Ether ej deļo̧n̄e juon ron̄

Ether Hiding in the Cavity of a Rock, jān Gary Ernest Smith

No̧bōm̧ba 23–29

Ether 12–15

“Kōn Tōmak Men Otemjeļo̧k Renaaj Kūrm̧ool

Ilo am̧ riiti Ether 12–15, ļōmņak kōn ajri ro kwoj katakin. Makūtkūt in ļōmņak ko ilo laajrak in emaron̄ im̧we eok kōn ļōmņak ko jet me renaaj jipan̄ tōpar aikuj ko an ajiro ro ilo kūlaaj eo am̧.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Jipan̄ ajri ro lōmņake bwebwenato ko ilo jeje ko rekwojarjar kōn armej ro raar kwaļo̧k eļap tōmak. Jet waanjon̄ok repād ilo Ether 12:11–22.

pija ej bōk jikin katakin

Katakin Katak ko: Ajri ro Reddikļo̧k

Ether 12:6–22

Tōmak ej tōmak ilo men ko jejjab loi.

Moronai eaar kwaļo̧k jet waanjon̄ok ko an armej ro raar kōttōprak men ko reļļap kōn tōmak eo aer. Ļōmņake ewi wāween am̧ maron̄ kōjerbal waanjon̄ok kein n̄an katakin ajri ro kōn ta in tōmak.

Makūtkūt ko Maron̄ Kōm̧m̧ani

• Riit n̄an ajri ro “Tōmak ej kōjatdikdik ilo men ko jejjab loi” jān Ether 12:6, innām kajjitōk ippāer n̄an āliji naan in ippam̧. Ba n̄an ajri ro kōn men ko kwoj tōmake men̄e kwojjab loi, im jipan̄ ajri ļōmņake waanjon̄ok ko jet. Al “Faith” (Children’s Songbook, 96–97), ak al ko jet kōn tōmak, emaron̄ jipan̄.

• Kwaļo̧k pija ko rej kwaļo̧k kōn waanjon̄ok ko an tōmak ilo Ether 12:13–15, 20–21 (lale Gospel Art Book, nos. 78, 85, im ilo peij in m̧akūtkūt eo an wiik in). Kōm̧m̧an bwe ajri ro ren kwaļo̧k n̄an eok ta eo rej loe ilo pija ko im ta eo rejeļā kake ilo bwebwenato ko. Kōnono ippān ajri ro kōn wāween an rein kajjojo kar kwaļo̧k tōmak im ta eo ekar waļo̧k kōn tōmak eo aer.

• Ikkure juon ikkure kajjirere ippān ajri ro Leļo̧k n̄an er jidik meļeļe kōn tōmak eo an armej ro kar kōmeļeļeik ilo Ether 12:13–15, 19–20 m̧ae arjri ro rekajjidede wōt er. Innām kōm̧m̧an bwe ajri ro ren ikkure bar ikkure eo im bōk kūņaer kōnono kōn ejja armej ro wōt ( ak armej ro jet retōmak) ilo an ro jet ilo kūlaaj eo kajjidedeiki. Kwaļo̧k ta eo kwoj nōbar er kōn tōmak eo an armej rein.

Ether 12:23–27

Jisōs Kraist emaron̄ jipan̄ bwe in kajoor.

Jet iien ajri ro rej iioon jekjek ko n̄e rej en̄jake m̧ōjņo̧, āinwōt kar Moronai. Jipan̄ er ekkatak ta eo Moronai eaar ekkatak—bwe Rilo̧mo̧o̧r emaron̄ “kōm̧m̧an bwe m̧ōjņo̧ ko ren erom̧ kajoor” (Ether 12:27).

Makūtkūt ko Maron̄ Kōm̧m̧ani

• Kōmeļeļeik n̄an ajri ro juon jerbal me enaaj bōk aolep kajoor n̄an kadedeikļo̧k. Kajjitōk ippāer n̄an kwaļo̧k waanjon̄ok in men ko reban kajoor n̄an kōm̧m̧an kiiō. Ewi wāween ad maron̄ kajoor n̄an kadedeikļo̧k jerbal kein? Kōmeļeļeik bwe ebar wōr ippād jetōb n̄an jerbali, ak jet iien jej en̄jake jetōbin m̧ōjņo̧. Moronai eaar en̄ajke wāweenin kōn jeje ko an ioon pileij ko. Riiti Ether 12:27 n̄an ajri ro. Ta eo Irooj eaar kallim̧uri ro rej en̄jake m̧ōjņo̧?

