4–10 Aokuso: ‟Ia Outou Tutū i Nofoaga Paia”

Mataupu Faavae ma Feagaiga 85–87

O le Aso Kerisimasi e masani lava, o se taimi lea e mafaufau loloto ai i sāvali e pei o le “manuia i le lalolagi” (tagai i le Luka 2:14). Peitai, i le aso 25 o Tesema, 1832, sa faatumulia ai le mafaufau o Iosefa Samita i taufaamata’u o le taua. O le setete o Karolaina i Saute i le Iunaite Setete na faatoa faaleagaina le malo ma sa sauniuni mo le taua. Ma sa faaali mai e le Alii e faapea, ua na’o le amataga lenei: sa ia fetalai mai ai, “O le a oo mai taua i luga o atunuu uma” (Mataupu Faavae ma Feagaiga 87:2). Sa foliga mai o le a lē toe umi ae faataunuuina lenei valoaga.

Ae sa lei tupu lena mea. I totonu o ni nai vaiaso, na faia ai e Karolaina i Saute ma le malo o le Iunaite Setete se maliega fetuunai, ma sa taofia ai le taua. Peitai, e le o taimi uma e faataunuuina ai valoaga i le taimi po o i le ala tatou te mafaufau i ai. Toeitiiti atoa le 30 tausaga mulimuli ane, ua leva na ona maliu faamaturo Iosefa Samita, sa fouvale Karolaina i Saute ma mulimuli mai ai le taua faalemalo. O aso nei, o taua i le lalolagi atoa ua mafua ai ona “faanoanoa [le] lalolagi” (Mataupu Faavae ma Feagaiga 87:6). O le tāua o lenei faaaliga e itiiti i le valoiaina o le taimi o le a oo mai ai mala ae tele i le aoaoina atu o mea e tatau ona fai pe a oo mai. Ua tutusa lava le fautuaga i le 1831, 1861, ma le 2025: “Ia outou tutula’i ai i nofoaga paia, ma aua le masiʼi ese” (fuaiupu 8).

Manatu mo le Aoaoina i le Aiga ma i le Lotu

Mataupu Faavae ma Feagaiga 85:1–2

E finagalo le Alii ia te a’u e “tausi se talafaasolopito.”

Mātau le mea na finagalo le Alii e faaaofia i le ‟talafaasolopito” o loo faamatala mai i le Mataupu Faavae ma Feagaiga 85:1–2. Aisea e te manatu ai e finagalo o Ia i Lana Au Paia e tausia se talafaasolopito? O a ni mea e mafai ona e tusia e uiga i lou “olaga, faatuatua ma galuega” e ono avea o se faamanuiaga i augatupulaga i le lumanai? E mafai faapefea e le tausia o se talafaasolopito patino ona fesoasoani ia te oe e sau ai ia Keriso?

Tagai foi i le “Journals: ‘Of Far More Worth than Gold,’” Aoaoga a Peresitene o le Ekalesia: Uilifoti Uitilafi (2011), 125–33; “Turning Hearts” (vitio), ChurchofJesusChrist.org.

Turning Hearts

A Great-Grandfather's journal helps a young man gain direction in his life and appreciation for his ancestors.

Mataupu Faavae ma Feagaiga 85:6

E tautala mai le Agaga i se “leo itiiti ma le filemu.”

Mafaufau loloto i upu na faaaoga e Iosefa Samita i le Mataupu Faavae ma Feagaiga 85:6e faamatala ai le Agaga. O le a le tulaga e “filemu” ma “itiiti” ai le leo o le Agaga? Mafaufau i faamatalaga faaopoopo nei na tuuina mai e ala mai ia Iosefa Samita: Mataupu Faavae ma Feagaiga 6:22–24; 8:2–3; 9:7–9; 11:12–13; 128:1. E faapefea ona tautala atu le Agaga ia te oe?

Tagai foi i le Luka 24:32; Mosaea 5:2; Alema 32:28; Helamana 5:30; Mataupu Faavae ma Feagaiga 6:22–23; 11:12–13.

Faaaoga lesona faitino. E sili atu ona manatua e tagata se lesona o le talalelei pe a latou vaai pe auai i se lesona faitino e fesootai ma mea o loo latou aoaoina. Mo se faataitaiga, pe a aoao atu e uiga i le leo filemu ma le itiiti o le Agaga, atonu e mafai ona e tāina se puega o musika mālū, paia, ma tagata aoao e mafai ona talanoa e uiga i o latou lagona ma le faigata tele o musika ona faalogo i ai pe ana i ai ni leo faalavelave. E mafai ai ona taitai atu i se talanoaga e uiga i leo faalavelave i o tatou olaga na e taofia i tatou mai le lagonaina o le leo itiiti, ma le filemu.

