Moronai ej jeje ioon pileij kooļ ko

Moronai ej Jeje ioon Pileij Kooļ ko, jān Dale Kilborn

Nobōm̧ba 2–8

Mormon 7–9

“Ij Kōnono n̄an Kom̧ Āinwōt N̄e Kom̧ Ar Pād”

Mormon im Moronai eaar wōr aer tōmak bwe ļo̧o̧k eo aer enaaj kar im̧we ro rej mour lo raan ko āliktata. Ilo am̧ riiti Mormon 7–9, je en̄jake ko me rej itok n̄an kwe kōn ekōjkan am̧ maron̄ kōjerbale ta eo kwoj ekkatak.

Je En̄jake ko Rej Im̧we Eok

Mormon im Moronai raar jeļā ekōjkan kar en̄jake n̄an makeļo̧k ilo juon laļ enana. N̄an Moronai, ajimakeke aikuj in kar kanooj ļap ālkin an jemen kar mej ilo pata im RiNipai ro me rekar m̧an er. “N̄a mak ij pād,” eaar je. “Ejjeļo̧k ro jera ak ia raar ilo̧k” (Mormon 8:3, 5). Men ko me raar āinwōt waan, bōtaab Moronai eaar loi kōjatdikdik ilo naan in kam̧ool eo an kōn Rilo̧mo̧o̧r im jeļā eo an bwe “ jibadbad ko ejjeļo̧k jem̧ļo̧kier an Irooj renaaj wōnm̧aanļo̧k wōt” (Mormon 8:22). Im Moronai eaar jeļā bwe jerbal eo aorōk ilo jibadbad ko ejjeļo̧k jem̧ļo̧kier renaaj kar kōm̧m̧an jān Bok in Mormon—ļo̧o̧k eo eaar kiiō niknik ilo kadedeļo̧k, ļo̧o̧k eo me enaaj kar juon raan “erromaakļo̧k jān ilo marok” im bōktok elōn̄ armej “jeļā kōn Kraist” (Mormon 8:16; 9:36). Tōmak eo an Moronai ilo kallim̧ur kein kar kapidodoik n̄an e n̄an kean̄ n̄an ro rej riiti ilju im jekļaj an bok in, “Ij kōnono n̄an kom̧ āinwōt n̄e kom̧ ar pād” im “ i jeļā bwe kom̧ naaj bōk naan kein aō” (Mormon 8:35; 9:30). Kiiō ewōr ippād naan ko an, im jeral eo an Irooj ej wōnm̧aanļo̧k wōt, kōn un eo kōnke Mormon im Moronai raar m̧ool wōt n̄an mijen eo aer, jekdo̧o̧n n̄e raar makeļo̧k.

pija ej bōk jikin ekkatak ippam̧ make

Ļōmņak ko n̄an Ekkatak Jeje ko Rekwojarjar Ippam̧ Make

Mormon 7

Ij aikuj tōmak ilo Jisōs Kraist im “jirok wōt” ilo gospel eo An.

Naan ko āliktata kar je an Mormon, loi ilo Mormon 7, rej kōnono n̄an ro ineen RiLeman ro ilo raan ko āliktata, bōtaab repād ie m̧ool ko me rej n̄an aolepād wōj. Ta ennaan eo an Mormon ej katakin eok kōn Jisōs Kraist im gospel eo An? Etke Mormon eaar maron̄ kāālet enaan in n̄an kiil jeje ko an?

Mormon 7:8–10; 8:12–22; 9:31–37

Bok in Mormon eļap aorōk eo an.

Būreejtōn Russell M. Nelson kar kajjitōk: “Eļan̄n̄e kwaar itōn leļo̧k diamond ak m̧ōr ko ak Bok in Mormon eo, ewi wōt eo kwon kar kālet? Ilo m̧ool, ewi wōt eo ej aorōkļo̧k n̄an eok?” (“Bok in Mormon eo: Eļan̄n̄e en kar Ejjeļo̧k Elmen Nej Kar Mour eo Am̧?” Ensign ak Liaona, Nob. 2017,61).

Mormon im Moronai raar jeļā bwe ļo̧o̧k eo raar kōjparoke enaaj kar ļap an aorōk ilo tōre in ad, kōn menin raar kōm̧m̧ani kaarmejet ko n̄an kōpooji im kōjparoki. Ilo am̧ riiti Mormon 7:8–10; 8:12–22; im 9:31–37, ļōmņak kōn etke ļo̧o̧k eo ej kanooj in aorōk ilo tōre in ad. Komaron̄ bar lo dam̧oļo̧k in kōļmenļo̧kjeņ ko ilo 1 Nipai 13:38–41; 2 Nipai 3:11–12; im Katak im Bujen ko 33:16; 42:12–13. Ta en̄jake ko raar jipan̄ eok jeļā bwe Bok in Mormon ej aorōk?

Kape ko an Bok in Mormon ilo kajin ko roktak

Jeje ko an rikanaan ro an Bok in Mormon rej jerbal n̄an kōj.

Mormon 8:26–41; 9:1–30

Bok in Mormon eo kar je n̄an tōre in ad.

