Maysa a Nadayag a Lawag—Templo iti Kirtland, ni Glen S. Hopkinson

Septiembre 29–Oktubre 5: “Balaymo Daytoy, ti Lugar ti Kinasantom”

Doktrina ken Katulagan 109–110

Saan koma idi nga aglukat dagiti ridaw iti Templo iti Kirtland agingga iti alas otso iti bigat ti Marso 27, 1836. Ngem dagiti Santo a mangnamnama a dumar-ay iti serbisio iti dedikasion ket nangrugin a nakipila kas kasapa ti alas siete ti bigat. Kasapulan ti mapno a lokasion ken kalpasanna ti maikadua a sesion tapno makalaon iti tunggal maysa. Ken saan laeng a dagiti sibibiag ti nagagaran nga adda sadiay. Adu a saksi ti nangpaneknek a nakitada dagiti anghel iti uneg ti templo ken uray pay iti atep, kabayatan ken kalpasan ti dedikasion. Ket talaga a kasla immay “dagiti buyot ti langit” nga “agkanta ken agrag-o” a kaduada dagiti Santo iti Ud-udina nga Aldaw (“The Spirit of God,” Hymns, no. 2).

Apay adda dakkel a panaggagar—iti agsumbangir ti belo? Kalpasan ti adu a siglo, adda manen ti balay ti Apo ditoy daga. Ipatpatungpalen ti Apo ti karina a mangted kadagiti Santona “iti bileg nga aggapu iti ngato” (Doktrina ken Katulagan 38:32). Ket daytoy, impakdaarna, “ti pangrugian ti bendision” laeng (Doktrina ken Katulagan 110:10). Ti panawen a pagbibiagantayo ita—nga addaan iti naparpartak nga aramid iti templo ken ordinansa a sidadaan a magun-od ti minilmilion a sibibiag ken natay—ket nangrugi iti Kirtland, idi “ti belo iti rabaw ti daga [ket] nangrugi a maray-ab“ (“The Spirit of God”).

Kitaen met iti Saints, 1:232–41; “A House for Our God,” iti Revelations in Context, 169–72.

Dagiti Kapanunotan iti Panagsursuro iti Pagtaengan ken iti Simbaan

Doktrina ken Katulagan 109

Idiaya ti Apo kaniak dagiti nabaknang a bendision babaen dagiti katulagan iti templo.

Maigiddiat ti Templo iti Kirtland kadagiti templo nga ammotayo ita. Awan dagiti altar ken awan ti puente a pagbuniagan, kas pagarigan. Ngem dagiti bendision a nailadawan iti benneg 109, ti pangidaton a kararag para iti Templo iti Kirtland, ket adda a magun-od pay iti balay ti Apo ita. Irebyu dagiti sumaganad a bersikulo a mangsapul iti sumagmamano kadagitoy a bendision, ken utoben no kasano makatulongda a mangpapigsa iti relasionyo iti Nailangitan nga Ama ken ni Jesucristo.

Dagiti bersikulo 5, 12–13 (kitaen met iti Doktrina ken Katulagan 110:6–8): Iti balay ti Apo, maiparangarangna ti Bagina kaniak, ken mariknak ti bilegna.

Dagiti bersikulo 9, 15–19, 26, 78–79:

Dagiti bersikulo 21–23:

Dagiti bersikulo 24–33, 42–46:

Dagiti bersikulo 35–39:

Dadduma pay a bendision:

No nakapankayon iti balay ti Apo, panunotenyo no kasano a natungpal dagitoy a kari iti biagyo.

Naisurat ti himno a “The Spirit of God” (Hymns, no. 2) para iti dedikasion ti Templo iti Kirtland—ket nakanta daytoyen iti pannakaidaton ti tunggal templo manipud idin. Ibilangyo ti panangkanta wenno panangdengngeg iti daytoy kas paset ti panagadal ken panagdaydayawyo. Ania dagiti bendision ti templo a masarakanyo a nailadawan iti daytoy a himno?

Doktrina ken Katulagan 109

Ti kararag ket pannakiuman iti Nailangitan nga Ama.

