Tej Tshooj

Vaj Lug Kub

Lus Qhuab Qhia thiab Kev Khi Lus

Tej Yam Nyob Haud
Zaj Lus Piav thiab Keeb Kwm Raws Caij Nyoog
Tej Tshooj
Ob zag Lus Tshaj Tawm Raug Cai

Tej Tshooj

Tshooj 1
1–7, Lub suab ceeb toom yog mus rau tag nrho txhua tus neeg; 8–16, Kev tso qhov tseeb tseg thiab kev ua phem ua qias yuav muaj los ua ntej txoj Kev Los Zaum Ob; 17–23, Tus Tswv hu Joseph Smith los muab tus Tswv tej lus tseeb thiab tej hwj chim txum tim rov qab los rau hauv ntiaj teb; 24–33, Twb muab Phau Ntawv Maumoos los thiab twb txhim tsa lub Koom Txoos tseeb lawm; 34–36, Yuav muab txoj kev thaj yeeb tshem tawm hauv ntiaj teb mus; 37–39, Tshawb xyuas tej lus txib no.
Tshooj 2
1, Eliyas yuav muab lub pov thawj hwj ua tshwm sim los; 2–3, Tus Tswv muab tej lus cog tseg rau cov yawg koob cog rau hauv cov me nyuam lub siab.
Tshooj 3
1–4, Tus Tswv txoj kev yog ib txoj uas ncig mus ib txhis li; 5–15, Joseph Smith yuav tsum hloov siab lees txim, tsis li ces nws yuav poob lub txiaj ntsim txhais lus; 16–20, Phau Ntawv Maumoos tawm los mus cawm Lihais cov tub ki.
Tshooj 4
1–4, Kev ua siab loj ua hauj lwm cawm tau cov uas ua tus Tswv txoj hauj lwm; 5–6, Tej cwj pwm ncaj ncees ua rau lawv tsim nyog ua txoj hauj lwm qhuab qhia; 7, Yuav tsum nrhiav kom tau tej yam ntawm Vajtswv.
Tshooj 5
1–10, Tiam neeg no yuav tau txais tus Tswv txoj lus dhau los ntawm Joseph Smith; 11–18, Peb tug tim khawv yuav ua tim khawv txog Phau Ntawv Maumoos; 19–20, Yuav paub tias tus Tswv txoj lus muaj tseeb ib yam li txheej thaum ub; 21–35, Martin Harris muaj cai hloov siab lees txim thiab ua ib tug ntawm cov tim khawv.
Tshooj 6
1–6, Cov tub ua hauj lwm hauv tus Tswv thaj teb tau kev cawm seej; 7–13, Tsis muaj ib lub txiaj ntsim zoo tshaj li lub txiaj ntsim txoj kev cawm seej; 14–27, Kev ua tim khawv txog qhov tseeb yog los ntawm tus Ntsuj Plig lub hwj chim los; 28–37, Ntsia ntsoov Khetos, thiab ua zoo tsis tu ncua.
Tshooj 7
1–3, Yauhas tus uas Yexus hlub yuav nyob kom txog thaum tus Tswv los; 4–8, Petus, Yakaunpaus, thiab Yauhas tuav cov yawm sij ntawm txoj moo zoo.
Tshooj 8
1–5, Kev tshwm sim los ntawm tus Vaj Ntsuj Plig Dawb Huv lub hwj chim; 6–12, Kev paub txog tej txuj ci uas neeg tsis paub txog Vajtswv thiab lub hwj chim txhais tej ceev xwm txheej yav puag thaum ub yog los ntawm txoj kev ntseeg los.
Tshooj 9
1–6, Tshuav lwm cov ceev xwm txheej puag thaum ub tseem yuav muab txhais; 7–14, Yuav muab Phau Ntawv Maumoos txhais los ntawm kev kawm thiab kev pom zoo ntawm sab ntsuj plig.
Tshooj 10
1–26, Dab Ntxwg Nyoog txhaub cov neeg phem kom tawm tsam tus Tswv txoj hauj lwm; 27–33, Nws nrhiav kev ua kom neeg tus ntsuj plig puas tsuaj; 34–52, Txoj moo zoo yuav tsum mus rau cov Neeg Lamas thiab rau txhua haiv neeg los ntawm Phau Ntawv Maumoos; 53–63, Tus Tswv yuav tsa Nws lub Koom Txoos thiab Nws txoj moo zoo nyob hauv cov neeg; 64–70, Nws yuav sau cov neeg uas hloov siab lees txim los nkag rau hauv Nws lub Koom Txoos thiab yuav cawm cov uas mloog lus.
Tshooj 11
1–6, Cov neeg ua hauj lwm hauv lub vaj txiv hmab yuav tau txais kev cawm seej; 7–14, Nrhiav laj lim tswv yim, tshaj tawm kev hloov siab lees txim, tso siab rau tus Ntsuj Plig; 15–22, Ua raws li tej lus txib, thiab kawm tus Tswv txoj lus; 23–27, Tsis txhob xyeej lub txiaj ntsim txais tau kev tshwm sim thiab lub txiaj ntsim qhia tau tej yuav muaj los yav tom ntej; 28–30, Cov uas txais yuav Khetos hloov los ua Vajtswv cov tub.
Tshooj 12
1–6, Cov neeg ua hauj lwm hauv lub vaj txiv hmab yuav tau txais kev cawm seej; 7–9, Tag nrho cov xav pab thiab zoo txaus ces pab tau ua tus Tswv txoj hauj lwm.
Tshooj 13
Yauhas qhia txog cov yawm sij thiab tej hwj chim ntawm lub Pov Thawj Hwj Aloos.
Tshooj 14
1–6, Cov neeg ua hauj lwm hauv lub vaj txiv hmab yuav tau txais kev cawm seej; 7–8, Txoj sia nyob mus ib txhis yog lub txiaj ntsim zoo tshaj plaws ntawm Vajtswv tej txiaj ntsim; 9–11, Khetos tau tsim lub ntuj thiab lub ntiaj teb.
Tshooj 15
1–2, Tus Tswv txhais npab kav tag nrho lub ntiaj teb; 3–6, Txoj kev mus tshaj tawm txoj moo zoo thiab cawm neeg txoj sia yog yam muaj nqis tshaj plaws.
Tshooj 16
1–2, Tus Tswv txhais npab kav tag nrho lub ntiaj teb; 3–6, Txoj kev mus tshaj tawm txoj moo zoo thiab cawm neeg txoj sia yog yam muaj nqis tshaj plaws.
Tshooj 17
1–4, Los ntawm txoj kev ntseeg Peb tug Tim Khawv yuav pom cov phiaj thiab lwm cov khoom dawb ceev; 5–9, Khetos ua tim khawv tias Phau Ntawv Maumoos yog los ntawm Vajtswv los.
Tshooj 18
1–5, Cov vaj lug kub qhia kom paub txhim tsa lub Koom Txoos; 6–8, Neeg ntiaj teb txoj kev ua phem tab tom siav; 9–16, Tib neeg muaj nqis heev; 17–25, Kom yuav tau kev cawm seej, neeg yuav tsum ris Khetos lub npe; 26–36, Ua tshwm sim los txog txoj kev hu thiab txoj kev txib Kaum Ob tug Thwj Tim mus; 37–39, Oliver Cowdery thiab David Whitmer nkawd yuav tsum mus nrhiav Kaum Ob tug thwj tim; 40–47, Kom tau kev cawm seej, neeg yuav tsum hloov siab lees txim, ua kev cai raus dej, thiab ua raws li tej lus txib.
Tshooj 19
1–3, Khetos muaj hwj chim tag nrho; 4–5, Tag nrho tib neeg yuav tsum hloov siab lees txim los sis raug kev txom nyem; 6–12, Kev rau txim nyob mus ib txhis yog Vajtswv txoj kev rau txim; 13–20, Khetos raug kev txom nyem rau tag nrho sawv daws, xwv kom lawv yuav tsis raug kev txom nyem yog lawv hloov siab lees txim; 21–28, Tshaj tawm txoj moo zoo ntawm kev hloov siab lees txim; 29–41, Tshaj tawm tej moo zoo siab.
Tshooj 20
1–16, Phau Ntawv Maumoos ua pov thawj rau Vajtswv txoj hauj lwm thaum hnub nyoog kawg; 17–28, Tus Tswv qhia tias tej lus qhuab qhia ntawm kev tsim, kev poob, kev theej txhoj, thiab kev cai raus dej muaj tseeb; 29–37, Tus Tswv tsa tej kev cai uas hais txog kev hloov siab lees txim, kev hloov kom tsis muaj txim, kev hloov ua dawb huv, thiab kev cai raus dej; 38–67, Qhia txog cov ntsiab lus ntawm cov txwj laug, cov pov thawj, cov xib hwb, thiab cov diskas tej dej num; 68–74, Tus Tswv muab tej dej num ntawm cov mej zeej, kev foom koob hmoov rau cov me nyuam yaus, thiab tus txheej txheem ua kev cai raus dej tshwm sim los; 75–84, Tus tswv muab cov lus thov Vajtswv rau lub cim nco txog thiab kev cai tswj lub Koom Txoos cov mej zeej.
Tshooj 21
1–3, Tus Tswv hu Joseph Smith los ua ib tug pom tau, ib tug txhais lus, ib tug yaj saub, ib tug thwj tim, thiab ib tug txwj laug; 4–8, Nws txoj lus yuav coj lub hom phiaj ntawm Xi-oos; 9–12, Haiv Neeg Ntseeg yuav ntseeg nws cov lus thaum nws hais lus los ntawm tus Nplij Siab.
Tshooj 22
1, Kev cai raus dej yog ib txoj kev khi lus tshiab thiab kav ib txhis; 2–4, Yuav tsum muaj txoj cai ua kev cai raus dej.
Tshooj 23
1–7, Tus Tswv hu cov thwj tim nyob lub caij ntxov no mus tshaj tawm txoj moo zoo, mus ntuas, thiab mus txhawb cov ntseeg.
