E Dua na Rarama Lagilagi—Valetabu e Katiladi, mai vei Glen S. Hopkinson

Seviteba 29–Okotova 5:“Ni Sa Nomuni Vale, na Nomuni Vanua Tabu”

Vunau kei na Veiyalayalati 109–110

Na katuba ni Valetabu e Katiladi a sega ni dodonu me dola me yacova na walu ena mataka ni ika 27 ni Maji, 1836. Ia o ira na Yalododonu ka nuitaka tu mera tiko ena lotu ni veivakatabui era sa tekivu yatuni tu ni se qai vitu na kaloko. A gadrevi e dua na vanua ni sarasara ni sa vuabale mai na loma ni valetabu vakakina e dua tale na soqoni me rawa ni sotavi kina na kedra lewelevu. Ka sega walega nio ira na bula tiko era maqusa mera tiko kina. E vica na ivakadinadina bula era raica na agilosi ena loma ni valetabu vakakina ena delavuvu, ena gauna ni veivakatabui vakakina ni sa oti. E vaka ni sa lako dina mai “na mataivalu vakalomalagi” me “lagasere ka [me] kaila” vata kei ira na Yalododonu Edaidai (“Na Yalo ni Noda Kalou,” Serenilotu, naba 2).

Cava na vuna na marau levu—ena yasa ruarua ni ilati? Ni oti e vica na senitiuri, sa qai dua tale na vale ni Turaga e vuravura. Sa vakayacora tiko na Turaga na Nona yalayala me vakaedaumenitaki ira na Nona Yalododonu “ena kaukauwa mai lomalagi” (Vunau kei na Veiyalayalati 38:32). Ia oqo, e kaya o Koya, “na itekitekivu ni veivakalougatataki” (Vunau kei na Veiyalayalati 110:10). Na gauna eda sa bula donuya tiko— ena vakusakusataki ni cakacaka ni valetabu kei na veicakacaka vakalotu e vakarautaki tu kivei ira na milioni na bula kei na mate — a tekivu mai Katiladi, ni “[a] basuka na ilati ni vuravura oqo” (“Na Yalo ni Noda Kalolu”).

Raica talega na Yalododonu, 1:232–41; “E Dua na Vale me Baleta na Noda Kalou,” ena Revelations in Context,, 169–72.

Vakasama eso ni Vuli e Vale kei na Lotu

Vunau kei na Veiyalayalati 109

Sa solia vei au na Turaga na veivakalougatataki cecere ena veiyalayalati ni valetabu.

Na Valetabu e Katiladi a duidui sara mai na valetabu eda kila tu nikua. A sega na icabocabo ni soro ka sega na tobu ni papitaiso, me kena ivakaraitaki. Ia na veivakalougatataki e vakamacalataki tiko ena wase 109, na masu ni veivakatabui ni Valetabu e Katiladi, sa tu talega ena veivale ni Turaga nikua. Railesuva na veitikina oqo mo kunea eso na veivakalougatataki oqo, ka vakasamataka vakatitobu na sala e rawa ni ra veivuke kina ena kena vaqaqacotaki na nomu veiwekani kei na Tamada Vakalomalagi kei Jisu Karisito.

Tikina e 5, 12–13 (raica talega na Vunau kei na Veiyalayalati 110: 6–8): Sa rawa ni vakaraitaki Koya vei au na Turaga ena valetabu ka rawa niu vakila na Nona kaukauwa.

Tikina e 9, 15–19, 26, 78–79:

Tikina 21–23:

Tikina e 24–33, 42–46:

Tikina e 35-39:

Na veivakalougatataki tale eso:

Kevaka o sa lesu mai na vale ni Turaga, vakasamataka mada na sala sa yaco kina na yalayala oqo ena nomu bula.

Na serenilotu “Na Yalo ni Noda Kalou” (Serenilotu,, naba 2) a volai me baleta na vakatabui ni Valetabu e Katiladi—ka sa dau lagati tu ena kena vakatabui na veivaletabu kece me tekivu mai na gauna oya. Vakasamataka mo lagata se vakarogoca me tiki ni nomu vuli kei na sokalou. Na veivakalougatataki cava ni valetabu o raica e vakamacalataki tiko ena serenilotu oqo?

Vunau kei na Veiyalayalati 109

Na masu sai koya na veitaratara kei Tamada Vakalomalagi.