Jisōs Kraist eaar kwaļo̧k n̄an Moronai ta eo enaaj kr waļo̧k n̄e Bok in Mormon eaar wōnm̧aantak (lale Mormon 8:34–35), im ta eo Moronai eaar loe ekar tōlļo̧k e n̄an letok kakkōļ ko reļļap kōn tōre in ad. Ilo am̧ riiti Mormon 8:26–41 im 9:1–30, kejōkļo̧kjeņ kōn eļan̄n̄e ewōr jabdewōt kakōļļe ko kōn m̧wil kein im jerbal kkein ilo mour eo am̧. Ta eo komaron̄ kar kōm̧m̧an eoktakļo̧k?

N̄an waanjon̄ak, Mormon 9:1–30 epād ie ennaan eo an Moronai ilo uwaakeļo̧k kōn ajeded likjab in tōmak ilo Jisōs Kraist eaar lo ilo tōre in ad. Ļōmņak in je ta eo kwoj ekkatak jān naan ko an kōn men kein:

• Kaje ko kōn jab tōmak ilo Kraist (eoon 1–6, 26)

• Aorōk eo kōn tōmak ilo juon Anij in revelesōn im kabwilōn̄lōn̄ ko (eoon 7–20)

• Kapilōk eo an Moronai n̄an kōj (eoon 21–30)

Ta eo kwoj ekkatak jān Moronai me emaron̄ jipan̄ eok kepaakļo̧k ro jet n̄an Jemedwōj Ilan̄ im Jisōs Kraist?

pija ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota eo an Baam̧le

Ilo am̧ riiti jeje ko rekwojarjar ippān baam̧le eo am̧, Jetōb emaron̄ jipan̄ eok jeļā ta pedped in katak ko n̄an kwaļo̧ki im kōnono kake n̄an tōpar aikuj ko an baam̧le eo am̧. Erkein rej jet iaan ļōmņak ko.

Mormon 7:5–7, 10; 9:11–14

Ta eo eoon kein rej katakin kōj kōn karōk eo an Jemedwōj Ilan̄ im etke jej aikuji juon Rilo̧mo̧o̧r?

Mormon 7:8–10

Ta eo em̧ōj ad katak ilo ad ekkatak kōn Bok in Mormon iiō in me eaar jipan̄ kōkajoorļo̧k ad tōmak ilo Baibōļ eo? N̄an jino juon ekōnono, kom̧ maron̄ riit ippān doon jet eoon ko jān Bok in Mormon im Baibōl eo me rej katakin m̧ool ko reierļo̧k wōt juon, ko āinwōt Alma 7:11–13 im Aiseia 53:3–5 ak 3 Nipai 15:16–24 im Jon 10:16.

Mormon 8:1–9

Ekōjkan an maron̄ naaj kar āinwōt n̄an makeļo̧k iaan āinwōt kar Moronai? Ta eo ej kabwilōn̄ kōj kōn jerbal eo eaar kadedeļo̧k?

Mormon 8:12, 17–21; 9:31

Ļōmņak in riiti eoon kein āinwōt juon baam̧le innān riiti ennaan in jān Elder Jeffrey R. Holland: “Ijjelo̧kin ilo jekjek in Nejin Ear keotak, armej ro rejjab wāppen rej aolep ro Anij eaar aikuj jerbal ippāer. … n̄e kom̧ij lo bōd, keememej bwe likjab ej jab pād ilo kwojarjar eo an jerbal in” (“Irooj, Ij Tōmak,” Ensign ak Kweilo̧k eo Eļap, Māe 2013, 94). Etke ej kauwōtata n̄an kalimjōk jab wānōk ko ilo ro jet, ekoba ro me raar je Bok in Mormon?

Mormon 8:36–38

Ta meļeļe in n̄an bōk etan Jisōs Kraist iood? Etke juon emaron̄ in jo̧o̧k in bōk ioon make etan Jisōs Kraist? Ekōjkan ad maron̄ peran ilo naan in kam̧ool ko an kōn Rilo̧mo̧o̧r?

Mormon 9:16–24

Kein iiōk ko rein juon rej aikuji n̄an kōm̧m̧ane juon ekkatak ilo science ak juon iiōk bwe en jerbal. Ļōmņak in kōm̧m̧ane juon ekkatak ak kōm̧m̧ane juon iiōk mejļo̧kūm̧ āinwōt juon baam̧le m̧okta jān riiti Mormon 9:16–24. Ilo am̧ riiti eoon ko(eļap tata eoon 20–21), pukōt “kein iiōk ko” remenin aikuj me ej kōm̧m̧an bwe kabwilōn̄lōn̄ ko rej waļo̧k. Ta kabwilōn̄lōn̄ ko jemaron̄ loi ilo laļ eo ipeļaakid im ilo baam̧le eo ad?

Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere

Kōkm̧anm̧anļo̧k Am̧ Ekkatak Ippam̧ Make

Lale kein jipan̄ ko an Kabun̄ in emōj kōmālimi. Eļan̄n̄e ewōr am̧ kajjitōk ko kōn gospel eo, kein jipan̄ ko rem̧m̧an tata rej jar, jeje ko rekwojarjar, naan ko an rikanaan ro remour, im bok ko kōmālim an Kabun̄ in (lale Teaching in the Savior’s Way, 17–18, 23–24).

Mormon ej kōkaduik pileij kooļ ko

Mormon ej Kōkauduik Pileij ko, jān Jon McNaughton