“Nobōmba 9–15. Ether 1–5: ‘Kekōl Rōn̄el Nuknuk in jab Tōmak,’” Itok, Ļoor Eō—N̄an Būraimere: Bok in Mormon 2020 (2020)
“Nobōmba 9–15. Ether 1–5,” Itok, Ļoor Eō—N̄an Būraimere: 2020
The Jaredites Leaving Babel, jen Albin Veselka
Nobōmba 9–15
Ether 1–5
“Kekōl Rōn̄el Nuknuk in jab Tōmak”
Ilo am̧ etale ta eo kwaar ekkatak ilo am̧ kar ekkatak jen Ether 1–5, ta m̧ool ko kwaar en̄jake n̄an jipan̄ ajri ro jeļā kake? Bōlen elōn̄ ļōmņak ko ilo laajrak in me emaron̄ jipan̄.
Je En̄jake ko Rej Im̧we Eok
Kajjitōk bwe ren Kwaļo̧k
Kwaļo̧k pija eo kōn an būratōr eo an Jered(lale unin tōl eo an wiik in ilo Ļoor Eō—N̄an Kajjojo Armej im Baam̧le ko). Kajjitōk ippān ajri ro n̄an kwaļo̧k ta eo rejeļā kōn e.
Katakin Katak ko: Ajri ro Reddikļo̧k
Jemedwōj Ilan̄ ej ron̄jake im uwaake jar ko ad.
Bwebwenato eo kōn ļeo jein Jared ej kwaļo̧k jet wāween ko me Anij emaron̄ jipan̄ kōj n̄e jej jar.
M̧akūtkūt ko Maron̄ Kōm̧m̧ani
-
Kajjitōk ippān jet uwaan ward eo ro rejeļā bar jet kajin n̄an ba jet jentōj in kajin eo n̄an kūlaaj eo am̧ ( ak kōjan̄ ainikien eo em̧ōj kanne ilo bar juon kajin). Kōm̧m̧an bwe ajri ro ren kōtan wōt n̄e rej kōnono bar juon kajin, im kalikkar ewi jon̄an an pen n̄an meļeļe bar juon kajin n̄e jejjab kōnono juon wōt kajin. Kōjerbal menin n̄an kwaļo̧k kadkadin bwebwenato eo kōn Tawōr eo an Babel ilo Jenesis 11:1–9 im Ether 1:33. Riiti Ether 3:13 im 15, im kōmeļeļeik wāween an ļeo jein Jared kar jar bwe e im ro m̧ōttan im baam̧le eo an ren maron̄ meļeļeik doon (lale Ether 1:34–37). Riit im jipan̄ ajri ro meļeļe kōn uwaak eo an Irooj n̄an jar eo an ilo Ether 1:35. Kwomaron̄ bar kōjerbal “Chapter 50: The Jaredites Leave Babel” (Book of Mormon Stories, 143–44, ak pija in alooj eo ilo ChurchofJesusChrist.org).
-
Kajjitōk ippān ajri ro n̄an katen wōt n̄e rej jek juon baaj, āinwōt an kōmeļeļe ilo Ether 2:16–17. Kōmeļeļe kōn bwe inepata ko an Rijared ro kōn baaj ko waer (lale Ether 2:19), im kajjitōk ippān ajri ro ta eo ren kar kōm̧m̧ane kōn inepata kein. Riiti Ether 2:18–19 n̄an katakin ajri ro wāween an kar ļeo jein Jared kar bōk inepata ko an n̄an Irooj ilo jar. Kam̧ool bwe jemaron̄ iien jar otemjeļo̧k n̄e ewōr ad kajjitōk ak inepata.
-
Kōmeļeļeik jidik Ether 2:19–3:6 n̄an kōmeļeļeik wāween an Irooj kar uwaake kajjitōk ko an ļeo jein Jared kōn baaj ko. Likūt 16 dekā ilo aolepen kūlaaj eo, im kajjitōk ippān ajri ro n̄an bwine n̄e reloi. Kwaļo̧k pija eo ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko, im kōm̧m̧an bwe ajri ro ren bar āliji bwebwenato eo (lale peij in m̧akūtkūt eo an wiik in).
