First Furrow, jān James Taylor Harwood

Māe 17–23.

Katak im Bujen Ko 51–57

“Juon Ribōk Eddo E tiljek, E jim̧we, im Emālōtlōt”

Ilo kakobaba n̄an ļōmņak ko kar elmakoti ijin, Jetōb eo emaron̄ im̧we eo n̄an pedped ioon bar juon men jān Katak im Bujen Ko 51–57 me emaron̄ in aorōk n̄an ajri ro kwoj katakin er.

Je En̄jake ko Rej Im̧we Eok

Kajjitōk bwe ren Kwaļo̧k

Kōm̧m̧an bwe ajri ro me rekōņaan kwaļo̧k juon men rej ekkatak kanōk nōm̧ba ko jān juon nine n̄an ļōmņake ellaajrak eo me renaaj kwaļo̧ke.

Katakin Katak eo: Ajri ro Reddikļo̧k

Katak im Bujen Ko 51:9

Imaron̄ in m̧ool.

Elōn̄ ajri ro reddik rekab de ekkatak ta meļeļe in n̄an ba m̧ool eo. Ļōmņak kōn ekōjkan am̧ maron̄ kakijin̄en̄eļo̧k aorōk eo an ekōnono im m̧akūtkūt ilo m̧ool.

M̧akūtkūt ko Maron̄ Kōm̧m̧ani

• Riiti n̄an ajri ro jān Katak im Bujen Ko 51:9: “Kōtlo̧k bwe aolep ren lukkuun m̧ool ilo aer m̧akūtkūt” (lale barāinwōt Laajrak in Tōmak ko 1:13). Kajjitōk ippān ajri ro eļan̄n̄e rejeļā ta meļeļe n̄an m̧ool. N̄an jipan̄ er em̧m̧anļo̧k aer meļeļe, leļo̧k n̄an er waanjon̄ak in jerbal ko me rej m̧ool.

• Kwaļo̧k jet iaan waanjon̄ak in bwebwenato ko an ajri ro me rej jelm̧ae jokāālet ko kōn m̧ool, eo āinwōt jokāālet eo n̄an kwaļo̧k n̄e raar kōm̧m̧ane juon men ebōd. Kōjerbal pija ko, puppet jito̧kin ko, ak to̧ļe peba ko n̄an kōm̧m̧an bwe bwebwenato ko ren ļapļo̧k aer kaitoktok limo. Kajjitōk ippān ajri ro eļan̄n̄e armej rein rej m̧ool ak jab m̧ool.

• Al juon al kōn m̧ool, eo āinwōt “Stand for the RightChildren’s Songbook,159). Kwaļo̧k naan in kam̧ool eo am̧ kōn etke ej aorōk n̄an m̧ool.

Katak im Bujen Ko 52:10; 53:3; 55:1

Menin letok eo an Jetōb Kwojarjar ej letok kōn likūt pā ko ioon.

Bōk Jetōb Kwojarjar eo kōn likūt pā ko ioon ej kōnono kake jejjo iien ko ilo Katak im Bujen Ko 51–57. Menin emaron̄ in juon iien em̧m̧an n̄an katakin ajri ro kōn kain̄i in.

M̧akūtkūt ko Maron̄ Kōm̧m̧ani

• Kwaļo̧k juon pija in juon ajri kar kapene (lale Bok In Gospel Pija, nō. 105 Kajjitōk ippān ajri ro n̄an kōmeļeļeik ta eo ej waļo̧k ilo pija eo. Kajjitōk ippāer n̄an kabokboke peier n̄e rej ron̄ “likūt pā ko ioon” ak “likūt pā ko ioon” ilo am̧ riiti juon ak elōn̄ļo̧k an eoon kein: Doctrine and Covenants 52:10; 53:3; 55:1.

• Jiron̄ ajri ro kōn iien eo kwar bōk menin letok eo an Jetōb Kwojarjar kōn likūt pā ko ioon ālkin am kar peptiaj. Jipan̄ ajri ro erreim̧aanļo̧k n̄an bōk menin letok in kōn er make. Ekōnono ippāer kōn wāween ko jemaron̄ karuwaineneiktok Jetōb eo n̄an mour ko ad.

