Tshooj 91
Kev tshwm sim uas tus Yaj Saub Joseph Smith tau txais, nyob hauv Kirtland, Ohio, lub Peb Hlis Ntuj hnub tim 9, xyoo 1833. Lub sij hawm no tus Yaj Saub raus tes txhais Phau Qub. Thaum txhais los txog cov ntawv sau txheej puag thaud uas hu ua Apokifas, nws tau nug tus Tswv thiab tau txais cov lus qhia no.
1–3, Feem ntau ntawm cov ntawv Apokifas yeej muaj txhais yog lawm tiam sis muaj ntau yam uas neeg muab ntxiv rau uas tsis tseeb; 4–6, Zoo rau cov uas tus Ntsuj Plig ua rau lawv to taub.
1 Tus Tswv hais tseeb li no rau nej ntsig txog cov ntawv Apokifas tias—Muaj ntau yam nyob rau hauv yeej tseeb, thiab feem ntau yeej txhais yog;
2 Muaj ntau yam nyob rau hauv uas tsis tseeb, uas yog neeg muab ntxiv rau.
3 Kuv hais tseeb rau nej tias, tsis tas kom muab cov ntawv Apokifas txhais.
4 Yog li ntawd, yog leej twg nyeem, cia tus ntawd to taub, vim tus Ntsuj Plig yeej qhia qhov tseeb.
5 Thiab tus uas tus Ntsuj Plig ua rau nws to taub ces tus ntawd thiaj tau zoo;
6 Thiab tus uas tsis txais los ntawm tus Ntsuj Plig, tsis ua rau tus ntawd tau zoo. Yog li ntawd tsis tas kom muab txhais. Amees.