Tshooj 114
Kev tshwm sim uas tus Yaj Saub Joseph Smith tau txais, nyob hauv Far West, Missouri, lub Plaub Hlis Ntuj hnub tim 11, xyoo 1838.
1–2, Yuav muab cov uas tsis rau siab ntseeg tej hauj lwm hauv lub koom txoos rau lwm cov tuav.
1 Tus Tswv hais tseeb li no: Yog tswv yim zoo hais kuv tus tub qhe David W. Patten, kom nws cia li ua nws kev ua lag luam tag nrho kom tiav sai li nws muaj peev xwm ua tau, thiab tso nws tej khoom ua luam tseg, kom nws yuav mus ua ntiag tug hauj lwm rau kuv thaum lub caij nplooj ntoo hlav tom ntej, mus nrog lwm cov, uas twb yog kaum ob leeg thaum suav nws tus kheej nrog, mus ua tim khawv txog kuv lub npe thiab coj tej moo zoo siab mus rau tag nrho neeg ntiaj teb.
2 Vim tus Tswv hais tseeb li no tias, npaum li uas muaj ib co nyob hauv nej xyeej kuv lub npe, ces yuav muab lwm tus los pauv lawv qhov chaw thiab txais lawv txoj kev ua npisov. Amees.