Tshooj 2
Yog muab los ntawm Joseph Smith zaj keeb kwm qhia txog tus tim tswv Maulaunais cov lus uas muab rau tus Yaj Saub Joseph Smith, thaum tseem nyob hauv tus Yaj Saub txiv lub tsev nyob hauv Manchester, New York, thaum yuav luag tsaus ntuj lub Cuaj Hlis Ntuj hnub tim 21, xyoo 1823. Maulaunais yog tus kws sau keeb kwm kawg nkaus ntawm cov kws sau keeb kwm uas tau ua cov ceev xwm txheej uas ziag no muaj rau neeg ntiaj teb hu ua Phau Ntawv Maumoos. (Piv rau Malakis 4:5–6; thiab tshooj 27:9; 110:13–16; thiab 128:18.)
1, Eliyas yuav muab lub pov thawj hwj ua tshwm sim los; 2–3, Tus Tswv muab tej lus cog tseg rau cov yawg koob cog rau hauv cov me nyuam lub siab.
1 Saib seb, kuv yuav muab lub Pov Thawj Hwj ua tshwm sim los rau nej, los ntawm tus yaj saub Eliyas txhais tes, ua ntej tus Tswv hnub tseem ceeb thiab txaus ntshai yuav los.
2 Thiab nws yuav muab tej lus cog tseg uas tau muab cog rau cov yawg koob lawm coj los cog rau hauv cov me nyuam lub siab, thiab cov me nyuam lub siab yuav tig mus rau lawv cov yawg koob.
3 Yog hais tias tsis muaj li ntawd, ces tag nrho cov neeg ntiaj teb yuav raug puas tsuaj huv tib si mus thaum nws los.