Ten Virgins [Makgarebe a Lesome], ka Jorge Cocco

Ngwanatsele 17–23: “Ipaakanyetseng go Tla ga Monyadi”

Dithuto le Dikgolagano 133–134

Ka 1833, segopa se ne sa tlhasela le go senya ntlo ya kgatiso ya Kereke. Mogare ga ditiro tse di neng di tsweletse go gatisiwa ka nako eo e ne e le Buka ya Ditaelo—maiteko a ntlha a Kereke a go kopanya ditshenolo tsa Modimo tsa malatsi a bofelo gole gongwe. Segopa se ne sa phatlhalatsa ditsebe tse di sa kopanngwang, mme Baitshepi ba pelokgale ba ne ba boloka dingwe tsa tsone, ke di sekae fela tsa dikgatiso tseo tse di neng di sa felela tsa Buka ya Ditaelo tse go itseweng di le teng.

Mo re go itseng jaaka tsetlana 133 ya Dithuto le Dikgolagano go ne go tshwanetse go nna aphentikise ya Buka ya Ditaelo, jaaka letshwao la phegelwana kwa bokhutlong jwa ditshenolo tse di anamisitsweng tsa Morena. E re tlhagisa ka go tla ga letsatsi la katlholo le go boeletsa pitso e e bonwang go ralala tshenolo ya sesha: Tshaba selefatshe, jaaka e kaiwa ka Babilone. Aga Sione. Ipaaakanyetse Go Tla ga Bobedi. Mme phatlalatsang molaetsa o “go ditšhaba tsotlhe, le lotso, le puo, le batho” (temana 37). Ditogamaano tsa pele tsa Buka ya Ditaelo di ne di sa diragadiwa, mme tshenolo e ke kgakololo le bopaki gore tiro ya Morena e tlaya pele, “gonne o tlaa apola letsogo la gagwe le le boitshepo … , mme dikhutlo tsotlhe tsa lefatshe di tlaa bona poloko ya Modimo wa bone” (temana 3).

Megopolo ya go Ithuta kwa Gae le kwa Kerekeng

Dithuto le Dikgolagano 133:4–14

Jeso Keresete o mpiletsa go gana Babilone mme ke tle Sione.

Moriti wa semowa wa Sione ke Babilone—toropo ya bogologolo eo go ralala dikwalo tse di boitshepo e kayang boikepo le botshwaro jwa semowa. Jaaka o bala Dithuto le Dikgolagano 133:4–14, tlhatlhanya ka fa Mmoloki a go bitsang “go … tswa mo Babilone” (temana 5) le “go … tswela pele kwa … Sione” (temana 9). O fetola jang pitso ya Gagwe? O ithuta eng gape ka ga Sione go tswa molaetsa wa Mogolwane D. Todd Christofferson “Come to Zion”? (Liahona, Nov. 2008, 37–40).

Dithuto le Dikgologano 133:1–19, 37–39

Ke ka ipaakanyetsa Go Tla ga Bobedi ga Mmoloki jaanong.

Gotlhe tsetlana 1, ketapele ya Morena ya Dithuto le Dikgolagano, le tsetlana 133, aphentikise ya pele ya Buka ya Ditaelo, di simolola ka kopo e e tshwanang go tswa go Morena: “Reetsang, Lona batho ba kereke ya me” (Dithuto le Dikgolagano 1:1; 133:1). Gongwe o ka ithutuntsha Dithuto le Dikgolagano 133:1–19, 37–39 mme o nankole melaetsa e Morena a go laletsang go e ”reetsa” go (reetsa le go obamela) jaaka o ipaakanyetsa Go Tla ga Bobedi Gagwe. Mo go rileng, o ka nankola dilo tse a batlang o di dira go (1) ipaakanya le (2) go thusa go baakanyetsa lefatshe go boa Gagwe. O ithuta eng mo dinankolong tseo?

Poresidente Russell M. Nelson o abelane boammaaruri jo bo botlhokwa ka ga ka fa lefatshe le tlaa nnang ka teng fa Mmoloki a boa—le ka fa re ka ipaakanyang ka teng. Lebelela boammaaruri jo mo molaetseng wa gagwe “The Future of the Church: Preparing the World for the Savior’s Second Coming” (Liahona, Apr. 2020, 6–11). O ikutlwa o tlhotlheletsega go dira eng—kgotsa go tswelela o dira eng—go “baakanyetsa lefatshe go boa ga Mmoloki”? (“Aaronic Priesthood Quorum Theme,” Motlobo wa Efangele).

Bona le gone Mathaio 25:1–13; Russell M. Nelson, “Embrace the Future with Faith,” Liahona, Nov. 2020, 73–76; “Come, Ye Children of the Lord,” Hymns, no. 58; Topics and Questions, “Second Coming of Jesus Christ,” Motlobo wa Efangele.

Dithuto le Dikgolagano 133:19–56

Go Tla ga Bobedi ga ga Jeso Keresete go tlaa bo go le boitumelo mo basiaming.

Jaaka o bala tlhaloso ya go boa ga Mmoloki mo ditemana 19–56, o bona eng se o tlaabo o se lebeletse? Ke mafoko a fe kgotsa diele tse di tlhalosang lorato la Morena go batho ba Gagwe? Akanya ka go gatisa maitemogelo a gago “bopelonomi jwa lorato lwa Morena wa [gago], le tsotlhe tse a a di [go] neetseng go yeng ka molemo wa gagwe” (temana 52).

Dintlha go tswa Healer [Mofodisi], ka Kelsy and Jesse Lightweave

Dithuto le Dikgolagano 134

“Mebuso e simoloditswe ke Modimo go thusa batho.”

