“Juun 7–13. Katak im Bujen Ko 63: ‘Bwe Men eo ej Itok jān Lan̄ Ekwōjarjar,’” Itok, Ļoor Eō—N̄an Kajjojo Armej im Baam̧le ko: Katak im Bujen Ko 2021 (2020)
“Juun 7–13. Katak im Bujen Ko 63,” Itok, Ļoor Eō—N̄an Kajjojo Armej im Baam̧le Ko: 2021
Spring Hill, Daviess County, Missouri (Spring Hill, Daviess Kaunty, Missouri), jān Garth Robinson Oborn
Juun 7–13.
Katak im Bujen Ko 63: “Bwe Men eo ej Itok jān Lan̄ Ekwōjarjar”
“Bwe Men eo ej Itok jān Lan̄ Ekwōjarjar”
Irooj ekar ba, “Kom̧ij bōk Jetōb eo kōn jar” (Katak im Bujen Ko 63:64). Ļōmņak in jar kōn Jetōb eo n̄an tōl ekkatak eo am̧.
Je En̄jake ko Rej Im̧we Eok
Jikin eo n̄an jikin kweilo̧k Zaion em̧ōj kar kāālete. Ritōl ro an Kabun̄ raar loļo̧ko eria eo im kar aje āinwōt juon ain doon n̄an Armej ro Rekwojarjar. Ekkar n̄an bwebwenato eo an Josep Smith, “āneen Zaion ar kiiō mennin kōttōpar eo an mour in mejeke” (Katak im Bujen Ko 63, taitōl in jekjōn). Bōtaab ļōmņak ko kōn Zaion raar okoktak ikōtaer. Elōn̄ Armej ro Rekwojarjar raar kijooror in jino ain doon eo ilo Missouri. Ilo jekjek eo juon, armej ro āinwōt Ezra Booth raar inepata kōn āneen Zaion im kar kalikkar ļōmņak ko aer. Ilo m̧ool, ke Josep ekar bar jepļaakļo̧k jān Kirtland jān Missouri, eaar lo bwe jab errā eo im bun̄ jān tōmak eo ekar jino ilo Kabun̄ eo ke eaar etal ettoļo̧k. Ekar ilo jekjek in me revelesōn eo ilo Katak im Bujen Ko 63 kar bōke. Ilo jekjōn in Irooj ekar kōnono kōn wia bwidej im kōm̧akūtļo̧k Armej ro Rekwojarjar n̄an Mossuri. Bōtaab ibwilijin kain jerbal ko lukkuun kōm̧m̧ane ekar juon kakememej ejetjet : “N̄a, Irooj, Ij kwaļo̧k ainikiō, im naaj pokake e” (eoon 5). Ainikien, Ankilan, An kean̄—aolep men ko me rej “[itok] jān lan̄”—aikuj in jab kōm̧m̧ane n̄an kōnaan an juon wōt ak ejjab aolep iien. Ej “ekwōjarjar, aikuj in ekkōnono kake ilo kōjpārok” (eoon 64).
Ļōm̧ņak ko n̄an Ekkatak Jeje Ko Rekwojarjar Ippam̧ Make
Katak im Bujen Ko 63:1–6, 32–37
Irooj ej illu ippān eo enana im eo ej jum̧ae.
Ke kar bōk revelesōn in, Josep Smith ekar en̄jake kōmattōr eļap jān jejjo ro uwaan Kabun̄ in me raar oktakļo̧k ņae e (lale “Ezra Booth im Isaac Morley,” Revelations in Context, 130–36). Ta kakkōl ko Irooj ekar litok ilo Katak im Bujen Ko 63:1–6, 32–37 ikkijien “rinana im rijum̧ae”? Ekōjkan an kain kakōl ko kein kam̧ool kōn iakwe eo an Anij?
Kakōļļe ko rej itok kōn tōmak im ankilan Anij.