Ua faamatala mai e tusitusiga paia le siufofoga o le Agaga o se leo filemu, ma le itiiti.

Mataupu Faavae ma Feagaiga 86

O le a faapotopotoina ia Keriso i latou e amiotonu i aso e gata ai.

O leMataupu Faavae ma Feagaiga 86 o loo i ai se faaliliuga o le faataoto i le saito ma le titania, o loo maua i le Mataio 13:24–30, 37–43. A o e aoao i le uiga o lenei faataoto, mafaufau e faatumu se siata faapenei:

Faatusa	Uiga e ono i ai	O fesili e mafaufau loloto i ai
Faatusa Lulu o le fatu	Uiga e ono i ai Perofeta ma aposetolo	O fesili e mafaufau loloto i ai O a ituaiga o ‟fatu” e toto e perofeta ma aposetolo?
Faatusa O le fili	Uiga e ono i ai Satani	O fesili e mafaufau loloto i ai E faapefea ona taumafai le fili e taofi le galuega a le Alii?
Faatusa	Uiga e ono i ai	O fesili e mafaufau loloto i ai
Faatusa	Uiga e ono i ai	O fesili e mafaufau loloto i ai

O nisi nei o fesili e mafaufau i ai:

• Ina ua uma ona faamatalaina le faataoto, sa fetalai le Alii e uiga i le perisitua, toefuataiga, ma le faaolataga o Lona nuu (tagai i le fuaiupu 8–11). O a ni fesootaiga ua e vaaia i le va o nei autu, ma le faataoto i saito ma titania?

• O le a lau matafaioi i le avea ai ma se ‟malamalama i Nuuese” ma ‟se faaola i le nuu [o le Alii]”? (fuaiupu 11).

Mataupu Faavae ma Feagaiga 87

E maua le filemu i “nofoaga paia.”

O le valoaga i le vaega 87 o loo lapatai mai e uiga i tulaga matautia faaletino e faatatau i taua i aso e gata ai. Ae o le fautuaga i lenei faaaliga e faatatau foi i mea matautia faaleagaga. Mafaufau loloto i fesili e pei o fesili nei:

• O se valoaga o se faaaliga mai le Atua i se perofeta, e masani lava e uiga i le lumanai. O a nisi o faataitaiga o valoaga na tuuina mai e perofeta anamua ma aso nei? (tagai i le Ioane 3:14; Mosaea 3:5; Helamana 14:2–6). Na faapefea ona faataunuuina? (tagai i le Luka 23:33; Mataio 15:30–31; 3 Nifae 1:15–21).

• O a faamanuiaga o le taliaina o valoaga a perofeta a le Atua?

Faatasi ai ma na manatu i le mafaufau, faitau le vaega 87. (Mo nisi o talaaga faasolopito, atonu foi e te manao e faitau le faatomuaga i lenei otootoga.) O le a se mea ua e aoaoina e uiga i valoaga mai lenei faaaliga ma le ala na faataunuuina ai? O le a sau tala e fai atu i se tasi e masalosalo i se valoaga ona e lei faataunuuina i le taimi lava lena?

O le a le fautuaga ua tuuina mai e le Alii i le fuaiupu 8? O a ni au “nofoaga paia” lea e te maua ai le filemu ma le saogalemu? O a ni mea e paia ai se nofoaga? E faaopoopo atu i nofoaga faaletino, atonu o loo i ai taimi paia, faiga masani paia, po o mafaufauga paia ia e mafai ona aumai ai le filemu. Mo se faataitaiga, e mafai faapefea ona avea afioga a perofeta a le Atua o se nofoaga paia mo oe? O le a le uiga o le ia “tutula’i” ma “aua le masii ese” mai i nei nofoaga?

Tagai foi i le ‟A I Ai Le Alofa,” Tusipese a Tamaiti, 76; Au Paia, 1:163–64; ‟Filemu ma Taua,” i le Revelations in Context, 158–64.

Mo nisi manatu, tagai i lomiga o lenei masina o mekasini o le Liahona ma le Mo le Malosi o le Autalavou .

Tagata, Nofoaga, Mea e Tutupu

• Faaliliuga a Iosefa Samita o le Tusi Paia

• Valoaga a Iosefa Samita

Kiliki e vaai i isi mea

Manatu mo le Aoaoina o Tamaiti

Mataupu Faavae ma Feagaiga 85:6

E tautala mai le Agaga i se “leo filemu ma le itiiti.”

