The Camp Meeting, jān Worthington Whittredge

Māe 3–9

Katak im Bujen Ko 46–48

“Kom̧in Kanooj Kappukot Mennin Letok ko Rem̧m̧antata”

Ilo am̧ riiti Katak im Bujen Ko 46–48, je jabdewōt en̄jake ko kwoj būki. Innām komaron̄ kajjitōk, āinwōt Elder Richard G. Scott eaar elmakote, “Ebar wōr ke eļapļo̧k ij aikuj kōm̧m̧ane?” (“To Acquire Spiritual Guidance” Ensign ak Liahona, Nob. 2009, 8).

Je En̄jake ko Rej Im̧we Eok

Ke Parley P. Pratt, Oliver Cowdery, Ziba Peterson, im Peter Whitmer Jr. raar em̧m̧akūt jān Kirtland im etal n̄an jikin ko n̄an kōm̧m̧an jerbal in mijen, raar em̧m̧akūt jān elōn̄ļo̧k jān jibuki rioktak ro me ekar ļap aer kijejeto bōtaab jidik wōt iminene ak tōl. Ekar ejjeļo̧k bok in bōk meļeļe ko kōn tōl, ejjeļo̧k kweilo̧k in kaminene ko an ritōl, ejjeļo̧k kadiwōjļo̧k imejatoto an kweilo̧k eo eļap—ilo m̧ool, ekar jab kanooj in lōn̄ kape in Bok in Mormon n̄an litok litak. Elōn̄ wōt iaan rittōmak rein rekāāl raar ellowetak n̄an gospel eo kar kōjepļaaktok kōn kallim̧ur eo kōn waļo̧ktok ko an Jetōb rekabwilōn̄lōn̄, eļap tata ko raar jeļā kaki jān ekkatak Kallim̧ur Ekāāl (lale, n̄an waanjon̄ak, 1 Korint 12:1–11). Ejjab to, jet wāween ko kabun̄ jar roktak—ekoba okjak n̄an laļ ak in̄in̄tōk āinwōt juon jineek—raar kwaļo̧k n̄an kweilo̧k in Kabun̄ ko aer. Elōn̄ raar lo bwe epen n̄an jeļā ewi wōt waļoktok ko raar an Jetōb im ewi wōt ko raar jab. Lo tarpok eo, Josep Smith ekar jar kōn jipan̄. Uwaak eo an Irooj ej jon̄an wōt an aorōk rainin, n̄e emakijkij an armej ro joļo̧k ak kowaan men ko an Jetōb,. Irooj ekar kwaļo̧k bwe waļoktok ko ilo jetōb rej m̧ool in im kalikkare ta ko rej—menin letok ko jān juon Jemād Ilan̄ eo ej iakwe, “rekar liwōji n̄an jeraam̧m̧an eo an ro rej iakwe [E] im kōjparok aolep kien ko [An] ” (Katak im Bujen Ko 46:9).

Ļōm̧ņak ko n̄an Ekkatak Jeje Ko Rekwojarjar Ippam̧ Make

Katak im Bujen Ko 46:1–6

Aolep ro em̧ool aer kappukōt m̧ool eo rej ruwainene n̄an kabun̄ jar ilo Kabun̄ eo an Irooj.

Kweilo̧k ko an Kabun̄ eo an Jisōs Kraist im Armej ro Rekwojarjar ilo Raan-ko Āliktata rej aikuj in ilibwilijini ain doon ko eļap karuwainene im im̧we ilo laļ in. Ekōjkan an Irooj kapilōk kōj ilo Katak im Bujen Ko 46:1–6 n̄an bōk ro me rej kobatok ilo kweilo̧k ko ad? Ro m̧ōttam̧ im armej ro ilo meļan eo am̧ rej ke en̄jake ruwainene ilo iien kabun̄ jar ko an ward eo am̧? Ta eo kom̧ij kōm̧m̧ane n̄an kōm̧m̧an bwe jikin kweilo̧k ko an Kabun̄ eo am̧ bwe armej ro ren bar kōnaan bar ro̧o̧ltok? Kōļmenļo̧kjeņ kōn ekōjkan an kijejeto ko am̧ n̄an ļoor Jetōb Kwojarjar ilo kweilo̧k ko an Kabun̄ in maron̄ jelet en̄jake eo am̧

