Nauvoo the Beautiful [Nauvoo yo Montle], ka Larry C. Winborg. Copyright 2023

Phalane 27–Ngwanatsele 2: “Ntlo go Leina la Me”

Dithuto le Dikgolagano 124

Jaaka go le thata jaaka gone go ntse mo dingwageng tse thataro tse di fitileng go Baitshepi, dilo tsa simolola go lebega botoka mo dikgakologong tsa 1839: Baitshepi ba batshabi ba ne ba bone bopelontle mo gare ga banni ba Quincy, Illinois. Badisa magolegwa ba ne ba letlelela Joseph Smith le baeteledipele ba bangwe ba Kereke go falola botshwarwa mo Missouri. E bile Kereke e ne e rekile lefatshe mo Illinois koo Baitshepi ba neng ba ka phuthegela gape. Ee, go ne go le makgobokgobo, e le lefatshe le le monang, mme fa go tshwantshanngwa le dikgwetlho tse Baitshepi ba lebaganeng le tsone, mo go ne ekete go botoka. Ka jalo ba gopa makgobokgobo mme ba simolola go kwala melao metheo ya toropo e ntšha, e ba e biditseng Nauvoo. E raya “bontle” ka Sehebera, le ntswa e ne e le bokao mo gogolo jwa tumelo go na le tlhaloso e e maleba, e le ga ntlha. Le fa gontse jalo, Morena o ne a gwetlha Moperofeti wa Gagwe ka tlhaloganyo ya ka pela. O ne a na le boammaaruri jo bontsi le ditao go di tsosolosa, mme O ne a tlhoka tempele e e boitshepo kwa a ka dirang “go rwesa [Baitshepi ba Gagwe] ka tlotlo, bosasweng, le botshelo jo bosakhutleng” (Dithuto le Dikgolagano 124:55). Ka ditsela tse dintsi, maikutlo a a tshwanang a tumelo le a ka pela a bonala mo tirong ya Morena gompieno.

Bona Saints, 1:399–427; “Organizing the Church in Nauvoo,” in Revelations in Context, 264–71.

Ithute mo gontsi ka ga mafelo a ditso tsa Kereke mo Illinois.

Megopolo ya go Ithuta kwa Gae le kwa Kerekeng

Dithuto le Dikgolagano 124:2–11

Ke ka laletsa ba bangwe go tla go Keresete.

Morena o boleletse Moperofeti Joseph Smith go “dira polelo ya bongwefela ya efangele ya [Gagwe]” go “tsotlhe dikgosi tsa lefatshe” (bona Dithuto le Dikgolagano 124:2–11). Fa o ne o amogetse thomo e, kitsiso ya gago e ne e ka reng ka Jeso Keresete le tsosoloso ya Gagwe ya efangele. Le gone tlhatlhanya ka fa o ka abelanang bopaki jwa gago ka tlwaelo le ka tlholego le batho ba o kopanang le bone letsatsi le letsatsi.

Bona gape “Tsosoloso ya Efangele ya ga Jeso Keresete ka Botlalo: Kanamiso mo Lefatsheng ya Go Ipelela Dingwaga tse di Makgolo a Mabedi,” Motlobo wa Efangele.

Dithuto le Dikgolagano 124:12–21

Ke ka nna morutwana yo Morena a mo tshephang.

Akanya ka go abelana le ba bangwe, jaaka Mmoloki a dirile mo Dithuto le Dikgolagano 124:12–21, mekgwa ya Bokeresete e o e bonang mo go bone. O go supegeditse jang lorato la Gagwe le tshepo?

Bona le gone Richard J. Maynes, “Earning the Trust of the Lord and Your Family,” Liahona, Nov. 2017, 75–77.

Dithuto le Dikgologano 124:22–24, 60–61

Morena o batla ke amogela mme ke amogele ba bangwe.

Jaaka o bala ka taelo ya Morena mo go Dithuto le Dikgolagano 124:22–24, 60–61, o ka akanya ka fa o ka dirang legae la gago le wate ya gago lefelo le Morena a le sedimositseng ka Nauvoo.

Bona le gone “A Friend to All” (setshwantsho sa motsikinyego), ChurchofJesusChrist.org.

A Friend to All

Elder Ulisses Soares talks of the need for kindness and acceptance.