• O le a se tala e fai atu e lau fanau pe a fesili se tasi ia i latou pe faapefea ona latou iloa le taimi e talanoa atu ai le Agaga Paia ia i latou. Valaaulia i latou e faitau e uiga i se auala se tasi na faamatalaina ai e Iosefa Samita le leo o le Agaga i le Mataupu Faavae ma Feagaiga 85:6 Ona mafai lea ona latou faataitai ona faalogologo ma tautatala i se leo itiiti. E mafai foi ona e faasoa atu ni aafiaga i ni taimi na talanoa atu ai le Agaga ia te oe i se leo filemu ma le itiiti.

• Ina ia fesoasoani i lau fanau ia malamalama i le fasifuaitau ‟leo filemu ma le itiiti,” e mafai ona e tāina lemu se pese a tamaiti, e pei o le “O Le Agaga Paia” (Tusipese a Tamaiti, 56). Fai atu i se tasi o tamaiti e mate mai po o le a le pese a o faia e isi tamaiti ni leo faalavelave. Ona mafai lea ona e toe tāina le pese e aunoa ma ni mea faalavefau. O a ni mea faalavefau e mafai ona tatou aveesea mai o tatou olaga ina ia lagona soo ai le Agaga?

Mataupu Faavae ma Feagaiga 86

E mafai ona ou fesoasoani e faapotopoto le nuu o le Atua.

• Ina ia fesoasoani i lau fanau ia malamalama i le faataoto o loo faamatalaina i le vaega 86, e mafai ona e saunia ni nai ata laiti po o ni ata o saito ma nanā faataamilo i le potu. Faamatala i lau fanau le faataoto i le saito ma le titania (tagai i le Mataio 13:24–30), ma faitau faatasi le faamatalaga a le Alii i le Mataupu Faavae ma Feagaiga 86:1–7. Ona mafai lea e lau fanau ona aoina mai ata natia o le saito ma tusi ai luga le igoa o se tasi e mafai ona latou “faapotopotoina” ia Iesu Keriso. O le a le uiga o le faapotopotoina o tagata ia Iesu Keriso? O a nisi o auala e mafai ai ona tatou faia lenei mea?

Mataupu Faavae ma Feagaiga 86:11

E mafai ona avea a’u ma malamalama i isi.

• O nisi nei o fesili e mafai ona e fesili atu ai i lau fanau a o tou talanoaina le Mataupu Faavae ma Feagaiga 86:11: E faapefea ona faamanuiaina i tatou e le malamalama? O le a faapeī pe a leai so tatou malamalama? E mafai faapefea ona avea i tatou ma se malamalama i isi tagata? Fesoasoani i lau fanau e mafaufau i ni auala e mafai ai ona tatou ‟tumau pea i le agalelei [o Iesu]” ma faasoa atu i isi.

Mataupu Faavae ma Feagaiga 87:6, 8

E mafai ona ou “tutula’i … i nofoaga paia.”

• Faitau faatasi le Mataupu Faavae ma Feagaiga 87:6 e aoao ai e uiga i mea na fetalai mai le Alii o le a tutupu i aso e gata ai. Ona mafai lea ona e talanoa e uiga i nisi o luitau o loo feagai ma oe ma lau fanau. I le fuaiupu 8, o le a le fetalaiga a le Alii i le mea e mafai ona tatou faia i taimi faigata?

• Fesoasoani i lau fanau e fai se lisi o nofoaga paia, mafaufauga paia, ma faatinoga paia e mafai ona fesoasoani ia i latou e feagai ai ma tulaga matautia faaleagaga. Mo ni manatu, tagai i vitiō “Standing in Holy Places” ma le “Stand Ye in Holy Places—Bloom Where You’re Planted” (Gospel Library).

  Standing in Holy Places

  A young woman reflects on the blessings of walking the covenant path as she makes her journey to the temple.

  Ia Outou Tutu i Nofoaga Paia - Fugaa’e i le Mea O Loo Totoina Ai Oe

  E toluselau le autalavou i Las Vegas na o mai faatasi e faasoa atu la latou molimau e uiga ia Iesu Keriso.

O le malumalu o se nofoaga paia.

Mo nisi manatu, tagai i le lomiga o lenei masina o le mekasini o le Uo .

E faapotopoto e le Alii Lona nuu e pei o saito.