Kgolegelo ya Carthage

Ngwanatsele 24–30: “O Kanne Thomo ya Gagwe le Ditiro tsa Gagwe ka Madi a Gagwe”

Dithuto le Dikgolagano 135–136

Motshegare wa Seetebosigo 27, 1844, Joseph le Hyrum Smith ba ne ba le mo kgologelong gape, ba patilwe ke John Taylor le Willard Richards. Ba ne ba dumela gore ba ne ba sena molato wa ditotafatso dipe, mme ba ne ba ineela mo go tshwarweng, ba solofela go babalela Baitshepi kwa Nauvoo. E ne e se lantlha baba ba Kereke ba ne ba latlhetse Moperofeti Joseph mo kgolegelong, mme nako e o ne a lebega a itse gore ga a kake a boa a tshela. Ene le ditsala tsa gagwe ba ne ba leka go gomotsana ka go bala go tswa mo Bukeng ya ga Momone le go opela difela. Ke gone go hula ga tlhobolo gone ga utlwiwa, mme mo metsotsong e se kae matshelo a ga Joseph Smith le mokaulengwe wa gagwe Hyrum a ne a tlile bokhutlong.

Mme gone e ne e se bokhutlo jwa tiro ya bone ya selegodimo e ba e amogetseng. Mme e ne e se bokhutlo jwa Tsosoloso ya efangele ya ga Jeso Keresete. Go ne go na le tiro e ntsi e tshwanetseng go dirwa le tshenolo e ntsi e e tlaa kaelang Kereke go ya pele. Bokhutlo jwa botshelo jwa Moperofeti e ne e se bokhutlo jwa tiro ya Modimo.

Bona Saints, 1:521–52.

Megopolo ya go Ithuta kwa Gae le kwa Kerekeng

Dithuto le Dikgolagano 135; 136:37–39

Joseph le Hyrum Smith ba kanne mapaki a bone ka madi a bone.

Akanya ka fa o ka bo o ikutlwile ka teng fa o ne o ka bo o nna kwa Nauvoo fa Joseph le Hyrum Smith ba ne ba bolawa (bona Saints, 1:554–55). O ka bo o tlhalogantse jang tiragalo e botlhoko e? Dithuto le Dikgolagano 135, fa e ne ya anamisiwa morago ga kgwedi tse tharo, e kabo e thusitse. Jaaka o ithutuntsha tsetlana e, akanya ka se se ka bo se go tliseditse go tlhaloganya le tsholofelo. O ka araba o reng fa motho a botsa, “Ke eng fa Modimo a letlelela Moperofeti wa Gagwe go bolawa?” (bona Dithuto le Dikgolagano 136:37–39).

Le gone o ka ithutuntsha tsetlana 135 o batla mafoko le diele tse di go tlhotlheletsang go nna boikanyego mo go Keresete go ya bokhutlong, jaaka Joseph le Hyrum ba ne ba ntse.

Bona le gone Doctrine and Covenants 5:21–22; “Remembering the Martyrdom,” mo Revelations in Context, 299–306; Teachings of Presidents of the Church: Joseph Smith (2011), 522–23, 529–40; “Testimony of the Book of Mormon” (setshwantsho sa motshikinyego), Motlobo wa Efangele.

Testimony of the Book of Mormon

A modern-day Apostle describes the unwavering faith the Church's founders showed, even in the face of death, to remain true to their testimonies of the Book of Mormon.

Dithuto le Dikgolagano 135:3

Joseph Smith e ne e le moperofeti le mosupi wa ga Jeso Keresete.

Dithuto le Dikgolagano 135:3 e nankola dilo dingwe tse Joseph Smith a di fitlheletseng “mo nakong e khutshwane ya dingwaga tse di masome mabedi.” Dilo tseo di go amile jang le botsalano jwa gago le Rara wa Legodimo le Jeso Keresete? Akanya ka fa o ka feleletsang seele jaaka se: Gonne ka se Morena a se dirileng ka Joseph Smith, ke … Le gone o ka gatisa le go abelana bopaki jwa gago jwa ga Moperofeti Joseph Smith le ba bangwe.

Tsela e nngwe ya go ithuta ka ga thomo ya ga Joseph Smith ke go leka go kwala ka bokhutshwane botshelo jwa moswi kgotsa segopotso ka ga ene. O tlaa reng go aga tumelo mo go Keresete le tsosoloso ya efangele ya Gagwe? O ka batla go akaretsa ditiragalo tse di botlhokwa kgotsa diphitlhelelo tse di bonwang mo Dithuto le Dikgolagano 135 kgotsa tse di umakilweng mo di didirisiweng tse di fa tlase.