• Kwaļo̧k juon en̄jake me Rilo̧mo̧o̧r eaar jipan̄ eok ak juon eo kwojeļā kajjien me eaar kōm̧m̧ane men eo epen. Kam̧ool n̄an ajri ro bwe eļan̄n̄e rej pukot jipan̄ eo An, Jisōs emaron̄ jipan̄ bwe ren kajoor, men̄e rej m̧ōjņo̧.

pija ej bōk jikin katakin

Katakin Katak ko: Ajri ro Rerūttoļo̧k

Ether 12:5–6

Tōmak ej tōmak ilo men ko jejjab loi.

Ajri ro kwoj katakin rej kalōk pedped in naan in kam̧ool ko aer. Kapilōk eo an Moronai kōn tōmak, epād ilo Ether 12:6, emaron̄ jipan̄ er.

Makūtkūt ko Maron̄ Kōm̧m̧ani

• Kōmeļeļeik bwe rikanaan Ether eaar kajjieon̄ in katakin Rijared ro “men ko reļļap im kabwilōn̄lōn̄,” ak raar jab tōmak ta eo eaar ba Kajjitōk ippān ajri ro n̄an riiti Ether 12:5 n̄an lale etke raar jab tōmake Ta jet iaan men ko Jemedwōj Ilan̄ ekōņaan bwe jen tōmaki men̄e jejjab loi? Riit ippān doon Ether 12:6. Ta eo Moronai eaar katakin armej ro ro raar jab tōmaki m̧ool ko an jetōb kōnke raar jab loi?

• Kwaļo̧k juon iaan pijain ajri ro ijeļo̧kin an ajri ro jet loe, im kajjitōk ippān ajri ro n̄an kōmeļeļeik pija eo n̄an kūlaaj eo. N̄e elōn̄ wōt iien, kōm̧m̧an bwe ajri ro ren bōk kūņaer kōm̧m̧ani ippān pija ko jet. Innām kajjitōk ippāer n̄an riiti Ether 12:6 im pukot naan in :“Tōmak ej kōjatdikdik kōn men ko jab loi.” Ewi wāween ad kwaļo̧k tōmak ilo Jisōs Kraist n̄e jejjab lo E?

• Kajjitōk ippān ajri ro n̄an riiti naan in ilo Ether 12:6: “Kom̧ij bōk ejjeļo̧k kam̧ool m̧ae ālikin mālejjon̄ in ami tōmak.” Jipan̄ ajri ro meļeļe bwe n̄e jej pokake juon kien, jej jeļā em̧ool. Kajjitōk ippāer n̄an ļōmņake pedped in gospel in me Anij ekōņaan bwe bōk juon naan in kam̧ool kake, āinwōt kōļļā juon m̧ōttan jon̄oul, kōjparok raan in Jabōt im Kokwojarjare, ak mour kake Naan in Māletlet. Innām je ioon bo̧o̧t eo N̄an bōk juon naan in kam̧ool , Ij aikuj . Kwaļo̧k ewi wāween am̧ kar kōjerbal tōmak n̄an bōk naan in kam̧ool eo an kōn men kein im m̧ool ko jet an gospel in.

Ether 12:4, 32

Kōjatdikdik ej āinwōt juon emjak n̄an aō jetōb.

Jipan̄ ajri ro kwoj katakin meļeļe bwe jemaron̄ “kōjatdikdik kōn laļ eo em̧m̧anļo̧k” kōn ad tōmak ilo Kraist (Ether 12:4).