Tshooj 24
1–9, Tus Tswv hu Joseph Smith los txhais, tshaj tawm, thiab piav txog cov vaj lug kub; 10–12, Tus Tswv hu Oliver Cowdery los mus tshaj tawm txoj moo zoo; 13–19, Tus Tswv qhia txog txoj kev cai hais txog tej txuj ci tseem ceeb, tej kev foom tsis zoo, kev nchos tej hmoov av ntawm ib tug txhais ko taw, thiab kom txhob nqa hnab nyiaj los yog hnab thoob puab.
Tshooj 25
1–6, Tus Tswv hu Emma Smith, ib tug poj niam uas tau xaiv tseg lawm, los pab thiab nplij nws tus txiv lub siab; 7–11, Tus Tswv kuj hu kom nws sau ntawv, piav cov vaj lug kub, thiab xaiv tej nkauj qhuas Vajtswv; 12–14, Zaj nkauj ntawm cov ncaj ncees yog kev thov rau tus Tswv; 15–16, Tej ntsiab cai ntawm kev mloog lus nyob hauv txoj kev tshwm sim no yog hais rau tag nrho txhua tus.
Tshooj 26
1, Tus Tswv qhia kom lawv kawm vaj lug kub thiab mus tshaj tawm txoj moo zoo; 2, Pom zoo muaj txoj kev cai kom sawv daws pom yeem.
Tshooj 27
1–4, Tus Tswv qhia txog tej yam piv txwv uas yuav muab siv thaum txais lub cim nco txog; 5–14, Khetos thiab Nws cov tub qhe uas nyob rau txhua lub caij nyoog tso txoj cai yuav tsum txais lub cim nco txog; 15–18, Muab tag nrho Vajtswv tej cuab yeej ua rog coj los hnav.
Tshooj 28
1–7, Joseph Smith tuav cov yawm sij ntawm tej txuj ci uas neeg paub tsis txog, thiab nws tib leeg xwb thiaj yog tus txais tau tej kev tshwm sim rau lub Koom Txoos; 8–10, Oliver Cowdery yuav tsum mus tshaj tawm txoj moo zoo rau cov Neeg Lamas; 11–16, Dab Ntxwg Nyoog tau dag ntxias Hiram Page thiab muab tej kev tshwm sim cuav rau nws.
Tshooj 29
1–8, Khetos sau Nws cov neeg uas tau xaiv tseg los ua ke; 9–11, Nws txoj kev los yuav qhib hnub nyoog Milenias; 12–13, Kaum Ob tug Thwj Tim yuav txiav txim rau tag nrho cov Neeg Ixayees; 14–21, Tej cim, tej kev mob nkeeg, thiab tej kev puas ntsoog yuav los ua ntej txoj Kev Los Zaum Ob; 22–28, Txoj kev sawv rov los zaum kawg thiab txoj kev txiav txim zaum kawg yuav los tom qab lub caij Milenias; 29–35, Tus Tswv pom tias txhua yam yog ntawm sab ntsuj plig; 36–39, Tus dab phem thiab nws ib tsoom tub rog raug ntiab tawm saum ntuj los mus ntxias tib neeg; 40–45, Txoj Kev Poob thiab Kev Theej Txhoj coj tau kev cawm seej los; 46–50, Txoj Kev Theej Txhoj twb txhiv cov me nyuam yaus dim.
Tshooj 30
1–4, David Whitmer raug qhuab ntuas vim nws tsis rau siab ntso ua hauj lwm; 5–8, Peter Whitmer tus Hluas yuav tsum ua Oliver Cowdery luag mus tshaj tawm txoj moo zoo rau cov Neeg Lamas; 9–11, Tus Tswv hu John Whitmer mus tshaj tawm txoj moo zoo.
Tshooj 31
1–6, Tus Tswv hu Thomas B. Marsh mus tshaj tawm txoj moo zoo thiab nplij nws lub siab txog nws tsev neeg txoj kev noj qab nyob zoo; 7–13, Tus Tswv ntuas nws kom ua siab ntev, thov Vajtswv tas mus li, thiab coj raws li tus Nplij Siab.
Tshooj 32
1–3, Tus Tswv hu Parley P. Pratt thiab Ziba Peterson mus tshaj tawm txoj moo zoo rau cov Neeg Lamas thiab mus ua Oliver Cowdery thiab Peter Whitmer tus Hluas, nkawd luag; 4–5, Lawv yuav tsum thov Vajtswv kom to taub cov vaj lug kub.
Tshooj 33
1–4, Tus Tswv hu cov neeg ua hauj lwm mus tshaj tawm txoj moo zoo thaum teev kaum ib; 5–6, Tus Tswv tsa lub Koom Txoos, thiab cov neeg uas tau xaiv tseg yuav sib sau los ua ke; 7–10, Hloov siab lees txim, vim twb yuav txog lub sij hawm rau lub nceeg vaj ceeb tsheej lawm; 11–15, Tus Tswv muab lub Koom Txoos txhim tsa rau saum lub pob zeb ntawm txoj moo zoo; 16–18, Npaj rau tus Nraug Vauv txoj kev los.
Tshooj 34
1–4, Cov uas rau siab ntseeg los ua Vajtswv cov tub los ntawm txoj Kev Theej Txhoj; 5–9, Txoj kev tshaj tawm txoj moo zoo npaj txoj kev rau txoj Kev Los Zaum Ob; 10–12, Kev qhia tej yuav muaj los yav tom ntej yog los ntawm tus Vaj Ntsuj Plig Dawb Huv lub hwj chim los.
Tshooj 35
1–2, Neeg yuav ua li cas thiaj los ua tau Vajtswv cov tub; 3–7, Tus Tswv hu Sidney Rigdon mus muab neeg ua kev cai raus dej thiab muab tus Vaj Ntsuj Plig Dawb Huv rau lawv; 8–12, Tej cim thiab tej txuj ci tseem ceeb muaj taus los ntawm kev ntseeg; 13–16, Tus Tswv cov tub qhe yuav muab tej haiv neeg sib cais los ntawm tus Ntsuj Plig lub hwj chim; 17–19, Joseph Smith tuav cov yawm sij ntawm tej txuj ci uas neeg paub tsis txog; 20–21, Cov neeg uas tau xaiv tseg lawm yuav tiv taus hnub uas tus Tswv los; 22–27, Ixayees yuav txais kev cawm dim.
Tshooj 36
1–3, Tus Tswv tso Nws txhais tes rau saum Edward Partridge los ntawm Sidney Rigdon txhais tes; 4–8, Tus Tswv hu txhua tus txiv neej uas txais yuav txoj moo zoo thiab lub pov thawj hwj kom lawv mus thiab tshaj tawm txoj moo zoo.
Tshooj 37
1–4, Tus Tswv hu Haiv Neeg Ntseeg kom sib sau nyob rau hauv Ohio.
Tshooj 38
1–6, Khetos tau tsim txhua yam tsav; 7–8, Nws nyob nrog nraim Nws Haiv Neeg Ntseeg, cov uas tsis ntev yuav pom Nws; 9–12, Nws pom tias txhua tus tib neeg twb liam sij; 13–22, Nws tau tshwj tseg ib thaj av uas cog lus rau Nws Haiv Neeg Ntseeg hauv lub neej no thiab nyob mus ib txhis; 23–27, Tus Tswv txib Haiv Neeg Ntseeg kom koom ib lub siab thiab ib leeg suav ib leeg yog kwv yog tij; 28–29, Tus Tswv qhia tias yuav muaj tej kev ua rog; 30–33, Yuav muab hwj chim los saum ntuj los rau Haiv Neeg Ntseeg thiab kom lawv mus rau txhua haiv neeg; 34–42, Tus Tswv txib cov ntseeg kom pab cov pluag thiab cov txom nyem thiab kom nrhiav tej kev nplua nuj uas nyob mus ib txhis.
Tshooj 39
1–4, Haiv Neeg Ntseeg muaj hwj chim hloov los ua Vajtswv cov tub; 5–6, Kev txais txoj moo zoo ces yog kev txais Khetos; 7–14, Tus Tswv txib James Covel kom ua kev cai raus dej thiab ua hauj lwm hauv tus Tswv lub vaj txiv hmab; 15–21, Tus Tswv cov tub qhe yuav tau mus tshaj tawm txoj moo zoo ua ntej txoj Kev Los Zaum Ob; 22–24, Yuav muab cov uas txais yuav txoj moo zoo sau los ua ke hauv lub neej no thiab lub neej nyob mus ib txhis.
Tshooj 40
1–3, Kev ntshai kev tsim txom thiab kev txhawj xeeb txog tej yam ntawm lub ntiaj teb ua rau neeg xyeej txoj moo zoo.
Tshooj 41
1–3, Cov txwj laug yuav tswj lub Koom Txoos los ntawm lub txiaj ntsim txais tau kev tshwm sim; 4–6, Cov thwj tim tseeb yuav txais thiab ua raws li tus Tswv txoj kev cai; 7–12, Tus Tswv tsa Edward Partridge ua ib tug npisov rau lub Koom Txoos.
Tshooj 42
1–10, Tus Tswv hu cov txwj laug mus tshaj tawm txoj moo zoo, muab cov neeg hloov siab los ntseeg ua kev cai raus dej, thiab txhim tsa lub Koom Txoos; 11–12, Yuav tsum hu thiab tsa lawv thiab lawv yuav tsum mus qhia tej ntsiab cai ntawm txoj moo zoo uas muaj nyob hauv cov vaj lug kub; 13–17, Lawv yuav tsum mus qhia thiab hais tej yuav muaj los yav tom ntej los ntawm tus Ntsuj Plig lub hwj chim; 18–29, Tus Tswv txib Haiv Neeg Ntseeg kom tsis txhob tua neeg, ua tub sab, dag, ntshaw luag tug, deev luag poj luag txiv, los yog hais lus phem rau lwm tus; 30–39, Tau qhia txog tej kev cai tswj txoj kev fij siab muab tej teej tug; 40–42, Tsis pom zoo rau kev muab hlob thiab kev tub nkeeg; 43–52, Yuav tsum kho cov neeg mob kom zoo los ntawm txoj kev pleev roj thov Vajtswv thiab los ntawm kev ntseeg; 53–60, Cov vaj lug kub coj lub Koom Txoos thiab cov txwj laug yuav tsum tshaj tawm cov vaj lug kub rau neeg ntiaj teb; 61–69, Tus Tswv yuav qhia txog qhov chaw ntawm lub nroog Yeluxalees Tshiab thiab tej txuj ci ntawm lub nceeg vaj uas neeg paub tsis txog; 70–73, Yuav tsum siv tej teej tug fij siab los txhawb cov thawj coj ntawm lub Koom Txoos; 74–93, Hais qhia txog cov kev cai kav kev deev nkauj nraug, deev luag poj luag txiv, tua neeg, ua tub sab, thiab kev lees tej kev txhaum.
