Հոկտեմբերի 26-ից նոյեմբերի 1-ը Մորմոն 1-6․ «Ես կկամենայի համոզել բոլոր[ին] … ապաշխարել» Եկ, հետևիր ինձ․ Անհատների և ընտանիքների համար․ Մորմոնի Գիրք 2020 (2020)
Հոկտեմբերի 26-ից նոյեմբերի 1-ը Մորմոն 1-6, Եկ, հետևիր ինձ. Անհատների և ընտանիքների համար. 2020
Մորմոնը կրճատում է թիթեղները, Թոմ Լովել
Հոկտեմբերի 26-ից նոյեմբերի 1-ը
Մորմոն 1-6
«Ես կկամենայի համոզել բոլոր[ին] … ապաշխարել»
Երբ կարդաք Մորմոն 1-6 գլուխները, մտածեք, թե ինչ եք սովորում Մորմոնի օրինակից։ Ի՞նչ ենք ոգեշնչվում անել:
Գրի առեք ձեր տպավորությունները
Մորմոնը չի գրանցել ամբարշտության և արյունահեղության «անընդմեջ տեսարանի» «մի լրիվ պատմություն», որը նա տեսավ նեփիացիների մեջ (Մորմոն 2.18, 5.8): Բայց այն, ինչ նա գրանցել է Մորմոն 1-6 գլուխներում, բավական է հիշեցնելու մեզ, թե արդար մարդիկ որքան ամբարիշտ կարող են դառնալ: Այսպիսի տարածված ամբարշտության մեջ ոչ ոք չի կարող մեղադրել Մորմոնին այդպես հոգնելու և նույնիսկ հուսահատվելու համար: Սակայն այդ ամենը տեսնելուց և զգալուց հետո նա երբեք չկորցրեց Աստծո մեծ ողորմածության զգացումը և իր համոզվածությունը, որ ապաշխարությունն է այն ստանալու ճանապարհը: Եվ չնայած Մորմոնի սեփական ժողովուրդը մերժեց ապաշխարության նրա աղերսները, նա գիտեր, որ ավելի մեծ լսարանի պետք է համոզեր: «Հետևաբար,- նա հայտարարեց,- ես գրում եմ աշխարհի բոլոր ծայրերին»: Այլ կերպ ասած, նա գրել է ձեզ (տես Մորմոն 3.17–20): Իսկ նրա ուղերձը ձեզ այսօր նույնն է, որը կարող էր փրկել Նեփիացիներին իրենց ժամանակ. «Հավատա[ցեք] Հիսուս Քրիստոսի ավետարանին Ապաշխարե[ք] և պատրաստվե[ք]՝ կանգնելու Քրիստոսի ատյանի առջև» (Մորմոն 3.21–22):
գաղափարներ սուրբ գրությունների անհատական ուսումնասիրության համար
Ես կարող եմ արդար ապրել, չնայած իմ շուրջը տիրող ամբարշտությանը։
Մորմոնի առաջին գլխում դուք կնկատեք մեծ տարբերություններ Մորմոնի և նրա շրջապատի մարդկանց միջև: Երբ կարդաք Մորոմոն 1-ը, համեմատեք Մորմոնի հատկանիշներն ու ցանկությունները նրա ժողովրդի հատկանիշների ու ցանկությունների հետ: Նկատեք հետևանքները, որոնց բախվեցին Մորմոնը և նրա ժողովուրդը (դուք կգտնեք մի օրինակ 14–15 հատվածներում): Դուք ի՞նչ եք սովորում, որը ոգեշնչում է ձեզ արդար ապրել ամբարիշտ աշխարհում:
Երբ կարդաք Մորմոն 2-6-ը, շարունակեք նայել, թե Մորմոնն ինչպես ցուցադրեց իր հավատքը Երկնային Հոր և Հիսուս Քրիստոսի հանդեպ, չնայած իրեն շրջապատող ազդեցություններին:
«Կռիվ», Ջորջ Կոկո
Աստվածային տրտմությունը հանգեցնում է ճշմարիտ ու երկարատև փոփոխությունների:
Երբ Մորմոնը տեսավ իր ժողովրդի վիշտը, նա հուսով էր, որ նրանք կապաշխարեն: Բայց «նրանց վշտանալն ի ապաշխարություն չէր» (Մորմոն 2.13), այն Աստվածային տրտմություն չէր, որը հանգեցնում է իսկական փոփոխությունների (տես Բ Կորնթացիս 7.8–11): Փոխարենը, Նեփիացիները զգում էին աշխարհիկ տրտմություն (տես Մորմոն 2.10–11): Որպեսզի հասկանաք տարբերությունը աստվածային տրտմության և աշխարհիկ տրտմության միջև, կազմեք մի աղյուսակ, որտեղ կարող եք գրանցել Մորմոն 2.10–15 հատվածներում ձեր սովորածը այս երկու տեսակի տրտմությունների միջև: Ձեր աղյուսակը պետք է նմանատիպ տեսք ունենա.
