txiv neej thiab poj niam ua mov

Yim Hli Ntuj 16–22

Lus Qhuab Qhia thiab Kev Khi Lus 89–92

“Ib lub Ntsiab Cai nrog Kev Cog Lus”

Thov Vajtswv thaum koj kawm phau Lus Qhuab Qhia thiab Kev Khi Lus 89–92, thiab sau ntawv txog tej kev tshoov siab uas koj txais tau. Ua tib zoo seb “tus Ntsuj Plig yeej qhia qhov tseeb” li cas rau koj thaum koj kawm vaj lug kub (Lus Qhuab Qhia thiab Kev Khi Lus 91:4).

Sau Ntawv txog Koj tej Kev Tshoov Siab

Nyob hauv cov Yaj Saub lub Koom Haum Kawm, tus Yaj Saub Joseph Smith tau qhia Ixayees cov txwj laug txog kev txhim tsa Vajtswv lub nceeg vaj hauv lub ntiaj teb no. Lawv tau sib tham txog tej yam tseeb ntawm sab ntsuj plig, tau thov Vajtswv ua ke, yoo mov, thiab npaj mus qhia txog txoj moo zoo. Tiam sis muaj ib yam dab tsi txog qhov chaw ntawd uas tej zaum niaj hnub nim no peb yuav xav tias yog ib yam txawv heev, thiab Emma Smith tsis tau xav li ntawd thiab. Nyob hauv tej kev sib ntsib ntawd, cov txiv neej haus thiab ntsuas luam yeeb, es thaum ntawd txhua tus ua li ntawd, tiam sis ua rau cov ntoo hauv av saib xim dub thiab muaj kev tsw phem hauv cov cua. Emma twb qhia txog tej yam nws txhawj txog rau Joseph, thiab Joseph tau thov tus Tswv. Ces tau txais ib txoj kev tshwm sim uas hais ntau yam ntxiv tshaj kev hais txog kev haus luam yeeb. Ua rau Haiv Neeg Ntseeg, rau ntau tiam neeg tom ntej, muaj “ib lub ntsiab cai nrog kev cog lus”—kev cog lus tias yuav muaj kev noj qab nyob zoo, “laj lim tswv yim,” thiab “kev txawj ntse uas muaj nqis ntau” (Lus Qhuab Qhia thiab Kev Khi Lus 89:3, 19).

Kuj saib Saints, 1:166–68.

lub cim txog kev kawm ntawm yus ib leeg

Tej lub Tswv Yim Kawm Vaj Lug Kub ntawm Yus Ib Leeg

Lus Qhuab Qhia thiab Kev Khi Lus 89

Txoj Lus Txawj Ntse yog “ib lub ntsiab cai nrog kev cog lus.”

Thaum cov txwj laug nyob hauv cov Yaj Saub lub Koom Haum Kawm mloog Joseph Smith nyeem Txoj Lus Txawj Ntse, lawv muab “lawv cov raj thiab cov luam yeeb tso tseg rau hauv hluav taws” (Saints, 1:168). Tiam sis, thaum ntawd Txoj Lus Txawj Ntse yog ib yam lus ceeb toom xwb tsis yog kev txib, tiam sis lawv xav qhia tias lawv txaus siab mloog lus. Tej zaum koj twb muab tej yam uas Txoj Lus Txawj Ntse ceeb toom txog tso tseg lawm, tiam sis koj kawm dab tsi ntxiv los ntawm kev tshwm sim no? Xav txog tej lub tswv yim no:

• Nrhiav tej kab lus uas tej zaum koj tsis tau pom—los sis tsis tau xav ntau txog—ua ntej. Koj kawm dab tsi los ntawm tej kab lus ntawd?

• Lus Qhuab Qhia thiab Kev Khi Lus 89 muaj ob peb txoj kev cog lus (saib nqe 18–21). Koj xav hais tias tej lus cog tseg no txhais li cas?

• Kev tshwm sim no qhia dab tsi rau koj txog tus Tswv?

• Koj tau pom tej yam twg uas yog “tej kev phem thiab tej tom txwv uas … nyob hauv tej neeg tuav hauv lub siab”? (nqe 4).

