“Nobōm̧ba 9–15. Ether 1–5: ‘Kekōl Rōn̄el Nuknuk in Jab Tōmak eo,’” Itok, Ļoor Eō—N̄an Kajjojo Armej im Baam̧le ko: Bok in Mormon 2020 (2020)
“Nobōm̧ba 9–15. Ether 1–5,” Itok, Ļoor Eō—N̄an Kajjojo Armej im Baam̧le ko: 2020
RiJared ro rej Em̧m̧akūt jān Babel, jān Albin Veselka
Nobōm̧ba 9–15
Ether 1–5
“Kekōl Rōn̄el Nuknuk in Jab Tōmak eof”
Bok in Ether ej ļook eo an RiJared ro, ro raar tōkākļo̧k ilo ānen kallim̧ur buki iiō m̧okta jān RiNipai ro. Anij eaar im̧we Moronai n̄an kobaik ļo̧o̧k eo an Ether ilo Bok in Mormon kōnke kōn jejjet eo an n̄an tōre in ad. Ekōjkan am̧ en̄jake ke ejejjet n̄an mour eo am̧?
Je En̄jake ko Rej Im̧we Eok
Ilo an m̧ool bwe wāween ko an Anij reutiejļo̧k ko ad, im jej aikuj iien otemjej leļo̧k kōj n̄an Ankilan, E ej barāinwōt kōketak kōj n̄an ļōmņak im m̧akūtkūt n̄an kōj make. Ej juon katak Jared im ļeo jatin raar ekkatak. N̄an waanjon̄ak, ļōmņak eo kōn ilo̧k n̄an juon āne ekāāl me eaar “ juon āneo ej make ioon aolepān la” āinwōt eaar ijjino ilo ļōmņak eo an Jared, im Irooj “eaar tūriam̧o” im kar kallim̧ur n̄an leļo̧k kajjitōk eo, ba, “āindein Inaaj kōm̧m̧an n̄an eok kōnke iien in e aetok kwaar kūr n̄an eō” (lale Ether 1:38–43). Im ke ļeo jatin Jared eaar kile ewi jon̄an marok eo kar ilowaan baaj ko me renaaj kar ektakeļo̧k er n̄an ānen kallim̧ur eo āneer, Irooj eaar kūr e n̄an elmakote juon jekjek, kajjitōk juon kajjitōk me ekkā ad kijon̄ kajjitōk Ippān: “Ta kwo kōņaan bwe in kōm̧m̧an?” (Ether 2:23). Ennaan eaar āinwōt bwe jejjab aikuj kōtmene Anij n̄an jiron̄ kōj lo men ko otemjeļo̧k. Jemaron̄ kwaļo̧k Ippān ļōmņak ko im karōk ko ad make, im Enaaj ron̄jake im letok kapen eo An ak n̄e ejjab kapilōk kōj. Jet iien men eo de eo wōt ej kōjpel kōj jān kōjeraam̧m̧an ko jej kappukōti ej “rōn̄el nuknuk in jab tōmak eo,” eo ad make im eļan̄n̄e jemaron̄ “kekōl rōn̄el nuknuk in” (Ether 4:15), jemaron̄ in bwilōn̄ kōn ta eo Irooj ej m̧ōņōņō in kōm̧m̧ane n̄an kōj.
Ļōmņak ko n̄an Ekkatak Jeje ko Rekwojarjar Ippam̧ Make
Ilo aō m̧ool in jar n̄an Irooj, Enaaaj wōr an meanwōd ioō.
Ether 1:33–43 ej kōnono kōn jar ko jilu an ļeo jatin Jared. Ta eo kwoj ekkatak jān uwaak eo an Irooj n̄an kajjojo jar kein? Ļōmņak kōn juon iien ke kwaar en̄jake meanwōd eo an Irooj ilo am̧ kar m̧ool in kwaļo̧k en̄jake ko am̧ ilo jar n̄an E. Komaron̄ in kōņaan je en̄jake in im kwaļo̧ke ippān juon eo me emaron̄ aikuj in ron̄jake naan in kam̧ool eo am̧.
Imaron̄ bōk revelesōn n̄an mour eo aō.
Būreejtōn Russell M. Nelson eaar ba: “ij akweļap ippāmi n̄an kōļapļo̧k maron̄ in jetōb eo ami n̄an bōk revelesōn. … Kālet n̄an kōm̧m̧ane jerbal eo ekwojarjar eaikuje lan̄lōn̄ kōn menin letok eo an Jetōb Kwojarjar im eo̧ron̄ ainikien Jetōb eo emakijkijļo̧k im alikkarļo̧k” (“Revelesōn n̄an Kabun̄ eo, Revelesōn n̄an Mour ko Ad,” Ensign ak Liaona, Māe 2018, 96).
Ilo am̧ ekkatak Ether 2; 3:1–6; im 4:7–15, m̧ool ko kwoj loi me ejipan̄ eok meļeļe ekōjkan n̄an kappok revelesōn an juon make? Komaron̄ kakōļļeik kōn kōļar kajjitōk ko ak n̄ūrbōktak ko an ļeo jain Jared eaar wōr ad im ta eo eaar kōm̧m̧ane, im ilo bar juon kōļar komaron̄ kakōļļik ekōjkan an kar Irooj jipan̄ e im kar kōm̧m̧an bwe Ankilan kar jeļā kaki. Ta eo ej kabwilōn̄ eok kōn wāween an ļeo jatin Jared bwebweanto ippān Irooj, im ta eo kwoj ekkatak jān menin kōn ekōjkan kōļapļo̧k maron̄ eo n̄an bōk revelesōn ilo mour eo am̧?
