Nauvoo Engumba ya Kitoko,, na Larry C. Winborg. Copyright 2023

Sanza ya zomi 27–Sanza ya zomi na moko 2: “Ndako na Nkombo na Ngai”

Malongi mpe Mayokani 124

Lokola mibu motoba mileki ezalaki mpasi mpo na Basantu, makambu ebandaki kotambola malamu na eleko ya milona ya 1839: Basantu oyo bakimaki bayokelaki bango mawa na bana mboka ya Quincy, Illinois. Babateli bapesaki ndingisa na Profeta Joseph Smith mpe bakambi misusu ya Eklezia bakima bowumbu na Missouri. Mpe Eklezia ewutaki kosomba mabele na Illinois esika oyo Basantu bakokaki kosangana lisusu. Iyo, ezalaki potopoto, mabele etonda na bangungi, kasi kokokanisa yango na mikakatano oyo Basantu bakutanaki na yango, oyo emonanaki lokola malamu. Kasi batimolaki banzela ya mai na potopoto mpe bayemaki mwango mpo na kotonga engumba ya sika, oyo bapesaki nkombo Nauvoo. Elingi koloba “kitoko” na lokota ya Ebele, atako ezalaki mingi koleka maloba ya bondimi koleka ndimbola ebongi malamu ya esika, ata na moke na ntango ya liboso. Na ntango wana, Nkolo azalaki kolakisa Profeta na Ye lolenge ya lombango. Azalaki na bosolo mpe makuli mingi ya kozongisa, mpe Azalaki na mposa ya tempelo ya bule esika oyo Akokaki “kolatisa [Basantu na Ye] motole ya lokumu, bozangi kufa mpe bomoi ya seko” (Malongi mpe Mayokani 124:55). Na banzela mingi, mayoki se moko oyo ya bondimi mpe ya lombango ezali komonana na miso na mosala ya Nkolo lelo.

Tala Les Saints,, 1:399–427; “Organizing the Church in Nauvoo,“ na Revelations in Context,, 264–71.

Yekola mingi etali bisika ya kala ya Eklezia na Illinois.

Makanisi mpo na koteya na Ndako mpe na Eklezia

Malongi mpe Mayokani 124:2–11

Nakoki kobengisa basusu baya epayi ya Klisto.

Nkolo ayebisaki Profeta Joseph Smith “asala esakola ya lipombo ya nsango malamu na [Ye]” mpo na “bayangeli nyonso ya mokili” (tala Malongi mpe Mayokani 124:2–11). Soki ozwaki mokumba oyo, esakola na yo ekoloba nini oyo etali Yesu Klisto mpe nsango malamu na Ye ezongisama? Lisusu manyola lolenge nini okoki kokabola litatoli na yo malamu mpe na boyengebene na bato oyo okutanaka na bango mikolo nyonso.

Tala lisusu “The Restoration of the Fulness of the Gospel of Jesus Christ: A Bicentennial Proclamation to the World,” Gospel Library.

Malongi mpe Mayokani 124:12–21

Nakoki kozala moyekoli oyo Nkolo atielaka motema.

Banza kokabola na basusu, lokola Mobikisi asalaki na Malongi mpe Mayokani 124:12–21, ekoki bizalela ya Kimoklisto ozali komona kati na bango. Lolenge nini Alakisaki epayi na yo bolingo mpe boyambi na Ye?

Tala lisusu Richard J. Maynes, “Earning the Trust of the Lord and Your Family,” Liahona, Sanza ya zomi na moko 2017, 75–77.

Malongi mpe Mayokani 124:22–24, 60–61

Nkolo alingi ngai nayamba mpe nandima basusu.

Ntango ozali komanyola motindo ya Nkolo na Malongi mpe Mayokani 124:22–24, 60–61, kanisa lolenge nini okoki kosala ete ndako mpe palwasi na yo ezala esika lokola oyo Nkolo alingaki ezala mpo na Nauvoo.

Tala lisusu “A Friend to All” (video), ChurchofJesusChrist.org.

