Kweilo̧k in Kāām, jen Worthington Whittredge

Māe 3–9

Katak im Bujen Ko 46–48

“Kom̧in Kanooj Kappukot Mennin Letok ko Rem̧m̧antata”

Ļōmņak kōn ajri ro kwoj katakin ilo am riiti Katak im Bujen Ko 46–48. Io̧kļo̧k “Tōpar Aikuj ko an Ajri ro Reddik” ilo jinoin kein ekkatak in n̄an kakkobaba in ļōmņak ko n̄an ļōmņaki.

Je En̄jake ko Rej Im̧we Eok

Kajjitōk bwe ren Kwaļo̧k

Kajjitōk ippān ajri ro n̄an jin̄aik pija in jet me raar ekkatak ilo wiik eo ļo̧k ak ilo m̧weeo ilo wiik eo ļo̧k. Jipan̄ er eļan̄n̄e emenin aikuj. Innām kōtļo̧k bwe ren kōnono kōn pija ko aer.

Katakin Katak eo: Ajri ro Reddikļo̧k

Katak im Bujen Ko 46:2–6

Imaron̄ jipan̄ ro jet en̄jake ruwainene ilo m̧ōnjar eo.

Kōjwōj aolep, ekoba ajri ro, jekōņaan en̄jake ruwainene n̄an kobaļo̧k. Elmen am̧ maron̄ kōjerbal eoon kein n̄an jipan̄ ajri ro kōm̧m̧an bwe ro jet ren en̄jake ruwainene ilo m̧ōnjar eo?

M̧akūtkūt ko Maron̄ Kōm̧m̧ani

• Riiti Katak im Bujen ko 46:5 ilo eļaaj, im ba n̄an ajri ro kōn naan ko am̧ make ta meļeļein eoon in. Kwaļo̧k pija in armej ro jān peļaakin laļin. Kajjitōk ippān ajri ro wōn iaan armej rein Jemedwōj Ilan̄ ekōņaan bwe jen karuwaineneik tok er n̄an kweilo̧k ko an Kabun̄ in. Jipan̄ ajri ro kamminene karuwaienenik eok ak ro jet n̄an itok n̄an juon iaan kweilo̧k an Kabun̄ in ak m̧akūtkūt eo.

• Kajjitōk ippān ajri ro n̄an antoone n̄e eo m̧ōttaer ej kab kein kajuon an itok n̄an jar. Jipan̄ er ļōmņake wāween ko remaron̄ jipan̄ ro m̧ōttaer en̄jake ruwainene. Kōm̧m̧an bwe ren kamminene ta eo raar ba ak kōm̧m̧ane eļan̄n̄e raar lo juon m̧ōttāer ej kab itok kein kajuon n̄an m̧ōnjar eo ak kūlaaj ruum̧ eo.

Katak im Bujen Ko 46:13–26

Jemedwōj Ilan̄ ej kōjeraam̧m̧an eō kōn menin letok ko An.

Kajjojo iaan ajri ro kwoj katakin rej ļaddik im leddik nejin Jemedwōj Ilan̄, Eaar kōjeraam̧m̧an er kōn menin letok ko rekwojarjar.

M̧akūtkūt ko Maron̄ Kōm̧m̧ani

• Kōjerbal Katak im Bujen Ko 46:13–26 ak “Jepta 20: Mennin Letok ko an Jetōb” (Bwebwenato ko an Katak im Bujen Ko, 77–80) n̄an kōmeļeļeik n̄an ajri ro jet iaan menin letok ko an Jemedwōj Ilan̄ jen Jetōb eo An im etke Ej letok. Eļan̄n̄e ekkar, kwaļo̧k mennin ekkatak ko ak pija ko me rej pinej jenkwan kajjojo menin letok. Ikkutkut am bōjrak im kajjitōk ippān ajri ro elmen an menin letok kein kōjeraam̧m̧an elōn̄.