• Al “The Holy Ghost” (Children’s Songbook, 105) ak juon al ainlok wōt. Jitōn̄ļo̧k naan ko ak eoon ko me ej katakin kōn menin letok eo an Jetōb Kwojarjar.

  

  Pija eo kōn juon ļaddik kar kapene jān Dan Burr

Katak im Bujen Ko 54:4–6

Ij aikuj iien otemjej kōjparok kallim̧ur ko aō.

Leman Copley eaar bujen n̄an kōm̧m̧an bwe Armej ro Rekwojarjar jān Colesville, New York, jokwe ilo būdej eo an ilo Ohio. Bōtaab ālkin aer itakļo̧k, eaar rupe bujen eo an im kar kōm̧m̧an bwe ren em̧m̧akūt.

M̧akūtkūt ko Maron̄ Kōm̧m̧ani

• Kwaļo̧k ippān ajri ro ta eo ekar waļo̧k n̄an Armej ro Rekwojarjar raar itok im jokwe ilo būdej ko an Leman Copley (lale jākjen heading n̄an Katak im Bujen Ko 54; barāinwōt lale “Chapter 21: A Revelation to Settle in Missouri,” Doctrine and Covenants Stories, 81–83). Jipan̄ er ļōmņak ekōjkan an Armej ro Rekwojarjar maron̄ kar en̄jake ke Leman eaar rupe kallim̧ur eo an.

• M̧wijit juon peba annan̄in menono ilo jimettan, im leļo̧k kajjojo in n̄an ruo ajri ro. Kajjitōk ippāer n̄an kotak jimettan ko aer ippān doon n̄an kōm̧m̧an bwe en juon menono edipio. Kōm̧m̧an bwe ro ajri ro jet ren bōk koņaer kotak m̧ōttan menono eo. Jipan̄ ajri ro keidi menin n̄an kallim̧ur ko ak bujen ko jej kōm̧m̧ani ippān Anij. Anij enaaj iien otemjej kotak rejet in bujen eo An eļan̄n̄e jej kotak ko ad.

• Kakeememej ajri ro bwe n̄e rej peptaij, renaaj bujen, ak kallim̧ur, n̄an pokake kien ko an Anij. Riiti n̄an er jān Katak im Bujen Ko 54:6 ekōjkan an Irooj kōjeraam̧m̧an armej ro rej kōjparok bjuen ko aer.

Katakin Katak Ko: Ajri ro Rerūttoļo̧k

Katak im Bujen Ko 51:19; 55

Imaron̄ kōjerbal kōjeraam̧m̧an ko Anij ekar litok n̄an eō n̄an kōjeraam̧m̧an ro jet.

Irooj ekar lōke kajjojo iaad kōn menin letok ko im kōjeraam̧m̧an ko jemaron̄ kōjerbali n̄an kalōk aelōn̄ in kiin̄ eo An.

M̧akūtkūt ko Maron̄ Kōm̧m̧ani

• Ņooj naan ko “tiljek,” “m̧ool,” im “mālōtlōt” ipeļaakin ruum̧ eo. Kajjitōk ippān ajri ro n̄an pukōt naan ko ilo ruum̧ eo innām pukōti ilo Katak im Bujen Ko 51:19. Riiti eoon eo ippān doon, im kōnono kōn ta meļeļe in n̄an erom juon ribōk eddo. Eļan̄n̄e emenin aikuj, riiti ippān doon pārokūrāāpe kein kajuon an “Ribōk Eddo, Bōk Eddo” ilo Unin Tōl Eo N̄an Jeje Ko Rekwojarjar(scriptures.ChurchofJesusChrist.org).

• Jiron̄ ajri ro kōn William W. Phelps, eo ekar juon rikōm̧m̧an nuujpepa m̧okta jān ron̄jake gosepl eo im em̧m̧akūtļo̧k n̄an Kirtland. Kajjitōk ippān ajri ro n̄an riiti Katak im Bujen Ko 55:1–4 im kōllaajrak ta eo Anij eaar kōņaan bwe William en kōm̧m̧ane. Ewi wōt iaan men kein remaron̄ jerbal n̄an kōjwōj aolep, im ewi wōt ko n̄an wōt William kōnke kōn tōļan ko an? Kajjitōk ippān ajri ro n̄an kile tōļan ko rej loi iippān doon, im ekōnono kōn ekōjkan aer maron̄ kōjerbal tōļan ko n̄an jerbal n̄an Anij im ajri ro Nejin.