Wase 109 e dua na masu ni veivakatabui a soli vei Josefa Simici mai na ivakatakila (raica na ulutaga ni iwase). Na cava o sa vulica me baleta na masu mai na iwase oqo? Me ivakaraitaki, e rawa nio vola na veika a vakavinavinakataka na Parofita kei na veivakalougatataki cava a kerea o koya. Na cava tale a kaya ena masu oqo? Nio vuli tiko, o na kalasitaka beka na nomu veitaratara kei Tamada Vakalomalagi. Na cava o vulica me baleti Koya kei na Luvena mai na masu oqo?

Kevaka o vinakata mo wilika na masu ni veivakatabui ni veivaletabu tale eso, oka kina na valetabu e voleka duadua vei iko, sikova na tabana temples.ChurchofJesusChrist.org.

Vunau kei na Veiyalayalati 110:1–10

Sa rawa ni vakaraitaki Koya kivei au na Turaga ena Nona vale.

Nio wilika na ivakamacala ni iVakabula ena Vunau kei na Veiyalayalati 110:1–10, oka kina na ulutaga ni iwase, vakasamataka vakatitobu na cava e vakatura na veitikina oqo me baleti Koya.

E vakaraitaki Koya vakacava o Jisu Karisito—se vakatakilai Koya vei iko—ena Nona vale? E vukei iko vakacava o Koya mo kila ni sa ciqoma o Koya na nomu solibula?

sikova na Valetabu e Katiladi

Vunau kei na Veiyalayalati 110:10–16

Na iVakabula e dusimaka na Nona cakacaka mai na idola ni matabete.

Ni bera ni ratou rairai mai o Mosese, Ilaisa, kei Ilaija ena valetabu me vakalesuya mai na idola ni matabete, a kaya kina o Jisu Karisito, “Oqo na itekivu ni veivakalougatataki ena sovaraki ki uludra na noqu tamata” (Vunau kei na Veiyalayalati 110:10). Nio wilika na tikina e 11–16, vakasamataka na veivakalougatataki e sovaraka mai vei iko na iVakabula ena cakacaka e dusimaki mai na idola eso oqo. Me kena ivakaraitaki:

• Tikina e 11: Mosese kei na idola ni kena vakasoqoni vata o Isireli (se cakacaka ni kaulotu). E sa vakalougatataki iko kei na nomu matavuvale vakacava na Turaga mai na sasaga ni kaulotu ni Nona Lotu?

• Tikina e 12: O Ilaisa kei na idola ni kosipeli i Eparama, oka kina na veiyalayalati vaka-Eparama. E rawa vakacava ni vakalougatataki iko kei ira na “itabatamata muri [iko]” na Turaga ena vuku ni nomu veiyalayalati? (Raica na Russell M. Nelson, “Na Veiyalayalati Tawamudu,” Liaona, Okot. 2022, 4–11; iDusidusi ki na iVolanikalou, “Ilaisa,” Valenivola ni Kosipeli.)

• Tikina e 13–16: O Ilaija kei na kaukauwa ni veivauci, e vakaraitaki ena cakacaka ni valetabu kei na tuva kawa. Na cava o nanuma e vinakata kina na Tamada Vakalomalagi mo semati vei ira na nomu qase e liu ena cakacaka vakalotu ni valetabu? (Raica Gerrit W. Gong, “Marau ka Tawamudu,” Liaona, Nove. 2022, 83–86.)

Na isema cava so o raica ena idola eso oqo kei na noda itavi ena cakacaka ni Kalou ni veivakabulai kei na bula vakacerecerei (bulataki ni kosipeli, nodra kauwaitaki na tamata era vakaleqai tu, sureti ira na tamata kecega me ra ciqoma na kosipeli, ka vakaduavatataki ira na matavuvale me tawamudu)?

Na cava soti o sa bau sotava ena nona cakacaka ni veivakabulai kei na bula vakacerecerei na Kalou? Na cava soti e vakavulica vei iko na veika oqo me baleta na iVakabula, Nona Lotu, kei na Nona cakacaka?

