Te ’ōrama o Lehi, nā Steven Lloyd Neal

13–19 nō Tēnuare

1 Nephi 8–10

« ’Ia haere mai… e ’amu i taua hotu ra ».

’Ia tai’o ’outou i te 1 Nephi 8–10, e feruri i te mau poro’i i roto i te ’ōrama a Lehi e tano nō ’outou. Pāpa’i i te mau mana’o pae vārua e tae mai i roto i tā ’outou mau pāpa’ira’a mo’a, i ni’a i te tahi buka pāpa’ipa’i ’aore rā i ni’a i teie buka.

Pāpa’i i te mau mana’o e tae mai

’Ua riro te ’ōrama a Lehi—ma te ’auri, te māhu pōiri, te fare rahi ’e te hotu « monamona rahi » o te tumu rā’au—’ei anira’a fa’auru mau ’ia fāri’i i te mau ha’amaita’ira’a nō te here ’e te tusia tāra’ehara a te Fa’aora. Nō Lehi rā, e ’ōrama ato’a te reira nō ni’a i tōna ’utuāfare : « Nō te mau mea tā’u i ’ite, e ti’a ai iā’u ’ia ’oa’oa i te Fatu ra ia Nephi rāua ’o Samu… Inaha rā, e mata’u rahi tō’u ia ’ōru’a na, e Lamana, ’e e Lemuela » (1 Nephi 8:3–4). I muri mai tōna fa’ati’ara’a i tāna ’ōrama, ’ua tāparu Lehi ia Lamana rāua Lemuela ’ia « ha’apa’o rāua i tāna parau, penei a’e ’o te aroha mai te Fatu ia rāua » (1 Nephi 8:37). Noa atu ā e rave rahi taime tō ’outou tuatāpapara’a i te ’ōrama a Lehi, i teie taime ’a feruri i te reira mai tā Lehi i nā reira—’a feruri i te hō’ē ta’ata tā ’outou i here. ’A nā reira ai ’outou, e noa’a mai te aura’a ’āpī nō te atāta ’ore o te ’auri, nō te mau atātara’a o te fare rahi ’e nō te monamona o te hotu. E riro ato’a ’outou i te māramarama hōhonu atu ā i « te aroha [o] te metua fa’aherehere ra » e fāri’i i teie ’ōrama fa’ahiahia.

Mau mana’o nō tā ’oe iho tuatāpapara’a pāpa’ira’a mo’a

1 Nephi 8

E arata’i te parau a te Atua iā’u i te Fa’aora ra, ma te tauturu iā’u ’ia putapū i tōna here.

Tē pūpū nei te ’ōrama a Lehi i te tītaura’a ’ia feruri i tō ’outou vaira’a—e te vāhi e haere ra ’oe—i ni’a i tō ’oe iho tere nō te mātau i te Fa’aora ’e nō te putapū i tōna here. ’Ua ha’api’i te peresideni Boyd K.Packer : « E mana’o paha ’outou ē, ’aita e aura’a ta’a ’ē tō te ’ōrama a Lehi nō ’outou, ’ua hape rā te reira. Tei roto ’outou i te reira ; tātou pā’āto’a nei tei roto i te reira (hi’o 1 Nephi 19:23). Tei roto i te ta’oto a Lehi, ’aore rā te ’ōrama a Lehi nō ni’a i te ’auri i te mau mea ato’a… ’ua tītauhia i te feiā mo’a i te mau mahana hope’a nei nō te māramarama i te tāmatara’a o te orara’a nei » (« Lehi’s Dream and You », New Era, Tēn. 2015, 2).

Hō’ē rāve’a nō te tuatāpapa i te 1 Nephi 8 ’o tē fa’a’īra’a ïa i te tāpura mai teie i fa’a’itehia i’ō nei. Nō te māramarama i te aura’a o te mau fa’ahōho’ara’a, e mea au roa ’ia haere i te ’ōrama a Nephi, i te purera’a ’oia nō te māramarama i te ’ōrama a tōna metua tāne—hi’o ta’a ’ē i te 1 Nephi 11:4–25, 32–36 ; 12:16–18 ’e te 15:21–33, 36. ’Ia tuatāpapa ’oe i te ’ōrama a Lehi, e hi’o e aha tā te Fatu i hina’aro ia ’oe ’ia ha’api’i.