A Friend to All

Bokuse ya makambo uta na Joseph Smith na Tempelo ya Nauvoo,, na Gary E. Smith

Malongi mpe Mayokani 124:25–45, 55

Tozali kotonga batempelo ya Nkolo mpo na kozwa makuli ya bule.

Mpo na nini okanisi Nkolo “atindaki ntango nyonso” bato na Ye “kotonga [batempelo] na nkombo na [Ye] esantu”? Banza kokoma bantina ozwi kati na Malongi mpe Mayokani 124:25–45, 55. Okoki kozwa misusu kati na loyembo lokola “We Love Thy House, O God” (Hymns, no. 247) to video “What Is a Temple?” (Ebombelo ya Babuku ya Nsango Malamu). Lolenge nini mosala ya kotonga batempelo ezali elembo ya bolingo ya Nkolo mpo na yo?

What Is a Temple?

Uta Tempelo ya Nauvoo etongamaki na 1840, batempelo koleka 300 esili kotongama to kosakolama. Mokambi President Russell M. Nelson ateyaki: “Toyebi ete ntango na biso kati na tempelo ezali ntina mpo na lobiko mpe bonetoli na biso mpe mpo na mabota na biso. … Mitambo ya monguna ezali se komata makasi, na bobakisami mpe na ndenge na ndenge. Bosenga na biso ya kozala kati na tempelo mbala na mbala naino ekomi makasi te” (“Kokoma Basantu ya Ndakisa ya Mikolo ya Nsuka,” Liahona, Sanza ya zomi na moko. 2018, 114). Lolenge nini tempelo esalisaki yo otelemela “kobundisama ya monguna”? Oyoki nini etuti yo mpo na kosala na kolandaka toli ya Mokambi Nelson?

Tala lisusu “Why Latter-day Saints Build Temples,” temples.ChurchofJesusChrist.org.

Malongi mpe Mayokani 124:45–55

Nkolo apambolaka bato oyo balukaka kotosa mitindo na Ye.

Basantu batindamaki kotonga tempelo na Etuka ya Jackson, Missouri, kasi “bapekisamaki na banguna na bango” (Malongi mpe Mayokani 124:51). Milongo 49–55 ezali na nsango ya ntina mpo na bato oyo balingi kotosa mitindo ya Nzambe kasi bapekisami kosala yango mpo libota to mabaku misusu. Toli nini ozwi kati na milongo miye oyo ekoki kosalisa moto moko oyo azali na ezalela ya boye?

Malongi mpe Mayokani 124:91–92

Nkolo akoki kokamba ngai na nzela ya lipamboli na ngai ya nkoko.

Kala te nsima ya liwa ya tata ya Profeta Joseph Smith, Nkolo abiangaki Hyrum Smith na libiangi oyo tata na ye azwaki—Nkoko na Eklezia. Okoki kotanga oyo etali yango na Malongi mpe Mayokani 124:91–92.

Mpo na koyekola mingi oyo etali lisolo ya bankoko mpe mapamboli ya nkoko, fina awa.

Lolenge nini okolimbola lipamboli ya nkoko epayi ya moto moko oyo naino ayoka yango te? Nini okoki koloba mpo na kolendisa moto azwa moko? Luka biyano na mituna miye kati na nsango ya Mpaka Randall K. Bennett “Your Patriarchal Blessing—Inspired Direction from Heavenly Father” (Liahona, Sanza ya mitano 2023, 42–43) to Topics and Questions, “Patriarchal Blessings” (Gospel Library).

Koyekama na oyo oyekoli mpe okutani na yango, banza lolenge nini okoki kokokisa liloba oyo: “Lipamboli ya nkoko ezali nini .” Mpo na nini Tata na Lola alingaka bana na Ye bazwa lipamboli ya nkoko?

Soki naino ozwa lipamboli ya nkoko te, nini okoki kosala mpo na kozwa moko? Soki ozwaki lipamboli ya nkoko, lolenge nini okoki kolakisa Nzambe ete ozwaka likabo yango na motuya?

Tala lisusu Kazuhiko Yamashita, “When to Receive Your Patriarchal Blessing,” Liahona, Sanza ya mitano 2023, 88–90; Buku Monene, 18.17, Gospel Library.

