Ntlha go tswa mo Joseph Smith in Nauvoo, 1840 [Joseph Smith kwa Nauvoo, 1840], ka Theodore Gorka

Ngwanatsele 10–16: “Ke Bone Ditlhabelo tsa Gago mo Kobamelong”

Dithuto le Dikgolagano 129–132

Ka Joseph Smith, Morena o ne a ntsha mangwe a bosaitsiweng go tswa mo bosakhutleng. Bogolo jwa Modimo, kgalalelo ya legodimo, le bogolo jwa bosakhutleng di ka bonala di tlwaelesegile mo tshedimosetsong ya efangele e e tsosolositsweng, le mo ditlhaloganyong tse di lekanyeditsweng jaaka tsa rona. Ditshenolo tse di mo Dithuto le Dikgolagano 129–32 ke dikai tse di molemo. Modimo o ntse jang? O “na le mmele … o tshwaregang jaaka wa motho.” Legodimo le ntse jang? “Botsalano jone joo jo bo leng teng mo gare ga rona fa bo tlaa nna teng mo gare ga rona koo” (Dithuto le Dikgolagano 130:22, 2). Totatota, nngwe ya boammaaruri jo bo itumedisang thata ka legodimo ke gore le ka akaretsa dikamano tse di rategang tsa malwapa a rona, fa re kannwe ka taolo e e siameng. Boammaaruri jo bo tshwanang le jo bo ka dira gore legodimo le utlwale le se kgakala—le galalela mme le tshwarega.

Mme ke gone, dinako tse dingwe Modimo o ka re kopa go dira dilo tse di lebegang di sa kgonege ebile di sa ka ke tsa fitlhelelwa. Mo Baitsheping ba bantsi ba pele, lenyalo la basadi ba ba fetang bongwe e ne e le nngwe taelo e e neng e ntse jalo. E ne e le teko e e botlhoko ya tumelo mo go Joseph Smith, mosadi wa gagwe Emma, mme go batlile ​​le mo go botlhe ba ba e amogetseng. Go fenya teko ena, ba ne ba tlhoka mo go fetang maikutlo a mantle ka efangele e e tsosolositsweng; ba ne ba tlhoka tumelo mo Modimong e e tsenelelang kwa teng go feta moo. Taelo ga e sa tlhole e le teng gompieno, mme sekao se se boikanngo sa batho ba ba neng ba e tshela se santse se le teng. Mme sekai sena e re kgothatsa fa re kopiwa gore re itirele “ditlhabelo mo kobamelong” (Dithuto le Dikgolagano 132:50).

Megopolo ya go Ithuta kwa Gae le kwa Kerekeng

Dithuto le Dikgolagano 130–132

Modimo o batla go godisa bana ba Gagwe.

Go na le dilo tse dintsi tseo re sa di itseng ka kgalalelo ya bosakhutleng kgotsa botshelo mo dilekanyong tse di kwa godimo tsa bogosi jwa selesetiale—mofuta wa botshelo jo Modimo a bo tshelang. Bogolo jwa gone bo ka nna jwa feta nonofo ya rona ya bosheng go tlhaloganya. Mme Modimo o senotse dintlha di sekae tsa botlhokwa, mme bontsi jwa tsone bo bonwa mo Dithuto le Dikgolagano 130–32. O ka bala ka dipotso tse di tshwanang le tse mo tlhaloganyong: Ke ithuta eng ka Modimo? Ke ithuta eng ka botshelo morago ga loso? Molaetsa ona ka botshelo jo bosakhutleng o segofatsa botshelo jwa me jang gone jaanong?

Bona le gone “Our Hearts Rejoiced to Hear Him Speak,” mo Revelations in Context, 277–80.

Dithuto le Dikgolagano 130:20–21; 132:5

Modimo o segofatsa batho ba ba obamelang melao ya Gagwe.

O ka bolela jang, ka mantswe a gago, seo Morena a se rutang mo Dithuto le Dikgolagano 130:20–21 le 132:5? Tlhatlhanya gore molawana ona o bonaditswe jang mo botshelong jwa gago.

Ka dinako tse dingwe, le fa re obamela Modimo, ditshegofatso tseo re di solofetseng ga di tle gone foo. O tshegetsa tumelo ya gago le tsholofelo jang fa sena se diragala? Batla ditshedimosetso mo molaetseng wa ga Mogolwane D. Todd Christofferson “Our Relationship with God” (Liahona, May 2022, 78–80).