Ti benneg 109 ket maysa a pangidaton a kararag a naited ken ni Propeta Joseph Smith babaen ti paltiing (kitaen iti paulo ti benneg). Ania ti masursuroyo maipapan iti kararag manipud iti daytoy a benneg? Kas pagarigan, mabalinyo nga isurat no ania ti nagyamanan ti Propeta ken no ania dagiti bendision a kiniddawna. Ania pay ti imbagana iti daytoy a kararag? Bayat ti panagadalyo, mabalinyo nga amirisen ti bukodyo a komunikasion iti Nailangitan nga Ama. Ania ti masursuroyo maipapan Kenkuana ken ti Anakna manipud iti daytoy a kararag?

No kayatyo a basaen dagiti pangidaton a kararag dagiti dadduma a templo, agraman ti templo a kaasitgan kadakayo, bisitaenyo ti panid ti templo iti temples.ChurchofJesusChrist.org.

Doktrina ken Katulagan 110:1–10

Maipakita ti Apo ti Bagina kaniak iti balayna.

Bayat ti panangbasayo kadagiti panangiladawan ti Mangisalakan iti Doktrina ken Katulagan 110:1–10, agraman ti paulo ti benneg, utobenyo no ania ti isingasing dagitoy a bersikulo maipapan Kenkuana.

Kasano nga iparangarang ni Jesucristo ti Bagina—wenno ipakaammona ti Bagina kadakayo—iti balayna? Iti ania a wagas a matulongannakayo a mangammo nga awatenna dagiti panagkagumaan ken sakripisioyo?

Iti uneg ti Templo iti Kirtland

Doktrina ken Katulagan 110:10–16

Iturong ti Mangisalakan ti trabahona babaen kadagiti tulbek ti priesthood.

Sakbay la unay a nagparang da Moises, Elias, ken Elias (Elijah) iti templo tapno isublida dagiti tulbek ti priesthood, kinuna ni Jesus, “Daytoy ti pangrugian ti bendision a maibukbokto kadagiti ulo dagiti taok” (Doktrina ken Katulagan 110:10). Bayat ti panangbasayo kadagiti bersikulo 11–16, panunotenyo dagiti bendision nga ibukbukbok kadakayo ti Mangisalakan babaen ti aramid nga iturong dagitoy a tulbek. Kas pagarigan:

• Bersikulo 11: Ni Moises ken dagiti tulbek ti pannakaummong ti Israel (wenno aramid ti misionario). Kasano a binendisionannakayo ti Apo ken ti pamiliayo babaen dagiti panagkagumaan dagiti misionario ti Simbaanna?

• Bersikulo 12: Ni Elias ken dagiti tulbek ti ebanghelio ni Abraham, agraman ti katulagan ni Abraham. Kasano a mabendisionannakayo ti Apo ken “dagiti kaputotan a sumaruno [kadakayo] gapu kadagiti katulaganyo? (Kitaen iti Russell M. Nelson, “The Everlasting Covenant,” Liahona, Okt. 2022, 4–11; Pangiwanwan iti Nasantuan a Kasuratan, “Elias,” Gospel Library.)

• Dagiti bersikulo 13–16: Ni Elias ken ti bileg a mangilantip, naiparangarang babaen ti aramid iti templo ken family history. Apay iti panagkunayo a kayat ti Nailangitan nga Ama a maikonektakayo kadagiti kapuonanyo babaen kadagiti ordinansa iti templo? (Kitaen iti Gerrit W. Gong, “Happy and Forever,” Liahona, Nob. 2022, 83–86.)

Ania dagiti koneksion a makitayo iti nagbaetan dagitoy a tulbek ken dagiti pagrebbengantayo iti aramid Dios iti pannakaisalakan ken pannakaitan-ok (panagbiag iti ebanghelio, panangaywan kadagiti tao nga agkasapulan, panangawis iti amin nga umawat iti ebanghelio, ken panagkaykaysa dagiti pamilia iti kinaagnanayon)?

Ania dagiti napadasanyo iti aramid ti Dios iti pannakaisalakan ken pannakaitan-ok? Ania dagiti isursuro kadakayo dagitoy a padas maipapan iti Mangisalakan, ti Simbaanna, ken ti aramidna?

Mangsapul kadagiti wagas a pangibilanganyo kadagiti dadduma. No mangisursurokayo maipapan iti Doktrina ken Katulagan 110:11–16, mabalinyo nga ibilang ti panangdutok iti tunggal agad-adal tapno mangadal maipapan kada Moises, Elias, wenno Elias (Elijah) ken dagiti tulbek nga insublina. Kalpasanna mabalin nga ibinglay dagiti agad-adal iti tunggal maysa no ania ti natakuatanda. Ti pamay-an a kas iti daytoy iramanna ti tunggal maysa iti panagsursuro ken panangisuro. (Kitaen iti Panangisuro iti Wagas ti Mangisalakan, 24–27).

Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.

Dagiti Kapanunotan para iti Panangisuro kadagiti Ubbing

Doktrina ken Katulagan 109:12–13; 110:1–7

Ti templo ti balay ti Apo.

• Mabalin a pagsasaritaanyo kadagiti annakyo maipapan iti maysa a banag nga ipategyo maipapan iti pagtaenganyo. Kalpasanna mabalinyo ti kumita iti maysa a ladawan ti Templo ti Kirtland ken usaren ti Doktrina ken Katulagan 109:12–13; 110:1–7 tapno pagsasaritaan maipanggep no kasano a naidaton dayta a templo ken nagbalin a balay ti Apo (kitaen met iti “Kapitulo 39: The Naidaton ti Templo iti Kirtland,” iti Dagiti Estoria iti Doktrina ken Katulagan, 154, wenno ti katupagna a video iti Gospel Library). Ibinglay iti tunggal maysa ti maysa a banag nga ipategyo maipapan iti balay ti Apo.

  Chapter 39: The Kirtland Temple Is Dedicated: January–March 1836

• Nalabit a mabalinyo ken dagiti annakyo ti mangipapan nga adda maysa a gayyem a mangbirbirok iti balayyo. Kasano a matulongantayo ti gayyemtayo a maammuanna no ania a balay ti kukuatayo? Kasano nga ammotayo a ti templo iti balay ti Apo? (kitaen iti Doktrina ken Katulagan 109:12–13).

Doktrina ken Katulagan 110

Bembendisionan ti Mangisalakan dagiti taona babaen kadagiti tulbek ti priesthood.

• Mabalinyo nga usaren ti panid ti aktibidad iti daytoy lawas wenno ti “Kapitulo 40: Dagiti Parmata iti Templo iti Kirtland” (iti Dagiti Estoria iti Doktrina ken Katulagan, 155–57, wenno t katupagna a video iti Gospel Library) a mangisarita kadagiti ubbing maipapan kadagiti nailangitan a parsua a nagbisita iti templo. Mabalinyo pay nga usaren ti ladawan iti ungto daytoy a balabala.

  The Kirtland Temple

• Tapno masursuro ti maipapan iti kinapateg ti no ania ti napasamak iti Templo ti Kirtland, mabalinyo ken dagiti annakyo ti agsarita maipapan iti no ania ti aramiden dagiti tulbek. Nalabit a mabalin nga agsisinnublat dagiti annakyo iti panangiggem kadagiti tulbek ken panagpammarangda a manglukat iti nakandaduan a ridaw. Tulonganyo ida a mangsapul iti balikas a tulbek iti Doktrina ken Katulagan 110:11–16, ken pagsasaritaan dagiti bendision a luktan dagitoy a tulbek. Mabalinyo nga ilawlawag a dagiti tulbek ti priesthood ket pammalubos ti Dios a mangidaulo iti Simbaanna. Ibinglayyo ti panagyamanyo nga inted ti Apo kadatayo dagiti tulbek ti priesthood.

Doktrina ken Katulagan 110:15

Kayat ti Mangisalakan nga isublik iti pusok kadagiti kapuonak.

• Kalpasan ti aggigiddan a panagbasa iti Doktrina ken Katulagan 110:15 tulonganyo dagiti annakyo maipapan iti maysa a padas a nangtulong a nangisubli iti pusoyo kadagiti kapuonanyo. Mabalinyo pay nga aggigiddan nga agkansion ti kanta a kas iti “Family History—I Am Doing It” (Children’s Songbook, 94).

• Ania ti makatulong a “mangisubli iti puspuso” dagiti annakyo kadagiti kapuonanda? Makasarakkayo iti sumagmamano a naragsak a kapanunotan iti FamilySearch.org/discovery. Mabalinyo ti agtitinnulong a mangilasin kadagiti kapuonan nga agkasapulan kadagiti ordinansa iti templo. Apay a kayat ni Jesus nga aramidentayo daytoy nga aramid?

Para iti ad-adu pay a kapanunotan, kitaen iti isyu ti magasin a Friend iti daytoy a bulan.

Parmata iti Templo iti Kirtland, ni Gary E. Smith