Lale barāinwōt 3 Nipai 18:22–23; Moronai 6:5–9; “Welcome,” video, ComeUntoChrist.org; “Religious Enthusiasm among Early Ohio Converts,” Revelations in Context, 105–11.

Katak im Bujen Ko 46:7–33

Anij ekar letok menin letok ko ilo jetōb n̄an kōjeraam̧man ajri ro Nejin.

Armej ro Rekwojarjar im̧aan tata raar tōmak ilo menin letok ko ilo jetōb bōtaab kar aikuj jet tōl ko kōn jibadbad eo aer. Ilo am̧ ekkatak kōn menin letok ko an Jetōb kōjerbal Katak im Bujen Ko 46:7–33, kōļmenļo̧kjeņ kōn etke rej aorōk bwe kwon “[keememej] iien otemjej n̄an ta rekar litoki” (eoon 8). Ļōmņak kōn ekōjkan an eoon kein jerbal n̄an ennaan in jān Elder Robert D. Hales: “Menin letok kein rej liļo̧k n̄an ro me rej tiljek n̄an Kraist. Renaaj jipan̄ kōj jeļā im katakin m̧ool ko an gospel eo. Renaaj jipan̄ kōj kōjeraam̧m̧an ro jet. Renaaj tōlļo̧k kōj n̄an ippān Jemedwōj Ilan̄.” (“Gifts of the Spirit,” Ensign, Feb. 2002, 16). Bar ta eo kwoj ekkatak jān eoon kein kōn waļo̧ktok ko an jetōb? Ekōjkan an m̧ool kein maron̄ jipan̄ eok “jab po ilo m̧oņ”? (eoon 8).

Kōļmenļo̧kjeņ kōn ta menin letok ko ilo jetōb rej am̧—im ekōjkan am maron̄ kōjerbali “n̄an em̧m̧anļo̧k eo an ro nejin Anij” (eoon 26). Eļan̄n̄e ewōr juon am kōjeraam̧man an petriak, emaron̄ in alikkar menin letok ko kar liwaj.

Lale barāinwōt Gospel Topics, “Spiritual Gifts,” topics.ChurchofJesusChrist.org.

Katak im Bujen Ko 47

Irooj ekōņaan bwe Kabun̄ eo An en kōjparok bwebwenato.

Kūr eo an John Whitmer n̄an kōjparok juon bwebwenato an Kabun̄ in eaar wōnm̧aanļo̧k wōt kōn juon iminene an rikōjparok ļo̧o̧k ko ibwilijin armej ro an Anij (lale 2 Nipai 29:11–12; Moses 6:5; Ebream 1:28, 31). Ilo m̧ool, jerbal eo an juon Rilale bwebwenato im Rilale ļook an Kabun̄ in rej pād wōt rainin. Etke kwoj ļōmņak kōjparok juon bwebwenato ej lukkuun in aorōk n̄an Irooj? Kōļmenļo̧kjeņ kōn menin ilo am̧ riiti naan in kōmeļeļe ko An n̄an John Whitmer kōn ijjitōn̄ in ilo jekjōn 47. Barāinwōt ļōmņak kōn ta en̄jake ko an juon make kwoj aikuj in ļo̧o̧ki. N̄an waanjon̄ak, ta eo Irooj eaar Katakin eok bwe kwoj kōņaan kōjparoke?