Kakōļļe ko ak kabwilōn̄lōn̄ makeļo̧k rejjab kwaļo̧k tok tōmak aitok kitien. Ilo jinoin 1831 eo Ezra Booth, juon rūkaki in Methodist ilo Kirtland, ekar jokāālet n̄an peptaij ālkin an kar lo Josep Smith ekar kemour pein eo m̧ōttan Booth Elsa Johnson.
Im n̄an kiiō, ilowaan wōt jejjo allōn̄ ko, Booth ekar luuji tōmak eo an im erom kōraate Rikanaan eo. Ekōjkan an menin kar maron̄, ļōmņak kōn kabwilōn̄lōn̄ eo eaar kam̧oole? Kejekļo̧kjeņōn menin ilo am̧ riiti Katak im Bujen Ko 63:7–12. Komaron̄ barāinwōt ļōmņak kōn etke jet armej rej bōk kakōļļe ko “n̄an em̧m̧an eo an armej n̄an aiboojoj an [Anij]” (eoon 12) im ro jet rej būki “n̄an … (eoon 11). Pedped ioon ta eo kwar riiti, ekōjkan am̧ ļōmņak Irooj ej kōņaan bwe kwon ļōmņak im en̄jake kōn kakōļļe ko?
Lale barāiniwōt Matu 16:1–4; Jon 12:37; Mormon 9:10–21; Ether 12:12, 18.
Kien Erreo ej meļeļe in dāpij erreo eo an ļōmņak ko im m̧akūtkūt ko aō.
Enan̄in aolep armej rej kile bwe lōn̄ ebōd. Bōtaab ilo Katak im Bujen Ko 63:13–19, Rilo̧mo̧o̧r eo ekar kalikkare bwe ļōmņak ko reļōn̄ ebarāinwōt lōn̄ ie kaje ko reļļap ilo jetōb. “Etke lōn̄ ej juon jerawiwi ekamijak?” Elder Jeffrey R. Holland ekar kajjitōk: “Ekwe, ilo kakkobaba ilo ad lukkuun kakkure jetōb ko ad ilo ad kadiwōjļo̧k Jetōb eo jān kōj, ij ļōmņak ej juon jerawiwi kōnke ej kajjieon̄ kakkure jem̧jerā eo eutiejtata im ekwojarjar tata Anij ej letok n̄an kōj ilo mour in—iakwe eo me an juon m̧aan ak juon kōrā n̄an doon im kōņaan eo me ippān ripālele rein n̄an bōktok ajri n̄an juon baam̧le n̄an indeeo” (“Place No More for the Enemy of My Soul,” Ensign ak Kweilo̧k eo Eļap, Māe 2010, 44).
Ta kaje ko Irooj ekar kōnono kaki ilo Katak im Bujen Ko 63:13–19 men renaaj itok n̄an ro me rejjab ukweļo̧k jān ļōmņak ko im m̧akūtkūt rejjab erreo? Kile kōjeraam̧m̧an ko Rilo̧mo̧o̧r eo ej kallim̧ur kaki ilo eoon 20 im 23 n̄an ro me rej tiljek. Ta kōjeraam̧m̧an ko em̧ōj aer itok n̄an mour eo ami jān pokake kien erreo? Ekōjkan an Rilo̧mo̧o̧r eo jipan̄ eok pād wōt ilo ak erom erreo?
Lale barāinwōt Katak im Bujen Ko 121:45; Linda S. Reeves, “Erreo kōn Kōjeraam̧m̧an ko Ad Kar Kallim̧ur Kaki,” Ensign ak Kweilo̧k eo Eļap, Nob. 2015, 9–11.
Jej jeraam̧m̧an ilo ad dāpij erreo eo an ļōmņak ko im m̧akūtkūt ko ad.
Irooj ej tōl jerbal ko ilo jetōb im kanniōk an Armej ro Rekwojarjar An.
