uJoseph Smith enikwa ubuPhristi bukaMelkisedeki

Ukubuyiselwa, nguLiz Lemon Swindle

Julayi 26–Agasti 1

IMfundiso neziVumelwano 84

“Amandla obuNkulunkulu”

Ngesikhathi ufunda kwi Mfundiso neziVumelwano 84, dlinza ngomyalelo othi “niyophila ngawo wonke amazwi aphuma emlonyeni kaNkulunkulu” (ivesi 44). Ungaphila kanjani ngamazwi akulesi sambulo na?

Bhala Okufika Emqondweni Wakho

Selokhu kwabuyiselwa ubuphristi ngo-1829, abaNgcwele beziNsuku zokuGina babusisiwe ngalawo mandla angcwele. Babhabhadiswa, baqiniswa njengamalungu eBandla, futhi babizwa ukuba benze imisebenzi ethile ngegunya lobuphristi, njengoba senza namhlanje. Kepha ukukwazi ukuthola izibusiso zamandla obuphristi akufani nokubuqondisisa ubuphristi, futhi uNkulunkulu wayenokuningi ayefuna abaNgcwele Bakhe bakuqonde—ikakhulukazi ngokubuyiselwa okwakuza kwezimiso zasethempelini. Isambulo ngonyaka ka-1832 sobuphristi, manje osekuyi Mfundiso neziVumelwano 84, sandisa umbono wabaNgcwele ngokuthi buyini kahle-hle ubuphristi. Futhi kungaba njalo nakithi namhlanje. Vele, kuningi okumele kufundwe ngamandla avela kuNkulunkulu aphethe “isikhiye sokwazi ngoNkulunkulu,” okubonakalisa “amandla obuNkulunkulu,” futhi okusilungiselela ukuthi “sibone ubuso bukaNkulunkulu, ngisho uBaba, futhi [siphile]” (amavesi 19-22).

uphawu lokuzifundela

Amasu Okuzifundela Imibhalo Engcwele

IMfundiso neziVumelwano 84:1-5, 17–28

Ngiyakwazi ukuthola amandla obuphristi bukaNkulunkulu kanye nezibusiso.

Uma ucabanga igama elithi ubuphristi, yini efika emqondweni na? Ngabe ucabanga kangakanani ngobuphristi kanye nomthelela wabo emplilweni yakho yansuku zonke? Emva kokudlinza ngalemibuzo, funda kwi Mfundiso neziVumelwano 84:1–5, 17–28, futhi ucabange ngokuthi ngabe iNkosi ifuna wazini mayelana namandla obuphristi Bayo. Ungawasebenzisa kanjani lamavesi ukuchazela omunye umuntu ngobuphristi nangenhloso yabo na?

Ungahle ucabange futhi nangezimiso zobuphristi osuke wahlanganyela kuzo. Ngabe uwabone kanjani “amandla obuNkulunkulu” (ivesi 20) eziveza na? Cabanga ukuthi yikuphi iNkosi efuna ukwenze ukuze uthole amanye amandla Akhe empilweni yakho.

topics.ChurchofJesusChrist.org.

IMfundiso neziVumelwano 84:31–42

Uma ngemukela iNkosi kanye nezinceku Zakhe, ngizozuza konke uBaba anakho.

Igosa uPaul B. Pieper wasifundisa wathi: “Kuletha umnako ukuthi esifungweni nasesivumelwaneni sobuphristi [IMfundiso neZivumelwano 84:31-42], iNkosi isebenzisa izenzo zoku thola kanye nokwamukela. Ayisisebenzisi isenzo soku gcoba. Kusethempelini lapho abesilisa kanye nabesifazane—ndawonye—bethola futhi bamukela izibusiso kanye namandla obuphristi buka-Aroni kanye nobukaMelkesideki” (“Revealed Realities of Mortality,” kwi Ensign, yangoJanawari 2016, 21).

Ngesikhathi ufunda IMfundiso neziVumelwano 84:31–42, bheka igama elithi “thola” kanye nelthi “yamukela.” Cabanga ukuthi ngabe asho ukuthini kulawo mavesi owafundayo. “Uyamukela” kanjani iNkosi kanye nezinceku Zayo na?

Ungaqaphela futhi nezethembiso kulamavesi ezihambisana nesifungo nesivumelwano sobuphristi, uNkulunkulu “angeke asephula” (ivesi 40). Ngabe yikuphi okukukhuthazayo ukuba wethembeke kakhulu ekwamukeleni uBaba, izinceku Zakhe, kanye namandla obuphristi Bakhe na?

scriptures.ChurchofJesusChrist.org.

IMfundiso neziVumelwano 84:43–58

Ngiza kuKristu ngoba ngilalela amazwi Akhe futhi ngilalela noMoya Wakhe.

