ada n’ikpeazụ. Nne m gwara m na ọ ga-akara ya mma ịhụ na-eliri m karịa ịga naanị m niime alaịkpa baa niime ụwa na-enweghị obi.
“‘[Phebe],’ ka o kwuru, n’ụzọ dị mmasị, ‘ị ga-alọghachikwute m ọ bụrụ ma gị hụ òtù Mọmọn dị ụgha?’
“A zara m, ‘ee, nne; aga m.’ … Azịza m belatara nsogbu ya; mana o weteere anyị mwute niile dum ikewa. Mgbe oge ruru maka ọpụpụ m obi akaghị m ịnwa anwa ikwu nọọ nke ọma; ya mere e dere m ijeọma m niile nye onye ọbụla, ma n’idebe ha n’elu tebụlụ m, gbadara ala n’ọsọ ma wunye niime ụgbọ ịnyinya. Site otu a a hapụrụ m ebe obibi m hụrụ naanya nke oge nwata m ma jikọọ ndụ m na ndị nsọ nke Chineke.”
Niime otu ozi nọọ nke ọma ahụ, Phebe dere:
“Nne na nna m Hụrụ naanya—Ugbu a adị m njikere ịhapụ ụlọ nna m na nwa oge … Amaghị m ogologo oge ya—mana ọ bụghị na-enweghị mmetụta obi ekele maka obiọma nke m nweteworo site na nwata m tutu ruo oge ugbu a—mana Nlekọta anya nke Chineke nye mmadụ dịịrị ka ibugharị ya n’ụzọ ọzọ ugbua karịa ka ọ dịbuuru. Ka anyị ranye ihe ndị a niile n’aka Nlekọta anya nke Chineke nye mmadụ ma juputa n’ekele na ekwewo anyị ibikọta ndụ ọnụ oge ogologo nke a n’okpuru ọnọdụ niile dabara adaba dị ka anyị nwere, na-ekwere na ihe niile ga-emezu maka ọdịmma anyị ọ bụrụ ma anyị hụ Chineke naanya n’ụzọ kachasị. Ka anyị mata na anyị pụrụ ikpe ekpere nye otu Chineke onye ga-anụ ekpere ndị si n’obi nke okike ya niile ma nye anyị nke ahụ kachasị mma maka anyị. …
“Nne, ekwere m na ọ bụ uche Chineke maka m ịga mpaghara ọdịda anyanwụ ma o dowo m anya na o tewo aka arọpụtara ya ịdị otu a. Ugbu a ụzọ ahụ emeghewo …, E kwere m na ọ bụ mmụọ nke Onyenwe anyị meworo ya nke zuuru ihe niile. O echegbukwala onwe gị maka nwa gị; Onyenwe anyị ga-akasị m obi. E kwere m na Onyenwe anyị ga-elekọta m ma nye m nke ahụ bụ nke kachasị mma. … Ana m aga niihi na Nna m ukwu na-akpọ—o mewo ka ọrụ m doo anya.”