• Leļo̧k n̄an juon ajri jet men me emaron̄ in kwaļo̧k, āinwōt m̧ōttan jidikin pilawā ak ruo kein ikkure. Kajjitōk ippān ajri ro n̄an kwaļo̧k ta eo kwaar leļo̧k n̄an e ak ro jet ilo kūlaaj eo. Kōmeļeļeik bwe Jemedwōj Ilan̄n̄ ej letok n̄an kōj menin letok ko, im Ej kōņaan bwe jen kōjerbali n̄an jipan̄ ro jet. Jiron̄ ajri ro kōn juon iien kwaar jeraam̧m̧an kōn ro jet raar kwaļo̧k menin letok ko an.

Katakin Katak ko: Ajri ro Rerūttoļo̧k

Katak im Bujen Ko 46:8–26

Jemedwōj Ilan̄ ej letok n̄an eō menin letok ko an jetōb.

Menin letok kein kar kōmeļeļeik ilo Katak im Bujen Ko 46—im elōn̄ menin letok ko jet ilo jetōb—itok jān Anij jen Jetōb Kwojarjar. Kwomaron̄ bar jipan̄ ajri ro kalikkar menin letok ko raar būki—im ko jet rej pukoti—ilo ami riit Katak im Bujen Ko 46 ippān doon.

M̧akūtkūt ko Maron̄ Kōm̧m̧ani

• Je ioon jidik peba kōn jet menin letok ko an jetōb loi ilo Katak im Bujen Ko 46:13–26 im Laajrak in Tōmak 1:7, im ņoji ipeļakin ruum̧ eo. Kūr kajjojo ajri n̄an pukot juon iaan peba ko im pukote eoon ko n̄an lo ijo menin letok ko rej kōnono kaki ilo jeje ko rekwojarjar. Innām riit ippān doon Katak im Bujen Ko 46:8–9, 12. Etke Jemedwōj Ilan̄ ej letok n̄an kōj menin letok ko?

• Jipan̄ ajri ro kōlaajraki ioon boot eo kōn menin letok ko an Jetōb kōmeļeļeiki ilo Katak im Bujen Ko 46. N̄e kajjojo menin letok elaajrak, kōnono kaki elmen an menin letok in maron̄ jerbal n̄an kōjeraam̧m̧an ro jet. Kōmeļeļe ko ilo “Jebta 20: Mennin Letok ko an Jetōb” (Bwebwenato an Katak im Bujen Ko, 77–80) emaron̄ jipan̄. Jiron̄ ajri ro bwe remaron̄ bōk menin letok ko an jetōb. Rōjan̄ er n̄an kajjitō ippān Jemedwōj Ilan̄ n̄an jipan̄ er kile menin letok ko aer im elmen aer maron̄ kōjerbali n̄an kōjeraam̧m̧an ro jet.

Katak im Bujen Ko 47:1, 3

Imaron̄ rekoote bwebwenato eo aō.

Irooj eaar kūr John Whitmer n̄an kōjparok juon bwebwenatoin Kabun̄ in. Rainin jej jeraam̧m̧an kōnke bwebwenato ko an Kabun̄ in me kar baj kōjparoki elōn̄ iiō ko.

M̧akūtkūt ko Maron̄ Kōm̧m̧ani

• Riit ippān Katak im Bujen ko K7:1, 3, im kajjitōk ippān ajri ro n̄an pukote ta eo Irooj ekōņaan bwe John Whitmer en kōm̧m̧ane. Ta meļeļe in naan eo “iien otemjej” ilo eoon kein eeon 3? Elmen ad kar jeraam̧m̧an n̄an jeļā kōn bwebwenato eo an Kabun̄ in?

• Eļan̄n̄e ajri ro kwoj katakin ewōr aer jōnōļ, kajjitōk ippāer n̄an kōnonon kake men ko rej je ilo jōnōļ eo aer. Ajri ro remaron̄ m̧ōņōņō in ron̄ juon bwebwenato jān jen kwaar dik ilo jen jōnōļ eo am̧ ak jōnōļ eo an ro jibum̧ im jim̧m̧am̧.