Katak im Bujen Ko 52:14–19

Ewōr juon an Anij jon̄ak n̄an jipan̄ eō ejjab maron̄ m̧o̧ņ.

Ilo eoon kein, Irooj ekar letok juon jon̄ak “bwe [jen] maron̄ jab po ilo m̧o̧ņ” (Katak im Bujen Ko 52:14) jān rūkaki ro rebōd im ennaan ko.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro juon waanjon̄ak kōn jon̄ak eo (eo āinwōt juon jon̄ak kōn keke nuknuk ko ak kōm̧m̧ane juon men), im kōnono kōn etke jon̄ak ko rejipan̄. Jipan̄ ajri ro ekkatak kōn juon jon̄ak jān Irooj, je ioon boot eo naan ko āinwōt E eo , ejja āinwōt ej , E eo  enaaj , im E eo  ejjab . Kajjitōk ippān ajri ro n̄an riiti Katak im Bujen Ko 52:15–18 im kanne būļāān̄ ko. Etke jon̄ak kin ejipan̄ kōj? (lale eoon 14, 19).

• Jin̄aik juon men eļam waanj, im kajjitōk ippān ajri ro n̄an ļool jon̄ak eo am̧ n̄an kōm̧m̧ane ejja jin̄a eo wōt. Innām etale ippāer jon̄ak eo an Irooj kar je ilo Katak im Bujen Ko 52:14–19.

Katak im Bujen Ko 54

Ij aikuj kōjparok bujen ko aō iien otemjej.

Jekdo̧o̧ņ ta bujen ko ad rej ad make, ad tiljek ilo kōjparoki emaron̄ jelet mour ko an ro jet. Bwebwenato eo an Leman Copley im Armej ro Rekwojarjar jān Colesville, New York, ej kwaļo̧k m̧ool in.

M̧akūtkūt ko Maron̄ Kōm̧m̧ani

• Kwaļo̧k ippān ajri ro ta eo eaar waļo̧k ke Armej ro Rekwojarjar jān Colesville, New York, kar jokwe ilo bwidej eo an Laman Copley (lale taitōļ in jekjōn eo an Katak im Bujen Ko 54; lale barāinwōt “Chapter 21: A Revelation to Settle in Missouri,” Doctrine and Covenants Stories, 81–82). Ekōjkan am̧ naaj kar en̄jake n̄an juon iaan Armej ro Rekwojarjar im jeļā bwe Leman ekar rupe bujen eo an n̄an leļo̧k bwidej eo an? Ta eo bwebwenato in ej katakin kōj kōn kōjparok bujen ko ad? Riiti ippān doon Katak im Bujen Ko 54:6 n̄an ekkatak kōn juon kōjeraam̧m̧an Irooj ej leļo̧k n̄an ro me rej kōjparok bujen ko aer.

• Kakeememej ajri ro kōn bujen ko raar kōm̧m̧ani ke raar peptaij (lale Mosaia 18:8–10). Jipan̄ er ļōmņak kōn wāween ko rej kōjparok bujen kein, im jipan̄ er lo ekōjkan an menin naaj kōpooj er n̄an kōm̧m̧an elōn̄ļo̧k bujen ko ilo ilju im jekļaj.

Kōketak Ekkatak ilo M̧weo

Eļan̄n̄e ajri ro rej āinwōt lem̧ōņōņō kōn juon iaan m̧akūtkūt ko rainin, elmakote bwe ren āliji m̧akūtkūt eo ilo m̧weo ippān baam̧le ko aer.

Kōkōm̧anm̧anļo̧k Ad Katakin

Mour kōn ta eo kwoj katakin. Am̧ katakin enaaj kajoorļo̧k eļan̄n̄e komaron̄ kam̧ool jān en̄jake eo am̧ make kōn kōjeraam̧m̧an ko kōn mour kōn gospel eo. Ilo am̧ kāālet pedped in katak ko n̄an katakin ajri ro, kōļmenļo̧kjeņ kōn ekōjkan an naaj ļapļo̧k am mour kōn pedped in katak ko. (Lale barāinwōt Teaching in the Savior’s Way, 13–14.)