“Māe 17–23. Katak im Bujen Ko 51–57: ‘Ribōk Eddo eo E tiljek, E jim̧we,’” Itok, Ļoor Eō—N̄an Kajjojo Armej im Baam̧le ko: Katak im Bujen ko 2021 (2020)
“Māe 17–23. Katak im Bujen Ko 51–57,” Itok, Ļoor Eō—N̄an Kajjojo Armej im Baam̧le ko: 2021
First Furrow, jān James Taylor Harwood
Māe 17–23
Katak im Bujen Ko 51–57
“Ribōk Eddo eo E tiljek, E jim̧we”
Ekkatak jeje ko rekwojarjar ejipan̄ eok kile ainikien Irooj, bwe jeje ko rekwojarjar kar litok jān E kōn Jetōb eo An (lale Katak im Bujen Ko 18:34–36).
Je En̄jake ko Rej Im̧we Eok
N̄an ro uwaan Kabun̄ in ilo 1830 ko, aiintok Armej ro Rekwojarjar im kalōk jikin kweilo̧k Zaion rekar jerbal ko an jetōb barāinwōt kanniōk, ippān elōn̄ jerbal ko me raikuj in dedeļo̧k n̄ūrbōktak kaki: Juon ekar aikuj in wia im letok letak bwidej eo ijo Armej ro Rekwojarjar remaron̄ jokwe ie. Juon ekar aikuj in būriini bok ko im kōpooj bok ko jet n̄an aer būriin. Im juon ekar aikuj in lale m̧ōn wia eo n̄an leļo̧k m̧weiuk ko n̄an ro ilo Zaion. Ilo revelesōn ko kar je ilo Katak im Bujen Ko 51–57, Irooj ekar jitōn̄ im kōmeļeļeik armej ro n̄an kōm̧m̧ani jerbal kein, im Eaar kile Independence, Missour, āinwōt “jikin eo ioļapļap” an Zaion (Katak im Bujen Ko 57:3).
Ak ilo an kapeel ko ilo kain men kein āinwōt wia bwidej, būriin, im lale juon m̧ōn wia rej aorōk n̄an jerbal eo an kalōk Zaion ilo mour in, barāinwōt revelesōn kein rej katakin bwe Irooj ekōņaan bwe Armej ro Rekwojarjar An ren erom erreo ilo jetōb n̄an kūr er armej in Zaion. Ej kūr kajjojo n̄an erom “juon ribōk eddo in, e tiljek, e jim̧we,” bōk jetōb eo ettā, “jutak pen” ilo eddo ko ad kar kappeik (lale Katak im Bujen Ko 51:19; 52:15; 54:2). Eļan̄n̄e jemaron̄ kōm̧m̧ane—jekdo̧o̧n ta kapeek ko ad ilo mour in—Irooj emaron̄ kōjerbal kōj n̄an kalōk Zaion, im E “naaj kōm̧ōkaj jikin kweilo̧k eo ilo iien eo an” (Katak im Bujen Ko 52:43).
Ļōm̧ņak ko n̄an Ekkatak Jeje Ko Rekwojarjar Ippam̧ Make
Irooj ekōņaan bwe in juon ribōk eddo eo e tiljek, e jim̧we.
Eļan̄n̄e kwar juon uwaan Kabun̄ in ilo kar 1831 eo, maron̄ in kar kajjitōk ippam̧ n̄an mour kōn kien wujlepļo̧k kōn jain n̄an leļo̧k m̧weiuk ko am̧ n̄an Kabun̄ in kōn bisop eo. Innām enaaj kar lewaj n̄an eok, ilo eitōn aolep jekjek ko, ta eo kwar leļo̧k, jet iien bwe in m̧weiuk ko kar liļo̧k. Bōtaab ejako aer men ko m̧weiūōm wot—ekar men eo kwoj ribōk eddo in.
Rainin jekjek ko rooktak, bōtaab pedped in katak ko an wujlepļo̧k im ribōk eddo in rej aorōk wōt n̄an jerbal eo an Irooj. Ļōmņak kōn naan kein jān Elder Quentin L. Cook: “Jej mour ilo iien ko rekauwōtata ke elōn̄ rej tōmak jejjab lokjak n̄an Anij im bwe ejjeļo̧k ad make jerbal ak bōk eddo n̄an kōj make im ak ro jet. Elōn̄ ilo laļ in rej pedped wōt ioon kappukōt bun̄bōro eo an make … [im] jab tōmak rej rikōjparok eo an jein im jatin. Ilo Kabun̄ in, ijo wōt ke, jej tōmak bwe ribōk eddo rein rej juon lōke ekwojarjar” (“Stewardship—a Sacred Trust,” Ensign ak Liahona, Nob. 2009, 91).
Ilo am̧ riiti jekjōn 51, ļōmņak kōn ta eo Anij ekar kappeik eok kake. Ta naan eo “ribōk eddo” (eoon 19) im “kōjeno̧lok” (eoon 5) meļeļe in, im ta eo rej kwaļo̧k kōn kōtmene ko an Anij n̄an kwe? Ta pedped in katak ko kwoj loi ilo jekjōn 51 im ilo naan ko an Elder Cook me rej katakin eok ta meļeļe in n̄an erom juon ribōk eddo? (lale eļap tata eoon 9, 15–20).
Lale barāinwōt Matu 25:14–30; “The Law of Consecration,” video, ChurchofJesusChrist.org.
Anij ekar letok juon jon̄ak n̄an joļo̧k m̧oņ.