• Cia li xav txog kev tshwm sim no yog “ib lub ntsiab cai uas muaj kev cog lus” (nqe 3)—tej yam tseeb uas pab yus txiav txim siab—tsis yog tej lus uas qhia tias yuav tsum ua dab tsi xwb. Koj nrhiav tau tej lub ntsiab cai twg uas pab koj txiav txim siab?

Cov yaj saub hauv lub caij nyoog no twb tau ceeb toom txog cov tshuaj phem thiab tej kev coj yam ntxwv tsis zoo uas tsis hais nyob hauv Txoj Lus Txawj Ntse (saib “Physical and Emotional Health,” For the Strength of Youth, 25–27). Koj txais kev tshoov siab twg kom saib xyuas koj lub siab thiab lub cev zoo dua?

Kuj saib Daniyees 1; 1 Kauleethaus 6:19–20; Gospel Topics, “Word of Wisdom,” topics.ChurchofJesusChrist.org; “The Word of Wisdom,” Revelations in Context, 183–91; addictionrecovery.ChurchofJesusChrist.org.

cov tub hluas khiav tom ntug hiav txwv

Txoj Lus Txawj Ntse qhia peb kom saib xyuas peb lub cev.

Lus Qhuab Qhia thiab Kev Khi Lus 90:1–17

Thawj Pawg Thawj Tswj Hwm tuav “cov yawm sij ntawm lub nceeg vaj.”

Nyob hauv tshooj 90, tus Tswv qhia txog “txoj hauj lwm qhuab qhia thiab … pawg thawj tswj hwm ” (nqe 12) ntawm Joseph Smith, Sidney Rigdon, thiab Frederick G. Williams—cov nyob hauv pawg uas peb hu ua Thawj Pawg Thawj Tswj Hwm. Koj kawm dab tsi txog Thawj Pawg Thawj Tswj Hwm los ntawm nqe 1–17? Cia li nyeem tej zaj lus los ntawm cov nyob hauv Thawj Pawg Thawj Tswj Hwm uas hais tsis ntev tas los. Lawv tej lus ua li cas kom “nthuav tawm tej txuj ci uas neeg tsis paub txog lub nceeg vaj” rau koj? (nqe 14). Lawv ua li cas kom “tsa kom muaj chaw txawb chaw rau rau tag nrho tej xwm ntawm lub koom txoos thiab lub nceeg vaj no”? (nqe 16).

Kuj saib Henry B. Eyring, “Lub Hwj Chim Vim Muaj Kev Ntseeg uas Txhawb Nqa,” Ensign los sis Liahona, Tsib Hlis Ntuj 2019, 58–60.

Lus Qhuab Qhia thiab Kev Khi Lus 90:24

“Txhua yam yuav ua hauj lwm ua ke kom zoo rau [kuv].”

Cia li xav txog tej lub sij hawm uas ua tim khawv rau koj txog tus Tswv tej kev cog lus nyob hauv Lus Qhuab Qhia thiab Kev Khi Lus 90:24. Xav seb koj puas sau ntawv txog koj lub neej thiab qhia tej ntawd rau nej tsev neeg los sis ib tug uas koj hlub-—tej zaum ib tug uas xav tau kev nplij siab los sis kev txhawb nqa. Yog tias muaj cov koob hmoov uas koj tseem tos txais, cia li xav seb koj yuav ua li cas kom rau siab ntseeg thaum koj tseem tos seb yuav ua li cas kom “txhua yam yuav ua hauj lwm ua ke kom zoo rau [koj].”

Lus Qhuab Qhia thiab Kev Khi Lus 90:28–31

Vienna Jaques yog leej twg?

Vienna Jaques yug los thaum lub Rau Hli Ntuj 10, 1787, nyob hauv Massachusetts. Nws yog ib tug poj niam uas ntseeg Vajtswv thiab muaj nyiaj txiag ntau, es Vienna twb ntsib cov tub txib thaum xyoo 1831. Tom qab tus Ntsuj Plig tau qhia nws tias nkawd zaj lus muaj tseeb, nws tau mus rau Kirtland, Ohio kom ntsib tus Yaj Saub, es nyob ntawd nws tau ua kev cai raus dej.