Tshooj 43
1–7, Tej kev tshwm sim thiab tej lus txib tsuas yog los ntawm tus uas tau tsa lawm xwb; 8–14, Kev coj dawb huv tag nrho rau tus Tswv pom yuav ua rau Haiv Neeg Ntseeg hloov ua dawb huv; 15–22, Tus Tswv xa cov txwj laug mus tshaj tawm kev hloov siab lees txim thiab npaj neeg rau tus Tswv hnub tseem ceeb; 23–28, Tus Tswv hu tib neeg los ntawm Nws lub suab thiab tej uas ntuj ua; 29–35, Hnub nyoog Milenias thiab qhov uas yuav muab Dab Ntxwg Nyoog khi yuav los.
Tshooj 44
1–3, Cov txwj laug yuav tsum mus txoos rau lub rooj sab laj; 4–6, Lawv yuav tsum sib sau raws li tej kev cai ntawm thaj av thiab mus pab cov pluag.
Tshooj 45
1–5, Khetos yog tus sawv cev uas daws peb zaj thov Leej Txiv; 6–10, Txoj moo zoo yog ib tus tub xa xov uas npaj txoj kev rau tus Tswv; 11–15, Tus Tswv txais Enauj thiab nws cov neeg mus rau Nws tus Kheej; 16–23, Khetos ua tshwm sim pom tej cim ntawm Nws txoj kev los ib yam li tau ua nyob saum lub Roob Txiv Ntoo Roj; 24–38, Tus Tswv yuav muab txoj moo zoo txum tim rov los, tej caij nyoog ntawm Lwm Haiv Neeg yuav muaj raws li tau hais, thiab kev mob puas ntsoog yuav raug tag nrho rau hauv thaj av; 39–47, Tej cim, tej txuj ci uas xav tsis thoob, thiab txoj Kev Sawv Rov Los yuav muaj nrog txoj Kev Los Zaum Ob; 48–53, Khetos yuav sawv saum lub Roob Txiv Ntoo Roj, thiab cov Neeg Yudais yuav pom tej qhov txhab ntawm Nws ob txhais tes thiab ob txhais ko taw; 54–59, Tus Tswv yuav kav hauv hnub nyoog Milenias; 60–62, Tus Tswv qhia tus Yaj Saub kom pib txhais Phau Tshiab, qhov uas yuav ua tau tej txheej qhia tseem ceeb rau neeg paub; 63–75, Tus Tswv txib Haiv Neeg Ntseeg kom txhim tsa lub nroog Yeluxalees Tshiab thiab muab cov neeg sau los ua ke, uas txhua haiv neeg yuav los rau haud.
Tshooj 46
1–2, Cov txwj laug yuav tsum coj tej kev sib ntsib raws li tus Ntsuj Plig Dawb Huv qhia; 3–6, Tsis txhob txwv cov uas nrhiav qhov tseeb tuaj koom tej kev sib ntsib txais lub cim nco txog; 7–12, Thov Vajtswv thiab siv zog nrhiav tej txiaj ntsim ntawm tus Ntsuj Plig; 13–26, Hais txog ib txhia ntawm tej txiaj ntsim no; 27–33, Tus Tswv muab hwj chim rau cov thawj coj ntawm lub Koom Txoos kom paub tau tej txiaj ntsim ntawm tus Ntsuj Plig.
Tshooj 47
1–4, Tus Tswv tsa John Whitmer los sau lub Koom Txoos tej keeb kwm thiab los sau ntawv rau tus Yaj Saub.
Tshooj 48
1–3, Haiv Neeg Ntseeg hauv Ohio yuav tsum faib lawv tej av rau lawv cov kwv tij; 4–6, Haiv Neeg Ntseeg yuav tsum muas av, txhim tsa ib lub nroog, thiab ua raws li lawv cov thawj tswj hwm tej lus ntuas.
Tshooj 49
1–7, Yuav tsis paub hnub twg thiab teev twg uas Khetos yuav los kom txog thaum Nws los xwb; 8–14, Neeg yuav tsum hloov siab lees txim, ntseeg txoj moo zoo, thiab ua raws li tej kab ke thiaj tau kev cawm seej; 15–16, Kev sib yuav yog Vajtswv tsa; 17–21, Pub noj nqaij; 22–28, Xi-oos yuav vam meej thiab cov Neeg Lamas yuav tawg paj li lub paj ntshua nplaim ua ntej txoj Kev Los Zaum Ob.
Tshooj 50
1–5, Muaj coob tus ntsuj plig cuav nyob qhov txhia chaw hauv ntiaj teb; 6–9, Kev txom nyem raug cov neeg siab dag thiab cov uas raug muab txiav tawm ntawm lub Koom Txoos; 10–14, Cov txwj laug yuav tsum tshaj tawm txoj moo zoo los ntawm tus Ntsuj Plig; 15–22, Cov qhia thiab cov mloog yuav tsum cia tus Ntsuj Plig ua kom lawv to taub; 23–25, Qhov uas tsis txhawb nqa ces tsis yog Vajtswv li; 26–28, Cov uas rau siab ntseeg yog cov tau txhua yam; 29–36, Tus Tswv teb cov neeg huv huv tej lus thov; 37–46, Khetos yog tus Tswv Yug Yaj Zoo thiab lub Pob Zeb ntawm Ixayees.
Tshooj 51
1–8, Tus Tswv tsa Edward Partridge los kav tej hauj lwm saib xyuas thiab tej teej tug; 9–12, Haiv Neeg Ntseeg yuav tsum coj ncaj ncees thiab tau teej tug sib npaug; 13–15, Lawv yuav tsum tsim kom muaj npisov lub tsev rau khoom thiab muab tej teej tug khaws cia kom raws li tus Tswv txoj kev cai; 16–20, Ohio yuav yog qhov chaw sib sau nyob ib ntus.
Tshooj 52
1–2, Muab lub rooj sab laj tom qab lub no teem rau hauv Missouri; 3–8, Tau txib ib co txwj laug kom mus ua ke; 9–11, Cov txwj laug yuav tsum qhia tej uas cov thwj tim thiab cov yaj saub tau muab sau cia; 12–21, Cov uas tau kev kaj los ntawm tus Ntsuj Plig yuav txi txiv uas yog kev qhuas thiab laj lim tswv yim; 22–44, Tus Tswv tsa ib txhia txwj laug mus tshaj tawm txoj moo zoo thaum tab tom taug kev mus rau tom lub rooj sab laj nyob hauv Missouri.
Tshooj 53
1–3, Tej uas Vajtswv hu thiab xaiv Sidney Gilbert ua nyob hauv lub Koom Txoos yog kom muab nws tsa ua ib tug txwj laug; 4–7, Nws kuj yuav ua tus npisov ib tug sawv cev.
Tshooj 54
1–6, Haiv Neeg Ntseeg yuav tsum ua raws li txoj moo zoo tej kev khi lus thiaj tau txais kev hlub tshua; 7–10, Lawv yuav tsum ua siab ntev thaum raug kev txom nyem.
Tshooj 55
1–3, Tus Tswv hu thiab xaiv William W. Phelps ua kev cai raus dej, tsa nws ua ib tug txwj laug, thiab mus tshaj tawm txoj moo zoo; 4, Nws kuj yuav tsum sau tej phau ntawv rau cov me nyuam nyob hauv lub Koom Txoos tej tsev kawm ntawv; 5–6, Nws yuav tsum mus lawm tim Missouri, uas yuav yog qhov cheeb tsam ntawm nws tej hauj lwm.
Tshooj 56
1–2, Haiv Neeg Ntseeg yuav tsum kwv lawv tus ntoo khaub lig thiab coj raws li tus Tswv es thiaj tau txoj kev cawm seej; 3–13, Tus Tswv txib thiab thim, thiab cov tsis mloog lus raug muab pov tseg; 14–17, Kev txom nyem raug cov nplua nuj uas tsis pab cov pluag, thiab kev txom nyem raug cov pluag uas lub siab tsis puas tas; 18–20, Cov pluag uas muaj lub siab dawb tau koob hmoov, vim lawv yuav tau lub ntiaj teb ua lawv tug.
Tshooj 57
1–3, Independence, Missouri, yog qhov chaw rau lub Nroog Xi-oos thiab lub tuam tsev; 4–7, Haiv Neeg Ntseeg yuav tsum muas av thiab txais yuav qub txeeg qub teg rau cheeb tsam ntawd; 8–16, Sidney Gilbert yuav tsum tsim ib lub tsev muag khoom, kom William W. Phelps ua ib tug luam ntawv, thiab kom Oliver Cowdery kho tej ntaub ntawv uas yuav muab luam.
Tshooj 58
1–5, Cov uas tiv kev txom nyem yuav tau yeeb koob ntoo; 6–12, Haiv Neeg Ntseeg yuav tau npaj rau tus Me Nyuam Yaj rooj tshoob thiab tus Tswv rooj mov; 13–18, Cov npisov yog cov txiav txim nyob hauv Ixayees; 19–23, Haiv Neeg Ntseeg yuav tsum ua raws li tej kev cai ntawm thaj av; 24–29, Neeg yuav tsum siv lawv txoj kev ywj siab xaiv los ua zoo; 30–33, Tus Tswv txib thiab thim; 34–43, Xwv kom hloov siab lees txim, neeg yuav tsum lees thiab tso lawv tej kev txhaum tseg; 44–58, Haiv Neeg Ntseeg yuav tsum muas thaj av ua lawv qub txeeg qub teg thiab sib sau mus rau hauv Missouri; 59–65, Yuav tsum tshaj tawm txoj moo zoo mus rau txhua tus neeg.