• Kwaļo̧k n̄an ajri ro waanjon̄ok ko rej ilo aer je emakijkij in bwebwenato in mour ko aer. N̄an waanjon̄ok, remaron̄ je juon bok, aini pija ko ilo juon bok in pija, taip ilo juon kamputōr, ak kōm̧m̧an ainikien ak kanne pija. Jipan̄ ajri ro kōm̧m̧ane juon laajrak in men ko rem̧m̧an ekoba bwebwenato in mour ko aer make, āinwōt naan in kam̧ool eo aer kōn Jisōs Kraist. Kūr ajri ro n̄an kōm̧m̧ane juon jain ak peba kilep n̄an bōk n̄an m̧weo kōn jet ļōmņak ko n̄an kakeememej er n̄an je bwebwenato ko aer make.

  

  Jōnōļ ko rej juon iaan wāween ko jemaron̄ kōm̧m̧an juon bwebwenato.

Katak im Bujen Ko 48:1–4

Imaron̄ jipan̄ ro jet n̄an kwaļo̧k ta eo ikar leļo̧k.

Irooj eaar rōjan̄ ro Rikwojarjar ilo Ohio n̄an jipan̄ Rikwojarjar ro jet n̄an leļo̧k ijo jikier im jāān ko aer. Elmen am̧ maron̄ kōjerbal eoon kein n̄an jipan̄ ajri ro lo wāween ko n̄an kwaļo̧k n̄an ro jet ta eo Anij eaar leļo̧k n̄an er?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro juon mab in New York im Ohio (lale the outline for April 12–18 ilo Itok, Ļoor Eō—N̄an Kajjojo im Baam̧le ko). Kōmeļeļeik bwe Irooj eaar kakien ro Rekwojarajr ilo New York im eria ko jet n̄an aiin doon ļo̧k n̄an Ohio, ak elōn̄ iaer eaar jabwe jāān ippāer n̄an kalōk juon em̧ n̄e renaaj itaakļo̧k. Jipan̄ ajri ro pukote ilo Katak im Bujen Ko 48:1–4 ta eo Irooj eaar kajjitōk ippān ro Rekwojarjar ilo Ohio n̄an kōm̧m̧ane n̄an jipan̄. Kajjitōk ippān ajri ro ta eo rekōņaan n̄an kōm̧m̧ane n̄an jipan̄ elan̄n̄e ren kar pād ilo Ohio ilo iien in. Ta eo kar letok n̄an kōj rainin bwe jen maron̄ kōjerbale n̄an jipan̄ ro jet? N̄an waanjon̄ok, lale “The Coat” (video, ChurchofJesusChrist.org).

• Riit Katak im Bujen Ko 48:4 ippān doon, im kajjitōk ippān ajri ro n̄an pukot men ko Irooj ekar kajjitōk ippān ro Rekwojarjar n̄an kōm̧m̧ane n̄an jipan̄ jerbal in An. Kōmeļeļeik bwe kōjparok jāān emaron̄ kōm̧m̧an be ren wia jikier im kalōk juon tampeļ juon raan. Ta eo jemaron̄ kōjparoke jāān kake bwe jen maron̄ jipan̄ jerbal in an Irooj? Kwaļo̧k pija eo “First Things First” (ChurchofJesusChrist.org), im kōnono elmen an ajri ro ilo pija eo kar kakūrm̧ool kien eo an Irooj n̄an kōjparok jāān.

Kōketak Ekkatak ilo M̧weo

Rōjan̄ ajri ro n̄an kajjitōk ippān ro uwaan baam̧le ilo m̧weeo kōņ menin letok eo me rej en̄jake em̧ōj aer kar bōke. Bar rōjan̄ ajri ro n̄an jar im pukot juon menin letok an Jetōb me rekōņaan n̄an kōļapļo̧ke.

Kōkōm̧anm̧anļo̧k Ad Katakin

Jipan̄ ajri ro katak jān jeje ko rekwojarjar. Ajri ro reddik remaron̄ jab lukkuun riit, ak kwomaro kobaik er ilo ekkatak eo jen jeje ko rekwojarjar. N̄an waanjon̄ok, kwomaron̄ riiti juon eoon im kajjitōk ippāer n̄an jutak ak kajutak peier n̄e rej ron̄ juon naan ejejjet ak eoon.