Vienna twb mloog tus Tswv tej lus ntuas rau nws nyob hauv Lus Qhuab Qhia thiab Kev Khi Lus 90:28–31. Nws txoj kev muab nws tej khoom fij tseg rau tus Tswv, tsis hais cov nyiaj uas nws pub dawb thaum nws nyob hauv Kirtland, twb pab lub Koom Txoos thaum txog ib lub sij hawm tseem ceeb, thaum cov thawj coj xav yuav thaj av rau lub Tuam Tsev Kirtland. Vienna yeej “rau siab ntseeg, thiab tsis … tub nkeeg” nyob tas nws lub neej thiab thaum kawg nws “muaj kev kaj siab lug” (nqe 31) nyob hauv lub Hav Salt Lake, es nws tas sim neej no thaum nws muaj 96 xyoo.

lub cim rau tsev neeg txoj kev kawm ua ke

Tej lub Tswv Yim rau Tsev Neeg Kev Kawm Vaj Lug Kub thiab Tsev Neeg Hmo Ua Ke

Lus Qhuab Qhia thiab Kev Khi Lus 89.Tej zaum nej tsev neeg yuav nyiam kos duab los sis nrhiav tej daim duab txog zaub mov thiab lwm yam uas nyob hauv Lus Qhuab Qhia thiab Kev Khi Lus 89. Ces nej ua si los tau—nej tsev neeg ib leeg zuj zus xaiv tau tej daim duab, tso tej yam uas peb yuav tsum tsis txhob siv hauv thoob khib nyiab thiab tej yam uas peb yuav tsum siv saum ib lub tais. Tej lus cog tseg nyob hauv nqe 18–21 tau muaj los hauv peb lub neej li cas?

Kev nyeem “Physical and Emotional Health” nyob hauv For the Strength of Youth (25–27) tej zaum yuav ua rau nej sib tham txog lwm yam nej ua tau kom saib xyuas nej txoj kev noj qab nyob zoo thiab hais txog cov koob hmoov uas Vajtswv cog lus tias Nws yuav foom pub rau peb.

Lus Qhuab Qhia thiab Kev Khi Lus 90:5.Cia li sib tham txog qhov uas vim li cas nej “txais Vajtswv tej kev tshwm sim [los sis cov yaj saub].” Peb yuav ua li cas qhia tias tej kev tshwm sim thiab cov yaj saub tsis yog “tej yam uas tsis muaj nqis” rau peb?

Lus Qhuab Qhia thiab Kev Khi Lus 91.Tej zaum nej yuav xav sib tham txog qhov uas tus Tswv tej lus ntuas txog Apofikas (saib nqe 1–2) muaj nqis npaum li cas rau nej tsev neeg lub neej niaj hnub nim no (kuj saib Phau Qhia txog Vaj Lug Kub, “Apofikas,” scriptures.ChurchofJesusChrist.org). Tej zaum nej yuav xav qhia thaum twg “tus Ntsuj Plig ua rau [nej] to taub” (nqe 5) kom pab nej paub qhov tseeb thiab qhov cuav.

Lus Qhuab Qhia thiab Kev Khi Lus 92:2.Kev ua “ib tug mej zeej nquag” ntawm lub Koom Txoos txhais li cas?

Yog xav tau tswv yim ntxiv txog kev qhia cov me nyuam, cia li saib lub lim tiam no tus txheej txheem qhia nyob hauv Come, Follow Me—For Primary.

Zaj nkauj zoo hu: “The Lord Gave Me a Temple,” Children’s Songbook, 153.

Kev Qhia Zoo Dua Ntxiv

Siv ntau yam. Siv ntau yam kom pab nej tsev neeg muaj siab xav kawm vaj lug kub. Piv txwv hais tias, nej tsev neeg hu nkauj cov nkauj qhuas Vajtswv los sis cov me nyuam cov nkauj uas qhia txog ib nqe, kos duab txog tej yam uas lawv nyeem, los sis hais ntsiab lus txog ib nqe vaj lug kub.

cov txiv thiab cov zaub

“Tag nrho haiv neeg ntseeg uas … ua raws li tej lus hais no, taug kev raws li tej lus txib, ces yuav tau txais kev noj qab nyob zoo rau hauv lawv lub ntaws thiab hlwb rau hauv lawv pob txha” (Lus Qhuab Qhia thiab Kev Khi Lus 89:18).