Աստվածային տրտմություն |
Աշխարհիկ տրտմություն |
---|---|
Աստվածային տրտմություն Գալ Քրիստոսի մոտ (հատված 14) | Աշխարհիկ տրտմություն Անիծել Աստծուն (հատված 14) |
Աստվածային տրտմություն | Աշխարհիկ տրտմություն |
Աստվածային տրտմություն | Աշխարհիկ տրտմություն |
Երբ անդրադառնում եք ձեր սովորածին, մտածեք, թե դա ինչպես կարող է ազդել մեղքը հաղթահարելու և Երկնային Հորը ավելի նմանվելու ձեր ջանքերին:
Դիտեր Ֆ. Ուխդորֆ, «Դուք կարող եք անել դա հիմա» Ensign կամ Լիահոնա, նոյեմբեր 2013, 55-57:
Ես պետք է միշտ ճանաչեմ Աստծո ձեռքն իմ կյանքում:
Մորմոնը գրանցեց մի թուլություն, որը նա տեսավ Նեփիացիների մեջ. նրանք թերացան ճանաչել այն ուղիները, որոնցով Տերն օրհնել էր իրենց: Նախագահ Հենրի Բ. Այրինգը հորդորել է մեզ «ուղիներ փնտրել Աստծո բարությունը ճանաչելու և հիշելու համար: … Աղոթեք և խորհեք՝ ուղղելով հարցեր. Արդյո՞ք Տերն ուղարկել է ուղերձ, որը հենց ինձ համար էր: Արդյո՞ք տեսել եմ Նրա ձեռքը իմ կամ իմ զավակների կյանքում: … Ես վկայում եմ, որ Նա սիրում է մեզ և օրհնում է մեզ ավելի շատ, քան մեզանից շատերն ընդունել են» («Օ՜, հիշի՛ր, հիշի՛ր», Ensign կամ Լիահոնա, նոյեմբեր 2007, 67, 69):
Երբ կարդաք Մորմոն 3.3, 9-ը, կարող եք խորհել, թե ինչպե՞ս եք ճանաչում Աստծո ազդեցությունը ձեր կյանքում։ Ի՞նչ օրհնություններ ենք ստանում, երբ ճանաչում եք Նրա ազդեցությունը։ Որո՞նք են Նրան չճանաչելու հետևանքները (տես Մորմոն 2.26):
Հիսուս Քրիստոսը կանգնում է գրկաբաց՝ ինձ ընդունելու համար:
Նեփիացիները մերժեցին Մորմոնի ուսմունքները, բայց նա հուսով էր, որ նրա գրառումները ազդեցություն կունենան նրանց վրա: Երբ կարդում եք Մորմոն 5.8–24 և 6.16–22-ը, ի՞նչ եք սովորում մեղքի հետևանքների մասին: Այս հատվածներից ի՞նչ եք սովորում Երկնային Հոր և Հիսուսի զգացմունքների մասին, որ նրանք ունեն ձեր հանդեպ, երբ դուք մեղք եք գործում: Ինչպե՞ս եք զգացել, որ Հիսուս Քրիստոսը հասնում է ձեզ թևերը բացած։ Արդյունքում ի՞նչ եք ոգեշնչվում անել։
Գաղափարներ սուրբ գրությունների ընտանեկան ուսումնասիրության և ընտանեկան երեկոյի համար
Երբ ընթերցում եք սուրբ գրություններն ընտանիքով, Հոգին կարող է օգնել ձեզ իմանալ, թե որ սկզբունքները շեշտել ու քննարկել, որպեսզի բավարարեք ձեր ընտանիքի կարիքները: Ահա՛ որոշ մտքեր։
Մորմոն 1.2
