Tshooj 37
Kev tshwm sim uas tus Yaj Saub Joseph Smith thiab Sidney Rigdon tau txais, ze Fayette, New York, lub Kaum Ob Hlis Ntuj xyoo 1830. Hauv no tau muab thawj lo lus txib ntsig txog ib txoj kev sib sau ua ke nyob hauv lub caij nyoog tso txoj cai no.
1–4, Tus Tswv hu Haiv Neeg Ntseeg kom sib sau nyob rau hauv Ohio.
1 Saib seb, kuv hais rau neb tias kuv xav tias tsis tsim nyog kom neb yuav txhais lus ntxiv kom txog thaum neb mus lawm tim Ohio tso, thiab qhov no yog vim cov yeeb ncuab thiab yog qhov zoo rau neb.
2 Thiab ntxiv, kuv hais rau neb tias neb tsis txhob rawm mus kom txog thaum neb tau tshaj tawm kuv txoj moo zoo rau tej chaw ntawd tso, thiab tau txhawb zog rau lub koom txoos nyob txhua qhov chaw, thiab qhov tseem ceeb yog hauv Colesville; vim, saib seb, lawv muaj kev ntseeg heev thov kuv.
3 Thiab ntxiv, ib lo lus txib kuv muab rau cov ntseeg hais tias, kuv xav tias tsim nyog kom lawv yuav tsum sib txoos ua ke rau hauv Ohio, npaj rau lub sij hawm kuv tus tub qhe Oliver Cowdery yuav rov qab los rau lawv.
4 Saib seb, qhov no yog laj lim tswv yim, thiab cia txhua tus neeg xaiv rau nws tus kheej kom txog thaum kuv los. Twb yog li ntawd. Amees.