Mormon ej jeje ioon piliej kooļ ko

Mormon Abridging the Plates, jān Tom Lovell

Oktoba 26–Nobōm̧ba 1

Mormon 1–6

“Ikōņaan Bwe In Maron̄ Karreel Aolep … n̄an Ukweļo̧k”

M̧akūtkūtkūt ko kar kōmeļeļeik Mormon 1–6 emaron̄ in pen n̄an an ajri ro n̄an lukkuun meļeļe, bōtaab remaron̄ in ekkatak wōt katak ko jān bwebwenato ko an Mormon n̄an mour jim̧we ilo juon laļ eaanjiwiwi. Ewi wāween am̧ kōjerbal en̄jake eo an n̄an katakin ajri ro kilen m̧ool wōt n̄an gospel in?

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Ta ko ajri ro rejeļā kōn Mormon? Kajjitōk ippāer n̄an kwaļo̧k ta eo rejeļā kake ak ekkatak jen baam̧le ko aer Kwaļo̧k juon pijain Mormon āinwōt eo ilo laajrak eo an wiik eo ej Itok ilo Itok, Ļoor Eō—N̄an Kajjojo Armej im Baam̧le ko emaron̄ jipan̄.

pija ej bōk jikin katakin

Katakin Katak ko: Ajri ro Reddikļo̧k

Mormon 1:1–3

Imaron̄ mour jim̧we āinwōt Mormon.

Men̄e ajri ro ajri ro kwoj katakin reddik, remaron̄ ejaake karbab ko an jetōb n̄an mour jim̧we.

M̧akūtkūt ko Maron̄ Kōm̧m̧ani

• Riiti Mormon 1:1–3 n̄an ajri ro, ak kōjerbal “Chapter 49: Mormon and His Teachings” (Book of Mormon Stories, 138–42, ak ilo corresponding video ilo ChurchofJesusChrist.org). Kajjitōk ippāer n̄an ron̄jake jete an Mormon iiō ke Ammaron eaar leļo̧k n̄an e juon jerbal ejeno̧ļo̧k. Innām kajjitōk ippāer n̄an kotak addin peier. N̄an jipan̄ ajri ro antoone ļo̧k ewi dettan kar Mormon, kwaļo̧k n̄an er juon pijain juon eo im 10 iiō drettan. Jipan̄ er meļeļe karbab eo me Ammaron eaar loe ippān Mormon ke eaar em̧m̧an ded, im kam̧ool bwe ajri remaron̄ in āinwōt Mormon n̄e renaaj ļoor Jisōs Kraist.

• Ikkure juon ikkure eo me ajri remaron̄ āliji m̧akūtkūt ko me kwoj kōm̧m̧ani. Innām kwaļo̧k pijain men ko Jisōs ekar kōm̧m̧ani, im kōnono kaki elmen ad ļoor E (lale Gospel Art Book, nos. 33–35, 41–42). Kōnono wāween ko Mormon eaar ļoor Jisōs Kraist—n̄an waanjon̄ok, n̄an kwaļo̧k gospel eo, rōjan̄ armej ro n̄an pokake Anij, im iakwe ro jet.

Mormon 3:3, 9

Jemedwōj Ilan̄ ej letok n̄an eō elōn̄ kōjeraam̧m̧an ko.

Katak ko an Mormon remaron̄ jipan̄ ajri ro kile kōjeraam̧m̧an ko Jemedwōj Ilan̄ eaar liļo̧k n̄an er.

M̧akūtkūt ko Maron̄ Kōm̧m̧ani

• Riiti Mormon 3:3 im 9 n̄an ajri ro, im kōmeļeļeik bwe Rinipai ro raar jab kile bwe Jemedwōj Ilan̄ eaar kōjeraam̧m̧an er. Jipan̄ ajri ro ļōmņake kōjeraam̧m̧an ko Jemedwōj Ilan̄ eaar liļo̧k n̄an er. Kwaļo̧k pija ko ak kein katakin ko n̄an leļo̧k ļōmņak. Ta eo jemaron̄ kōm̧m̧an rainin n̄an kwaļo̧k ad kam̧m̧oolol Jemedwōj Ilan̄ kōn kōjeraam̧m̧an ko ad?