Dintlha go tswa Joseph Smith at the Nauvoo Temple [Joseph Smith a le kwa Tempele ya Nauvoo], ka Gary E. Smith

Dithuto le Dikgolagano 124:25–45, 55

Re agela Morena ditemepele go amogela ditao tse di boitshepo.

Ke eng o ikutlwa gore Morena ka “metlha o laola” batho ba Gagwe “go aga [ditempele] go leina la [Gagwe] le le boitshepo”? Akanya ka go dira mola wa mabaka a o a bonang mo Dithuto le Dikgolagano 124:25–45, 55. O ka bona a mangwe mo sefeleng jaaka “We Love Thy House, O God” (Hymns, no. 247) kgotsa setshwantsho sa motshikinyego sa “What Is a Temple?” (Motlobo wa Efangele). Ke ka ga jang gore tiro ya go aga ditempele ke tshupo ya Morena ya lorato mo go wena?

What Is a Temple?

The difference between chapels, where Latter-day Saints meet for regular Sunday worship, and temples is also explained.

E sale ka go agiwa ga Tempele ya Nauvoo ka 1840, go agilwe ditempele di ka feta 300 kgotsa di itsisitswe. Poresidente Russell M. Nelson o rutile: Re a itse gore nako ya rona mo tempeleng e botlhokwa go poloko le kgalalelo ya bosakhutleng ya rona le go ya malwapa a rona. … Dikiteo tsa mmaba di gola ka mmetela, mo go tiileng mme go farologane. Go tlhoka go nna mo tempeleng kgapetsa kgapetsa ga rona ga go ise go nne go golo jaana” (“Becoming Exemplary Latter-day Saints,” Liahona, Nov. 2018, 114). Tempele e go thusitse jang go emelelana le “dikiteo tsa mmaba”? O ikutlwa o tlhotlheletsega go dira eng go sala kgakololo ya ga Poresidente Nelson morago?

Bona le gone “Why Latter-day Saints Build Temples,” temples.ChurchofJesusChrist.org.

Dithuto le Dikgolagano 124:45–55

Morena o segofatsa batho ba ba lekang go obamela ditaelo tsa Gagwe.

Baitshepi ba ne ba laetswe go aga tempele mo Kgaolong ya Jackson, Missouri, mme ba ne ba “kgorelediwa ke baba ba bone” (Dithuto le Dikgolagano 124:51). Ditemana 49–55 di na le molaetsa o o rurifatsang go batho ba ba batlang go obamela ditaelo tsa Modimo mme ba kganelwa go dira jalo ka ntlha ya lelwapa kgotsa diemo tse dingwe. O bona kgakololo e fe mo ditemaneng tse e e ka thusang mongwe mo seemong se se ntseng jalo?

Dithuto le Dikgolagano 124:91–92

Morena o ka nkaela ka tshegofatso ya me ya bopatiriaka.

Ka bokhutshwane morago ga rraagwe Moperofeti, Joseph Smith Sr, a sena go tlhokafala, Morena a bitsa Hyrum Smith go pitso e rraagwe a neng a e tshegeditse—Mopatiriaka go Kereke. O ka bala ka se mo Dithuto le Dikgolagano 124:91–92.

Go ithuta mo gontsi ka ga ditso tsa dipatiriaka le ditshegofatso tsa bopatiriaka, tobetsa fa.

O ka tlhalosa jang tshegofatso ya bopatiriaka go mongwe yo a iseng a utlwe ka yone? O ka reng go rotloetsa mongwe go e amogela? Lebelela dikarabo go dipotso tse mo molaetseng wa Mogolwane Randall K. Bennett “Your Patriarchal Blessing—Inspired Direction from Heavenly Father” (Liahona, May 2023, 42–43) or Topics and Questions, “Patriarchal Blessings” (Motlobo wa Efangele).

Go yeng ka se o se ithutileng le maitemogelo, akanya ka fa o ka feleletsang seele se: “Tshegofatso ya bopatiriaka e tshwana le .” Ke eng Rara wa Legodimo a batla bana ba Gagwe ba amogela tshegofatso ya bopatiriaka?

Fa o ise o amogele tshegofatso ya bopatiriaka, o ka dira eng go e ipaakanyetsa? Fa o amogetse tshegofatso ya bopatiriaka, o ka bontsha Modimo jang gore o boloka neo e?

