Usa ka Mahimayaong Kahayag—Templo sa Kirtland, ni Glen S. Hopkinson

Septiyembre 29–Oktubre 5: “Kini mao ang Imong Balay, usa ka Dapit sa Imong Pagkabalaan”

Doktrina ug mga Pakigsaad 109–110

Ang mga pultahan ngadto sa Templo sa Kirtland dili pa angay nga moabli hangtod sa alas otso sa buntag sa Marso 27, 1836. Apan ang mga Santos kinsa naglaom nga motambong sa mga tulumanon sa pagpahinungod misugod sa paglinya ingon ka sayo sa alas siete. Dugang nga dapit ug dayon ang ikaduha nga sesyon gikinahanglan aron makasulod ang tanan. Ug dili lamang ang mga buhi ang matinguhaong motambong. Nagkalainlaing mga saksi nakakita og mga anghel sulod sa templo ug gani diha sa atop, atol ug human sa pagpahinungod. Ingon og “singgit uban sa kalangitan ” miabot aron sa “[pag]-awit ug [sa] [pag]singgit” uban sa mga Santos sa Ulahing mga Adlaw (“Ang Espiritu sa Dios,” Mga Himno, nu. 2).

Nganong dako nga kaukyab—sa langit ug sa yuta? Human sa mga siglo, adunay balay sa Ginoo pag-usab dinhi sa yuta. Ang Ginoo mituman sa Iyang saad sa pagtuga sa Iyang mga Santos uban ang “gahom gikan sa kahitas-an” (Doktrina ug mga Pakigsaad 38:32). Ug kini, Iyang gipahayag, mao lamang “ang sinugdanan sa panalangin” (Doktrina ug mga Pakigsaad 110:10). Ang panahon nga kita karon nagpuyo—nga gipakusog ang buhat ug mga ordinansa sa templo nga maanaa sa minilyon nga buhi ug patay—nagsugod kini sa Kirtland, sa dihang “ang tabil sa yuta hapit na ablihan” (“Ang Espiritu sa Dios”).

Tan-awa usab sa Mga Santos, 1:263–73; “A House for Our God,” sa Revelations in Context, 169–72.

Mga Ideya alang sa Pagkat-on diha sa Panimalay ug sa Simbahan

Doktrina ug mga Pakigsaad 109

Ang Ginoo nagtanyag nako og daghang panalangin pinaagi sa mga pakigsaad sa templo.

Sa pipila ka mga paagi ang Templo sa Kirtland lahi gikan sa mga templo nga atong nahibaloan karon. Walay mga altar ug walay bunyaganan, pananglitan. Apan ang mga panalangin nga gihulagway diha sa seksyon 109, ang pahinungod nga pag-ampo alang sa Templo sa Kirtland, mao ang mga panalangin nga atong nadawat diha sa balay sa Ginoo karon. Rebyoha ang mosunod nga mga bersikulo aron sa pagpangita sa pipila niini nga mga panalangin, ug pamalandongi sa unsa nga paagi nga kini makatabang sa pagpalig-on sa inyong relasyon sa Langitnong Amahan ug ni Jesukristo.

Mga bersikulo 5, 12–13 (tan-awa usab sa Doktrina ug mga Pakigsaad 110:6–8): Diha sa balay sa Ginoo, Siya makapakita sa Iyang Kaugalingon ngari kanako ug ako mobati sa Iyang gahom.

Mga bersikulo 9, 15–19, 26, 78–79:

Mga bersikulo 21–23:

Mga bersikulo 24–33, 42–46:

Mga bersikulo 35–39:

Ubang mga Panalangin:

Kon ikaw nakaadto na sa balay sa Ginoo, hunahunaa sa unsa nga paagi kini nga mga saad natuman diha sa inyong kinabuhi.

Ang himno nga “Ang Espiritu sa Dios” (Mga Himno,, nu. 2) gisulat alang sa pagpahinungod sa Templo sa Kirtland—ug kini giawit sa matag pagpahinungod og templo sukad. Ikonsiderar ang pagkanta o pagpaminaw isip kabahin sa imong pagtuon ug pagsimba. Unsa nga mga panalangin sa templo nga imong makita nga gihulagway niini nga himno?

Doktrina ug mga Pakigsaad 109

Ang pag-ampo mao ang paagi nga makigsulti sa Langitnong Amahan.

Ang Seksiyon 109 maoy usa ka pahinungod nga pag-ampo nga gihatag ngadto ni Joseph Smith pinaagi sa pagpadayag (tan-awa sa ulohan sa seksiyon). Unsa ang imong makat-onan mahitungod sa pag-ampo gikan niini nga seksiyon? Pananglitan, mahimo nimong timan-an unsa ang gipasalamatan sa Propeta ug unsa nga mga panalangin ang iyang gipangayo. Unsa pa ang iyang gisulti niini nga pag-ampo? Samtang magtuon ka, mahimo nimong timbang-tibangon ang imong kaugalingon nga komunikasyon uban sa Langitnong Amahan. Unsa ang inyong nakat-onan mahitungod Kaniya ug sa Iyang Anak gikan niini nga pag-ampo?