Tshooj 59
1–4, Haiv Neeg Ntseeg hauv Xi-oos uas rau siab ntseeg yuav tau koob hmoov; 5–8, Lawv yuav tsum hlub thiab ua hauj lwm rau tus Tswv thiab ua raws li Nws tej lus txib; 9–19, Los ntawm kev hwm tus Tswv hnub kom dawb huv, Haiv Neeg Ntseeg tau koob hmoov ntawm sab cev nqaij daim tawv thiab ntawm sab ntsuj plig; 20–24, Tus Tswv tau cog lus tias cov ncaj ncees yuav tau kev kaj siab nyob hauv lub neej no thiab tau txoj sia nyob mus ib txhis rau lub neej uas yuav los.
Tshooj 60
1–9, Cov txwj laug yuav tsum tshaj tawm txoj moo zoo rau hauv tej pawg neeg phem; 10–14, Lawv yuav tsum tsis txhob nkim lawv lub sij hawm, los yog zais lawv tej choj nyiaj; 15–17, Lawv yuav yaug tau lawv txhais ko taw ua tim khawv nkaug cov uas xyeej txoj moo zoo.
Tshooj 61
1–12, Tus Tswv tau tshaj tawm ntau yam kev puas tsuaj nyob hauv cov dej; 13–22, Yauhas foom tsis zoo rau cov dej, thiab tus ua kev puas tsuaj mus saum nplaim dej; 23–29, Ib txhia muaj hwj chim txib tej dej; 30–35, Cov txwj laug yuav tsum mus ob leeg ua ib khub thiab tshaj tawm txoj moo zoo; 36–39, Lawv yuav tsum npaj tos rau Neeg Leej Tub txoj kev los.
Tshooj 62
1–3, Tus Tswv sau tej lus tim khawv ceev cia saum ntuj ceeb tsheej; 4–9, Cov txwj laug yuav tsum mus thiab tshaj tawm txoj moo raws li pom tias zoo thiab raws li tus Ntsuj Plig coj kev.
Tshooj 63
1–6, Ib hnub ntawm txoj kev npau taws yuav los rau cov neeg phem; 7–12, Tej cim yog muaj los ntawm kev ntseeg; 13–19, Cov muaj lub siab xav deev luag poj luag txiv yuav xyeej txoj kev ntseeg thiab raug muab pov rau hauv lub pas hluav taws; 20, Cov uas rau siab ntseeg yuav tau txais qub txeeg qub teg nyob hauv lub ntiaj teb uas hloov hlo; 21, Ib zaj qhia tag nrho tej uas muaj nyob rau saum lub Roob Hloov Hlo los tseem tsis tau qhia; 22–23, Cov uas mloog lus txais tej txuj ci uas neeg tsis paub txog lub nceeg vaj; 24–31, Yuav tsum muas tej qub txeeg qub teg hauv Xi-oos; 32–35, Tus Tswv tshaj tawm tej kev ua rog, thiab cov neeg phem tua cov neeg phem; 36–48, Haiv Neeg Ntseeg yuav tsum sib sau nyob rau hauv Xi-oos thiab nrhiav nyiaj mus txhim tsa Xi-oos; 49–54, Tus Tswv cog lus tias yuav muab koob hmoov rau cov uas rau siab ntseeg thaum txoj Kev Los Zaum Ob, thaum txoj Kev Sawv Rov Los, thiab thaum lub caij Milenias; 55–58, Hnub no yog ib hnub ceeb toom; 59–66, Cov uas tsis muaj cai muab tus Tswv lub npe hais ua dog ua dig.
Tshooj 64
1–11, Tus Tswv txib Haiv Neeg Ntseeg kom ib tug zam txim rau ib tug, tsam lawv ho muaj kev txhaum loj dua; 12–22, Yuav tsum coj cov neeg uas tsis hloov siab lees txim los rau ntawm cov Ntseeg; 23–25, Tus uas them ib feem kaum yuav tsis raug kub hnyiab thaum tus Tswv los; 26–32, Tus Tswv ceeb toom Haiv Neeg Ntseeg txog nuj nqis; 33–36, Cov ntxeev siab yuav raug muab txiav tawm ntawm Xi-oos mus; 37–40, Cov Ntseeg yuav txiav txim rau tej haiv neeg; 41–43, Xi-oos yuav vam meej.
Tshooj 65
1–2, Tus Tswv muab cov yawm sij ntawm Vajtswv lub nceeg vaj cob rau neeg nyob hauv ntiaj teb, thiab tej ntsiab cai ntawm txoj moo zoo yuav kov yeej; 3–6, Lub nceeg vaj ceeb tsheej hauv hnub nyoog Milenias yuav los thiab koom nrog Vajtswv lub nceeg vaj nyob hauv ntiaj teb.
Tshooj 66
1–4, Txoj kev khi uas lus kav ib txhis yog qhov txhij txhua ntawm txoj moo zoo; 5–8, Cov txwj laug yuav tsum mus tshaj tawm txoj moo zoo, ua tim khawv, thiab piav rau cov neeg; 9–13, Yog rau siab ua hauj lwm txhawb pab ces yeej yuav tau txais txoj sia nyob mus ib txhis los ua qub txeeg qub teg.
Tshooj 67
1–3, Tus Tswv hnov Nws cov txwj laug tej lus thov thiab saib xyuas lawv; 4–9, Nws twv kom tus neeg txawj ntse tshaj plaws sau ib zaj kev tshwm sim seb puas zoo cuag li Nws txoj kev tshwm sim uas tsis tseem ceeb tshaj plaws; 10–14, Tus Ntsuj Plig yuav txhawb cov txwj laug uas rau siab ntseeg txoj sia thiab lawv yuav pom Vajtswv lub ntsej muag.
Tshooj 68
1–5, Cov txwj laug tej lus thaum tus Vaj Ntsuj Plig Dawb Huv tshoov lawv lub siab yog vaj lug kub; 6–12, Cov txwj laug yuav tsum mus tshaj tawm txoj moo zoo thiab muab neeg ua kev cai raus dej, thiab yuav muaj tej cim los nrog cov ntseeg tiag tiag; 13–24, Tus tub hlob ntawm Aloos cov tub ua tau tus Thawj Npisov (qhov ntawd yog, tuav cov yawm sij ntawm pawg thawj tswj hwm li ib tug npisov) los ntawm Thawj Pawg Thawj Tswj Hwm tej lus qhia; 25–28, Tus Tswv txib cov niam thiab txiv kom qhia txoj moo zoo rau lawv cov me nyuam; 29–35, Tsoom Haiv Neeg Ntseeg yuav tsum hwm Hnub Caiv, rau siab ntso ua hauj lwm, thiab thov Vajtswv.
Tshooj 69
1–2, John Whitmer yuav tsum ua Oliver Cowdery tus khub mus rau Missouri; 3–8, Nws kuj yuav tsum tshaj tawm txoj moo zoo thiab khaws, sau cia, thiab sau ntawv txog keeb kwm.
Tshooj 70
1–5, Tus Tswv tsa cov saib xyuas los muab tej kev tshwm sim luam ua ntawv nyeem; 6–13, Cov uas ua hauj lwm rau tej yam ntawm sab ntsuj plig tsim nyog tau lawv nqi zog; 14–18, Haiv Neeg Ntseeg yuav tsum muaj sib npaug rau tej yam ntawm sab cev nqaij daim tawv.
Tshooj 71
1–4, Tus Tswv xa Joseph Smith thiab Sidney Rigdon mus tshaj tawm txoj moo zoo; 5–11, Tus Tswv yuav ua kom Haiv Neeg Ntseeg cov yeeb ncuab tsis paub hais.
Tshooj 72
1–8, Cov txwj laug yuav tsum qhia ib zaj txog lawv txoj hauj lwm saib xyuas rau tus npisov; 9–15, Tus npisov tswj lub tsev rau khoom thiab saib xyuas cov pluag thiab cov txom nyem; 16–26, Cov npisov yuav tsum pom zoo rau cov txwj laug seb lawv puas tsim nyog.
Tshooj 73
1–2, Cov txwj laug yuav tsum tshaj tawm txoj moo zoo mus ntxiv; 3–6, Joseph Smith thiab Sidney Rigdon yuav tsum txhais phau Npaivnpaum mus ntxiv kom txog thaum ua txoj hauj lwm ntawd tiav.
Tshooj 74
1–5, Povlauj ntuas lub Koom Txoos hauv nws lub caij nyoog kom tsis txhob coj Mauxes txoj kev cai; 6–7, Tej me nyuam yaus yeej dawb huv los ntawm txoj Kev Theej Txhoj.
Tshooj 75
1–5, Cov txwj laug uas rau siab tshaj tawm txoj moo zoo yuav tau txoj sia nyob mus ib txhis; 6–12, Thov Vajtswv kom tau txais tus Nplij Siab, tus uas qhia txhua yam; 13–22, Cov txwj laug yuav txiav txim rau cov uas xyeej lawv tsab xov; 23–36, Cov tub txib tej tsev neeg yuav tsum txais kev pab los ntawm lub Koom Txoos.
Tshooj 76
1–4, Tus Tswv yog Vajtswv; 5–10, Tus Tswv muab tej txuj ci uas neeg tsis paub txog lub nceeg vaj tshwm sim rau txhua tus uas rau siab ntseeg; 11–17, Txhua tus yuav sawv los nyob hauv txoj kev sawv rov los ntawm cov neeg ncaj ncees los sis nyob hauv txoj kev sawv rov los ntawm cov neeg tsis ncaj ncees; 18–24, Cov neeg ntawm ntau lub ntuj yog cov tub thiab cov ntxhais uas yug los rau Vajtswv los ntawm Yexus Khetos txoj Kev Theej Txhoj; 25–29, Vajtswv ib tug tim tswv poob thiab hloov los ua tus dab phem; 30–49, Cov tub ntawm txoj kev puas tsuaj raug txim hnyav nyob mus ib txhis; tag nrho lwm tus yuav txais ib theem cawm seej; 50–70, Piav txog lub yeeb koob thiab nqi zog ntawm cov uas txais kev tsa nto nyob hauv lub nceeg vaj xilethi-aus; 71–80, Piav txog cov uas yuav txais lub nceeg vaj thawlethi-aus; 81–113, Piav tias yuav zoo li cas rau cov nyob hauv lub yeeb koob thilethi-aus, lub yeeb koob thawlethi-aus, thiab lub yeeb koob xilethi-aus; 114–119, Cov uas rau siab ntseeg yuav pom thiab to taub tej txuj ci uas neeg tsis paub txog Vajtswv lub nceeg vaj los ntawm tus Ntsuj Plig Dawb Huv lub hwj chim.