Jeso Keresete o senotse boammaarurri jo bontsi ka ga Ene le Tetlanyo ya Gagwe ka Joseph Smith. Akanya ka go tlhatlhanya maitemogelo a o nnileng le one fa o ithutuntsha Dithuto le Dikgolagano mo ngwageng o. Ke bofe boammaaruri jo bo go gwetlhang? O ka batla go abelana se le lelwapa la gago, tlelase kgotsa maloko a khoramo, kgotsa ba bangwe jaaka o ithutuntsha beke e. Boammaaruri jo bo go thusa jang go tlhaloganya le go atumalana le Mmoloki?

Bona le gone “Joseph Smith: The Prophet of the Restoration” (setshwantsho sa motshikinyego), Motlobo wa Efangele; Tad R. Callister, “Joseph Smith—Prophet of the Restoration,” Liahona, Nov. 2009, 35–37; “Praise to the Man,” Hymns, no. 27; Topics and Questions, “Joseph Smith,” Motlobo wa Efangele.

Joseph Smith: The Prophet of the Restoration

A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

Moopelo o o Amanang

Go opela difela tse di latelang kgotsa go lebelela ditshwantsho tsa motshikinyego go ka laletsa Mowa o o Boitshepo go rotloetsa puisanyo ka tiro ya ga Moperofeti Joseph Smith le ditlhabelo tsa baitshepi ba ba tsweletseng morago ga ene.

“A Poor Wayfaring Man of Grief” (Hymns, no. 29). Fa a le mo Kgolegelo ya Carthage, John Taylor o ne a opela sefela se.

“Praise to the Man” (Hymns, no. 27; bona le gone setshwantsho sa motshikinyego). Mokwalo wa sefela se o ne wa kwalwa jaaka segopotso sa malebogo go Joseph Smith.

Praise to the Man – The Tabernacle Choir at Temple Square

The Tabernacle Choir and Orchestra at Temple Square perform "Praise to the Man". Follow along a recording session and see beautiful historical scenery and art.

“Come, Come, Ye Saints” (Hymns, no. 30; bona le gone setshwantsho sa motshikinyego).

Come, Come, Ye Saints - Mormon Tabernacle Choir

The Mormon Tabernacle Choir and Orchestra at Temple Square perform one of their signature anthems, "Come, Come Ye Saints" arranged by Mack Wilberg. From the Music and the Spoken Word broadcast episode 4323, July 22, 2012.

“Faith in Every Footstep” (bona setshwantsho sa motshikinyego).

Faith in Every Footstep - Mormon Tabernacle Choir

The Mormon Tabernacle Choir performs "Faith in Every Footstep" from the 2014 Pioneer Day concert. Music and lyrics by K. Newell Dayley.

Dithuto le Dikgolagano 136

Ke ka thusa go diragatsa go rata ga Morena jaaka ke sala morago kgakololo ya Gagwe.

Morago ga go swa ga ga Joseph Smith, Baitshepi ba ne ba lelekiwa go tswa mo Nauvoo. Ba ne ba lebaganwe ke dimaele tse 1,300 (2,100 km) tsa mosepele go ralala naga e bogale. Brigham Young, Poresidente ya Khoramo ya Baaposetole ba ba Lesome le Bobedi, o ne a tshwenyegile ka ga ka fa Baitshepi ba tlaa kgonang mosepele yoo. Mo bonnong jwa nakwana jo bo bidiwang Winter Quarters, o ne a kopa kaelo. Phetolo ya Morena e gatisitswe mo tsetlana 136. “Ka go thusa Baitshepi go gakologelwa gore boitsholo jwa bone mo mosepeleng bo ne bo le botlhokwa fela jaaka go fitlhelela ga bone, tshenolo e ne ya thusa go fetola go fuduga ga bophirima go tswa mo go neng go sa tlhokafale go nna maitemogelo a a botlhokwa a a tshwanang a semowa” (“This Shall Be Our Covenant,” mo Revelations in Context, 308).

Tshegetsa se mo tlhaloganyong jaaka o ithutuntsha tsetlana 136. Ke kgakololo e fe e o e bonang e e ka go thusang go fetola teko e e thata mo botshelong jwa gago “go nna a a botlhokwa … maitemogelo a semowa”? O ka tlhatlhanya ka fa kgakololo e e ka go thusang go diragatsa go rata ga Morena mo botshelong jwa gago, jaaka e thusitse Baitshepi ba pele mo mesepeleng ya bone.

Bona le gone “This Shall Be Our Covenant,” mo Revelations in Context, 307–14; “Come, Come, Ye Saints,” Hymns, no. 30; Church History Topics, “Succession of Church Leadership,” Motlobo wa Efangele.

Dintlha go tswa Winter Quarters, ka Greg Olsen

Megopolo ya go Ruta Bana

Dithuto le Dikgologano 135:1–2, 4–5

Joseph le Hyrum Smith ba neetse matshelo a bone ka ntlha ya ga Jeso Kereserete le efangele ya Gagwe.

