Damgo ni Lehi, ni Steven Lloyd Neal

Enero 13–19

1 Nefi 8–10

“Dali kag Magkaon sang Prutas”

Sa imo pagbasa sang 1 Nefi 8–10, pamensara kon ano nga mga mensahe sa palanan-awon ni Lehi ang magamit sa imo. Isulat ang espirituhanon nga mga panghunahuna nga imo mabaton sa imo balaan nga mga kasulatan, sa notbuk, ukon sa sining manwal.

Isulat Ang Imo Mga Panghunahuna

Ang damgo ni Lehi—upod ang barandilya nga salsason, mga alupuop sang kadulom, maligwa nga bilding, kag kahoy nga may “sa pagkatam-is” nga prutas—isa ka makainspirar nga imbitasyon nga batunon ang mga bugay sang pagpalangga kag nagapasag-uli nga sakripisyo sang Manluluwas. Para kay Lehi ugaling, ang ining palanan-awon parte man sa iya pamilya: “Tungod sang butang nga akon nakita, may kabangdanan ako sa pagkasadya sa Ginuo tungod kay Nefi kag subong man kay Sam. … Apang yari karon, Laman kag Lemuel, tuman ako nga nahadlok tungod sa inyo” (1 Nefi 8:3–4). Sang matapos si Lehi nga maglaragway sang iya palanan-awon, gin-ayo niya si Laman kag Lemuel nga “magpamati sa iya mga pulong, agud basi pa lang nga ang Ginuo maluoy sa ila” (1 Nefi 8:37). Bisan pa nga natun-an mo na ang palanan-awon ni Lehi sing pila ka beses, sini nga tion pamensara ini pareho kay Lehi—pamensara ang isa ka tawo nga palangga mo. Sa paghimo mo sini, ang seguridad sang barandilya nga salsalon, ang mga peligro sang maligwa nga bilding, kag ang katam-is sang prutas makaangkon sang bag-o nga kahulugan. Kag maintiendihan mo sing mas madalom “ang bug-os nga balatyagon sang [isa ka] mapinalanggaon nga ginikanan” nga nagbaton sining dako nga palanan-awon.

Mga Ideya para sa Personal nga Pagtuon sang Balaan nga Mga Kasulatan

1 Nefi 8

Ang pulong sang Dios nagadala sa akon padulong sa Manluluwas kag nagabulig sa akon nga mabatyagan ang Iya pagpalangga.

Ang palanan-awon ni Lehi nagatanyag sang imbitasyon nga panumdumon kon sa diin ka karon—kag kon sa diin ka nagapadulong—sa imo personal nga pagpanglakaton agud makilala ang Manluluwas kag mabatyagan ang Iya pagpalangga. Si Pangulong Boyd K. Packer nagtudlo: “Mahimo nga ginapensar mo nga ang damgo ukon palanan-awon ni Lehi wala sang espesyal nga kahulugan para sa imo, pero may ara. Ara ka diri; ara kita tanan diri (tan-awa sa 1 Nefi 19:23). Ang damgo ukon palanan-awon ni Lehi sang barandilya nga salsalon nagalakip sang tanan nga … kinahanglan sang isa ka Santos sa Ulihing-mga-Adlaw agud mahibal-an ang pagtilaw sang kabuhi” (“Lehi’s Dream and You,” New Era, Ene. 2015, 2).

Isa ka paagi agud tun-an ang 1 Nefi 8 amo ang sulatan ang isa ka tsart pareho sa ginapakita diri. Agud maintiendihan ang kahulugan sang mga simbolo, makabulig ang balikan ang palanan-awon ni Nefi sang magpangamuyo sia nga maintiendihan ang palanan-awon sang iya amay—tan-awa labi na gid sa 1 Nefi 11:4–25, 32–36; 12:16–18; kag 15:21–33, 36. Sa imo pagtuon sang palanan-awon ni Lehi, pamensara kon ano ang gusto sang Ginuo nga imo matun-an.

Simbolo gikan sa palanan-awon ni Lehi	Mga kahulugan	Mga pamangkot nga dapat hunahunaon
Simbolo gikan sa palanan-awon ni Lehi Kahoy kag iya mga bunga (1 Nefi 8:10–12)	Mga kahulugan	Mga pamangkot nga dapat hunahunaon Ano ang ginahimo ko agud imbitaron ang iban nga mag-ambit sang pagpalangga sang Dios?
Simbolo gikan sa palanan-awon ni Lehi Suba (1 Nefi 8:13)	Mga kahulugan	Mga pamangkot nga dapat hunahunaon
Simbolo gikan sa palanan-awon ni Lehi Barandilya nga salsahon (1 Nefi 8:19–20, 30)	Mga kahulugan	Mga pamangkot nga dapat hunahunaon
Simbolo gikan sa palanan-awon ni Lehi Alupuop sang kadulom (1 Nefi 8:23)	Mga kahulugan	Mga pamangkot nga dapat hunahunaon
Simbolo gikan sa palanan-awon ni Lehi Dako kag maligwa nga bilding (1 Nefi 8:26–27, 33)	Mga kahulugan	Mga pamangkot nga dapat hunahunaon
Simbolo gikan sa palanan-awon ni Lehi	Mga kahulugan	Mga pamangkot nga dapat hunahunaon

Tan-awa man sa David A. Bednar, “Lehi’s Dream: Holding Fast to the Rod,” Ensign ukon Liahona, Okt. 2011, 33–37.

Si Lehi nga nagakaon sang prutas sang kahoy sang kabuhi. Kahoy sang Kabuhi, ni Marcus Alan Vincent

1 Nefi 9

Ngaa naghimo si Nefi sang duwa ka grupo sang mga lamina?

