Tshazimpuzi 5–Tshazimpuzi 11. IMfundiso neMinqophiso 30–36: Ubizelwe Ukushumayela Ivangeli Yam,”Uze, Undilandele—Eyabantu Ngabanye kunye Neentsapho 2021 2020
Tshazimpuzi 5–Tshazimpuzi 11. IMfundiso neMinqophiso 30–36,” Uze, Undilandele—Eyabantu Ngabanye kunye Neentsapho 2021
Tshazimpuzi 5–Tshazimpuzi 11.
IMfundiso neMinqophiso 30–36
“Ubizelwe Ukushumayela Ivangeli Yam”
Kwizibhalo, singafumana izisombululo ngeemeko zethu ezikhethekileyo. Cela iNkosi ikuncede ufumane umyalezo owenzelwe wena kwiMfundiso neMinqophiso 30–36.
Bhala Iimvakalelo Zakho
UParley P. Pratt wayelilungu leBandla ithuba elingange nyanga xa wabizelwa “entlango” ukuya kushumayela ivangeli (IMfundiso neMinqophiso 32:2). UThomas B. Marsh wayelilungu ixesha elikwalincinci kunolu xa waxelelwa, “Ilixa lomsebenzi wakho lifikile” (IMfundiso neMinqophiso 31:3). U-Orson Pratt, u-Edward Partridge, nabanye abaninzi nabo babesanda kubhaptizwa xa kwakufika ubizo lwabo lomsebenzi wevangeli. Mhlawumbi eli xesha lonke lalibalulekile—kwikwindla ka-1830, akukho nomnye owayelilungu leBandla ngaphezu kweenyanga ezintandathu. Kodwa sikwakhona isifundo esenzelwe thina kulenkqubo namhlanje: ukuba wazi ngokwaneleyo ukuba wamkele ivangeli ngobhaptizo, wazi ngokwaneleyo ukuba uyabe nabanye. Inene sisoloko sifuna ukongeza ulwazi lwethu lwevangeli, kodwa uThixo zange wathandabuza ukubiza ezo “zingenamfundo” zishumayele ivangeli yakhe Yena (IMfundiso neMinqophiso 35:13). Ngokwenyani usimema sonke, “uya kuwuvula umlomo wakho ubhengeze ivangeli yam” (IMfundiso neMinqophiso 30:5). Kwaye sikwenza ngokugqwesileyo oko hayi ngobulumko namava wethu kodwa “ngamandla oMoya” (IMfundiso neMinqophiso35:13).
Bona futhi “The Faith and Fall of Thomas Marsh,” “Ezra Thayer: From Skeptic to Believer,” “Orson Pratt’s Call to Serve,” Revelations in Context, 54–69.
Iingcebiso Zokuzifundela Izibhalo Wedwa
Ndibezelwe ukushumayela ivangeli kaYesu Krestu.
Mhlawumbi wabanalo okanye hayi ubizo olusesikweni lokuba ngumfundisi wevangeli, iNkosi ifuna ukuba wabe ivangeli yaYo kwaye amazwi waYo kubafundisi bevangeli bantlandlolo belixesha langoku enzelwe nawe. Njengoko ufunda IMfundiso neMinqophiso 30–36, shicilela oko ukufunda ngobizo lokushumayela ivangeli. Ungenza uluhlu lwezinto iNkosi ecela abafundisi bevangeli baYo (umzekelo, bona IMfundiso neMinqophiso 30:8) kunye nolunye uluhlu lwezinto iNkosi ebathembisa bona (umzekelo, bona IMfundiso neMinqophiso 30:11 ).
Ingaba le miqolo ingamkhuthaza njani umntu omaziyo okhonzayo okanye olungiselela okuya kumsebenzi wevangeli yokushumayela okanye eyokukhonza eBandleni? Yintoni oyifumanayo ekuchukumisa ukuba wabe ivangeli?
Bona futhi IMfundiso neMinqophiso 35:13–15;Russell M. Nelson and Wendy W. Nelson, “Hope of Israel” (worldwide devotional for youth, Silimela 3, 2018), HopeofIsrael.ChurchofJesusChrist.org; Silvia H. Allred, “Go Ye Therefore,” Ensign okanye Liyahona, Nkanga 2008, 10–12.
Sonke singabafundisi bevangeli beBandla likaYesu Krestu.