Makūtkūt ko Maron̄ Kōm̧m̧ani

• Kwaļo̧k n̄an ajri ro meļeļein kōjatdikdik eo loe ilo “Hope” (Guide to the Scriptures, scriptures.ChurchofJesusChrist.org). Ekkar n̄an kōmeļeļein ilo Ether 12:4, 32, ta eo jej aikuj in kōjatdikdik kake? (bar lale Moronai 7:40–42). Jipan̄ ajri ro ļōmņake naan ko jet kōn kōjatdikdik, ippān naan ko me reoktak jen kōjatdikdik. Kwaļo̧k n̄an er jet m̧ool ko an gospel in me kwoj kōjatdikdik kaki, im kajjitōk ippāer n̄an kōm̧m̧an āinwōt.

• Kwaļo̧k (ak jin̄a ioon bo̧o̧t eo) juon pija in juon ļoon im juon an̄kō. Etke ļoon ko rej aikuji juon an̄kō? Ta eo enaaj waļo̧k n̄an ļoon eo n̄e ejjeļo̧k an an̄kō? Riit ippān doon Ether 12:4, im kajjitōk ippān ajri ro elmen an kōjatdikdik āinwōt juon an̄kō. Kajjitōk ippān ajri ro n̄an jin̄aik pija ko aer make in juon ļoon im juon an̄kō bwe r en maron̄ katakin baam̧le ko aer kōn kōjatdikdik.

Ether 12:23–29

Jisōs Kraist emaron̄ jipan̄ bwe in kajoor.

Ilo an ajri ro rūttoļo̧k, remaron̄ kile m̧ōjņo̧ ko aer. Kōjerbal eoon kein n̄an katakin er ewi wāween an Rilo̧mo̧o̧r maron̄ kōm̧m̧an “men ko rem̧ōjņo̧ ren erom̧ kajoor” (Ether 12:27).

Makūtkūt ko Maron̄ Kōm̧m̧ani

• Kajjitōk ippān ajri ro n̄an riiti Ether 12:23–25 im pukote etke Moronai eaar inepata. Kajjitōk ippāer eļan̄n̄e en̄jake ejja kain en̄jake kein. Innām kajjitōk ippāer n̄an riiti eoon 26–27 im pukote ewi wāween an Irooj kar rōjan̄ Moronai. Ta eo jej aikuj in kōm̧m̧ane bwe Irooj en jipan̄ kōj kajoor n̄e jej en̄jake m̧ōjņo̧? Kwaļo̧k juon en̄jake me Rilo̧mo̧o̧r eaar jipan̄ eok me eaar kōm̧m̧ane men eo epen.

• Kajjitōk ippān ajri ro n̄an jin̄aik juon men eo em̧ōjņo̧ im juon men ekajoor. Innām kajjitōk ippāer n̄an kobaik naan ko ilo jin̄a ko aer jān Ether 12:23–29 me ej kwaļo̧k ewi wāween an Rilo̧mo̧o̧r maron̄ jipan̄ kōj ukōt m̧ōjņo̧ ko ad n̄an kajoor. Rōjan̄ ajri ro n̄an ļōmņake juon m̧ōjņo̧ eo ewōr ippāer im pukot jipan̄ eo an Rilo̧mo̧o̧r n̄an erom̧ kajoor.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an je juon m̧ool me remaron̄ bōk juon in kam̧ool kake. Jipan̄ er karōk juon kōttōbar n̄an kōjerbal tōmak bwe ren maron̄ bōk juon kam̧ool kōn m̧ool eo.

Kōkōm̧anm̧anļo̧k Ad Katakin

Pukot n̄an meļeļe ajri ro kwoj katakin. “Lale wāwee nko n̄an meļeļe kadkadier, itok limo ko, taļōn ko, im aikuj ko an [ajri ro] kwoj katakin. Kajjitōk kajjitōk ko, lukkuun ron̄jake, im lale ta eo rikkatak ro rej ba im jerbale ilo jekjek ko reoktak. … Kajjitōk ippān jineer im jemeer n̄an meļeļe eļapļo̧k. Ilōn̄in men otemjej, jar n̄an meļeļe bwe Jetōb wōt emaron̄ lewaj” (Teaching in the Savior’s Way,7).

peij in m̧akūtkūt: armej ro ilo Bok in Mormon raar tōmak ilo Jisōs Kraist