Tshooj 77
1–4, Tej tsiaj muaj ntsuj plig thiab yuav nyob kaj siab lug nyob mus ib txhis; 5–7, Lub ntiaj teb no muaj nyob ib ntus li 7,000 xyoos; 8–10, Muaj ib txhia tim tswv uas muab txoj moo zoo txum tim rov qab los thiab los txhawb pab nyob hauv ntiaj teb; 11, Kev muab cim nias rau cov 144,000 leej; 12–14, Khetos yuav los rau lub sij hawm pib ntawm xya txhiab xyoo; 15, Yuav muaj ob tug yaj saub sawv los mus rau haiv neeg Yudais.
Tshooj 78
1–4, Haiv Neeg Ntseeg yuav tsum tsim thiab tsa ib lub tsev rau khoom; 5–12, Kev muaj tswv yim siv lawv tej khoom yuav coj mus rau kev cawm seej; 13–14, Lub Koom Txoos yuav tsum txhob siv lub hwj chim ntawm lub ntiaj teb no; 15–16, Mikhayees (Adas) ua hauj lwm los ntawm tus Dawb Huv (Khetos) txoj kev qhia; 17–22, Cov uas rau siab ntseeg tau koob hmoov, vim lawv yuav tau txhua yam los ua lawv tug.
Tshooj 79
1–4, Tus Tswv hu Jared Carter mus tshaj tawm txoj moo zoo raws li tus Nplij Siab qhia.
Tshooj 80
1–5, Tus Tswv hu Stephen Burnett thiab Eden Smith mus tshaj tawm txoj moo zoo rau qhov chaw twg uas nkawd xaiv.
Tshooj 81
1–2, Cov yawm sij ntawm lub nceeg vaj yeej ib txwm yog Thawj Pawg Thawj Tswj Hwm tuav; 3–7, Yog hais tias Frederick G. Williams rau siab ua nws txoj hauj lwm qhuab qhia, nws yuav tau txoj sia nyob mus ib txhis.
Tshooj 82
1–4, Tus uas tau ntau, tus ntawd yuav tsum pauj ntau; 5–7, Kev tsaus ntuj kav nyob hauv lub ntiaj teb; 8–13, Tus Tswv yuav ua raws li Nws cog lus thaum peb ua raws li Nws hais; 14–18, Xi-oos yuav tsum zoo nkauj thiab dawb huv zuj zus tuaj; 19–24, Txhua tus neeg yuav tsum nrhiav kev ua zoo rau nws tus neeg zej zog.
Tshooj 83
1–4, Cov poj niam thiab me nyuam muaj cai kom lawv cov txiv thiab lawv txiv txhawb yug lawv; 5–6, Cov poj ntsuam thiab cov me nyuam ntsuag muaj cai kom lub Koom Txoos txhawb yug lawv.
Tshooj 84
1–5, Yuav muab lub Nroog Yeluxalees Tshiab thiab lub tuam tsev txhim tsa nyob hauv Missouri; 6–17, Qhia txog caj ceg ntawm lub pov thawj hwj txij Mauxes mus txog Adas; 18–25, Lub pov thawj hwj loj zog tuav tus yawm sij ntawm txoj kev paub txog Vajtswv; 26–32, Lub pov thawj hwj yau zog tuav tus yawm sij ntawm cov tim tswv tej kev los txhawb pab thiab ntawm txoj moo zoo uas npaj kev; 33–44, Tib neeg tau txoj sia nyob mus ib txhis los ntawm txoj kev lav lus thiab kev khi lus ntawm lub pov thawj hwj; 45–53, Khetos tus Ntsuj Plig ua rau neeg pom kev, thiab neeg ntiaj teb muaj kev txhaum; 54–61, Haiv Neeg Ntseeg yuav tsum ua tim khawv txog tej uas lawv tau txais; 62–76, Lawv yuav tsum tshaj tawm txoj moo zoo, thiab yuav muaj tej cim los tom qab; 77–91, Cov txwj laug yuav tsum tawm mus txhob nqa hnab nyiaj los yog hnab thoob puab, thiab tus Tswv mam muab tej uas lawv yuav tsum muaj rau lawv; 92–97, Tej kev mob nkeeg thiab kev foom tsis zoo tos cov uas xyeej txoj moo zoo; 98–102, Tus Tswv muab ib zaj nkauj tshiab ntawm Xi-oos txoj kev txhiv dim los; 103–110, Cia txhua tus neeg nyias ua nyias lub luag hauj lwm thiab nyias ua nyias qhov uas Vajtswv hu lawv ua; 111–120, Tus Tswv cov tub qhe yuav tsum mus tshaj tawm txog txoj kev qias ntawm txoj kev puas ntsoog uas muaj thaum hnub nyoog kawg.
Tshooj 85
1–5, Tej qub txeeg qub teg hauv Xi-oos yuav tsum txais los ntawm kev fij siab; 6–12, Ib tug muaj hwj chim thiab muaj zog yuav muab Haiv Neeg Ntseeg qub txeeg qub teg rau lawv nyob hauv Xi-oos.
Tshooj 86
1–7, Tus Tswv qhia lub ntsiab ntawm zaj lus piv txwv txog cov nplej thiab cov txhauv; 8–11, Nws piav txog tej koob hmoov ntawm lub pov thawj hwj rau cov uas txais Vajtswv tug raws cai raws li sab cev nqaij daim tawv.
Tshooj 87
1–4, Twb qhia ua ntej txog kev ua rog ntawm cov Xeev Qaum Teb thiab cov Xeev Qab Teb; 5–8, Kev puas tsuaj loj yuav raug tag nrho cov neeg nyob hauv lub ntiaj teb.
Tshooj 88
1–5, Cov Ntseeg uas rau siab ntseeg txais tau tus Nplij Siab, uas yog txoj kev cog lus txog txoj sia nyob mus ib txhis; 6–13, Khetos txoj Kev Kaj tswj thiab kav txhua yam; 14–16, Txoj Kev Sawv Rov Los yog muaj los ntawm txoj Kev Txhiv Dim; 17–31, Kev ua raws li txoj kev cai xilethi-aus, thawlethi-aus, los yog thilethi-aus npaj tib neeg mus nyob rau lub nceeg vaj thiab yeeb koob ntawd; 32–35, Cov uas xaiv ua kev txhaum ntxiv mus tseem yuav vuab tsuab li qub; 36–41, Kev cai kav txhua lub nceeg vaj; 42–45, Vajtswv tau muab ib txoj kev cai rau txhua yam; 46–50, Tib neeg yuav to taub Vajtswv; 51–61, Zaj lus piv txwv uas tus txiv neej xa nws cov tub qhe mus tom thaj teb thiab mus xyuas lawv ib tug dhau ib tug; 62–73, Txav los ze rau ntawm tus Tswv, ces nej yuav pom Nws lub ntsej muag; 74–80, Hloov nej tus kheej ua dawb huv thiab ib leeg qhia ib leeg txog tej lus qhuab qhia ntawm lub nceeg vaj; 81–85, Txhua tus neeg uas txais kev ceeb toom lawm yuav tsum ceeb toom nws tus neeg zej zog; 86–94, Tej cim, tej kev puas tsuaj ntawm lub ntiaj teb, thiab tej tim tswv npaj txoj kev rau tus Tswv txoj kev los; 95–102, Cov tim tswv lub suab raj hlau hu kom cov neeg tuag sawv los raws li lawv thib sawv; 103–116, Cov tim tswv lub suab raj hlau tshaj tawm txog txoj kev txum tim txoj moo zoo rov qab los, Npanpiloos txoj kev vau, thiab npluav rog ntawm tus Vajtswv muaj hwj chim; 117–126, Nrhiav kev kawm, ua Vajtswv ib lub tsev (ib lub tuam tsev), thiab muab txoj kev sib khi ua ke uas yog kev siab hlub los ua tsoos tsho rau nej hnav; 127–141, Tus Tswv qhia tus txheej txheem ntawm cov Yaj Saub lub Koom Haum Kawm, nrog rau txoj kab ke ntxuav ko taw thiab.
Tshooj 89
1–9, Txwv tsis pub siv cawv txiv hmab, dej cawv, luam yeeb, thiab dej haus kub; 10–17, Zaub nroj tsuag, txiv hmab txiv ntoo, nqaij, thiab noob txhu yog muab rau neeg thiab tej tsiaj txhu siv; 18–21, Kev ua raws li txoj moo zoo tej kev cai, nrog rau Txoj Lus Txawj Ntse, yuav coj tej koob hmoov ntawm sab nqaij daim tawv thiab sab ntsuj plig los.
Tshooj 90
1–5, Tus Tswv muab cov yawm sij ntawm lub nceeg vaj cob rau Joseph Smith thiab los ntawm nws mus rau cov mej zeej; 6–7, Sidney Rigdon thiab Frederick G. Williams yuav tsum ua hauj lwm nyob hauv Thawj Pawg Thawj Tswj Hwm; 8–11, Yuav tsum tshaj tawm txoj moo zoo mus rau haiv neeg Ixayees, rau Lwm Haiv Neeg, thiab rau cov Neeg Yudais, kom txhua tus neeg hnov los ntawm nws yam lus; 12–18, Joseph Smith thiab nws ob tug pab cuam yuav tsum tsa lub Koom Txoos kom muaj chaw txawb chaw rau; 19–37, Tus Tswv ntuas lawv ib txhia kom taug kev ncaj thiab ua hauj lwm nyob hauv Nws lub nceeg vaj.
Tshooj 91
1–3, Feem ntau ntawm cov ntawv Apokifas yeej muaj txhais yog lawm tiam sis muaj ntau yam uas neeg muab ntxiv rau uas tsis tseeb; 4–6, Zoo rau cov uas tus Ntsuj Plig ua rau lawv to taub.
Tshooj 92
1–2, Tus Tswv muab ib lo lus txib ntsig txog kev koom rau hauv lub koom haum koom siab.