Ilo am̧ kōļmenļo̧kjeņ kōn kajjitōk kein, ļōmņak kōn kōļmenļo̧kjeņ in jān Elder Marlin K. Jensen jān jiljilimjuonn̄oul eo, eo eaar jerbal āinwōt juon Church Historian im Recorder jān 2005 n̄an 2012:

“Jej kōjparok ļo̧o̧k ko n̄an jipan̄ kōj keememej. … Jej kōņaan jipan̄ ro uwaan Kabun̄ in keememej men ko reļļap Anij ekar kōm̧m̧ani n̄an ajri ro Nejin. … Katak ko jān etto rejipan̄ rej jipan̄ kōj jerbale kiiō eo ad im letok n̄an kōj kōjatdikdik eo n̄an ilju jekļaj eo” (“There Shall Be a Record Kept among You,” Ensign, Tij. 2007, 28, 33).

N̄an ekkatak eļapļo̧k kōn jerbal eo kiiō ej kōm̧m̧an ium̧win tōl eo an Church Historian eo, etal n̄an history.ChurchofJesusChrist.org.

John Whitmer kar kūri n̄an kōjparok juon bwebwenato an Kabun̄ in.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Katak im Bujen Ko 46:2–6.Ta eo jemaron̄ kōm̧m̧ane āinwōt juon baam̧le n̄an kanooj lale bwe ro jet ren en̄jake ruwainene ilo kweilo̧k ko an Kabun̄ in ad? (lale barāinwōt 3 Nipai 18:22–23). Pija eo ej itok ippān online in emaron̄ kobaik n̄an ekōnono in.

Katak im Bujen Ko 46:7–26.Ta menin letok ko ilo jetōb jej loi ippān doon? Ekōjkan an menin letok kein kōjeraam̧m̧an baam̧le eo ad?

Katak im Bujen Ko 47.Ekōjkan am̧ maron̄ kōketak baam̧le eo am̧ n̄an ļo̧o̧ke bwebwenato ko aer make ilo aolepān wiik eo? Komaron̄ kwaļo̧k jet ļo̧o̧k ko jān jōnōļ eo am̧ make ak kwaļo̧k juon bwebwenato kōn juon am̧ rūtto (lale FamilySearch.org). Jet baam̧le ko rej kōjenolo̧k jejjo minit ko kajjojo wiik n̄an an aolep jeje ilo jōnōļ ko aer. Komaron̄ leļo̧k jet im̧we ko jān jōnōļ eo am̧, āinwōt “Ta eo ekar waļo̧k wiik in me kwoj kōņaan bwe ajri ro jibūm̧ ren jeļā kake?” ak “Ekōjkan am̧ kar lo pein Irooj ilo mour eo am̧ wiik in?” Ajri ro reddik emaron̄ jin̄aik pija ko kōn en̄jake ko aer, ak komaron̄ ļo̧o̧ki ilo am̧ ba n̄an er bwebwenato ko aer. Ta kōjeraam̧m̧an ko rej itok jān kōjparok juon “bwebwenato iien otemjej”? (eoon 1).

Katak im Bujen Ko 48.Armej ro Rekwojarjar ilo Ohio kar kakien er n̄an ajije bwidej ko aer ippān ro me rekar em̧m̧akūt tok n̄an Ohio jān iturear in United States(Amedka). Ta eo jemaron̄ ajije n̄an tōprak aikuj ko an ro jet?

Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Have I Done Any Good?” (Hymns, nō. 223.

Kōkōm̧anm̧anļo̧k Katakin

Kōjerbal bwebwenato ko im waanjon̄ak ko. Emakijkij an Rilo̧mo̧o̧r eo kōjerbal bwebwenato ko im būraibōl ko n̄an katakin pedped ko an gospel. Ļōmņak kōn waanjon̄ak ko im bwebwenato ko jān mour eo am̧ make me emaron̄ kōm̧m̧an bwe juon pedped an gospel eo en erom̧ kalimomo n̄an baam̧le eo am̧ (lale Teaching in the Savior’s Way, 22).

Jemedwōj Ilan̄ ej letok menin letok ko ilo jetōb n̄an kōjeraam̧m̧an mour ko an ro jet.