Ang “maalamon nga katuyuan” sang paghimo ni Nefi sang duwa ka mga rekord nangin maathag pila ka siglo ang nagligad. Sang ginlubad ni Joseph Smith ang una nga 116 ka pahina sang manuskrito sang Libro ni Mormon, ginhatag niya ang mga pahina kay Martin Harris, nga amo ang nakadula sang mga ini (tan-awa sa D&C 10:1–23). Pero ang ikaduha nga grupo sang mga lamina ni Nefi nagsakop sang amo man nga tion, kag ang Ginuo nagsugo kay Joseph Smith nga lubaron ining mga lamina imbes nga suliton atong nadula (tan-awa sa D&C 10:38–45).

Para sa dugang mga impormasyon parte sa mga lamina nga namitlang sa 1 Nefi 9, tan-awa sa “Malip-ot nga Paathag nahanungod sa Libro ni Mormon”; 1 Nefi 19:1–5; 2 Nefi 5:29–32; kag Mga Pulong ni Mormon 1:3–9.

1 Nefi 10:2–16

Ang dumaan nga mga propeta nakahibalo sang misyon ni Jesucristo kag nagsaksi parte sa Iya.

Ang istorya sang palanan-awon ni Lehi sigurado nga nagbilin sang palanumdumon sa iya pamilya, pero may iban pa sia nga wala katapusan nga mga kamatuoran nga itudlo sa ila parte sa misyon sang Manluluwas. Sa imo pagbasa sang 1 Nefi 10:2–16, hunahunaa kon ngaa gusto sang Ginuo nga mahibal-an sang pamilya ni Lehi—kag naton tanan—ang ining mga kamatuoran. Pamensara kon ano ang imo ihambal sa imo mga pinalangga sa kabuhi agud imbitaron sila nga magliso sa Manluluwas. Pagkatapos nga tun-an ang palanan-awon kag mga pinanudlo ni Lehi, ano ang nakainspirar sa imo, pareho kay Nefi, nga magtuon “paagi sa gahum sang Balaan nga Espiritu”? (1 Nefi 10:17).

1 Nefi 10:17–19

Ang Dios magapahayag sang kamatuoran sa akon kon matutom ko ini nga pangitaon.

Ano ang himuon mo kon makasumalang ka sang isa ka prinsipyo sang ebanghelyo nga wala mo naintiendihan? Tandai ang mga kinalain sang paagi nga nag-akto si Nefi sa palanan-awon ni Lehi (tan-awa sa 1 Nefi 10:17–19; 11:1) kag sang paagi nga nag-akto sanday Laman kag Lemuel (tan-awa sa 1 Nefi 15:1–10). Ngaa amo sadto ang ila mga reaksyon, kag ano ang nangin resulta sang ila mga aksyon?

Hunahunaa ang pagsulat parte sa isa ka tion nga gusto mo mahibal-an kon ang isa ka pinanudlo sa ebanghelyo matuod. Paano nag-anggid ang proseso nga imo ginsunod sa proseso ni Nefi?

Tan-awa man sa 1 Nefi 2:11–19; Doktrina kag mga Kasugtanan 8:1–3.

Mga Ideya para sa Pang-pamilya nga Pagtuon sang Balaan nga Kasulatan kag Family Home Evening

Sa imo pagbasa sang balaan nga mga kasulatan upod sa imo pamilya, ang Espiritu sarang magbulig sa imo nga mahibal-an kon ano nga mga prinsipyo ang tutokan kag hambalan agud masabat ang mga panginahanglan sang imo pamilya. Ari ang pila ka mga ideya.

1 Nefi 8

Ang mga miyembro sang imo pamilya mahimo nga masadyahan nga drama-dramahon ang palanan-awon ni Lehi ukon magdrowing sang mga litrato kag gamiton ang ila mga drowing agud isugid ini. Ukon mahimo mo ipakita ang interpretasyon sang pintor sang palanan-awon ni Lehi nga kaupod sa sining leksyon kag imbitara ang mga miyembro sang pamilya nga lawagon ang mga detalye kag pangitaon ang balaan nga mga kasulatan nga nagalaragway sang mga butang nga ginarepresentar sini.   Pwede man kamo magtan-aw sang video nga nagapakita sang palanan-awon ni Lehi (tan-awa sa Book of Mormon Videos collection sa ChurchofJesusChrist.org ukon sa Gospel Library app).

1 Nefi 8:10–16

Sin-o ang mahimo naton imbitaron nga magpalapit pa gid kay Jesucristo kag batyagon ang katam-is sang Iya pagpalangga? Ano ang pwede naton himuon agud “[paypayon] sila”?

1 Nefi 9:5–6

Sang san-o kita nagsunod sang isa ka kasuguan nga wala gid lubos mahangpi ang mga rason? Paano kita ginabugayan?

1 Nefi 10:20–22

Sa ano ang kahigko sa pisikal pareho sa kahigko sa espirituhanon? Ano ang pwede naton himuon agud siguruhon nga nagapabilin kita nga matinlo sa espirituhanon?

Para sa dugang nga mga ideya sa pagtudlo sang kabataan, tan-awa sa outline sining semana sa Come, Follow Me—For Primary.

Pagpauswag sang Aton Pagpanudlo

Paano ang balaan nga mga kasulatan magamit sa aton mga kabuhi? Pagkatapos magbasa sang isa ka dinalan sa balaan nga kasulatan, agdaha ang mga miyembro sang pamilya nga ipaambit kon paano nagakabagay sa ila ang dinalan. Halimbawa, kon magbasa ang mga miyembro sang imo pamilya sang 1 Nefi 8:33, mahimo nila hambalan kon paano indi pagsapakon ang mga “pagpangyaguta.”

Kahoy sang Kabuhi, ni Avon Oakeson