Auiliiliga mai le Ua Ou Vaai i le Atalii o le Tagata, saunia e Walter Rane

25–31 Aokuso: ‟Maua Lona Atoatoaga”

Mataupu Faavae ma Feagaiga 93

“Pe a e a’e i se apefai,” na aoao mai Iosefa Samita,” e tatau ona e amata atu i le pito i lalo, ma agai atu i luga mai lea sitepu i lea sitepu, seia e taunuu i le tumutumu; ma e faapena i mataupu faavae o le talalelei—e tatau ona e amata i le muamua, ma faasolo atu ai seia e aoao i mataupu faavae uma o le faaeaga” (Aoaoga a Peresitene o le Ekalesia: Iosefa Samita [2007], 268).

O nisi taimi o lena apefai o le faaeaga e foliga mai e matuai maualuga tele, ae sa tatou fananau mai e fe’a’ei atu i le tumutumu faatasi ma le fesoasoaniga faifai pea a le Faaola. Po o a lava tapulaa e mafai ona tatou vaaia ia i tatou lava, ae o loo silasila mai le Tama Faalelagi ma Lona Alo i se mea matagofie lava i totonu o i tatou, o se mea e faaleatua. E pei lava “ao i ai [Iesu Keriso] i le amataga faatasi ma le Tamā,” sa “outou i ai foi” (Mataupu Faavae ma Feagaiga 93:21, 23). E pei lava ona Ia “alualu pea mai lea alofa tunoa i lea alofa tunoa, seia oo ina maua e ia le atoatoaga,” e faapena foi “o le a outou maua le alofa tunoa mo le alofa tunoa” (fuaiupu 13, 20). O le talalelei toefuataiina ua tatou aoao ai e uiga i le natura moni o le Atua, ma ua faapea foi ona aoao mai e uiga ia i tatou lava ma le tagata e mafai ona avea ai i tatou. O oe o se atalii/afafine moni o le Atua faatasi ai ma le gafatia e “maua lona atoatoaga i le taimi e tatau ai” (fuaiupu 19).

Manatu mo le Aoaoina i le Aiga ma i le Lotu

Mataupu Faavae ma Feagaiga 93

E pei o Iesu Keriso, e mafai ona faamamaluina a’u ma maua le ‟atoatoaga” o le Atua.

Sa aoao mai le Perofeta o Iosefa Samita, “Afai e le malamalama tagata i uiga o le Atua, latou te le malamalama ia i latou lava” (Aoaoga: Iosefa Samita,40). A o e aoao e uiga i le Faaola e ala i le suesueina o le Mataupu Faavae ma Feagaiga 93, vaavaai foi mo mea ua e aoaoina e uiga ia te oe lava. Mo se faataitaiga, o le a se mea ua e aoaoina e uiga ia te Ia mai i fuaiupu 3, 12–13, ma le 26? O a ni upumoni talitutusa e te maua e uiga ia te oe lava i fuaiupu 20, 23, ma le 28–29? (tagai foi 1 Ioane 3:2; 3 Nifae 27:27). O fesili nei e mafai ona fesoasoani ia te oe e malamalama ai ma faaaoga upumoni o loo i le vaega lenei:

• O le a le uiga o le maua o le “alofa tunoa mo le alofa tunoa” ma ia faaauau “mai lea alofa tunoa i lea alofa tunoa”? (fuaiupu 12–13). Afai e fesoasoani, e mafai ona e faitauina le ‟Alofa Tunoa” i le Taiala i Tusitusiga Paia (Gospel Library).

• O le a se mea ua e iloa i lenei faaaliga e uiga i le ala e fesoasoani ai le Atua ia te oe ia tuputupu a’e ma aoao? E faapefea e le iloaina o lenei mea ona aafia ai le ala tatou te taulimaina ai isi—ma oe lava ia?

• O le a se mea ua e aoaoina e uiga i le ‟auala e tapuai ai, ma … o le a lau tapuaiga”? (fuaiupu 19; tagai foi Taiala i Tusitusiga Paia, ‟Tapuai,” Gospel Library).