Ālkin an Irooj kar kalikkar ia eo Zaion enaaj kar ekkal ie, Armej ro Rekwojarjar ilo Ohio raar aikuji wōt tōl eo kōn n̄aat eo n̄an jino em̧m̧akūtļo̧k im ia eo n̄an bōk jāān n̄an wiaik bwidej eo. Ilo am̧ riiti Katak im Bujen Ko 63:24–46, pukōt tōl eo ilo jetōb im kanniōk Irooj ekar leļo̧k ikkijien Zaion. Ta tōl eo ilo jetōb im kanniōk Irooj ej lewaj n̄an eok?
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota
-
Katak im Bujen Ko 63:7–12.Bwebwenato kōn an Ezra Booth ilo̧k jān Kabun̄ kōjekdo̧o̧n kam̧oole kemour eo an Elsa Johnson (lale tipdik in tukadu in ilo “Ļōmņak ko n̄an Ekkatak Jeje Ko Rekwojarjar An Juon Make” im pija ko me rej itok ippān unin tōl in) maron̄ im̧we juon iien ekōnono eo kōn kabwilōn̄lōn̄ ko. Bōlen ro uwaan baam̧le eo am̧ remaron̄ kōnono kōn kabwilōn̄lōn̄ ko me raar kōkajoorļo̧k tōmak eo aer, ekoba en̄jake ko jān baam̧le eo am̧ ak bwebwenato an baam̧le eo am̧. Ekōjkan an kar kōjerbal tōmak eo kar aikuji n̄an bōk kabwilōn̄lōn̄ kein? Ta eo Katak im Bujen Ko 63:7–12 ej katakin kōn kadkad eo ikōtaan tōmak im kabwilōn̄lōn̄ ko?
-
Katak im Bujen Ko 63:13–19.Ekōjkan ad maron̄ kōjparok kōj make jān kareel ko rejjab erreo, ekoba pija nana ko? (Komaron̄ lo elōn̄ menin jipan̄ ko rejipan̄ n̄an baam̧le eo am̧ ilo AddressingPornography.ChurchofJesusChrist.org.) Ta eo kōjeraam̧m̧an ko kōn mour kōn kien erreo?
-
Katak im Bujen Ko 63:23.Ekōjkan am̧ maron̄ jipan̄ baam̧le eo am̧ meļeļe ekōjkan an “ittiņo ko an aelōn̄ [eo],” ak m̧ool ko an gospel eo, rej āinwōt juon “unjān dān in mour”? N̄an waanjon̄ak, komaron̄ etal n̄an iturin juon jikin ej to̧o̧r dān ak reba (ak kwaļo̧k juon pija in alooj ak pija in juon). Ekōjkan an m̧ool ko an gospel eo āinwōt dān?
-
Katak im Bujen Ko 63:58.Ta kakkōl ko jej loi ilo jekjōn 63? Ta jet iaan kakkōl ko jej ron̄ jān ritōl ro an Kabun̄ in ad rainin?
-
Katak im Bujen Ko 63:58–64.Kwaļo̧k n̄an baam̧le eo am̧ juon m̧weiuk aorōk an baam̧le eo. Ekōjkan ad kōm̧m̧an n̄an men in eoktakļo̧k jān men ko jet me rejjab aorōkier wōt? Ta eo Katak im Bujen Ko 63:58–64 katakin kōj kōn ta eo jemaron̄ kōm̧m̧ane n̄an kautiej men ko rekwojarjar?
Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Al eo kar elmakote: “Reverence Is Love,” Children’s Songbook, 31.
Kōkōm̧anm̧anļo̧k Am̧ Ekkatak Ippam̧ Make
Mour kōn ta eo kwoj ekkatak “Ilo am̧ en̄jake lan̄lōn̄ eo me ej itok jān am̧ meļeļe kōn gospel eo, kwonaaj kōņaan mour kōn ta eo kwoj ekkatak Kajjieon̄ n̄an mour ilo jokkun wōt juon ippān meļeļe eo am̧. Kōm̧m̧an menin enaaj kōkajoorļo̧k tōmak eo am̧, jeļāļo̧kjeņ eo, im naan in kam̧ool eo” (Preach My Gospel, 19).
Healing of Elsa Johnson’s Shoulder, jan Sam Lawlor