Tshooj 93
1–5, Tag nrho cov uas rau siab ntseeg yuav pom tus Tswv; 6–18, Yauhas tau ua pov thawj hais tias Vajtswv Leej Tub tau txais lub hwj chim ntxiv rau lub hwj chim kom txog thaum Nws tau txais tag nrho Leej Txiv lub yeeb koob; 19–20, Cov uas rau siab ntseeg, cov uas txais lub hwj chim ntxiv rau lub hwj chim, kuj yuav tau txais tag nrho tej uas yog Leej Txiv li thiab; 21–22, Cov uas yug dua tshiab los ntawm Khetos ces yog lub Koom Txoos ntawm tus Tub Hlob; 23–28, Khetos tau txais tag nrho txhua yam kev tseeb, thiab los ntawm kev mloog lus tib neeg yeej ua tau ib yam li ntawd; 29–32, Thaum chiv keeb tib neeg yeej nrog Vajtswv nyob; 33–35, Tej uas muaj cev nqaij nyob mus ib txhis, thiab tib neeg yuav tau txoj kev xyiv fab puv npo hauv txoj Kev Sawv Rov Los; 36–37, Vajtswv lub yeeb koob yog kev txawj kev ntse; 38–40, Vajtswv pom tias cov me nyuam yaus tsis muaj kev txhaum vim muaj Khetos txoj kev txhiv dim; 41–53, Tus Tswv txib cov kwv tij ua thawj coj kom coj lawv tsev neeg ua qhov zoo.
Tshooj 94
1–9, Tus Tswv muab ib lo lus txib ntsig txog txoj kev tsa ib lub tsev rau Pawg Thawj Tswj Hwm ua hauj lwm; 10–12, Yuav tsum ua ib lub tsev luam ntawv; 13–17, Tus Tswv muab tej yam ntawm qub txeeg qub teg faib.
Tshooj 95
1–6, Haiv Neeg Ntseeg raug qhuab ntuas rau qhov lawv tsis ua tus Tswv lub tsev; 7–10, Tus Tswv xav siv Nws lub tsev los muab hwj chim saum ntuj los ua vaj txiaj ntsim rau Nws cov neeg; 11–17, Yuav tsum muab lub tsev fij tseg ua ib qho chaw teev tiam thiab rau cov Thwj Tim koom haum kawm.
Tshooj 96
1, Yuav tsum ua kom Kirtland Ceg Txheem Ntseeg ntawm Xi-oos muaj zog; 2–5, Tus npisov yuav tsum faib tej qub txeeg qub teg rau Haiv Neeg Ntseeg; 6–9, John Johnson yuav tsum los ua ib tug mej zeej rau lub koom haum koom siab.
Tshooj 97
1–2, Ntau tus ntawm Haiv Neeg Ntseeg nyob hauv Xi-oos (Ciaj Ciam Av Jackson, Missouri) tau koob hmoov vim lawv rau siab ntseeg; 3–5, Tus Tswv qhuas Parley P. Pratt rau nws tej hauj lwm nyob hauv lub tsev kawm ntawv hauv Xi-oos; 6–9, Tus Tswv txais yuav cov uas coj raws li lawv tej kev khi lus; 10–17, Yuav tsum ua ib lub tsev nyob hauv Xi-oos kom cov muaj lub siab dawb yuav pom Vajtswv; 18–21, Xi-oos yog cov muaj lub siab dawb; 22–28, Xi-oos yuav dim tus Tswv txoj kev nplawm yog hais tias Xi-oos rau siab ntseeg.
Tshooj 98
1–3, Haiv Neeg Ntseeg tej kev txom nyem yuav ua rau lawv tau qhov zoo; 4–8, Haiv Neeg Ntseeg yuav tsum txhawb nqa txoj kev cai txhooj lij choj ntawm lub teb chaws; 9–10, Tsim nyog txhawb cov neeg uas muaj siab ncaj, muaj tswv yim, thiab cov neeg zoo mus ua hauj lwm hauv tsoom fwv; 11–15, Cov uas muab lawv txoj sia pub rau tus Tswv lub hom phiaj yuav tau txoj sia nyob mus ib txhis; 16–18, Cia li xyeej kev ua rog thiab tshaj tawm txoj kev thaj yeeb; 19–22, Haiv Neeg Ntseeg hauv Kirtland raug qhuab ntuas thiab raug txib kom hloov siab lees txim; 23–32, Tus Tswv qhia txog Nws tej kev cai hais txog tej kev tsim txom thiab kev txom nyem uas muab yuam rau Nws cov neeg; 33–38, Tsuas yog thaum tus Tswv txib xwb thiaj tsim nyog ua rog; 39–48, Haiv Neeg Ntseeg yuav tsum zam txim rau lawv cov yeeb ncuab, cov uas kuj yuav dim ntawm tus Tswv txoj kev pauj yog hais tias lawv hloov siab lees txim.
Tshooj 99
1–8, Tus Tswv hu John Murdock mus tshaj tawm txoj moo zoo, thiab cov uas txais yuav nws ces yog txais yuav tus Tswv thiab yuav tau kev hlub tshua.
Tshooj 100
1–4, Kom Joseph thiab Sidney nkawd mus tshaj tawm txoj moo zoo rau tib neeg txoj kev cawm seej; 5–8, Mam muab tej uas nkawd yuav tsum hais thaum lub sij hawm ntawd kiag; 9–12, Sidney yuav tsum ua tus cev lus thiab Joseph yuav tsum ua tus txais kev tshwm sim thiab muaj hwj chim hais lus tim khawv; 13–17, Tus Tswv yuav tsa ib haiv neeg siab dawb, thiab yuav cawm cov mloog lus dim.
Tshooj 101
1–8, Haiv Neeg Ntseeg raug qhuab ntuas thiab raug txom nyem vim yog lawv tej kev ua txhaum; 9–15, Tus Tswv txoj kev npau taws yuav poob los rau tej teb chaws, tiam sis Nws yuav muab Nws cov neeg sau los ua ke thiab nplij lawv lub siab; 16–21, Yuav tsa Xi-oos thiab nws tej ceg txheem ntseeg; 22–31, Piav txog lub neej thaum hnub nyoog Milenias; 32–42, Haiv Neeg Ntseeg yuav tau koob hmoov thiab tau nqi zog thaum ntawd; 43–62, Zaj lus piv txwv txog tus nom thiab cov ntoo txiv roj qhia txog tej teeb meem thiab txoj kev txhiv Xi-oos dim uas yuav muaj los; 63–75, Haiv Neeg Ntseeg yuav tsum sib sau los ua ke mus ntxiv; 76–80, Tus Tswv tsim tus Txhooj Lij Choj ntawm lub teb chaws Amelikas; 81–101, Haiv Neeg Ntseeg yuav tsum taij thov kom kho tej uas tau ua tsis ncaj ncees, raws li zaj lus piv txwv ntawm tus poj niam thiab tus txiav txim tsis ncaj ncees.
Tshooj 102
1–8, Tus Tswv tsa ib pawg sab laj hlob los daws tej kev cov nyom tseem ceeb uas muaj nyob hauv lub Koom Txoos; 9–18, Muab tus txheej txheem txog tej txub sib hais los; 19–23, Tus thawj tswj hwm ntawm pawg sab laj yog tus txiav txim; 24–34, Muab tus txheej txheem ntawm kev thov hais mus ntxiv los.
Tshooj 103
1–4, Vim li cas tus Tswv tau cia Haiv Neeg Ntseeg hauv Ciaj Ciam Av Jackson raug tsim txom; 5–10, Haiv Neeg Ntseeg yuav kov yeej yog hais tias lawv ua raws li tej lus txib; 11–20, Txoj kev txhiv dim ntawm Xi-oos yuav muaj los ntawm hwj chim, thiab tus Tswv yuav mus ua Nws cov neeg ntej; 21–28, Haiv Neeg Ntseeg yuav tsum sib sau rau hauv Xi-oos, thiab cov uas muab lawv txoj sia txi yuav rov muaj sia dua; 29–40, Tus Tswv hu ib co kwv tij los tsim lub Yeej Xi-oos thiab mus lawm nram Xi-oos; tau cog lus rau lawv hais tias lawv yuav yeej yog hais tias lawv rau siab ntseeg.
Tshooj 104
1–10, Haiv Neeg Ntseeg uas ua txhaum rau lub koom haum koom siab yuav raug foom tsis zoo; 11–16, Tus Tswv yuav nrhiav rau Nws Haiv Neeg Ntseeg raws li Nws tus kheej txoj kev; 17–18, Txoj moo zoo txoj kev cai kav txoj kev pab cov pluag; 19–46, Hais txog tej hauj lwm saib xyuas thiab tej koob hmoov ntawm ib txhia kwv tij; 47–53, Lub koom haum koom siab hauv Kirtland thiab lub koom haum hauv Xi-oos nyias yuav tsum khiav nyias hauj lwm; 54–66, Tus Tswv qhov chaw dawb ceev rau nyiaj txiag yog tsim los mus luam tej vaj lug kub; 67–77, Lub koom haum koom siab qhov chaw rau nyiaj txiag yuav tsum khiav hauj lwm los ntawm sawv daws kev pom yeem; 78–86, Cov nyob hauv lub koom haum koom siab yuav tsum them tag nrho lawv tej nuj nqis, thiab tus Tswv yuav tso lawv dim ntawm txoj kev ua nyiaj txiag qhev.
Tshooj 105
1–5, Yuav txhim tsa Xi-oos los ntawm kev ua raws txoj kev cai xilethi-aus; 6–13, Tus Tswv muab Xi-oos txoj kev txhiv dim ncua ib nyuag ntus; 14–19, Tus Tswv yuav ntaus Xi-oos tej npluav rog; 20–26, Haiv Neeg Ntseeg yuav tsum muaj tswv yim thiab txhob khav txog tej hauj lwm muaj hwj chim thaum lawv sib sau ua ke; 27–30, Yuav tsum muas tej av nyob hauv Jackson thiab tej ciaj ciam av uas nyob sib ze; 31–34, Cov txwj laug yuav tsum mus txais vaj txiaj ntsim nyob hauv tus Tswv lub tsev hauv Kirtland; 35–37, Yuav muab Haiv Neeg Ntseeg cov uas tus Tswv hu thiab xaiv yuav hloov ua dawb huv; 38–41, Haiv Neeg Ntseeg yuav tsum tsa ib tug chij ntawm kev thaj yeeb mus rau neeg ntiaj teb.