Mataupu Faavae ma Feagaiga 93:1–39

O le mamalu o le Atua o le malamalama ma le upumoni.

Atonu e te maitauina o upu e pei o le mamalu, malamalama, ma le upumoni e vaaia soo i totonu o lenei faaaliga. A o e suesue faapitoa i fuaiupu 20–39 , lisi upumoni ua e aoaoina e uiga i nei manatu faavae. O le faia o se siata faapenei e mafai ona fesoasoani:

Fuaiupu	Mea na ou aoaoina	O fesili e mafaufau loloto i ai
Fuaiupu 24	Mea na ou aoaoina	O fesili e mafaufau loloto i ai E tele mea taufaasese o loo i le lalolagi. E mafai faapefea ona ou iloa le upumoni? (tagai foi Iakopo 4:13).
Fuaiupu 28	Mea na ou aoaoina	O fesili e mafaufau loloto i ai
Fuaiupu 36	Mea na ou aoaoina O le Atua o se tagata o le malamalama ma le upumoni.	O fesili e mafaufau loloto i ai
Fuaiupu 37	Mea na ou aoaoina	O fesili e mafaufau loloto i ai O ai ou te iloa e foliga mai e mafai ona tetee atu i faatosinaga leaga? Aisea e mafai ai ona latou faia lenei mea?
Fuaiupu	Mea na ou aoaoina	O fesili e mafaufau loloto i ai
Fuaiupu	Mea na ou aoaoina	O fesili e mafaufau loloto i ai
Fuaiupu Tagai foi i le: Mataupu Faavae ma Feagaiga 50:24	Mea na ou aoaoina	O fesili e mafaufau loloto i ai

O a ni mea ua e maua i nei fuaiupu ua musuia ai oe e saili atu mo le malamalama atili ma le upumoni? Aisea ua avea ai le malamalama ma le upumoni ma faalagiga lelei mo Iesu Keriso? (tagai Ioane 8:12; 14:6). E faapefea e nei upumoni ona aafia ai lou olaga?

E mafai foi ona e tusia ni faamatalaga o folafolaga e uiga i lou taunuuga e faavavau i fuaiupu 20, 22, 28, 33–35. O le a le sootaga i le va o nei folafolaga ma le mauaina o le malamalama?

Mafaufau e suesue i le “Savali i le malamalama o le Atua” (Mo le Malosi o le Autalavou: O Se Taiala mo le Faia o Filifiliga, 18–21) e saili ai po o a mea e mafai ona e faia e maua ai le malamalama ma le ala ua folafola mai e le Alii e faamanuia ai oe. O vitiō ‟Light and Truth, Part 1” ma le ‟Part 2” (Gospel Library) e mafai ona tuuina mai ai ni manatu faaopoopo.

Tagai foi i le “Aoao Mai ia Ou Ui i le Malamalama,” Viiga, nu. 187; Autu ma Fesili, ‟Agaga Paia,” Gospel Library.

Light and Truth, Part 1

(D&C 88:6-13) This video examines God's attributes of light and truth as explained in section 88 of the Doctrine and Covenants.

Light and Truth, Part 2

(D&C 93:28,36-40) This video examines God's attributes of light and truth as explained in section 88 of the Doctrine and Covenants.

“O le mamalu o le Atua o le … malamalama ma le upumoni.”

Mataupu Faavae ma Feagaiga 93:40–50

“Faatulaga tatau lou lava fale.”

O le poloaiga e “faatulaga lou lava fale” (fuaiupu 43) e le faatatau i le faatulagaina o kapoti ma pusatu ae faatatau i le aoaoina atu—ma le aoaoina mai o le— “malamalama ma le upumoni” (fuaiupu 42). Mafaufau pe o faapefea ona e taumafai e mulimuli i lenei fautuaga. O a luitau o feagai ma oe? O a upumoni o loo i le Mataupu Faavae ma Feagaiga 93 e mafai ona fesoasoani?