Botsalano jwa Baitshepi ba pele le puso bone bo le thata. Fa Baitshepi ba patelediwa go tswa mo Kgaolong ya Jackson, Missouri, ka 1833, ba ne ba kopa thuso mo pusong ya selegae le ya setšhaba mme ba seka ba amogela epe. Ka nako e tshwanang, batho bangwe kwantle ga Kereke ba ne ba tlhalosa dithuto tsa Sione go raya gore Baitshepi ba gana taolo ya mebuso ya lefatshe. Dithuto le Dikgolagano 134 e kwadilwe, ka bontlhabongwe, go tlhalosa seemo sa Kereke ka puso. Tsetlana e e akantsha eng ka ga ka fa Baitshepi ba Morena ba tshwanetseng go ikutlwa ka puso?

Jaaka o ithutuntsha tsetlana 134, akanya ka go lebelela melawana ya puso le maikarabelo a baagedi. Megopolo e e ka ne e thusitse jang Baitshepi ba pele? E ama jang ka fa o tshelang ka teng koo o nnang teng?

Bona le gone Articles of Faith 1:11–12; Topics and Questions, “Religious Freedom,” Motlobo wa Efangele.

Megopolo ya Go Ruta Bana

Dithuto le Dikgolagano 133:4–5, 14

Morena o batla ke tswa mo bosuleng mo lefatsheng.

• Wena le bana ba gago le ka nankola mafelo mangwe le diemo tse Morena a batlang le tswa mo go tsone. Ke gone o ka tshwantshanya mafelo ao le diemo go ditlhaloso tsa “Babele, Babilone” mo Kaedi go Dikwalo tse di Boitshepo (Motlobo wa Efangele). Ke gone ba ka bala Dithuto le Dikgolagano 133:4–5, 14. Go raya eng “go … tswa mo Babilone”? (temana 5). Le gone o ka dira nankolo e tshwanang ya mafelo le diemo tse Morena a re laletsang le go tshwantshanya nankolo ya tlhaloso ya “Sione” mo Kaedi go Dikwalo tse di Boitshepo.

Dithuto le Dikgolagano133:19–21, 25

Jeso Keresete o tlaa tla gape.

• Bana ba gago ba ka itumelela go diragatsa ka fa go lebegang ka teng go ipaakanyetsa sengwe, jaaka metshameko ya bolo, moeng yo o botlhokwa, kgotsa malatsi a boitapoloso a rategang. Ke eng go ipaakanya go le botlhokwa? Le ka bala mmogo Dithuto le Dikgologano 133:17–19, 21 mme wa laletsa bana ba gago go lebelela se Morena a re laletsang go se ipaakanyetsa. O ka ba bontsha setshwantsho go tswa go palo ya beke e mme wa botsa bana ba gago ka se ba se itseng ka ga Go Tla ga Bobedi ga ga Jeso Keresete. Ke eng gape se re se ithutang mo ditemana 19–25, 46–52? Re ka dira eng go baakanyetsa tiragalo e e itumedisang?

• O ka fitlha ditshwantsho tse di farologanyeng kgotsa di dirisiwa tse di supang dilo tse re ka di dirang go ipaakanyetsa Go Tla ga Bobedi ga ga Jeso Keresete (jaaka go bala dikwalo tse di boitshepo, go abelana efangele, kgotsa go direla malwapa a rona). A bana ba gago ba batle ditshwantsho kgotsa didirisiwa mme le bue ka fa go dira dilo tseo go thusang go iketleeletsa go kopana le Mmoloki fa a boa.

• Le gone le ka opela mmogo pina ka ga Go Tla ga Bobedi, jaaka “When He Comes Again” (Children’s Songbook, 82–83). Abelana le mongwe le mongwe lorato la gago la Mmoloki le maikutlo a gago ka go boa Gagwe.

Dithuto le Dikgolagano 133:52–53

Jeso Keresete o lorato le bopelontle.

• Wena le bana ba gago le ka lebelela ditshwantsho tse di supang gore Jeso o lorato le bopelontle. (Ka sekai, bona Gospel Art Book, nos. 42, 47.) Ke eng gape se Jeso a se dirileng go supa lorato lwa Gagwe le bopelontle? Balang mmogo Dithuto le Dikgolagano 133:52, mme thusa bana ba gago go akanya ka ditsela tse ba ka “umaka bopelonomi jwa lorato lwa Morena wa bone” go ba bangwe.

  

Ntlha go tswa In His Light [Mo Leseding la Gagwe], ka Greg Olsen

Ruta dithuto tse di tlhaloganyesegang ebile di le motlhofo. Morena o ruta efangele ya Gagwe “sentle le ka bomotlhofo“ (Dithuto le Dikgolagano 133:57). Mafoko a a akantsha eng mo go wena ka go ruta efangele go lelwapa la gago kgotsa tlelase?

Dithuto le Dikgolagano 134: 1–2

Morena o batla ke obamela molao.

• Bana ba gago ba ka nankola dikaedi kgotsa melao e ba e obamelang. Botshelo bo ne bo ka nna jang fa ope a ne a sa obamele melao e? Ke gone o ka bala Dithuto le Dikgolagano 134:1–2 le bone, o ba thusa go tlhaloganya lefoko lengwe le lengwe kgotsa diele tse ba ka sekeng ba di tlhaloganya. Ke eng fa Morena a batla re obamela molao? (Bona le gone Mekwalo ya Tumelo 1:12).

Ka ga megopolo e mentsi, bona kgatiso ya kgwedi e ya Friend makasine.

Christ in a Red Robe [Keresete mo Seaparong se Sehibidu], ka Minerva Teichert