Fa’ahōho’ara’a i roto i te ’ōrama a Lehi	Mau aura’a	Mau uira’a e feruri
Fa’ahōho’ara’a i roto i te ’ōrama a Lehi Te tumu rā’au ’e tōna hotu (1 Nephi 8:10–12)	Mau aura’a	Mau uira’a e feruri E aha tā’u e rave nei nō te ani ia vetahi ’ē ’ia haere mai e fāri’i i te here o te Atua ?
Fa’ahōho’ara’a i roto i te ’ōrama a Lehi ’Ānāvai (1 Nephi 8:13)	Mau aura’a	Mau uira’a e feruri
Fa’ahōho’ara’a i roto i te ’ōrama a Lehi ’Auri (1 Nephi 8:19–20, 30)	Mau aura’a	Mau uira’a e feruri
Fa’ahōho’ara’a i roto i te ’ōrama a Lehi Māhu pōiri (1 Nephi 8:23)	Mau aura’a	Mau uira’a e feruri
Fa’ahōho’ara’a i roto i te ’ōrama a Lehi Fare rahi ’e te ’ā’ano (1 Nephi 8:26–27, 33)	Mau aura’a	Mau uira’a e feruri
Fa’ahōho’ara’a i roto i te ’ōrama a Lehi	Mau aura’a	Mau uira’a e feruri

Hi’o ato’a David A. Bednar, « Te ’ōrama i Lehi : Te mau-māite-ra’a i te auri », Ensign ’aore rā Liahona, ’Ātopa 2011, 33–37.

tē ’amu ra Lehi i te hotu nō te tumu rā’au o te ora. Tumu rā’au o te ora, nā Marcus Alan Vincent

1 Nephi 9

Nō te aha Nephi i hāmani ai e piti mau ’api ?

’Ua pāpū roa ’ino te « ’ōpuara’a pa’ari » a te Fatu, i te fa’auera’a ia Nephi ’ia hāmani e piti pāpa’a parau, e rave rahi tenetere i muri mai. I te otira’a nau parau pāpa’i e 116 o te Buka a Moromona i te ’īritihia e Iosepha Semita, ’ua hōro’a atu ’oia i te reira ia Martin Harris, ’e ’ua mo’e ia Martin Harris te reira (hi’o PH&PF 10:1–23). ’Aua’a a’e rā te piti o te mau ’api a Nephi tei paraparau ato’a nō te reira ārea taime, ’e ’ua fa’aue te Fatu ia Iosepha Semita ’ia ’īriti i teie nau ’api, ’eiaha ’ia ’īriti fa’ahou ā i te mea i mo’e (hi’o PH&PF 10:38–45).

Nō te tahi atu mau parau nō ni’a i te mau ’api i roto i te 1 Nephi 9, hi’o « Brève explication concernant le Livre de Mormon » ; 1 Nephi 19:1–5 ; 2 Nephi 5:29–32 ; ’e Te mau Parau a Moromona 1:3–9.

1 Nephi 10:2–16

’Ua ’ite te mau peropheta tahito i te misiōni a Iesu Mesia ’e ’ua fa’a’ite pāpū ho’i rātou nōna.

Pāpū ē ’ua fa’atupu te fa’ati’ara’a nō te ’ōrama a Lehi i te tahi mana’o ta’a ’ē i ni’a i tōna ’utuāfare, e mau parau mau mure ’ore atu ā rā tei tītauhia iāna ’ia ha’api’i atu ia rātou nō ni’a i te misiōni a te Fa’aora. ’Ia tai’o ’oe i te 1 Nephi 10:2–16, ’a feruri i te tumu te Fatu i hina’aro i te ’utuāfare a Lehi—’e tātou pā’āto’a nei ho’i—’ia ’ite i teie nau parau mau. E feruri i tā ’oe e nehenehe e parau i tei herehia nō te ani ia rātou ’ia fāriu i ni’a i te Fa’aora. ’Ia tuatāpapa ’oe i te ’ōrama a Lehi ’e tāna mau ha’api’ira’a, e aha tei fa’auruhia ia ’oe ’ia ha’api’i, mai ia Nephi te huru, « nā roto i te mana o te Vārua Maita’i » ? (1 Nephi 10:17).

1 Nephi 10:17–19

E heheu mai te Atua iā’u i te parau mau mai te peu e ’imi tu’utu’u ’ore au i te reira.