O a ni malamalamaaga ua e maua mai nei aoaoga mai ia Elder David A. Bednar?

“I lou ofisa o loo i ai se atavali matagofie o se toga saito. O le ata o se aofaiga tele o tosi taitasi o pulumu—e leai se tasi pe a tuueseese e manaia pe matagofie. O le mea moni, afai e te tu latalata i le ata, pau le mea e te vaaia o se gasu e foliga mai e le fesootai ma ni tosi mataga o vali lanu samasama ma lanu auro ma lanu enaena. E ui i lea, ao e agai ese atu lemu mai le ata, o na tosi taitasi o le pulumu e tuua faatasi ma maua ai se laufanua matagofie o se toga saito. E tele tosi o le pulumu masani, ma taitasi e galulue faatasi e fatu ai se atavali ofoofogia ma matagofie.

“O tatalo faaleaiga taitasi, o mataupu taitasi o suesuega o tusitusiga paia, ma afiafi faaleaiga taitasi e tofu ma se tosi po o se aafiaga i o tatou agaga. E le mafai ona foliga faatosinaloto tele pe manatua pea se mea e tasi. Ae pei ona galulue faatasi tosi o le vali lanu samasama ma le auro ma le lanu enaena ma maua mai ai se galuega taulima mata’ina, e faapena foi i lo tatou faia pea lava pea o mea iti, e mafai ai ona tau atu i taunuuga maoae faaleagaga. “O le mea lea, aua le faavaivai i le faia o mea lelei, ona o lo o oulua faataatiaina le faavae o se galuega tele. Ma o mea iti e tutupu mai ai mea tetele” [Mataupu Faavae ma Feagaiga 64:33]. O le faia e le aunoa o se mataupu faavae autu pe a tatou faataatia se faavae o se galuega tele i o tatou olaga taitoatasi, ma tatou matuā maelega ai ma mafaufau i o tatou lava aiga” (“Ia Matuā Maelega ma Mafaufau i le Aiga,” Liahona, Nov. 2009, 19–20).

Tagai foi i le Henry B. Eyring, “O Se Aiga e Afio Ai le Agaga o le Alii,” Liahona, Me 2019, 22–25.

Ua poloaiina e le Alii ia matuā e “tausi a’e a [latou] fanau i le malamalama ma le upumoni.”

Mo nisi manatu, tagai i lomiga o lenei masina o mekasini o le Liahona ma le Mo le Malosi o le Autalavou .

Tagata, Nofoaga, Mea e Tutupu

• Iosefa Samita le Itiiti

• N. K. Whitney & Co. Faleoloa

Kiliki e vaai i isi mea

Manatu mo le Aoaoina o Tamaiti

Mataupu Faavae ma Feagaiga 93:2–21

O Iesu Keriso o le Malamalama ma le Ola o le Lalolagi.

• Mafaufau e faaali atu se ata o le Faaola ma fesili atu i lau fanau pe aisea e taua ai le aoao e uiga ma mulimuli ia Iesu Keriso. Ona mafai lea ona outou faitauina faatasi le Mataupu Faavae ma Feagaiga 93:19 e iloa ai se mafuaaga taua se tasi.

• Atonu e te manao e filifili ni upumoni se tele e uiga ia Keriso i le vaega 93 e musuia ai oe ma fesoasoani ai i lau fanau ia iloa ma malamalama i ai (tagai foi “Mataupu 33: O Se Faaaliga e uiga ia Iesu Keriso,” i le Tala o le Mataupu Faavae ma Feagaiga, 126–27, po o le vitio talafeagai i le Gospel Library). Mo upumoni taitasi e te filifilia, e mafai ona e tuu atu i lau fanau se upu po o se fasifuaitau e faalogo ai a o outou faitauina faatasi le fuaiupu. Mo se faataitaiga, o Iesu Keriso:

  • Na faia galuega a le Tama (fuaiupu 5).