(Bona le gone 1 Nefi 17:35; Dithuto le Dikgolagano 82:10.)

Dithuto le Dikgolagano 132:13–21

Rara wa Legodimo o dirile gore go kgonege gore malwapa a nne mmogo ka bosakhutleng.

Ka Moperofeti Joseph Smith, Morena o tsosolositse boammaaruri jwa gore lenyalo le dikamano tsa lelwapa di ka nna tsa bosakhutleng. Jaaka o bala Dithuto le Dikgolagano 132:13–21, batla diele tse di go thusang go tlhaloganya pharologanyo fa gare ga se se tlaa “nnang” ka bosakhutleng le se se kitlang. O akanya gore go raya eng gore kamano ya lenyalo e tlaa nna “ka [Morena]”? (temana 14).

Mo molaetseng wa gagwe “In Praise of Those Who Save,” Poresidente Dieter F. Uchtdorf o tshwantshanya dikamano tsa lenyalo la bosakhutleng le dilo tse di “latlhwang” (Liahona, May 2016, 77–78) Tshwantshanyo ena e go ruta eng mabapi le ka fa o ka godisang ka teng—kgotsa go ipaakanyetsa—kamano ya lenyalo? Akanya ka dikamano tsa lelwapa la gago—jaanong le mo lobakeng lo lo tlaa tlang—fa o ntse o bala molaetsa wa ga Mogolwane Uchtdorf. Ke eng se o se bonang moo se se go neelang tsholofelo mo go Keresete ka ga dikamano tsa lelwapa la gago?

Poresidente Henry B. Eyring o ne a abelana ka kgakololo ena e a neng a e amogela fa ne a tshwenyegile ka seemo sa lelwapa la gagwe: “Tshela fela ka tshwanelo ya bogosi jwa selesetiale, mme thulaganyo ya lelwapa e tlaa go gakgamatsa go feta jaaka o ka gopola” (mo “A Home Where the Spirit of the Lord Dwells,” Liahona, May 2019, 25). Kgakololo ena e ka go thusa jang kgotsa mongwe yo o mo itseng?

Bona gape “Families Can Be Together Forever,” Hymns, no. 300; Topics and Questions, “Marriage,” Motlobo wa Efangele.

Lenyalo le ka kanwa ka bosakhutleng mo ntlong ya Morena.

Dithuto le Dikgolagano 132:1–2, 29–40

Lenyalo la basadi ba ba fetang bongwe le amolesega mo Modimong fela fa Ene a le laola.

Batho ba le bantsi ba ba badileng Kgolagano e Kgologolo ba ipotsa ka Aberahame, Jakobe, Moshe, le ba bangwe ba ne ba nyala basadi ba bantsi. A batlhanka ba ba Morena ba ne ba dira boaka? A Modimo o ne a letleletse manyalo a bone? Joseph Smith o ne a na le dipotso tse di tshwanang. Batla dikarabo tse Modimo a di neileng mo Dithuto le Dikgolagano 132:1–2, 29–40.

Lenyalo fa gare ga monna a le mongwe le mosadi a le mongwe ke seelo sa Modimo sa lenyalo (bona setlhogo sa tsetlana sa Kitsiso Semmuso 1; Jakobe 2:27, 30). Le fa gontse jalo, go nnile le dinako tseo ka tsone Modimo a laetseng bana ba Gagwe go dira lenyalo la basadi ba ba fetang bongwe.

Dingwaga tsa pele tsa Kereke e e tsosolositsweng e ne e le nngwe ya dinako tseo tse di tlhaotsweng. Fa o batla go itse thata ka lenyalo la basadi ba ba fetang bongwe mo gare ga Baitshepi ba pele, bona “Mercy Thompson and the Revelation on Marriage” (mo Revelations in Context, 281–93); Saints, 1:290–92, 432–35, 482–92, 502–4; Topics and Questions, “Plural Marriage in The Church of Jesus Christ of Latter-day Saints,” Motlobo wa Efengale; “Why Was It Necessary for Joseph Smith and Others to Practice Polygamy?” (setshwantsho sa motshikinyego), ChurchofJesusChrist.org.

Why was it necessary for Joseph Smith and others to practice polygamy?