Bona le gone Kazuhiko Yamashita, “When to Receive Your Patriarchal Blessing,” Liahona, May 2023, 88–90; General Handbook, 18.17, Motlobo wa Efangele.

Ruta go tswa mo pelong. Go ruta go na le boleng thata fa o akaretsa maitemogelo le bopaki. Ka sekai, fa o amogetse tshegofatso ya bopatiriaka, e sekaseke jaaka o ipaakanyetsa go ruta ka ditshegofatso tse di kgethegileng tse. Ke eng o lebogela tshegofatso ya gago? O ka rotloetsa ba bangwe jang go baakanyetsa go amogela ya bone kgotsa go ithutuntsha ditshegofatso tsa bopatiriaka kgapetsa kgapetsa?

Megopolo ya go Ruta Bana

Dithuto le Dikgolagano 124:15, 20

Jeso Keresete o rata thokgamo.

• Go thusa bana ba gago go gakologelwa se ba se ithutang go tswa Dithuto le Dikgolagano 124:15, 20, o ka ba thusa go tshwantsha le go kgaola dipelo tsa pampiri. Mo dipelong, o ka ba thusa go kwala diele tsa konokono go tswa mo ditemaneng tse. Pina jaaka “Stand for the Right” (Children’s Songbook, 159) e ka thusa go gatelela mafoko a Morena.

• Morago ga go bala mmogo Dithuto le Dikgolagano 124:15, 20, gongwe o ka thusa bana ba gago go batla gore go raya eng go tshela ka thokgamo mo tsebe 31 ya For the Strength of Youth: A Guide to Making Choices. Morena o rileng mo go tlhamaletseng ka ga George Miller mo temana 20 “ka ntlha ya thokgamo ya pelo ya ga [George]”? Le gone o ka abelana dikai tsa bana ba supa thokgamo go tswa mo maitemogelong a gago kgotsa go tswa Friend makasine. Laletsa bana ba gago go baya maikemisetso go supa thokgamo beke e mme ba go bolelele ka fa ba neng ba ikutlwa ka teng fa ba dira jalo.

Dithuto le Dikgolagano 124:28–29, 39

Jeso o laola batho ba Gagwe go aga ditempele.

• Bana ba gago ba ka itumelela go lebelela ditshwantsho tsa tempele, go akaretsa le tempele ya bogologolo le tempele e gaufi le kwa ba nnang (bona ChurchofJesusChrist.org/temples/list). O ka dirisa ditshwantsho tse le Dithuto le Dikgolagano 124:39 go tlhalosa gore Jeso Keresete ka metlha o ne a laola batho ba Gagwe go aga ditempele—mo dinakong tsa bogologolo le mo dinakong tsa rona (bona le gone ya beke e tsebe ya tiragatso).

• Fa o nna gaufi le tempele, akanya ka go tseela bana ba gago koo mme ka tshisibalo le tsamaye mo ditikologong tsa tempele. Ba laletse go batla mafoko “Boitshepo go Morena—Ntlo ya Morena” kwa ntle ga tempele. Bua le bana ba gago gore mafoko a a raya eng.

• Akanya ka go dirisa megopolo mo “Being Baptized and Confirmed for Ancestors” mo aphentekise A go thusa bana ba gago go lebelela go ya pele go letsatsi le fa ba tlaa tsenang mo tempeleng (bona le gone “The Temple and the Plan of Happiness” mo aphentikise B).

Solomon’s Temple [Tempele ya ga Solomone], ka Sam Lawlor

Dithuto le Dikgolagano 124:91–92

Morena o ka ntshegofatsa ka tshegofatso ya bopatiriaka.

• Jaaka le bala mmogo Dithuto le Dikgolagano 124:91–92, thusa bana ba gago go batla se Morena a bileditseng Hyrum Smith go se dira. Bua ka ga gore tshegofatso ya bopatiriaka ke eng: tshegofatso e e kgethegileng eo Morena a re rutang ka ga rona le se a batlang re se dira le go nna sone. Akanya ka go dirisa tsetlana “Receiving a Patriarchal Blessing” mo aphentekise A go thusa bana ba gago go ipaakanyetsa go amogela tshegofatso ya bopatiriaka.

Ka ga megopolo e mentsi, bona kgatiso ya kgwedi e ya Friend makasine.

The Nauvoo Temple [Tempele ya Nauvoo], ka George D. Durrant