Kar kōm̧anm̧an eō ilo Nememein wōt Anij
Ke ļeo jein Jared eaar lo Irooj, eaar jeļā bwe “aolep armej raar kōm̧anm̧an ilo nememein wōt [E]” (Ether 1:15).
M̧akūtkūt ko Maron̄ Kōm̧m̧ani
-
Kwaļo̧k juon pijain Rilo̧mo̧o̧r, im kajjitōk ippān ajri ro n̄an kalikkar m̧ōttan ko ilo Ānbwiniin. Kōmeļeļeik bwe ke ļeo jein Jared eaar lo Jisōs Kraist, eaar jeļā bwe jej aolep āinwōt Jisōs. Ilo am̧ kalikkar m̧ōttan āinbwin eo ilo pija eo, kajjitōk ippāer n̄an kalikkar ejja m̧ōttan ko wōt ilo āinbwinier. Kam̧ool bwe jaar kōm̧anm̧an ilo nememein wōt Jemedwōj Ilan̄ im Jisōs Kraist.
-
Al ippān doon juon al eiokļo̧k ānbwiniid, āinwōt “Head, Shoulders, Knees, and Toes” (Children’s Songbook, 275). Jipan̄ ajri ro kwaļo̧k etke rej kam̧m̧oolol kōn m̧ōttan ko reoktak ilo āinbwinier.
Jaar kōm̧anm̧an ilo nememenin wōt Anij.
Katakin Katak ko: Ajri ro Rerūttoļo̧k
Imaron̄ bōk revelāsōn n̄an jipan̄e eō.
Ewi wāween am̧ jipan̄ ajri ro ekkatak kōn revelāsōn jen waanjon̄ok eo an ļeo jein Jared. Ta en̄jake ko kwomaron̄ kwaļo̧ki ke Irooj eaar jipan̄ eok mijaļ apan̄ ko ak kajjitōk ko am̧?
M̧akūtkūt ko Maron̄ Kōm̧m̧ani
-
Mokta jen kūlaaj, je naan in “Jutak, oktak, im jijet” ilo bar jet kajin ioon jet peba (kwomaron̄ kōjerbal juon kein ukook ilo online ak jipan̄ jen ro jet rejeļā bar juon kajin). Leļo̧k juon peba n̄an kajjojo ajri, im kajjitōk ippāer n̄an kajjieon̄ in ļoor kōmeļeļe ko. Kōjerbal kein jipan̄ in n̄an kōmeļeļeik ta eo eaar ļōn̄aj jar an ļeo jein Jared ilo Ether 1:33–37. Riiti eoon kein ippān doon, im kajjitōk ippān ajri ro n̄an lukkuun ron̄jake ewi wāween an Irooj kar en̄jake kōn Jared im ro m̧ōttan im baam̧le eo an. Ta eo jej katak jān bwebwenato in kōn jar?
-
Jitōn̄ juon ajri bween riiti juon iaan eoon kein, im jipan̄ er pukot juon uwaak ak inepata an ļeo jein Jared: Ether 1:33–35; Ether 1:36:37; im Ether 1:18–20. Ta eo ļeo jein Jared eaar kōm̧m̧ane kōn inepata im kajjitōk kein? Ewi wāween an kar Irooj jipan̄ e ilo kajjojo jekjek? Kajjitōk ippān ajri ro n̄an ļōmņake inepata ko ewōr ippāer. Ewi wāween aer ļoor waanjon̄ok eo an ļeo jein Jared n̄an ņa mejļan jekjek in inepata ko aer? Kwaļo̧k juon en̄jake eo me kwaar jar kōn jipan̄ im Irooj eaar jipan̄ eok.