• Jipan̄ ajri ro ļōmņake kōjeraam̧m̧an ko Jemedwōj Ilan̄ eaaar liļo̧k n̄an er, im kajjitōk ippāer n̄an jin̄aik pijain jet iaan kōjeraam̧m̧an ko. Kajjitōk ippān ajri ro n̄an katotoik pija ko aer jabdewōt jikin ilo m̧weeo ijo remaron̄ loe im keememej bwe Jemedwōj Ilan̄ ej kōjeraam̧m̧an er ilo elōn̄ wāween ko. Kwomaron̄ bar kajjitōk ippāer n̄an kwaļo̧k kōjeraam̧m̧an ko rej itok jān Jemedwōj Ilan̄ ilo aer al juon eoon in “I Thank Thee, Dear Father” (Children’s Songbook, 7).

Mormon 3:12

Jemedwōj Ilan̄ ekōņaan bwe in iakwe aolep.

Ewi wāween am̧ maron̄ jipan̄ ajri ro kwoj katakin bōk juon ikideleel n̄an iakwe ro ipeļakier?

M̧akūtkūt ko Maron̄ Kōm̧m̧ani

• Kajjitōk ippān kajjojo ajri n̄an jin̄aik juon armej ioon bo̧o̧t eo, im kalikkar wāween an kajjojo armej rej jin̄aik er oktak pijaier jen doon. Jin̄aik juon bōro kileplep en jepooļe aolepen jin̄a ko. Jipan̄ ajri ro meļeļe bwe Jemedwōj Ilan̄ ekōņaan bwe jen iakwe aolep armej. Riiti Mormon 3:12, kōmeļeļeik naan in “iakwe” im “bōk iakwe.” Ta eo Mormon eaar kōm̧m̧ane bwe en kwaļo̧k an iakwe ro jet?

• Al juon al ippān doon kōn iakwe ro jet, āinwōt “Jesus Said Love Everyone” (Children’s Songbook, 61), ilo am̧ waļo̧k pija in ajri ro jān peļakin laļin. Kam̧ool kōn iakwe eo an Anij n̄an aolep ro Nejin. Kadedeļo̧k peij in m̧akūtkūt eo an wiik in ippān ajri ro.

pija ej bōk jikin katakin

Katakin Katak ko: Ajri ro Rerūttoļo̧k

Mormon 1:1–3; 2:1, 23–24; 3:1–3, 12, 17–22

Imaron̄ mour jim̧we āinwōt Mormon.

Mormon eaar lukkuun dik ke Ammaron eaar kile bwe eaar pojak n̄an bōk eddoin ļook ko rekwojarjar. Ta an̄ōltok ko rejim̧we kwoj loi ippān ajri ro kwoj katakin.

M̧akūtkūt ko Maron̄ Kōm̧m̧ani

• Kajjitōk ippān kajjojo ajri bwe ren riiti juon iaan eoon kein, im jipan̄ er kwaļo̧k ta ko raar katak kōn Mormon: Mormon 1:1–3; 2:1, 23–24; im 3:1–3, 12, 20–22. Innām kwaļo̧k bwinjān ko rejim̧we kwoj loi ippān kajjojo ajri.

• Kwaļo̧k pijain Mormon, lale pija eo ilo laajrak eo an wiik in ilo Ļoor Eō—N̄an Kajjojo Armej im Baam̧le ko). Jipan̄ ajri ro lo bwe kōn an kar Mormon jeļā kwoņaan im erreeo n̄an eddoik ak tōlarōke ļook ko an Rinipai, ewōr ippād rainin Bok in Mormon. Kōnono ippān ajri ro kōn ta meļeļein eddoik ak tōlarōke. Kajjitōk ippāer n̄an kōļmenļo̧kjeņ kōn wāween ko remaron̄ in jeļāļo̧k kwōņaer.

  Mormon ke ej em̧m̧an ded.

  Mormon, 10 iiō, jen Scott M. Snow

Mormon 2:8–15; 5:10–11

Būrom̧ōj ilo jetōb ej tōl ļo̧k n̄an m̧ool in oktak.

Mormon eaar lo Rinipai ro renana raar būrom̧ōj, ak būrom̧ōj eo aer eaar jab juon eo me eaar im̧we er n̄an ukweļo̧k (lale Mormon 2:13). Ewi wāween am̧ maron̄ jipan̄ ajri ro meļeļe oktak eo kōtaan būrom̧ōj an laļ in im būrom̧ōj an anij n̄an tōl ļo̧k n̄an ukweļo̧k?