Kon gusto ka nga mobasa sa mga pag-ampo sa pagpahinungod sa ubang templo, lakip sa ubang templo nga labing duol nimo, bisitaha ang pahina sa templo sa temples.ChurchofJesusChrist.org.

Doktrina ug mga Pakigsaad 110:1–10

Ang Ginoo makapakita sa Iyang Kaugalingon ngari kanako diha sa templo.

Samtang basahon nimo ang mga paghulagway diha sa Doktrina ug mga Pakigsaad 110:1–10, lakip sa ulohan sa seksiyon, pamalandongi unsa ang gisugyot niini nga mga bersikulo mahitungod Kaniya.

Sa unsang paagi si Jesukristo magpakita sa iyang Kaugalingon—o magpakita sa Iyang kaugalingon nganha kanimo—diha sa Iyang balay? Sa unsang paagi nga matabangan ka Niya nga makahibalo nga Siya nagdawat sa imong mga sakripisyo?

Sulod sa Templo sa Kirtland.

Doktrina ug mga Pakigsaad 110:10–16

Ang Manluluwas naggiya sa Iyang buhat pinaagi sa mga yawe sa pagkapari.

Sa wala pa sila si Moises, Elias, ug Elijah magpakita sa templo aron ipahiuli ang mga yawe sa pagkapari, si Jesukristo miingon, “Kini mao ang sinugdanan sa panalangin nga ibubo diha sa mga ulo sa akong mga katawhan” (Doktrina ug mga Pakigsaad 110: 10). Samtang imong basahon ang mga bersikulo 11–16, hunahunaa ang mga panalangin nga gibubo sa Manluluwas kanimo pinaagi sa buhat nga gigiyahan niini nga mga yawe. Pananglitan:

• Bersikulo 11: Si Moises ug ang mga yawe sa pagpundok sa Israel (o misyonaryo nga buhat). Sa unsang paagi ang Ginoo mipanalangin kanimo ug sa imong pamilya pinaagi sa misyonaryo nga mga paningkamot sa Iyang Simbahan?

• Bersikulo 12: Si Elias ug ang mga yawe sa ebanghelyo ni Abraham, lakip sa Pakigsaad ni Abraham. Sa unsa nga paagi nga ang Ginoo mopanalangin kanimo ug sa imong “mga henerasyon human [nimo]” tungod sa imong mga pakigsaad? (Tan-awa sa Russell M. Nelson, “Ang Walay Kataposan nga Pakigsaad,” Liahona, Okt. 2022, 4–11; Ang Giya ngadto sa mga Kasulatan, “Elias,” Librarya sa Ebanghelyo.)

• Mga bersikulo 13–16: Si Elijah ug ang gahom sa pagselyo, nga gipakita pinaagi sa templo ug sa buhat sa family history. Ngano sa imong hunahuna nga ang Langitnong Amahan gusto nimo nga mokonektar sa imong mga katigulangan pinaagi sa mga ordinansa sa templo? (Tan-awa sa Gerrit W. Gong, “Malipayon ug Hangtod sa Hangtod,” Liahona, Nob. 2022, 83–86.)

Unsa nga mga koneksyon ang imong nakita tali niini nga mga yawe ug sa atong mga responsibilidad sa buhat sa Dios sa kaluwasan ug kahimayaan (pagsunod sa ebanghelyo, pag-atiman sa mga tawo nga nanginahanglan, pagdapit sa tanan nga modawat sa ebanghelyo, ug paghiusa sa mga pamilya alang sa kahangtoran)?

Unsa nga mga kasinatian ang imong nasinati sa buhat sa Dios sa kaluwasan ug kahimayaan? Unsa ang gitudlo niini nga mga kasinatian kanimo mahitungod sa Manluluwas, sa Iyang Simbahan, ug sa Iyang buhat?

Pangita og mga paagi nga maapil ang uban. Kon ikaw nagtudlo mahitungod sa Doktrina ug mga Pakigsaad 110:11–16, mahimong ikonsiderar nimo ang paghatag og buluhaton sa matag tigkat-on sa pagtuon mahitungod nila ni Moises, Elias, o Elijah ug sa mga yawe nga iyang gipahiuli. Dayon ang mga tigkat-on mahimong mopakigbahin sa usag usa unsa ang ilang nadiskobrehan. Ang paagi nga sama niini molakip sa tanan sa pagkat-on ug sa pagtudlo. (Tan-awa sa Pagtudlo sumala sa Pamaagi sa Manluluwas, 24–27).