  • O Ie Malamalama o le Lalolagi (fuaiupu 9).

  • O le Foafoa o le lalolagi (fuaiupu 10).

  • Maua le mana uma i le lagi ma le lalolagi (fuaiupu 17).

  • Na i ai faatasi ma le Atua i le amataga (fuaiupu 21).

  Chapter 33: A Revelation about Jesus Christ: May 1833

Auiliiliga mai le Malamalama o le Lalolagi, saunia e Howard Lyon

Mataupu Faavae ma Feagaiga 93:23, 29, 38

Sa ou ola faatasi ma le Tama Faalelagi ae ou te lei sau i le lalolagi.

• Na faatolu ona faamamafaina e le Faaola i le vaega 93 e faapea sa tatou nonofo ma le Atua “i le amataga” (fuaiupu 23, 29, 38). Ina ia fesoasoani i lau fanau ia iloa lenei mea, e mafai ona e valaaulia i latou e faitau le Mataupu Faavae ma Feagaiga 93:23, 29, 38 ma vaavaai mo se upumoni e uiga ia i latou lava o loo ta’ua soo i nei fuaiupu. Aisea e finagalo ai le Tama Faalelagi ia tatou iloa lenei upumoni? E mafai foi ona e fesili i lau fanau po o le a se mea latou te iloa e uiga i lo tatou olaga ma le Tama Faalelagi ae tatou te lei fananau mai. Ina ia fesoasoani ia i latou e aoao atili, faitau faatasi ma i latou se tasi pe sili atu o fuaitau nei o mau: Ieremia 1:5; Mataupu Faavae ma Feagaiga 138:53–56; Mose 3:5; Aperaamo 3:22–26.

• E mafai foi ona outou usuina faatasi le “O Au o se Atalii o le Atua” po o le “I Lived in Heaven” (Tusipese a Tamaiti, 2–3, 4) ma talanoaina upumoni tatou te aoaoina mai nei pese e uiga i lo tatou faamoemoega mo le o mai i le lalolagi.

Mataupu Faavae ma Feagaiga 93:24–39

Ou te maua le malamalama ma le upumoni a o o’u usiusitai i le Atua.

• Ina ia fesoasoani i lau fanau e faaaoga upumoni e faatatau i le usiusitai o loo i le Mataupu Faavae ma Feagaiga 93, tusi ni nai mau faasino mai lenei vaega i luga o ni fasipepa. I luga o fasipepa eseese tusi ai upumoni o loo aoao mai e fuaiupu taitasi. E mafai ona galulue faatasi lau fanau e faitau le fuaiupu ma faafetaui le upumoni i le fuaiupu o loo latou faitauina. O faataitaiga e mafai ona aofia ai:

  • Fuaiupu 24: O le upumoni o le iloa lea o mea moni i le taimi ua tuanai, taimi nei, ma le lumanai.

  • Fuaiupu 28: E mafai ona ou maua le malamalama ma le upumoni a o o’u tausia poloaiga.

  • Fuaiupu 37: A ou maua le malamalama ma le upumoni, e mafai ona ou tetee atu i le leaga.

  • Fuaiupu 39: E aveesea lo’u malamalama ma le upumoni pe a ou le faalogo.

  Atonu e te manao e faasoa atu ni faataitaiga o upumoni ua e iloa a o e tausia poloaiga a le Alii.

Fetuunai e fua i tausaga o lau fanau. Ua e iloa manaoga ma tomai o lau fanau; ia saoloto e fetuunai manatu o gaoioiga e taulima ai o latou manaoga. Mo se faataitaiga, i lenei gaoioiga, afai o loo e aoaoina tamaiti laiti, atonu e sili atu le taulai atu i se upumoni faigofie se tasi mai le vaega 93.

Mo nisi manatu, tagai i le lomiga o lenei masina o le mekasini o le Uo .

Malamalama ma le Upumoni, saunia e Simon Dewey