IMfundiso neMinqophiso 31:1–2, 5–6, 9, 13
INkosi ingandinceda mna kubudlelwane bosapho lwam.
Iintsapho ngoo-1830 zazisokoliswa luninzi lwemiba iintsapho ezijongene nayo namhla. Sisiphi isikhokelo nezithembiso iNkosi eyazinika uThomas B. Marsh malunga nosapho lwakhe? Ingaba ilizwi laYo lingasinceda njani kubudlelwane beentsapho zethu?
Ngenkcukacha ethe vetshe malunga noThomas B. Marsh, bona Saints, 1:79–80, 119–20.
Ingaba umsebenzi wevangeli oya kumaLeymenayithi awuzange uphumelele?
Xa u-Oliver Cowdery, Peter Whitmer Jr., Parley P. Pratt, kunye noZiba Peterson bahamba besiya kushumayela kumaNdiya aseMelika entshona yeMissouri, babekholelwa ukuba babezalisekisa iziprofetho zeNcwadi kaMormoni malunga namaLeymenayithi efumana ivangeli kwimihla yokugqibela (Bona, umzekelo, 1 Nifayi 13:34–41; Enoshe 1:11–18). Kodwa ekupheleni komsebenzi wabo wevangeli, nangona izinto zazibukeka zintle namanye amaqela, abazange babhaptize nelinye iNdiya laseMelika. Kodwa babhaptiza ngaphezu kwekhulu labantu kufuphi neKirtland, Ohio, apho bema khona kwindlela yabo eya eMissouri. Phakathi kwabo baguqukayo kwakukho iinkokheli zeBandla ezaziya kubanempembelelo kwixesha elizayo, eziquka uSidney Rigdon, kwaye iKirtland kamva yaba yindawo ebalulekileyo yokuhlanganelana yeBandla. Ingaba la mava akufundisa ntoni ngendlela iNkosi ewuphumeza ngayo umsebenzi waYo?
Bona futhi “A Mission to the Lamanites,” Revelations in Context, 45–49.
IMfundiso neMinqophiso 33:12–1884:21–26
Ukuba ndakha ubomi bam kwivangeli yoMsindisi, andiyi kuwa.
IMfundiso neMinqophiso 33 yayibhekiselwe kuNorthrop Sweet no-Ezra Thayer, isibini esasisand’ ukuguquka kutshanje. UNorthrop walishiya iBandla kungekudala nje emva kokuba esi sityhilelo sasinikeziwe. U-Ezra wakhonza ngokunyaniseka ixeshana, kodwa naye waphela esiwa. Eli ingalithuba elihle lokuzihlola ukuba wakhe ngokuzinze kangakanani na “phezu [kwalo] ilwalwa” (umqolo 13) levangeli. Zeziphi iinyani apha kulemiqolo ezinokukunceda uhlale unyanisekile kuMsindisi?
Iingcebiso Zofundo Lwezibhalo Zosapho kunye Nomhlangano Wangorhatya Wosapho
-
IMfundiso neMinqophiso 30:2.Siqhuba njani njengosapho ekuqwalaseleni izinto zikaThixo “kunezinto zomhlaba”?
-
IMfundiso neMinqophiso 31.Njengoko ufunda izithembiso zeNkosi kuThomas B. Marsh malunga nosapho lwakhe, ungathetha ngeentsikelelo ezize kusapho lwakho ngenxa yomsebenzi wokufundisa ngevangeli. Ningacula neculo elihambelanayo, elinjengo “I’ll Go Where You Want Me to Go” (Hymns, no. 270). Usapho lwakho lusikeleleke njani ngokwaba ivangeli nabanye?
-
IMfundiso neMinqophiso 33:7–10.Ngowuphi umfanekiso-ngqondweni iNkosi eyawenzayo apha kulemiqolo ukucacisa ukwaba ivangeli? Yeyiphi eminye imifanekiso okanye iimfuziselo usapho lwakho olunokuzicinga? Mhlawumbi le mifanekiso inganceda usapho lwakho lucinge ngeendlela ezikrelekrele zokwaba ivangeli. Le ngxoxo ingakhokelela kwicebo lokwaba ivangeli. Cingisisa ngokwenza ngathi niyadlala ngeemeko ezinokuba ngamathuba.