Nāhea ’oe ’ia ’ite ana’e ’oe i te hō’ē parau tumu o te ’evanelia tā ’oe i ’ore i māramarama ? E hi’o maita’i i te ta’a-’ē-ra’a i roto i te pāhonora’a a Nephi i te ’ōrama a Lehi (hi’o 1 Nephi 10:17–19 ; 11:1) ’e tā Lamana rāua Lemuela (hi’o 1 Nephi 15:1–10). Nō te aha teie mau huru pāhonora’a ’e e aha te mau fa’ahope’ara’a nō te reira ?

E nehenehe e pāpa’i nō ni’a i te hō’ē taime ’ua hina’aro ’oe ’ia ’ite e parau mau ānei te hō’ē ha’api’ira’a nō ni’a i te ’evanelia. E aha te tū’atira’a i roto i tā ’oe i rave ’e te mea tā Nephi i rave ?

Hi’o ato’a 1 Nephi 2:11–19 ; Te Parau Ha’api’ira’a ’e te mau Parau Fafau Fafau 8:1–3.

Mau mana’o nō tā te ’utuāfare tuatāpapara’a pāpa’ira’a mo’a ’e nō te pō ’utuāfare

’Ia tai’o ’outou i te mau pāpa’ira’a mo’a ’e te ’utuāfare, e nehenehe te Vārua e tauturu ia ’outou ’ia ’ite e aha te mau parau tumu e ha’afaufa’a ’e e ’āparau nō te pāhono i te mau hina’aro o te ’utuāfare. Teie te tahi mau mana’o.

1 Nephi 8

Penei a’e e au mai te mau melo o te ’utuāfare ’ia ha’uti ta’ata ora i te ’ōrama a Lehi ’aore rā ’ia pāpa’i i te hōho’a nō te reira, ’ei reira e fa’ati’a mai ai ma te fa’a’ite i te mau hōho’a. ’Aore rā e nehenehe e fa’a’ite atu i te hōho’a i roto i teie ha’api’ira’a ma te ani i te mau melo o te ’utuāfare ’ia fa’a’ite mai i te mau tuha’a o te hōho’a ’e te ’īrava e parau nei nō te reira. E tano maita’i te hīmene « The Iron Rod » (Hymns, no. 274) nō teie ’īrava. E nehenehe ato’a e māta’ita’i i te hō’ē video nō ni’a i te ’ōrama a Lehi (hi’o i te Book of Mormon Videos collection i ni’a ia ChurchofJesusChrist.org ’aore rā te Vaira’a buka ’evanelia).

1 Nephi 8:10–16

’O vai tā tātou e nehenehe e ani ’ia ha’afātata atu ā ia Iesu Mesia ’e ’ia putapū i te au o tōna here ? E aha tā tātou e nehenehe e rave nō te « tū’ou… ia rātou » ?

1 Nephi 9:5–6

E aha te taime ’ua pe’e tātou i te hō’ē fa’auera’a ma te ’ore e māramarama pau roa i te tumu nō te reira ? Nāhea tātou i te ha’amaita’ira’ahia ?

1 Nephi 10:20–22

E aha te tū’atira’a i roto te vi’ivi’i pae tino ’e te vi’ivi’i pae vārua ? E aha tā tātou e nehenehe e rave nō te ha’apāpū ē, tē vai vi’ivi’i ’ore ra tātou i te pae vārua ?

Nō te tahi atu ā mau mana’o nō te ha’api’ira’a i te mau tamari’i, hi’o i te arata’i ha’api’ira’a nō teie hepetoma i roto i te Mai, pe’e mai—nō te Paraimere.

Ha’amaita’ira’a i tā tātou ha’api’ira’a

Nāhea i te fa’a’ohipara’a i te mau pāpa’ira’a mo’a i roto i tō tātou orara’a ? ’Ia oti te tai’ora’a o te hō’ē tuha’a ’īrava, ’a ani i te mau melo o te ’utuāfare ’ia fa’a’ite mai i te huru e tano te reira nō rātou. ’Ei hi’ora’a, ’ia tai’o te mau melo o te ’utuāfare i te 1 Nephi 8:33, e nehenehe tā rātou e paraparau nō te mau rāve’a e ’ore e ha’apa’o atu ia rātou « e tāhitohito mai ra ».

Te tumu rā’au o te ora, nā Avon Oakeson