Tshooj 92
Kev tshwm sim uas tus Yaj Saub Joseph Smith tau txais, nyob hauv Kirtland, Ohio, lub Peb Hlis Ntuj hnub tim 15, xyoo 1833. Txoj kev tshwm sim no qhia Frederick G. Williams, tus uas tus Tswv nyuam qhuav muab tsa ua ib tug pab cuam rau Joseph Smith, txog nws tej hauj lwm nyob hauv lub Koom Haum Ua Lag Luam Koom Siab (saib cov lus piav lub ntsiab ntawm tshooj 78 thiab 82).
1–2, Tus Tswv muab ib lo lus txib ntsig txog kev koom rau hauv lub koom haum koom siab.
1 Tus Tswv hais tseeb li no tias, kuv muab ib txoj kev tshwm sim thiab lus txib ntsig txog kuv tus tub qhe Frederick G. Williams rau lub koom haum koom siab, uas tau tsim raws li lo lus txib uas muab los ua ntej, hais tias nej yuav tsum txais nws los rau hauv lub koom haum. Kuv hais dab tsi rau ib tug ces kuv hais rau sawv daws.
2 Thiab ntxiv, kuv hais rau koj kuv tus tub qhe Frederick G. Williams, koj yuav tsum ua ib tug mej zeej nquag nyob lub koom haum no; thiab npaum li uas koj rau siab ua raws li tag nrho tej lus txib koj txais ua ntej ces koj yuav tau koob hmoov mus ib txhis li. Amees.