-
IMfundiso neMinqophiso 34:10.Khethani ibinzana apha kumqolo 10, kwaye umeme amalungu osapho alisebeze. Amanye amalungu osapho angazama ukuliqajisela. Uze ucele ilungu losapho ukuba lilikhwazele phezulu elo binzana. Lo msebenzi usinceda njani ukuba siqonde ukuba kutheni iNkosi isiyalela ukuba “siphakamise ilizwi lakho”?
Ngeengcebiso ezithe vetshe malunga nokufundisa abantwana, bona isishwankathelo saleveki kwi- Come, Follow Me—For Primary.
Iculo elicetyiswayo: “I Hope They Call Me on a Mission,” Children’s Songbook, 169.
Amazwi weMbuyiselo
Abaguqukayo Bantlandlolo.
Kwangaphambi kokuba iBandla lisekwe, iNkosi yathi “Intsimi ivuthiwe ilungele ukuvunwa” (IMfundiso neMinqophiso 4:4). Le ntetho yabonakalisa ubunyani bayo kwiinyanga ezazilandela, njengoko uninzi lwabakhangeli benyani bakhokelwa nguMoya kaThixo ukuba bafune iBandla elibuyisiweyo likaYesu Krestu.
Abaninzi kwaba baguqukileyo bantlandlolo baba lulutho ekubekeni isiseko seMbuyiselo, kwaye amabali abo enguquko axabisekile kuthi namhlanje. Ukholo abalubonisayo lolo siludingayo ukuze siguqukele kwivangeli kaYesu Krestu.
U-Abigail Calkins Leonard
Xa u-Abigail Calkins Leonard wayeneminyaka engaphaya kwamashumi amathathu, waziva enomdla wokuxolelwa kwizono zakhe. Wayefunda iBhayibhile manqaphanqapha, kwaye abantu abasuka kwiinkozo zobuKrestu babemtyelela endlini, kodwa wayebhidwa kukuba yintoni eyayisahlula icawe kwenye. “Ngenye intsasa” watsho yena, “ndathatha iBhayibhile yam kwaye ndaya ehlathini, apho ndaguqa ngamadolo.” Wathandaza kwiNkosi ngokwenene. “Ngoko nangoko umbono wagqitha phambi kwamehlo wam,” kwaye iimvaba ngeemvaba ezahlukileyo zagqitha kufuphi nam enye emva kwenye, kwaza ilizwi lamemeza kum, lisithi: ‘Ezi zakhelwe ingeniso.’ Kwaza, ngaphesheya, ndandibona ukukhanya okukhulu, kwaye ilizwi elisuka phezulu lamemeza: ‘Ndiza kukhulisa abantu, abo endiyakuthi ndigcobele ukubabanga nokubasikelela.’” Ixesha elifutshane emva koko, u-Abigail weva ngeNcwadi kaMormoni. Nangona wayengekabinayo ikopi, wayefuna “ukwazi inyaniso ngalencwadi, ngesipho namandla oMoya oyiNgcwele,” kwaye “wakhawuleza wabuva ubukho bawo.” Xa wade wakwazi ukuyifunda iNcwadi kaMormoni ekugqibeleni, yena wayesele “ekulungele ukuyifumana.” Yena nomyeni wakhe, uLyman, babhaptizwa ngo-1831.1
UThomas B. Marsh
Ngethuba uThomas B. Marsh esengumntu omtsha, wafunda iBhayibhile kwaye wazimanya nenkonzo yobuKrestu. Kodwa yena wayenganelisekanga, ekugqibeleni wazikhupha kuzo zonke iinkonzo. “Ndandinomlinganiselo womoya wokuprofetha,” watsho yena, “kwaye ndaxelela [inkokheli yezenkolo] ukuba ndandilindele ibandla elitsha libekho, elalizakuba nenyaniso ngobumsulwa bayo.” Kungekudala emva koku, uThomas waba nempembelelo yomoya wokuba ashiye ikhaya lakhe eBoston, Massachusetts, kwaye athathe uhambo olusingise ngasentshona. Emva kokuchitha iinyanga ezintathu eNtshona New York ngaphandle kokufumanisa ukuba yintoni le wayeyifuna, waqalisa ukuphindela ekhayeni lakhe. Endleleni, umfazi othile wambuza ukuba ukhe weva na malunga “neNcwadi yeGolide eyafunyanwa ngumntu omtsha obizwa ngoJoseph Smith.” Ebanjwe yilengcinga, uThomas wahambela ePalmyra ngoko nangoko kwaye wahlangana noMartin Harris kwivenkile yoshicilelo, kanye xa amaphepha ali-16 okuqala weNcwadi kaMormoni ayephuma ekushicilelweni. UThomas wayevumelekile ukuba athabathe ikopi yalamaphepha ali- 16 kwaye waya nawo endlini kwinkosikazi yakhe, u-Elizabeth. “Yena wayonwabile” ngalencwadi, wakhumbula, “eyikholelwa ukuba ingumsebenzi kaThixo.” UThomas no-Elizabeth bafudukela eNew York kamva nabantwana babo kwaye babhaptizwa. 2 (Ngenkcukacha ethe vetshe malunga noThomas B. Marsh, bona (IMfundiso neMinqophiso 31).