M̧akūtkūt ko Maron̄ Kōm̧m̧ani

• Je naan kein ioon bo̧o̧t eo: Būrom̧ōj eo me ej tōl ļo̧k n̄an ukweļo̧k im Būrom̧ōj eo me ejjab tōl ļo̧k n̄an ukweļo̧k. Kajjitōk ippān ajri ro n̄an bōk kūņaer riiti eoon ko jān Mormon 2:8, 10–15. Jipan̄ er je men ko me rejeļā kōn būrom̧ōj ium̧win naan eo ekkar ioon bo̧o̧t eo. Ewi wāween ad maron̄ kōm̧m̧an bwe būrom̧ōj ko jej en̄jake kōn bōd ko ad ren tōl ļo̧k kōj n̄an oktak?

• Kajjitōk ippān juon ro uwaan bisoprik eo ak juon m̧am̧a ak baba an juon iaan ajri ro n̄an kwaļo̧k n̄an kūlaaj eo ewi wāween an būrom̧ōj an anij maron̄ jipan̄ kōj oktak im erom̧ āinwōt Jemedwōj Ilan̄ im Jisōs Kraist. Etke eaorōk n̄an kile eļan̄n̄e jej en̄jake būrom̧ōj an anij ak būrom̧ōj an laļin? Kajjitōk ippān ajri ro n̄an pukot Mormon 2:12 n̄an pukot un ko etke ukweļo̧k eaikuj kōm̧m̧an bwe “būruwō[d] … en m̧ōņōņō” (Mormon 2:12).

Mormon 3:12

Imaron̄ en̄jake iakwe eo an Jemedwōj Ilan̄ n̄an ro jet.

Ekkā an pidodo n̄an iakwe ro rej iakwe kōj im rej m̧ōņōņō ippād, ak Mormon eaar kwaļo̧k bwe kōn jipan̄ jān Jemedwōj Ilan̄, jemaron̄ iakwe ro rej tōmak im kōm̧m̧an oktak jen kōj.

M̧akūtkūt ko Maron̄ Kōm̧m̧ani

• Jipan̄ ajri ro riiti Mormon 3:12, im kajjitōk ippān ajri ro n̄an je juon jentōj me ej kōmeļeļeik ta eo raar ekkatak jen Mormon kōn iakwe ro jet. Kajjitōk ippāer n̄an kwaļo̧k ta eo raar je. Ewi wāween ad maron̄ en̄jake iakwe in an Anij n̄an ro jet? (lale Moronai 7:48). Ta eo jemaron̄ kōm̧m̧ane n̄an kwaļo̧k ad iakwe n̄an armej ro ilo kūlaaj eo ad im ilo baam̧le ko ad?

• Kajiitōk ippan ajri ro n̄an kadedeikļo̧k peij in m̧akūtkūt eo an wiik in. Jipan̄ er ļōmņake wāween ko ewōr tokjeer n̄an pukotļo̧k ro reoktak jen kōj ilo iakwe.

pija ej bōk jikin ekkatak

Kōketak Ekkatak ilo Mweo

Rōjan̄ ajr ri n̄an kwaļo̧k peij in m̧akūtkūt eo an wiik in ijoko ilo m̧weeo bwe ren maron̄ keememej in kwaļo̧k iakwe n̄an ro jet. Leļo̧k n̄an er iien em̧m̧an ilo kūlaaj eo tok juon n̄an kwaļo̧k ta eo raar kōm̧m̧ane.

Kōkōm̧anm̧anļo̧k Ad Katakin

Ļōn̄aj m̧akūtkūt ko rekkar n̄an iiō ko an ajri ro kwoj katakin. Ajri ro reddikļo̧k rej aikuji aolep meļeļe im ekkatak jān wāween katak ko repidodo. Ilo aer rūttoļo̧k, remaron̄ leļo̧k elapļo̧k ak maron̄ in em̧m̧an aer kwaļo̧k ļōmņak ko aer. Leļo̧k n̄an aolep ajri ilo iiō ko aer iien em̧m̧an n̄an kwaļo̧k, kam̧ool, im bōk kūņaer, im lukkuun lale n̄an leļo̧k jipan̄ n̄e ekkar. (Lale Teaching in the Savior’s Way, 25–26.)

peij in m̧akūtkūt: Imaron̄ iakwe aolep