“Maati 1–7. Reirei ao Berita aika Tabu 20–22: ‘Rikiraken Ana Ekaretia Kristo,’” Nakomai, Iriirai—Ibukiia Aomata n Tatabemaniia ao Utu: Reirei ao Berita aika Tabu 2021 (2020)
“Maati 1–7. Reirei ao Berita aika Tabu 20–22,” Nakomai, Iriirai—Ibukiia Aomata n Tatabemaniia ao Utu: 2021
Mweengan Peter Whitmer, iroun Al Rounds
Maati 1–7
Reirei ao Berita aika Tabu 20–22
“Katean Ana Ekaretia Kristo”
Ngkai ko wareka Reirei ao Berita aika Tabu 20–22, kukurei karekea te namakin nakon te Tamnei ae Raoiroi. Iangoa korean mwiia n te aro are ko kona n okirikaaki nako iai.
Korei Am Namakin
Te Burabeti Iotebwa Timiti n ana mwakuri n raira Ana Boki Moomon e a tia ni bobonga ngkai. Ma te mwakuri ni Kaokan Bwaai e a tibwa moanaki. E bon mataata man kaotioti ngkekei bwa n reitan kaokan reirei ao te kariaiakaki n te nakoanibonga, te Uea e tangiria ni kaoka aron bairean raoi—Ana Ekaretia (taraa Reirei ao Berita aika Tabu 10:53; 18:5). Ngaia are n Eberi 6, 1830, e raka iaon 40 taan kakoaua n roko ni mweengan te Whitmer ae kateaki man botonikai i Fayette, New York, ni kakoaua barongaan raoi ana Ekaretia Iesu Kristo.
Ma, tabeman aomata a miimi, bwa bukin tera e na manga riai barongaan raoi te Ekaretia? Kaekaana tao e na bon kuneaki, iterana teutana , inanon te kaotioti are e irekereke ma ana moan bowi te Ekaretia n 1830. Ikai, a kabwarabwaraaki kakabwaia ake ana bon aki reke ngke arona bwa ana Ekaretia Iesu Kristo ae koaua e aki “baireaki raoi ao ni kateaki” ni boong aika kaitira (Reirei ao Berita aika Tabu 20:1).
Taraa naba Saint, 1:84–86, ao “Katea Au Ekaretia,” Revelations in Context, 29–32.
Iango ibukin Am Kamatebwai I Bon Iroum ni Koroboki Aika Tabu
Reirei ao Berita aika Tabu 20:1–36
Ana Ekaretia Iesu Kristo ibukiia Aika Itiaki ni Boong aika Kaitira e bon kateaki iaon reirei aika koaua.
Mwakoro 20 e kabwarabwaraki bwa te “kaotioti iaon bairean raoi ao tautaeka n te Ekaretia” (atuun mwakoro). Ma imwain te kabwarabwara ae tau n ana kaetieti te Ekaretia, ana mwakuri te nakoanibonga, ao aron karaoakin otenanti, te kaotioti aei e waakinaki man reiakinan moan kakawakin reirei. Ngkai ko warekii moa 36 kiibu man te kaotioti, iangoia raoi ibon iroum bwa bukin tera e na riki anne. Ko riai naba ni korei ni karinanii koauan te euangkerio are ko kunei. Aikai tabeua katooto:
-
Ana Boki Moomon ao katabeana inanon Kaokan Bwaai (kiibu 8–12)
-
Arona n Atua (kiibu 17–19)
-
Ana Mwakuri ni Kamaiu Iesu Kristo (kiibu 20–27)
Bukin tera koaua aikai a na riki ni kakawaki ni katuruturuaki ngkai te Ekaretia e a kateaki?
Reirei ao Berita aika Tabu 20:37, 75–79
Otenanti aika tabu a bon kakawaki bwa mwakoron kaokan te Ekaretia.
Ngke e kaokaki te Ekaretia, te Uea e reireniia Aomata aika Itiaki taekan otenanti aika tabu, n ikotaki ma te bwabetito ao te toa. Ngkai ko wareka te kaetieti ni “kaineti ma karaoan te bwabetito” n kiibu 37, iangoa taekan oin bwabetitoam. Ko karekea aekan te namakin ae e kabwarabwaraki inanon te kibu aei? Iai naba iroum ngkai? Iangoia raoi bwa tera ae ko kona ni karaoia ni kawakinna ni kamatoa am “nanomaaka ni beku ibukin [Iesu Kristo] ni karokoa te toki.”
Ngkai ko wareka taekan te toa n Reirei ao Berita aika Tabu 20:75–79, kataia ni wareka te tataro ae tabu aikai man ana taratara temanna ae ai tibwa ana moan tai n ongoraeakina. Tera te atatai ae nano are ko tia ni karekea n aron taekan te toa? te atatai ae nano are e reke iroum? A kanga atatai aika nano aikai n roota te kawai are ko katauraoiko iai ibukin anaan te toa n te wiiki aei?
Te toa bon te otenanti ae tabu.