UParley noThankful Pratt
Njengo Thomas Marsh, uParley noThankful Pratt baphendula ukuzanyiswa ngumoya ukuba bashiye ifama yabo echumileyo e-Ohio ngenjongo yokushumayela ivangeli ngohlobo ababeyiqonda ngalo kwiBhayibhile. Njengoko uParley waxelela umntakwabo, “uMoya wezizinto weza ngamandla engqondweni yam mva nje de andakwazi nokuphumla”3 Ukufika kwabo empuma New York, uParley wabanempembelelo yokuhlala kancinci kulommandla. UThankful, bagqiba kwelokuba yena wayeya kuqhubekeka ngaphandle kwakhe. “Ndinomsebenzi wokwenza kulommandla wesizwe,” uParley wamxelela, “kwaye into oyiyo, nokuba uya kuthatha ixesha elingakanani ukuyenza, andiyazi; kodwa ndiza kuza xa sele wenziwe.”4 Kwakulapho apho uParley waqala weva ngeNcwadi kaMormoni. “Ndeva umdla ongaqhelekanga kulencwadi,” watsho yena.5 Wacela ikopi kwaye wayifunda ubusuku bonke. Ngentsasa, wayeyazi ukuba le ncwadi yayiyinyaniso, eyixabisile “ngaphezu kobutyebi bonke behlabathi.”6 Kwiintsukwana nje ezimbalwa uParley waye wabhaptizwa. Emva koko wabuyela kuThankful owabhaptizwayo naye. (Ngenkcukacha ethe vetshe malunga noParley P. Pratt, bona IMfundiso neMinqophiso 32.)
Umfanekiso kaParley P. Pratt nguJeffrey Hein
USidney noPhebe Rigdon
Kwindlela yakhe esuka eNew York esingise kumsebenzi wobufundisi eMissouri, uParley Pratt kunye nabo wayesebenza nabo bema eMentor, e-Ohio, kwikhaya likaSidney noPhebe Rigdon—abahlobo abadala uParley awayebazi kwimihla yakhe e-Ohio. USidney wayengumfundisi wobuKrestu, kwaye uParley wakhe waba lilungu lebandla lakhe kwaye wayembona njengomqeqeshi ngokwezomoya. UParley wabaxelela ngomdla abahlobo bakhe malunga neNcwadi kaMormoni kunye neMbuyiselo yevangeli kaYesu Krestu. USidney yena buqu wayekhangela imbuyiselo yeBandla lokwenyani awalifumana licaciswa kwitestamente entsha, nangona wayithandabuza iNcwadi kaMormoni ekuqaleni. “Kodwa ndiza kuyifunda incwadi yakho, yena waxelela umhlobo wakhe uParley, kwaye ndiza kuzama ukuqinisekisa okokuba isisityhilelo esisuka kuThixo okanye hayi.”7 Emva kweeveki ezimbini zokufunda kunye nomthandazo, bobabini noPhebe babeqinisekile ukuba le ncwadi yayiyinyani. Kowa uSidney wayesazi kananjalo ukuba ukuzimanya neliBandla kwakuza kuba lidini elikhulu kusapho lwakhe. Ngokucacileyo wayeza kulahlekelwa ngumsebenzi wakhe wobufundisi, kwakunye nezinga lobume bakhe eluntwini. Njengoko yena noPhebe babexoxa ngoko kwakunokwenzeka, uPhebe wabhengeza, “Ndizibalile iindleko, kwaye …kungumnqweno wam ukwenza intando kaThixo, nokuba kuza ubomi okanye kuza kufa.”8
Hambani Niye Entlango, nguRobert T. Barrett