Kar kōm̧anm̧an eō ilo Nememein wōt Anij
Ajri ro kwoj katakin renaaj ioon ennaan ko rekabokbok kōn Anij, er make, im ānbwinier. Eoon kein rem̧m̧an n̄an katakin m̧ool ko indeeo kōn unin kōnono in.
M̧akūtkūt ko Maron̄ Kōm̧m̧ani
-
Riit ippān ajri ro Ether 3:6–16, im jipan̄ er kōm̧m̧ane juon laajrak in men ko ļeo jein Jared eaar ekkatak kōn Irooj jen en̄jake eo an. Etke eaorōk n̄an jeļā men kein? N̄an waanjon̄ok, ewi wāween an jelet ad kalimjōk ānbwiniid n̄an jeļā bwe jaar kōm̧anm̧an ilo nememein wōt Anij.
-
Je ānbwiin kanniōk im jetōbin ānbwiin ioon bo̧o̧t eo. Kajjitōk ippān ajri ro n̄an kwaļo̧k kadkadin juon ānbwin (ewōr kil, bōtōktōk, im ko jet), im je uwaak ko aer ioon bo̧o̧t eo. Riiti Ether 3:4–17 ippān doon, im kajjitōk ippān ajri ro n̄an pukot ta eo raar ekkatak kōn jetōbin ānbwiin eo aer. Kam̧ool bwe ānbwiniid im jetōb raar “kōm̧anm̧an wōt ilo nememein wōt [Jisōs]” (Ether 3:15).
Jilu rikam̧ool rej kam̧ool kōn Bok in Mormon.
Moronai eaar kanaan bwe Rikam̧ool ro Jilu renaaj jipan̄ kwaļo̧k m̧ool eo an Bok in Mormon. Kwomaron̄ kōjerbal kanaan in n̄an kōkajoorļo̧k naan in kam̧ool ko an ajri ro n̄an im̧we er n̄an kam̧ool kōn Bok in Mormon.
M̧akūtkūt ko Maron̄ Kōm̧m̧ani
-
Je ioon bo̧o̧t eo jet naan ko raorōk jān Ether 5:2–4, āinwōt pileij, kajoor, m̧ool, kam̧ool, im naan in kam̧ool. Riiti eoon kein ippān ajri ro, innām kajjitōk ippāer n̄an bōjrak n̄e kwonaaj kwaļo̧k juon iaan naan ko ioon bo̧o̧t eo im kōnono kaki etke naan kein raorōk. N̄an katakin ajri ro kōn Jilu Rikam̧ool ro, kwomaron̄ etal n̄an “Chapter 7: Rikam̧ool ro rej Lo Pileijkooļ ko” (Doctrine and Covenants Stories, 31–33) im “Naan in Kam̧ool eo an Rikam̧ool ro Jilu” ilo Bok in Mormon. Etke Anij ekōņaan bwe jilu armej ren lo pileij ko?
-
Ba n̄an ajri ro ewi wāween am̧ jeļā bwe Bok in Mormon em̧ool. Kajjitōk ippān ajri ro n̄an kwaļo̧k etke rejeļā ke ej m̧ool. Jipan̄ er ļōmņake wāween ko me remaron̄ in rikam̧ool ro an Bok in Mormon, im rōjan̄ er n̄an kwaļo̧k aer kam̧ool ippān ro jet ilo wiik in.
Kōketak Ekkatak ilo Mweo
Kajjitōk ippān ajri ro n̄an ļōmņake jet me remaron̄ in kajjitōk jipan̄ eo an Jemedwōj Ilan̄ kake, āinwōt kar ļeo jein Jared. Rōjan̄ er n̄an pukot An jipan̄ ilo jar.
Kōkōm̧anm̧anļo̧k Ad Katakin
Katakin ilo iien m̧akūtkūt. Ilo an ajri ro kōm̧m̧ani m̧akūtkūt ko āinwōt jin̄a ak ilo peij in m̧akūtkūt eo, kwomaron̄ kōjerbal iien eo n̄an kwaļo̧k m̧ool ko kar kwaļo̧ki ilo m̧akūtkūt ko.