Ի՞նչ է նշանակում՝ «արագ ես ընկալում»։ Կարող եք գաղափարներ գտնել Երեց Դեյվիդ Ա. Բեդնարի «Արագ ես ընկալում» հոդվածում (Ensign, Dec. 2006, 30–36): Արագ ընկալելու պարգևն ինչո՞վ էր օրհնություն Մորմոնի համար: Ինչպե՞ս կարող է դա օրհնություն հանդիսանալ մեզ համար։
Մորմոն 1.1–6, 15, 2.1–2
Ձեր ընտանիքի երեխաները հասկանու՞մ են, որ իրենք կարող են զարգացնել հրաշալի հոգևոր հատկանիշներ և զորություն, չնայած երիտասարդ են: Մորմոնի օրինակը կարող է օգնել նրանց: Կազմեք Մորմոնի մանկության և պատանեկության ժամանակացույցը, օգտագործելով դարերն ու իրադարձությունները, որոնք տրված են Մորմոն 1.1–6, 15 և 2.1–2: Երբ քննարկեք Մորմոնի հատկանիշները և փորձառությունները, նշեք հատկանիշները, որոնք ունեն ձեր երեխաները և ձեր շրջապատի մարդիկ:
Մորմոն 2.18-19
Մորմոնն ի՞նչ բառեր էր օգտագործեց, որպեսզի նկարագրեր աշխարհը, որում ապրում էր: Նա ինչպե՞ս պահպանեց հույսը, չնայած իր շուրջը տիրող ամբարշտությանը: Ինչպե՞ս կարող է մեր ընտանիքը նույն կերպ վարվել։
Մորմոն 3.12
Մորմոնն ինչպե՞ս էր վերաբերվում իր շրջապատի մարդկանց, չնայած նրանք ամբարիշտ էին: Մենք ի՞նչ կարող ենք անել, որպեսզի զարգացնենք այնպիսի սեր, ինչպիսին նա ուներ։
Մորմոն 5.2
Մենք ինչո՞ւ կարող ենք տատանվել Երկնային Հոր օգնությանը դիմելիս, երբ մաքառումների մեջ ենք: Ի՞նչ կարող ենք անել, որպեսզի ավելի շատ ապավինենք Երկնային Հորը:
Մորմոն 5.10-18
Որպեսզի օգնեք ձեր ընտանիքին պատկերացնել՝ ինչ է նշանակում «նրանք քշվում են այս ու այն կողմ, ինչպես մղեղը քամու առաջ» (հատված 16), թուղթը պատռեք փոքր մասերի, իսկ ընտանիքի անդամները թող փչելով տարածեն դրանք: Բացատրեք նրանց, որ մղեղը թեփ է, որն առաջանում է սերմերից և շատ թեթև է, փչելիս հեշտությամբ տարածվում է օդում: «Առանց Քրիստոսի և Աստծո աշխարհում» ինչպե՞ս ենք (հատված 16) նմանվում քամու մեջ հայտնված թեփին:
Երեխաներին ուսուցանելու լրացուցիչ գաղափարների համար տես՝ այս շաբաթվա համառոտ շարադրանքը Եկ, հետևիր ինձ. Երեխաների Միության համար բաժնից:
Բարելավել մեր ուսուցումը
Ուսուցանեք հստակ և պարզ վարդապետություն: Տիրոջ ավետարանը գեղեցիկ է իր պարզությամբ (տես ՎՈւ 133.57): Ձեր ընտանիքին դասերով զվարճացնելու փոխարեն, որոնք մեծ նախապատարաստում են պահանջում, ձգտեք ուսուցանել հստակ և պարզ վարդապետություն:
Մորմոնի հրաշագործ գիրքը,Ջոզեֆ Բրիքի