Kōn an lōn̄ armej rej ba rej bōk waļoktok ilo jetōb, Armej ro Rekwojarjar m̧oktata raar ļon̄tak kōn m̧o̧ne er. Ekōjkan aer kar maron̄ ba wōn eo ekar “bōke [Anij]”? (eoon 15). Ilo Katak im Bujen Ko 52:14–19, Irooj ekar leļo̧k juon jon̄ak eo ejipan̄. Ekōjkan am̧ maron̄ kōjerbal jon̄ak in n̄an kile ennaan ko rejjab m̧ool ilo laļ in? Komaron̄ barāinwōt kōjerbal jon̄ak in n̄an etale eok make: ļōmņak in kōjerbal naan ko jān eoon kein n̄an je juon kajjitōk eo āinwōt “N̄e ij ekōnono, jetōb eo aō ej ke ettā?”
Imaron̄ oktakļo̧k n̄an Irooj n̄e ij metak jān kāālet ko an ro jet.
Ejja m̧ōttan wōt aindoon eo n̄an Ohio, juon kumi in Armej ro Rekwojarjar kar tōl jān Newel Knight kar itakļo̧k ilo Colesville, New York, im kar aikuj juon jikin n̄an jokwe. Leman Copley ekar wōr juon an jikin kallib ekilep epaake Kirtland, im ekar bujen n̄an kōtļo̧k an Armej ro Rekwojarjar pād ioon bwidej eo an. Ijo wōt ke, ejjab to ālikin aer jino em̧m̧an kōjeier ijo, Copley ekar itweļo̧ke ilo tōmak eo an, rupe bujen eo an, im kadiwōjļo̧k Armej ro Rekwojarjar jān ijo jikin (lale Saints, 1:125–28).
Āinwōt kar je ilo jekjōn 54, Irooj ekar jiron̄ Newel Knight ta eo Armej ro Rekwojarjar aikuj kōm̧m̧ane kōn jekjek eo aer. Ta eo kwoj loe ilo revelesōn in me emaron̄ jipan̄ eok n̄e juon armej ej rupe kallim̧ur ko ak kāālet ko jet rejjab em̧m̧an jelet eok?
Jikin eo an jikin kallib eo ilo Ohio me Leman Copley ekar kallim̧uri n̄an Kabun̄ in.
Em̧ōņōņō ro rej erreo ilo burueer.
Ilo eoon kein, Irooj ekar ekōnono n̄an rim̧wier im rijeram̧ōl; emaron̄ in kaitoktok limo n̄an keidi kapilōk eo An n̄an kumi kein ruo. Ta eo ilo eoon kein me āinwōt ejetjet n̄an kwe make? Ekōjkan an kalimjōk wōt m̧weie ko “kakōt” jetōb eo am̧? (eoon 16). Ta meļeļe in n̄an kwe n̄an erom “erreo ilo burueer” (eoon 18) ikkijien m̧weiuk ko?
Lale barāinwōt Jekab 2:17–21.
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota
-
Katak im Bujen Ko 51:9.Komaron̄ ikkure juon ikkure me baam̧le eo ej m̧ōņōņō kake innām kōnono kōn ekōjkan an ikkure eo naaj kar oktak eļan̄n̄e juon enaaj kar kaammeọeo. Etke ej aorōk n̄an “jerbal m̧ool” n̄an doon? Ekōjkan an m̧ool jipan̄ kōj “juon wōt”?
-
Katak im Bujen Ko 52:14–19.Ilo am̧ ekōnono kōn jon̄ak eo kar kōmeļeļeik ilo eoon kein, baam̧le eo am̧ emaron̄ lem̧ōņōņō ilo lale jon̄ak ko an ro jet kwoj kōjerbali—eo āinwōt jon̄ak ko n̄an keke nuknuk ak kōm̧m̧an ko an kapeel in pā (craft). Komaron̄ jerbal ippān doon n̄an kōm̧m̧ane juon men jān juon jon̄ak ilo ami kōnono kōn jon̄an eo an Irooj ekar letok n̄an joļo̧k m̧oņ.
-
Katak im Bujen Ko 53:1.Ļōmņak in kwaļo̧ke ippān baam̧le eo am̧ juon en̄jake kwar, āinwōt Sidney Gilbert, kar kajjitōk ippān Irooj “ikkijien kūr eo am̧.”
-
Katak im Bujen Ko 54:2; 57:6–7.Ta meļeļe in n̄an “jutak pen” (Katak im Bujen Ko 54:2) ilo ta eo Anij ekar kajjitōk ippād n̄an kōm̧m̧ane? Komaron̄ kajjitōk ippān ro uwaan baam̧le eo n̄an jutak im ba etan juon men Anij ekar kajjitōk ippāer n̄an kōm̧m̧ane.
-
Katak im Bujen Ko 55.Ekōjkan an Irooj kar kōjerbal maron̄ ko an William Phelp āinwōt juon rijeje im ribūriin? (n̄an waanjon̄ak, lale author index ilo bok in al eo kōn laajrak in al ko ekar je). Bōlen ro uwaan baam̧le eo remaron̄ kōnono kōn tōļan ko im maron̄ ko rej loi ippān doon. Ekōjkan an tōļan ko ad jipan̄ļo̧k ilo jerbal eo an Anij?
Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Al eo kar elmakote “‘Give,’ Said the Little Stream,” Children’s Songbook, 236.
Kōkōm̧anm̧anļo̧k Am̧ Ekkatak Ippam̧ Make
Kōm̧m̧ane juon jōnōl in ekkatak. Komaron̄ loe bwe ejipan̄ n̄an kōjerbal juon jōnōļ ak bok in jeje n̄an je ļōmņak ko, aitia ko, kajjitōk ko, ak im̧we ko me rej itok ilo am̧ ekkatak.
Bishop Partridge Receives Consecration (Bisop Partridge Ej Bōk Men Ko Kōjeno̧lok), jān Albin Veselka