Tshooj 106
1–3, Tus Tswv hu Warren A. Cowdery los ua ib tug thawj tswj hwm ntawm zej zog; 4–5, Txoj Kev Los Zaum Ob yuav tsis ua rau cov me nyuam ntawm txoj kev kaj ceeb li ib tug tub sab; 6–8, Tej koob hmoov tseem ceeb los tom qab tej kev rau siab ua hauj lwm nyob hauv lub Koom Txoos.
Tshooj 107
1–6, Muaj ob lub pov thawj hwj: lub pov thawj hwj Mekhixedes thiab lub pov thawj hwj Aloos; 7–12, Cov uas tuav lub Pov Thawj Hwj Mekhixedes muaj hwj chim coj ua tau txhua lub luag hauj lwm nyob hauv lub Koom Txoos; 13–17, Pawg npisov tswj hwm lub Pov Thawj Hwj Aloos, uas saib xyuas tej kab ke uas nyob rau sab cev nqaij daim tawv; 18–20, Lub Pov Thawj Hwj Mekhixedes tuav cov yawm sij ntawm tag nrho tej koob hmoov ntawm sab ntsuj plig; lub Pov Thawj Hwj Aloos tuav cov yawm sij ntawm cov tim tswv txoj kev los txhawb pab; 21–38, Thawj Pawg Thawj Tswj Hwm, Kaum Ob tug Thwj Tim, thiab cov Xya Caum yog tej pawg tswj hwm, lawv tej kev txiav txim siab yuav tsum ua los ntawm kev sib koom siab thiab kev ncaj ncees; 39–52, Tau tsim muaj tus txheej txheem raws leej txiv caj ceg txij thaum Adas los txog Nau-as; 53–57, Haiv Neeg Ntseeg txheej puag thaum ub tau sib txoos rau ntawm qhov chaw Adas-oodais-Omas, thiab tus Tswv tau tshwm sim los xyuas lawv; 58–67, Kaum Ob tug Thwj Tim yuav tsum muab cov tuav hauj lwm ntawm lub Koom Txoos tso kom muaj chaw txawb chaw rau; 68–76, Cov npisov ua hauj lwm zoo li cov txiav txim nyob hauv Ixayees; 77–84, Thawj Pawg Thawj Tswj Hwm thiab Kaum Ob tug Thwj Tim yog pawg txiav txim uas siab tshaj plaws nyob hauv lub Koom Txoos; 85–100, Cov thawj tswj hwm ntawm lub pov thawj hwj tswj hwm nyob rau hauv lawv tej pawg pov thawj hwj.
Tshooj 108
1–3, Tus Tswv zam txim rau Lyman Sherman tej kev txhaum; 4–5, Yuav muab nws suav nrog cov thawj txwj laug ntawm lub Koom Txoos; 6–8, Tus Tswv hu nws mus tshaj tawm txoj moo zoo thiab mus txhawb nqa nws cov kwv tij.
Tshooj 109
1–5, Tau muab lub Tuam Tsev Kirtland txhim tsa ua ib qho chaw rau Neeg Leej Tub los thuv; 6–21, Lub tuam tsev yuav tsum yog ib lub tsev yoo mov, muaj kev ntseeg, muaj kev kawm, muaj yeeb koob, muaj chaw txawb chaw rau, thiab ib lub tsev rau Vajtswv; 22–33, Thov kom cov tsis hloov siab lees txim uas tawm tsam tus Tswv cov neeg yuav tsis paub hais; 34–42, Thov kom Haiv Neeg Ntseeg tawm mus nrog hwj chim mus sau cov ncaj ncees los rau hauv Xi-oos; 43–53, Thov kom cawm Haiv Neeg Ntseeg dim ntawm tej yam txaus ntshai uas yuav muab nchuav los rau cov phem nyob rau hauv hnub nyoog kawg; 54–58, Thov kom tej haiv neeg thiab tej yam neeg thiab tej koom txoos yuav npaj txhij rau txoj moo zoo; 59–67, Thov kom cov Neeg Yudais, cov Neeg Lamas, thiab tus Tswv yuav txhiv tag nrho Ixayees dim; 68–80, Thov kom Haiv Neeg Ntseeg yuav tau yeeb koob thiab sam xeeb ntoo thiab tau txoj kev cawm seej nyob mus ib txhis.
Tshooj 110
1–10, Tus Tswv Yehauvas tshwm sim los nrog yeeb koob thiab txais yuav lub Tuam Tsev Kirtland ua Nws lub tsev; 11–12, Mauxes thiab Eli-as nkawd tshwm sim ib tug zuj zus los thiab muab nkawd cov yawm sij thiab tej caij nyoog tso txoj cai; 13–16, Eliyas rov qab los thiab muab cov yawm sij ntawm nws lub caij nyoog raws li Malakis tau cog lus.
Tshooj 111
1–5, Tus Tswv saib xyuas txog tej yam uas Nws cov tub qhe yuav tsum muaj ntawm sab cev nqaij daim tawv; 6–11, Nws yuav hlub tshua Xi-oos thiab ua txhua yam rau qhov zoo rau Nws cov tub qhe.
Tshooj 112
1–10, Kaum Ob tug Thwj Tim yuav tsum xa txoj moo zoo thiab tsa lub suab ceeb toom mus rau txhua haiv neeg thiab txhua yam neeg; 11–15, Lawv yuav tsum kwv lawv tus ntoo khaub lig, coj raws li Yexus, thiab pub Nws cov yaj; 16–20, Cov uas txais yuav Thawj Pawg Thawj Tswj Hwm txais yuav tus Tswv; 21–29, Kev tsaus ntuj npog lub ntiaj teb, thiab tsuas yog cov uas ntseeg thiab ua kev cai raus dej thiaj yuav txais kev cawm dim; 30–34, Thawj Pawg Thawj Tswj Hwm thiab Kaum Ob tug Thwj Tim tuav cov yawm sij ntawm lub caij nyoog tso txoj cai uas muaj txhij txhua.
Tshooj 113
1–6, Qhia tias tus Ceg Hlav ntawm Yexais, tus kav los ntawm tus ceg hlav ntawd, thiab Yexais tus cag yog leej twg; 7–10, Xi-oos cov seem tshuav uas tawg khiav ri niab muaj cai tau lub pov thawj hwj thiab Yaxayas hu kom lawv rov qab mus cuag tus Tswv.
Tshooj 114
1–2, Yuav muab cov uas tsis rau siab ntseeg tej hauj lwm hauv lub koom txoos rau lwm cov tuav.
Tshooj 115
1–4, Tus Tswv tis Nws lub koom txoos npe hu ua Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg; 5–6, Xi-oos thiab nws tej ceg txheem ntseeg yog tej chaw tiv thaiv thiab chaw nkaum rau Haiv Neeg Ntseeg; 7–16, Tus Tswv txib Haiv Neeg Ntseeg kom txhim tsa tus Tswv ib lub tsev nyob hauv Far West; 17–19, Joseph Smith tuav cov yawm sij ntawm Vajtswv lub nceeg vaj nyob hauv ntiaj teb no.
Tshooj 116
Tshooj 117
1–9, Tus Tswv cov tub qhe yuav tsum txhob ntshaw tej khoom ntawm sab cev nqaij daim tawv, vim “tej khoom muaj nqis dab tsi rau tus Tswv?”; 10–16, Lawv yuav tsum tso txoj kev siab me pov tseg, thiab lawv tej kev txi yuav dawb ceev rau tus Tswv.
Tshooj 118
1–3, Tus Tswv mam nrhiav noj nrhiav haus rau Kaum Ob tug Thwj Tim tej tsev neeg; 4–6, Tus Tswv muab neeg pauv tej chaw seem nyob hauv Kaum Ob tug Thwj Tim.
Tshooj 119
1–5, Haiv Neeg Ntseeg yuav tsum muab lawv tej teej tug uas siv tsis tag them thiab tom qab ntawd muab ib feem kaum ntawm lawv tej paj laum txhua xyoo los them rau ntawm txoj kev cai ib feem kaum; 6–7, Ib txoj kev zoo li no yuav ua rau thaj av Xi-oos hloov ua dawb huv.
Tshooj 120
Tshooj 121
1–6, Tus Yaj Saub thov tus Tswv kom pab Haiv Neeg Ntseeg uas raug txom nyem; 7–10, Tus Tswv hais lus kaj siab rau nws; 11–17, Tag nrho cov uas qw dag tawm tsam tus Tswv cov neeg hais tias lawv ua txhaum raug foom tsis zoo; 18–25, Lawv yuav tsis muaj cai txais lub pov thawj hwj thiab yuav raug txim; 26–32, Cog lus tias yuav muab tej kev tshwm sim muaj yeeb koob rau cov uas rau siab nyiaj mus; 33–40, Vim li cas cov uas tus Tswv hu muaj coob tiam sis cov uas nws xaiv muaj tsawg; 41–46, Yuav tsum siv lub pov thawj hwj los ntawm kev ncaj ncees xwb.
Tshooj 122
1–4, Neeg nyob thoob plaws lub ntiaj teb yuav nug txog lub npe Joseph Smith; 5–7, Tag nrho nws tej kev plhom sij thiab tej kev txom nyem yuav muab kev kawm rau nws thiab yuav zoo rau nws; 8–9, Neeg Leej Tub tau nqis mus qis tshaj tag nrho tej ntawd.
Tshooj 123
1–6, Haiv Neeg Ntseeg yuav tsum khaws thiab luam ib zaj txog lawv tej kev txom nyem thiab kev tsim txom; 7–10, Tib tug ntsuj plig uas tsim tej kev cai ntseeg cuav kuj coj kev tsim txom los rau Haiv Neeg Ntseeg thiab; 11–17, Ntau leej nyob hauv txhua pab ntseeg tseem yuav txais qhov tseeb.