Teya uta na motema. Liteya ezali ntina mpenza ntango ebakisi mayebi mpe litatoli ya moto yemei. Ndakisa, soki ozwaki lipamboli ya nkoko, tala yango ntango ozali komilengela mpo na koteya oyo etali mapamboli oyo ya kokesena. Mpo na nini ozali na botondi na lipamboli na yo? Lolenge nini okofula basusu bamilengela mpo na kozwa to koyekola mapamboli na bango ya nkoko mbala mingi koleka?

Makanisi mpo na Koteya Bana

Malongi mpe Mayokani 124:15, 20

Yesu Klisto alingaka boyengebene.

• Mpo na kosalisa bana na bino bamikundola maye bayekoli uta na Malongi mpe Mayokani 124:15, 20, bokoki kosalisa bango bayema mpe bakata bakasa na lolenge ya mitema. Na mitema, bokoki kosalisa bango bakoma maloba ya motuya uta milongo oyo. Loyembo lokola: “Stand for the Right” (Children’s Songbook,, 159) ekoki kolendisa lisusu maloba ya Nkolo.

• Nsima ya kotanga elongo Malongi mpe Mayokani 124:15, 20, ntango mosusu bokoki kosalisa bana na bino bazwa nini elakisi kobika na boyengebene na lokasa 31 ya Mpo na Bokasi ya Bilenge: Bokambi mpo na Kosala Maponi. Nkolo alobaki nini mingimingi oyo etali George Miller na molongo 20 “na ntina ya boyengebene ya motema ya [George]”? Bokoki lisusu kokabola ndakisa ya bana kolakisaka boyengebene uta na boyebi na bino moko to uta na magazini ya Friend . Bobengisa bana na bino basala mokano ya kolakisa boyengebene na poso oyo mpe koyebisa bino lolenge nini bazali koyoka ntango basalaka yango.

Malongi mpe Mayokani 124:28–29, 39

Yesu atindi bato na Ye batonga batempelo.

• Bana na bino bakoki kosepela kotala bililingi ya batempelo, kobakisa tempelo moko ya kala mpe tempelo ya pembeni esika bafandi (tala ChurchofJesusChrist.org/temples/list). Bokoki kosalela bililingi oyo mpe Malongi mpe Mayokani 124:39 mpo na kolimbola ete Yesu Klisto atindaki ntango nyonso bato na Ye batonga batempelo—na bantango ya kala mpe na mikolo na biso (tala lisusu lokasa ya moluluya poso oyo).

• Soki bofandi pene ya tempelo, bokanisa komema bana na bino kuna mpe kotambola na limemya nyonso na lopango ya tempelo. Bobengisa bango bazwa maloba “Bosantu na Nkolo—Ndako ya Nkolo” na libanda ya tempelo. Bosolola na bana na bino oyo etali ndimbola ya maloba oyo.

• Bobanza kosalela makanisi kati na “Kobatisama mpe Kokotisama mpo na Bankoko” na mabakisi A mpo na kosalisa bana na bino bazela na esengo mokolo ntango bakoki kokota na tempelo (tala lisusu “The Temple and the Plan of Happiness” na bobakisi B).

Tempelo ya Solomon, na Sam Lawlor

Malongi mpe Mayokani 124:91–92

Nkolo akopambola ngai na nzela ya lipamboli ya nkoko.

• Ntango bozali kotanga elongo Malongi mpe Mayokani 124:91–92, bosalisa bana na bino bamona nini Nkolo abengisaki Hyrum Smith asala. Bosolola oyo etali nini lipamboli ya nkoko ezali: lipamboli ekeseni na oyo Nkolo ateyaka biso etali biso moko mpe maye Alingi biso tosala mpe tokoma. Bobanza kosalela eteni “Receiving a Patriarchal Blessing” na bobakisi A mpo na kosalisa bana na bino bamilengela mpo na kozwa lipamboli ya nkoko.

Mpo na makanisi mingi koleka, tala nsango ya sanza oyo na magazini ya Friend .

Tempelo ya Nauvoo, na George D. Durrant