Vaqara na sala mo okati ira kina na tani. Kevaka o vakavulica tiko na Vunau kei na Veiyalayalati 110:11–16, sa rawa mo lesi ira yadua na vuli mera vulica na veika e baleti Mosese, Ilaisa, se Ilaija kei na idola a vakalesuya mai. Me rawa nira veiwaseitaka na lewe ni vuli na cava era vulica. Na ivakarau vakaoqo e oka kina na tamata kecega ena vuli kei na veivakavulici. (Raica na Veivakavulici ena iVakarau ni iVakabula, 24–27).

Me baleta na vakasama tale eso, raica na ilavelave ni vula oqo ni Liaona kei na Me iSakisaki ni iTabagone mekasini .

Vakasama eso ni Nodra Vakatavulici na Gonelalai

Vunau kei na Veiyalayalati 109:12–13; 110:1–7

Na valetabu e vale ni Turaga

• Oiko kei ratou na luvemu e rawa nidou veitalanoataka e dua na ka o taleitaka baleta na nomudou vale. Vakaraitaka vei ira na gone e dua na iyaloyalo ni valetabu e Katiladi, ka vakayagataka na Vunau kei na Veiyalayalati 109:12–13; 110:1–7 me tukuna vei ira baleta na siga sa vakatabui kina na valetabu ka sa yaco me vale ni Turaga (raica talega “Wase 39: Sa Vakatabui na Valetabu e Katiladi,” ena iTalanoa mai na Vunau kei na Veiyalayalati,154 se na kena vidio ena Valenivola ni Kosipeli). Veiwaseitaka e dua na ka o dau taleitaka me baleta na vale ni Turaga.

  Chapter 39: The Kirtland Temple Is Dedicated: January–March 1836

• Ena rawa beka nio raitayaloyalotaka kei ira na luvemu ni sa saga tiko e dua na itokani me kunea na nomu vale. E rawa vakacava meda vukea noda itokani me kila na vale cava e noda? Eda na kila vakacava ni valetabu e vale ni Turaga? (raica na Vunau kei na Veiyalayalati 109:12–13).

Vunau kei na Veiyalayalati 110

Sa vakalougatataki ira na Nona tamata na iVakabula ena idola ni matabete.

• Vakayagataka na tabana ni itaviqaravi ena macawa oqo se “Wase 40: Na Raivotu ena Valetabu mai Katiladi” (ena iTalanoa mai na Vunau kei na Veiyalayalati, 155–57) me tukuna vei ira na gone me baleti ira na tamata vakalomalagi ka ra a sikova na valetabu. Sa rawa talega mo vakayagataka na iyaloyalo ena mua ni ituvatuva oqo.

  The Kirtland Temple

• Mo vulica me baleta na bibi ni veika a yaco ena Valetabu e Katiladi, sa rawa vei iko kei ira na luvemu mo dou veivosakitaka na veika e dau cakava na idola. De rawa nira veivukevuke na luvemu mera taura tu na ki ka vaka me dolava e dua na katuba lokataki. Vukei ira mera raica na vosa idola ena Vunau kei na Veiyalayalati 110:11–16, ka veivosakitaka na veivakalougatataki e tadolava na idola eso oqo. Sa rawa mo vakamacalataka ni idola ni matabete sai koya na nona veivakadonui na Kalou me liutaki na Nona Lotu. Wasea na nomu vakavinavinaka ni sa solia vei keda na Turaga na idola ni matabete.

Vunau kei na Veiyalayalati 110:15

E vinakata na Turaga me vagolei na yaloqu vei ira na noqu qase e liu.

• Ni wiliki oti vata na Vunau kei na Veiyalayalati 110:15 tukuna vei ira na luvemu e dua na ka a vukea na vagolei ni yalomu vei ira na tubumu. E rawa talega nio lagata vata e dua na sere me vaka na “Family History—I Am Doing It” (Children’s Songbook, 94).

• Na cava ena rawa ni vukea na “vagolei ni yalodra” na luvemuni vei ira na nodra qase e liu? Sa rawa mo raica eso na vakasama me marautaki ena FamilySearch.org/discovery. E rawa nio ni cakacaka vata me vakatakilai ira na tubumuni era gadreva tu na cakacaka vakalotu ni valetabu. Cava na vuna e vinakata kina o Jisu meda cakava na cakacaka oqo?

Me baleta na vakasama tale eso, raica na ilavelave ni vula oqo na iTokani mekasini.

Raivotu ena Valetabu e Katiladi, mai vei Gary E. Smith