Irooj enaaj kōpooj eō n̄an kijoone aō “m̧wilaļ in eļap.”
N̄an tōparļo̧k ānen kallim̧ur eo, RiJared ro raar jelm̧ae juon kabbōjrak eļap “m̧wilaļ in eļap” (Ether 2:25). Naan eo “ m̧wilaļ in eļap” emaron̄ juon wāween ejejjet n̄an kōmeļeļeik ta mālijjon̄ ko im apan̄ ko ad jet iien rej āinwōt. Im jet iien, ilo kar jekjek eo n̄an RiJared ro, kijoone “ m̧wilaļ in eļap” ad make ej wāween eo de eo n̄an kakūrm̧ool ankilan Anij n̄an kōj. Jej ke lo men ko reier wōt juon n̄an mour eo am̧ ilo Ether 2:16–25? Ekōjkan an Irooj kar kōoooj eok n̄an apan̄ ko am̧? Ta eo E emaron̄ in kar kajjitōk ippam̧ n̄an kōm̧m̧ane kiiō n̄an m̧aanjabpopo n̄an ta eo Ej aikuj eok n̄an kōm̧m̧an ilo ilju im jekļaj?
Kar kōm̧anm̧an eō ilo nemāmein Anij.
Ioon Toļ Shelem, ļeo jatin Jared eaar ekkatak eļap kōn Anij im e make. Ta eo kwoj ekkatak jān Ether 3 kōn lukkuun piktok in Anij ilo jetōb im ilo kanniōk? Ekōjkan an m̧ool kein jipan̄ eok meļeļe kadkad eo im kōjatdikdik eo am̧ ekwojarjar?
Jej aolep ajri ro nejin Anij.
Ļeo jatin Jared eaar ke armej eo m̧oktata eaar lo Anij?
Anij eaar kwaļok E make n̄an rikanaan ro jet m̧okta jān ļeo jatin Jared (n̄an waanjon̄ak, lale Moses 7:4, 59), kōn menin etke Irooj ej ba n̄an e, “Ij jan̄in kar kwaļo̧k Eō n̄an armej”? (Ether 3:15). Elder Jeffrey R. Holland eaar letok kōmeļeļe in em̧m̧an: “Kraist eaar ba n̄an ļeo jatin Jared, ‘Ij jan̄in kar kwaļo̧k Eō n̄an armej ilo jekjek in, ilo an ejjeļo̧k kūlaō, kar kōm̧m̧ane jān tōmak eo an eo ej loe’” (Christ and the New Covenant [1997], 23).
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota eo an Baam̧le
Ilo am̧ riiti jeje ko rekwojarjar ippān baam̧le eo am̧, Jetōb emaron̄ jipan̄ eok jeļā ta pedped in katak ko n̄an kwaļo̧ki im kōnono kaki n̄an tōpar aikuj ko an baam̧le eo am̧. Erkein rej jet iaan ļōmņak ko.
Ether 1:34–37
Ta eo jej ekkatak jān eoon kein kōn jar kōn ro jet? Ta m̧ool ko jet kōn jar eoon kein rej kōmeļeļeik?
Ether 2:16–3:6
Ta eo waanjon̄ak eo an ļeo jatin Jared ej katakin kōj kōn ekōjkan loi uwaak ko n̄an inepata ko im kajjitōk ko ad? Bōlen ro uwaan baam̧le eo remaron̄ kwaļo̧k en̄jake ko ke raar kappuōt im bōk uwaak ko jān Irooj.
Ether 4:11–12
Ālkin riiti eoon kein, ro uwaan baam̧le eo remaron̄ je jet men ko aolep raan me rej kareel baam̧le am̧ (ko āinwōt movie ko, al ko, ikkure ko, ak armej ro) ioon peba ko im likūt er ilo juon booļ. Innām remaron̄ bōk iien n̄an bōk juon im ekōnono kōn eļan̄n̄e ej karreel [er] n̄an kōm̧m̧an em̧m̧an” (Ether 4:12). Ta oktak ko baam̧le eo am̧ ej en̄jake im̧we n̄an kōm̧m̧ani?
Ether 5
Komaron̄ ņooj juon men ak juon kapije ilo juon bo̧o̧k im kūr juon uwaan baam̧le eo n̄an lale ilowaan im leļo̧k n̄an aolep baam̧le eo kūļu ko n̄an jipan̄ er kajidedeik ta eo. Ilo am̧ riiti Ether 5 ippān doon, ekōnono etke eaorōk bwe Irooj ej kōjerbal rikam̧ool ro ilo jerbao eo An. Ekōjkan ad maron̄ kwaļo̧k kam̧ool eo ad kōn Bok in Mormon ippān ro jet?
Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Kōkm̧anm̧anļo̧k Ad Katakin
Pojak iien otemjej. “Iien ko reļam waan ilo katakin em̧ōj aer eļļāļo̧k, kōn menin eoarōk n̄an bōk n̄an em̧m̧an eo aer n̄e rej waļo̧k. … N̄an waanjon̄ak, juon jodikdik kōn juon jokāālet epen n̄an kōm̧m̧ane emaron̄ in pojak n̄an ekkatak kōn ekōjkan bōk revelesōn an juon make” (Teaching in the Savior’s Way, 16).
Kwaar Ke Lo Eļapļo̧k Jān In? jān Marcus Alan Vincent