Reirei ao Berita aika Tabu 20:38–60
Aia mwakuri Nakoanibonga a kakabwaiaia membwa n te Ekaretia ao aia utu.
Ngkana iai ae titirakiniko bwa ko na atong aia mwakuri naake iai irouiia te nakoanibonga, tera ae ko na taekinna? Warekii Reirei ao Berita aika Tabu 20:38–60, are e karinani ana mwakuri te nakoanibonga n aekaia nako. Iai bwaai inanon kiibu aikai are e bita te kawai are ko iangoia n taekan ana mwkauri te nakoanibonga ao e kanga te Tia Kamaiu ni karaoa Ana mwakuri? Ko kanga n tia ni karekei kakabwaia man te mwakuri ae kabwarabwaraki inanon kiibu aikai?
N reiakina taeakana bwa e kanga te aine ni kamwakura te kariaiakaki n te nakoanibonga inanon ana mwakuri te Ekaretia, taraa Dallin H. Oaks, “Kiing ao te Kariaiakaki n te Nakoanibonga,” Ensign ke Riaona, Meei 2014, 49–52.
Ana Ekaretia Iesu Kristo e kairaki iroun te burabeti ae maiu.
Tera ae ko reiakinna man Reirei ao Berita aika Tabu 21:4–9 ibukin taekan ana taeka ana burabeti te Uea? Iangoa te berita are kabwarabwaraki n kibu 6 ibukiia koraki ake a karekea ana taeka te Uea rinanon Ana burabeti. Tera ae nanonaki man berita aikai nakoim?
Ko na kanga ni karekea ana taeka te burabeti ae maiu n ae kanga “n aron ae bon man oin wiin [te Atua]”? (kibu 5). Tera te reirei are e a tia te burabeti n anga are kona ni kairi nakon kakabwaia ake a beritanaki n kibu 6?
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Reirei ao Berita aika Tabu 20.Tera ae ti na taekinna ngkana temanna e titrakiniira bukin tera ae ti kainanoa te Ekaretia? Tera kaeka ake ti kona ni kunei n Reirei ao Berita aika Tabu 20? Taraa naba D. Todd Christofferson, “Bukin Tera te Ekaretia,” Ensign ke Riaona, Nobembwa 2015, 108–11.
-
Reirei ao Berita aika Tabu 20:69.Tera ae nanonaki n “[nakonako] ni mimitong imatan te Uea”? E na bon rangi ni kaunga ibukiia kaain te utu ni korotamnei ke koroboki iaon te beeba bwaai tabeua are e na kona ni buokiia n nakonako ni mimitong ke bwai are e na kona ni kananotiotioia man karaoana. Ngkanne a kona ni karaoa te kawai ni kabonganai taian beeba ao ni kataia n nakonako iaon te kawai, n tii toui korotamnei are e na uotiia nakon Kristo.
-
Reirei ao Berita aika Tabu 20:37, 71–74.Ngkana iai temanna ae tuai bwabetito n am utu, kiibu aikai e kona ni kaira te marooro bwa e na kanga n tauraoi nakon te bwabettio (taraa kibu 37) ao e na kanga karaoan te bwabetito (taraa kiibu 71–74). Kaain te utu a kona n tibwaua tamneiia ke aia ururing man aia bong ni bwabetito.
-
Reirei ao Berita aika Tabu 20:75–79.A na kanga am utu ni kabonganai kiibu aikai ni katauraoi ibukin karekean te taneiai ae bongana, ae kaineti ma te toa? Kiibu aikai e na karekea te iango ni bwaai ake ko kona n iangoi raoi inanon te toa, ao kaain te utu a kona ni kunea ke ni koroi tamnein bwaai akanne. N aron riaina, ko kona ni uotii tamnei akanne nakon te bootaki n toa are imwina n aron te kauring bwa tera ae e na iangoaki n tain te toa.
-
Reirei ao Berita aika Tabu 21:4–7.Iangoia ni kaoiia kaain te utu n noori taian taeka ke kibu n taeka n kiibu 4–5 are e reireiniira taekan iriiran ana burabeti te Uea. Tera ae e nanonaki ni karekean ana taeka te burabeti ma te nano rinano? inanon te onimiaki? Ningai are ti na karekea te kakabwaia are e beritanaki n kiibu 6?
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Anene aika rineaki: “The Church of Jesus Christ,” Aia Boki n Anene Ataei, 77.
Kanakoraoan Ara Anga reirei
Iriirakin Maiun te Tia Kamaiu. “Mwaakan te Tia Kamaiu n reirei ao ni buokiia tabeman e roko man arona ngke E maiu ao bwa te aekaki n aomata raa Ngaia. Te taningamarau riki are ko keiakinna ni maiuakinna n aron Iesu Kristo, ko na karekea riki te konaa n reirei n ai Arona” (Reirei n Ana Kawai te Tia Kamaiu, 13).
Oliver Cowdery e Katabua Iotebwa Timiti, iroun Walter Rane