Alang sa dugang nga mga ideya, tan-awa ang mga isyu karong bulana sa Liahona ug sa Alang sa Kalig-on sa mga Kabatan-onan nga mga magasin.

Mga Tawo, Mga Dapit, Mga Panghitabo

• Mga Pagpahinungod sa Templo ug mga Pag-ampo sa Pagpahinungod

• Templo sa Kirtland

Iklik dinhi aron makakita pa og dugang

Mga Ideya sa Pagtudlo sa mga Bata

Doktrina ug mga Pakigsaad 109:12–13; 110:1–7

Ang templo mao ang balay sa Ginoo.

• Ikaw ug ang imong mga bata mahimong maghisgot sa butang nga inyong ganahan sa inyong panimalay. Dayon mahimo ninyong tan-awon ang litrato sa Templo sa Kirtland, ug gamita ang Doktrina ug mga Pakigsaad 109:12–13; 110:1–7 sa paghisgot mahitungod kon giunsa pagpahinungod ang templo ug nahimong balay sa Ginoo (tan-awa usab sa “Kapitulo 39: Ang Templo sa Kirtland Gipahinungod,” Mga Istorya sa Doktrina ug mga Pakigsaad, 151, o sa tukma nga bidyo sa Librarya sa Ebanghelyo). Mopakigbahin sa usag usa og butang nga inyong ganahan sa balay sa Ginoo.

  Chapter 39: The Kirtland Temple Is Dedicated: January–March 1836

• Tingali ikaw ug ang imong mga anak maghunahuna nga ang usa ka higala naningkamot sa pagpangita sa inyong balay. Unsaon nato pagtabang sa atong higala nga masayod kon hain ang atong balay? Unsaon nato pagkahibalo nga ang templo mao ang balay sa Ginoo? (tan-awa sa Doktrina ug mga Pakigsaad 109:12–13).

Doktrina ug mga Pakigsaad 110

Ang Manluluwas nanalangin sa Iyang katawhan pinaagi sa mga yawe sa pagkapari.

• Mahimo nimong gamiton ang pahina sa kalihokan niini nga semana “Kapitulo 40: Mga Panan-awon Sulod sa Templo sa Kirtland” (sa Mga Istorya sa Doktrina ug mga Pakigsaad, 155–57, o sa tukma nga bidyo diha sa Gospel Library) sa pagsulti sa mga bata mahitungod sa langitnong mga binuhat nga mibisita sa templo. Mahimo usab nga imong gamiton ang litrato nga anaa sa kataposan niini nga latid.

  The Kirtland Temple

• Aron makahibalo mahitungod sa kaimportante sa unsay nahitabo sa Templo sa Kirtland, ikaw ug ang imong mga anak mahimo nga maghisgot unsa ang mabuhat sa mga yawe. Tingali ang imong mga anak mahimong magpulipuli sa paggunit sa mga yawe ug magpakaaron-ingnon nga moabli og gitrangkahan nga pultahan. Tabangi sila sa pagpangita sa pulong mga yawe diha sa Doktrina ug mga Pakigsaad 110:11–16, ug hisgoti ang mga panalangin nga mahatag niini nga mga yawe. Mahimo nimong ipasabot nga ang mga yawe sa pagkapari mao ang pagtugot sa Dios sa paggiya sa Iyang Simbahan. Ipakigbahin ang imong pasalamat nga ang Ginoo mihatag sa mga yawe sa pagkapari.

Doktrina ug mga Pakigsaad 110:15

Ang Manluluwas gusto nga ako mopabalik sa akong kasingkasing ngadto sa akong mga katigulangan.

• Human mabasa og dungan ang Doktrina ug mga Pakigsaad 110:15 sultihi ang imong mga anak mahitungod sa kasinatian nga nakatabang sa pagpabalik sa imong kasingkasing ngadto sa imong mga katigulangan. Mahimo usab nga kamo magdungan sa pagpanganta sa usa ka awit sama sa “Family History—Naghimo Ko” (Songbook sa mga Bata, 100).

• Unsa kaha ang makatabang sa “pagpabalik sa mga kasingkasing” sa inyong mga anak ngadto sa ilang mga katigulangan? Makakaplag ka og pipila ka makalingaw nga mga ideya diha sa FamilySearch.org/discovery. Makatrabaho kamo og dungan sa pag-ila og mga katigulangan kinsa nagkinahanglan og mga ordinansa sa templo. Nganong gusto ni Jesus nga kita mohimo niini nga buhat?

Alang sa dugang nga mga ideya, tan-awa ang isyu karong bulana sa Higala nga magasin.

Panan-awon diha sa Templo sa Kirtland, ni Gary E. Smith