Ukufunda imibhalo engcwele njalo kanye namazwi abaphrofethi kungaphezulu kwento esohlwini lakho lwezinto okufanele uzenze. Ngabe yimaphi amaqiniso owathola kwi Mfundiso neziVumelwano 84:43–58 akusizayo uqonde ukuthi kungani udinga njalo ukufunda izwi likaNkulunkulu? Qaphela umehluko phakathi kokukhanya nobumnyama kulamavesi; ukulandela kwakho “ngokukhuthala amazwi okuphila” kukusize kanjani ukukulethela ukukhanya, iqiniso kanye “noMoya kaJesu Kristu” empilweni yakho na? (amavesi 43, 45).

Bheka futhi ku 2 Nephi 32:3

owesifazane efunda imibhalo engcwele

Ukufunda imibhalo engcwele kuyangisiza ngikwazi ukuzwa umthelela waMoya.

IMfundiso neziVumelwano 84:62–91

INkosi izoba nami uma ngisemsebenzini Wayo.

Ngesikhathi ufunda lamavesi, ungaqaphela izindlela iNkosi ethe izosekela ngazo Abaphostoli nabafundisi Bayo. Zingasebenza kanjani lezi zethembiso emsebenzini acele ukuba uwenze na? Isibonelo, zifezeke kanjani izethembiso ezise vesini 88 empilweni yakho na?

uphawu lokufundwa kwemibhalo engcwele ningumndeni

Amasu Okufunda Imibhalo Engcwele Ningumndeni Ngobusuku Bomndeni

IMfundiso neziVumelwano 84:6–18.Emva kokufunda ngokuthi uMose walithola kanjani igunya lakhe lobuphristi, onobuphristi emndenini wakho noma umfowenu osizayo angaxoxa ngokwenzeka ngesikhathi egcotshelwa esikhundleni sobuphristi. Uma kwenzeka, angaxoxa ngokuhamba kwegunya lakhe lobuphristi. Yingani kubalulekile ukuthi singakwazi ukulandelela igunya lobuphristi eBandleni namhlanje kubuyela emuva kwigunya lika Jesu Kristu na? Ukuze ucele ukuhamba kwegunya lakho lobuphristi thumela i-imeyili ku [e-mail]

IMfundiso neziVumelwano 84:20–21.Umndeni wakho usuke wahlangabezana yini “namandla obunkulunkulu” embulwe ezimisweni ezifana nokubhabhadiswa noma isidlo esingcwele na? Mhlawumbe ningakhuluma ngokuthi lezi zimiso ziwaletha kanjani amandla kaNkulunkulu ezimpilweni zethu. Ungakhombisa isithombe sethempeli futhi nixoxe ngokuthi izimiso zasethempelini zisinikeza kanjani amanye amandla ukuthi sifane noMsindisi. Mhlawumbe ningathanda ukucula iculo elimayelana nobuphristi, njengelithi “The Priesthood Is Restored” (Childrenʼs Songbook,89), bese nikhuluma ngokuthi lifundisani leliculo ngobuphristi.

IMfundiso neziVumelwano 84:43–44.Ningalungisa isidlo noma into emnandi ndawonye bese nifaka kulezo zithako igama noma umushwana ovela evesini 44. Yingani kubalulekile ukuthi sifake zonke izithako na? Yingani kubalulekile ukuthi siphile ngawo wonke amazwi kaNkulunkulu na?

IMfundiso neziVumelwano 84:98–102.Ufundani ngoJesu Kristu kwi “culo elisha” (ivesi 98) kulamavesi na? Yikuphi esingakwenza ezinsukwini esiphila kuzo ukusiza silethe izimo ezichazwe kuleliculo na?

IMfundiso neziVumelwano 84:106–10.Umndeni “wakhana ndawonye” kanjani ngezipho kanye nemizamo yawo “wonke amalungu” na? (ivesi 110).

Ukuthola amanye amasu okufundisa abantwana, bheka uhlelo lalelisonto ku Come, Follow Me—For Primary.

Iculo elingaculwa: “The Priesthood Is Restored,” Children’s Songbook, 89; bheka “Amasu Okuthuthukisa Ukufunda Imibhalo Engcwele Ningumdeni.”

Ukuthuthukisa Ukufundisa Kwethu

Mema futhi ulandelele ngabacelwe ukuba bakwenze. Uma umema ilungu lomndeni wakho ukuthi likwenze lokho elikufundayo, uyabakhombisa ukuthi ivangeli into ephilwayo, akukhulunywa nje ngalo kuphela. Yikuphi ongabamema ukuthi bakwenze okusukela ekufundeni kwakho kwe Mfundiso neziVumelwano 84 na?

IThempeli lase Roma e-Italy

IThempeli lase Roma e-Italy