• Khutshwafaletsa bana ba gago Doctrine and Covenants 135:1 kgotsa abelana “Chapter 57: The Prophet Is Killed” (mo Doctrine and Covenants Stories, 201–5, kgotsa setshwantsho sa motshikinyego se se tsamelanang mo Motlobo wa Efangele). Se e ka nna tshono e molemo ya gago le bana ba gago go abelana maikutlo ka ga setlhabelo se Joseph le Hyrum ba se diretseng Mmoloki le efangele ya Gagwe.

  Chapter 57: The Prophet Is Killed: June 1844

• Dithuto le Dikgolagano 135:4–5 e tlhalosa gore Hyrum Smith o badile ditemana go tswa mo Bukeng ya ga Momone pele fa a ya kwa Kgolegelo ya Carthage. Wena le bana ba gago le ka bala ditemana tseo mmogo (bona Ethere 12:36–38). Ditemana tse di ka tswa di gomoditse Hyrum jang? Le wena o ka abelana dikwalo tse di boitshepo tse di go tlisetsang kgomotso fa o tshwenyegile kgotsa o sa itumela.

• Wena le bana ba gago le ka lebelela ditshwantsho tsa baperofeti (bona Gospel Art Book, nos. 7, 14, 67) mme lo bue ka ga dingwwe tsa dilo tse Modimo a lopang baperofeti go di dira. Baperofeti ba ba ntsheditse Mmoloki setlhabelo se fe?

  

Mo gae, go ithuta le go tshela ga go kgaogane. “Efangele e tsaya boleng jo bo rileng ka bonako mo gae. Koo batho ba o ithutang le bone efangele ke batho ba o tlaa e tshelang le bone—letsatsi lengwe le lengwe. Ka nnete, nako e ntsi, go tshela efangele ke kafa re ithutang efangele” (Teaching in the Savior’s Way, 31).

Dithuto le Dikgolagano 135:3

Joseph Smith e ne e le moperofeti le mosupi wa ga Jeso Keresete.

• Go thusa bana ga gago go gakologelwa le go amogela ka fa Morena a re segofaditseng ka teng ka thomo ya ga Joseph Smith, o ka supa dilo tse di emetseng tse Joseph a di dirileng, jaaka Buka ya ga Momone, Dithuto le Dikgolagano, kgotsa setshwantsho sa tempele (bona le gone ya beke e tsebe ya tiragatso). Ke gone bana ba gago ba ka lebelela Dithuto le Dikgolagano 135:3 go batla dilo dingwe tse Joseph Smith a di dirileng go re thusa go atumalana le Rara wa Legodimo le Jeso Keresete. Laletsa bana ba gago go abelana gore ke eng ba itumelela dilo tseo.

American Prophet [Moperofeti wa Moamerika], ka Del Parson

Dithuto le Dikgolagano 136

Morena o ka nthusa fa ke sokola.

• Akanya ka go baya setshwantsho sa Tempele ya Nauvoo ka kwa ntlheng e nngwe ya ntlwana mme o dire kago e motlhofo kwa ntlheng e nngwe. Laletsa bana ba gago go phuthegela gaufi le setshwantsho, mme o ba bolelele ka ga Baitshepi ba ba neng ba tlamega go tlogela Nauvoo morago ga go swa ga ga Joseph Smith (bona chapters 58, 60, and 62 in Doctrine and Covenants Stories, 206–8, 211–16, 222–24, kgotsa ditshwantsho tsa motshikinyego tse di tsamaelanang mo Motlobo wa Efangele). Gatelela tumelo e Baitshepi ba neng ba na le yone mo go Jeso Keresete, mme o laletse bana ba gago go ya kwa kagong go kaya mosepele go ya Winter Quarters. Ba ka opela pina jaaka “To Be a Pioneer” (Children’s Songbook, 218–19) jaaka ba tsamaya.

  Chapter 58: A New Leader for the Church: July–August 1844

  Chapter 60: The Saints Leave Nauvoo: September 1845–September 1846

  Chapter 62: The Saints Establish Winter Quarters: 1846–1847

• Tlhalosa gore mo Dithuto le Dikgolagano 136, Morena o neetse kgakolo go thusa Baitshepi mo mosepeleng wa bone go ya Mogogorong wa Salt Lake. Thusa bana ba gago go bona sengwe mo tshenolong e se se ka ba neelang kgothatso mo mosepeleng wa bone (bona ditemana 4, 10–11, 18–30). Kgakololo e e ka re thusa jang mo ditekong tse re lebaganang le tsone?

Ka ga megopolo e mentsi, bona kgatiso ya kgwedi e ya Friend makasine.

Greater Love Hath No Man [Ga Go Motho Ope yo o Nang le Lorato lo lo Fetang], ka Casey Childs