Tshooj 124
1–14, Tus Tswv txib Joseph Smith kom ua tib zoo mus tshaj tawm txoj moo zoo rau tus thawj tswj hwm ntawm lub Teb Chaws Amelikas, rau cov tswv xeev, thiab cov kav ntawm txhua lub teb chaws; 15–21, Hyrum Smith, David W. Patten, Joseph Smith tus Laus, thiab lwm cov uas tseem ciaj thiab tuag lawm tau koob hmoov vim lawv coj zoo thiab tsim txiaj; 22–28, Tus Tswv txib Haiv Neeg Ntseeg kom ua ib lub tsev txais qhua thiab ib lub tuam tsev rau hauv Nauvoo; 29–36, Yuav tsum ua kev cai raus dej rau cov tuag nyob hauv tej tuam tsev; 37–44, Tus Tswv cov neeg yeej ib txwm ua cov tuam tsev los ua kab ke dawb huv; 45–55, Tus Tswv cheem Haiv Neeg Ntseeg kom txhob maj ua lub tuam tsev nyob hauv Ciaj Ciam Av Jackson vim lawv cov yeeb ncuab txoj kev quab yuam; 56–83, Tau muab kev qhia rau kev txhim tsa lub Tsev Nauvoo; 84–96, Tus Tswv hu Hyrum Smith los ua ib tug yawg suab, los txais cov yawm sij, thiab los sawv ntawm Oliver Cowdery qhov chaw; 97–122, William Law thiab lwm cov raug ntuas txog lawv tej hauj lwm; 123–145, Xaiv cov tuam thawj coj thiab tej thawj coj ntawm zos, nrog rau lawv tej dej num thiab cov koom ua ke hauv tej pab pawg.
Tshooj 125
1–4, Haiv Neeg Ntseeg yuav tsum txhim tsa tej nroog thiab sib sau mus rau hauv tej ceg txheem ntseeg ntawm Xi-oos.
Tshooj 126
1–3, Tus Tswv qhuas Brigham Young rau nws tej hauj lwm thiab muab nws tso tawm ntawm tej hauj lwm ncig mus txawv teb chaws rau yav tom ntej.
Tshooj 127
1–4, Joseph Smith xyiv fab thaum nws raug tsim txom thiab raug txom nyem; 5–12, Yuav tsum ceev ntaub ntawv txog tej kev cai raus dej rau cov tuag.
Tshooj 128
1–5, Cov teev ntawv ntawm zos thiab cov tuam teev ntawv yuav tsum ua ntawv pov thawj rau qhov tseeb ntawm txoj kev cai raus dej rau cov tuag; 6–9, Lawv tej ceev xwm txheej tij lim thiab twb muab sau cia hauv ntiaj teb thiab saum ntuj ceeb tsheej; 10–14, Lub dab ua kev cai raus dej yog lub cim piv txog lub qhov ntxa; 15–17, Eliyas txum tim lub hwj chim ntawm kev cai raus dej rau cov tuag; 18–21, Tau muab tag nrho tej yawm sij, tej lub hwj chim, thiab tej txoj cai ntawm tej lub caij nyoog tso txoj cai dhau los lawm txum tim rov qab los; 22–25, Joseph Smith tshaj tawm txog tej moo uas zoo siab thiab zoo kawg rau cov ciaj thiab cov tuag.
Tshooj 129
1–3, Muaj cov neeg sawv rov los lawm thiab cov neeg ntsuj plig nyob saum ntuj ceeb tsheej; 4–9, Qhia txog tej ntsiab cai kom paub tau cov tub xa xov uas los sab tom daim ntaub thaiv los.
Tshooj 130
1–3, Leej Txiv thiab Leej Tub yuav tshwm sim nkawd tus kheej los rau neeg; 4–7, Cov tim tswv nyob saum lub ntuj xilethi-aus; 8–9, Lub ntiaj teb xilethi-aus yog ib lub Ulees thiab Thumees loj heev; 10–11, Muab ib lub pob zeb xim dawb rau txhua tus uas nkag mus rau lub ntuj xilethi-aus; 12–17, Tus Tswv tsis qhia lub sij hawm ntawm txoj Kev Los Zaum Ob rau tus Yaj Saub paub; 18–19, Kev txawj ntse uas kawm hauv lub neej no yuav sawv nrog peb nyob hauv txoj kev sawv rov los; 20–21, Tag nrho cov koob hmoov yog los ntawm kev ua raws li tej kev cai; 22–23, Leej Txiv thiab Leej Tub muaj lub cev muaj nqaij thiab muaj txha.
Tshooj 131
1–4, Yuav tsum muaj kev sib yuav xilethi-aus thiaj li tau kev tsa nto nyob saum lub ntuj ceeb tsheej siab tshaj plaws; 5–6, Piav txog txoj kev muab neeg khi tseg cia rau txoj sia nyob mus ib txhis; 7–8, Txhua yam ntawm sab ntsuj plig yeej yog yam ntawm sab cev nqaij.
Tshooj 132
1–6, Yus txais kev tsa nto los ntawm txoj kev khi lus tshiab thiab kav ib txhis; 7–14, Qhia txog tej lus teem tseg thiab tej cai ntawm txoj kev khi lus ntawd; 15–20, Kev sib yuav xilethi-aus thiab kev muaj tsev neeg mus ntxiv ua rau neeg muaj peev xwm hloov los ua vaj tswv; 21–25, Txoj kev ti thiab nqaim coj neeg mus rau txoj sia nyob mus ib txhis; 26–27, Qhia txoj kev cai hais txog kev hais lus saib tsis taus tus Vaj Ntsuj Plig Dawb Huv; 28–39, Tau cog lus tias cov yaj saub thiab Haiv Neeg Ntseeg nyob hauv txhua lub caij nyoog yuav muaj ntau ntxiv mus ib txhis thiab txais kev tsa nto; 40–47, Tau muab lub hwj chim khi ua ke thiab muab tej uas nyob hauv ntiaj teb thiab saum ntuj ceeb tsheej tshwj tseg cia rau Joseph Smith; 48–50, Tus Tswv muab Joseph khi tseg cia rau txoj kev tsa nto; 51–57, Emma Smith raug ntuas kom rau siab ntseeg thiab tseeb; 58–66, Muab tej kev cai tswj txoj kev yuav ntau tus poj niam qhia tawm.
Tshooj 133
1–6, Tus Tswv txib Haiv Neeg Ntseeg kom npaj rau txoj Kev Los Zaum Ob; 7–16, Tus Tswv txib txhua tus neeg kom khiav tawm hauv Npanpiloos, los mus rau Xi-oos, thiab npaj rau hnub tseem ceeb ntawm tus Tswv; 17–35, Nws yuav sawv saum Roob Xi-oos, tej thooj av teb chaws hauv lub ntiaj teb yuav hloov los ua ib daim av, thiab tej xeem neeg Ixayees yuav rov qab los; 36–40, Joseph Smith muab txoj moo zoo txum tim rov qab los kom coj mus tshaj tawm rau tag nrho neeg ntiaj teb; 41–51, Tus Tswv yuav coj txoj kev pauj los rau cov neeg phem; 52–56, Twb yog xyoo rau cov uas Nws tau txhiv dim; 57–74, Yuav xa txoj moo zoo tawm mus cawm Haiv Neeg Ntseeg thiab mus ua txoj kev puas tsuaj rau cov neeg phem.
Tshooj 134
1–4, Tsoom fwv yuav tsum ua kom muaj kev ywj siab xav thiab kev ywj siab teev ntuj tsis tu tsis tseg; 5–8, Txhua tus neeg yuav tsum txhawb lawv tej tsoom fwv thiab yuav tau saib taus thiab coj raws li txoj kev cai, 9–10, Tej koom haum teev ntuj yuav tsum txhob muaj hwj chim kav tej pej xeem; 11–12, Neeg tsis muaj txim yog tiv thaiv lawv tus kheej thiab lawv tej teej tug.
Tshooj 135
1–2, Joseph thiab Hyrum raug tua nyob hauv lub Tsev Kaw Carthage; 3, Tau tshaj tawm tus Yaj Saub txoj hauj lwm uas tseem ceeb tshaj plaws; 4–7, Nkawd cov ntshav uas tsis muaj kev txhaum ua tim khawv hais tias txoj hauj lwm no muaj tseeb thiab yog Vajtswv li.
Tshooj 136
1–16, Piav saib yuav tsa lub yeej Ixayees rau txoj kev mus rau sab hnub poob zoo li cas; 17–27, Tus Tswv txib Haiv Neeg Ntseeg kom coj raws li txoj moo zoo ntau txoj kev cai; 28–33, Haiv Neeg Ntseeg yuav tsum hu nkauj, seev cev, thov Vajtswv, thiab kawm laj lim tswv yim; 34–42, Tej yaj saub raug tua kom lawv thiaj tau sam xeeb thiab kom cov neeg phem raug txim.
Tshooj 137
1–6, Tus Yaj Saub pom nws tus tij laug Alvin nyob hauv lub nceeg vaj xilethi-aus; 7–9, Muab tej lus qhuab qhia ntawm kev cawm seej rau cov tuag qhia tshwm sim los; 10, Tus Tswv cawm tag nrho cov me nyuam yaus dim nyob hauv lub nceeg vaj xilethi-aus.
Tshooj 138
1–10, Thawj Tswj Hwm Joseph F. Smith xav txog tej lus uas Petus sau thiab xav txog qhov uas peb tus Tswv mus xyuas lub ntuj ntsuj plig; 11–24, Thawj Tswj Hwm Smith pom cov neeg tuag uas ncaj ncees sib txoos nyob hauv yeeb tsheej thiab pom Khetos mus qhuab qhia lawv; 25–37, Nws pom lawv khiav hauj lwm tshaj tawm txoj moo zoo rau cov ntsuj plig li cas; 38–52, Nws pom Adas, Evas, thiab coob leej ntawm cov yaj saub uas dawb huv nyob hauv lub ntuj ntsuj plig cov uas xav hais tias lawv lub neej ua ntsuj plig ua ntej lawv sawv rov los yog ib txoj kev ua cev qhev; 53–60, Cov neeg tuag ncaj ncees ntawm lub caij no ua lawv tej hauj lwm mus ntxiv nyob hauv lub ntuj ntsuj plig.