A question from the Worldwide Devotional: A Face to Face Event with Elder Cook on September 9, 2018

Megopolo ya Go Ruta Bana

Dithuto le Dikgolagano 130:2, 18–19; 132:13, 19

Rara wa Legodimo o batla ke tsepamisa maikutlo mo dilong tsa bosakhutleng.

• Ke eng se Dithuto le Dikgolagano 132:13 e re ruta eng ka dilo tsa lefatshe? Gongwe wena le bana ba gago le ka paka potomente kgotsa beke e e belegwang ka di dirisiwa tse di kayang dilo tse, go ya ka Dithuto le Dikgolagano 130:2, 18–19; 132:19, re ka di tsayang le rona botshelong jo bo latelang.

Dithuto le Dikgolagano 130:20–21; 132:5, 21–23

Modimo o a ntshegofatsa jaaka ke sala melao ya gagwe morago.

• Gongwe tshwantshanyo e e motlhofo e ka ruta bana ba gago ka ga go obamela ditaelo tsa Modimo. Sekai, o ka ba kopa go go neela dikaelo go tsamaela golo gongwe, jaaka sekole kgotsa kago ya Kereke. Go diragala eng fa re sa sale morago dikaelo? Ke gone le ka bala Dithuto le Dikgolagano 130:21 mme le tshwantshanye dikaelo tse le ditaelo tse Modimo a re di neetseng.

• Le ka opela gape mmogo pina ka kobamelo, jaaka “Keep the Commandments” (Children’s Songbook, 146–47), mme le batle mafoko mo Dithuto le Dikgolagano 130:20–21 le 132:5 a a tshwanang le ao a a mo pineng. Modimo o re segofatsa jang fa re leka go tshegetsa ditaelo tsa Gagwe?

Dithuto le Dikgolagano 130:22

Rara wa Legodimo le Jeso Keresete ba na le mebele ya nama e e sa sweng.

• Fa lo sena go bala Dithuto le Dikgolagano 130:22 mmogo, wena le bana ba gago lo ka leba setshwantsho sa ga Jeso Keresete mme la supa matlho a Gagwe, molomo wa Gagwe, le dikarolo tse dingwe tsa mmele wa Gagwe.” Bana ba ka supa dikarolo tsone tseo tsa mebele ya bone. Ba bolelele gore ke eng go le botlhokwa go itse gore mebele ya rona e tshwana le mebele ya ga Rara wa Legodimo le Jeso.

Ka ntlha ya ditao tsa ntlo ya Morena, malwapa a ka nna a bosakhutleng.

Dithuto le Dikgolagano 132:19

Mo go dira gore go kgonege gore malwapa a nne mmogo ka bosenangbokhutlo.

• Thusa bana go batla dikai tsa dilo tse di sa nneleng ruri—dijo tse di bolang, dithunya tse di swabang, le jalo jalo. Ke gone leba Dithuto le Dikgolagano 132:19 mmogo mme le batle diele tsa botlhokwa jaaka “kgolagano e e sa khutleng,” “kannwe,” “go ya ka bosakhutleng,” le “ka bosenabokhutlo le ka bosaengkae.” (Bona gape “Chapter 55: A Revelation about Marriage,” mo Doctrine and Covenants Stories, 198, kgotsa setshwantsho sa motshikinyego se se tsamelanang mo Motlobong wa Efangele.) O ka leba gape ditshwantsho tsa lelwapa la gago mme wa paka gore Morena o dirile gore go kgonege, ka ditao le dikgolagano tsa tempele, gore malwapa a nnele ruri.

Chapter 55: A Revelation about Marriage: July 1843

Akanyetsa maikutlo ka diemo tsa malwapa tsa ba bangwe. “Gompieno bana ba iphitlhela ba le mo maemong a mantsi le a a farologaneng le a a raraaneng a malwapa. … [Re] tlhoka go atamela kwa go [bao] ba ba ikutlwang ba le nosi, ba kgaphetswe morago, kgotsa kwantle ga terata” (Neil L. Andersen, “Whoso Receiveth Them, Receiveth Me,” Liahona, May 2016, 49, 52).

Ka ga megopolo e mentsi, bona kgatiso ya kgwedi e ya Friend makasine.

Ntlwana ya go kana mo Tempele ya Paris France