Dugang nga mga Kapanguhaan

Kadaghanan niini nga mga kapanguhaan makita sa Gospel Library app ug sa ChurchofJesusChrist.org.

Mga Magasin sa Simbahan

Ang Friend, New Era, Ensign, ug Liahona nga mga magasin adunay mga istorya ug mga kalihokan nga makadugang sa mga baruganan nga imong gitudlo gikan sa Doktrina ug mga Pakigsaad.

Mga Himno ug Songbook sa mga Bata

Ang sagradong musika nagdapit sa Espiritu ug nagtudlo og doktrina sa halandumong paagi. Agig dugang sa giimprintang mga bersyon sa Mga Himno ug Songbook sa mga Bata, makita nimo ang audio ug video nga mga rekord sa daghang himno ug awit sa mga bata diha sa music.ChurchofJesusChrist.org ug sa Sacred Music app.

Mga Istorya sa Doktrina ug mga Pakigsaad

Mga Istorya sa Doktrina ug mga Pakigsaad naggamit og mga hulagway ug yanong pinulongan aron sa pagtabang sa mga bata sa pagkat-on gikan sa Doktrina ug mga Pakigsaad. Makakaplag ka usab og mga video niini nga mga istorya diha sa Gospel Library app ug ang Gospel Media Library sa ChurchofJesusChrist.org.

Matinud-anon sa Tinuhoan

Alang sa dugang nga tabang sa pagsabut ug sa pagpasabut sa mga baruganan sa ebanghelyo, hunahunaa ang pagpangita diha sa Matinud-anon sa Tinuhoan. Kini nga kapanguhaan naglangkub og gi-alpabeto nga lista sa mga hilisgutan sa ebanghelyo nga gipasabut sa yanong mga pulong.

Mga Istorya sa Kasulatan, Koloranan nga Basahon [Coloring Book]: Doktrina ug mga Pakigsaad

Kini nga kapanguhaan naglangkub og mga pahina sa kalihokan nga gidesinyo sa pagpauswag sa pagkat-on sa mga kabataan gikan sa Doktrina ug mga Pakigsaad.

Mga Video ug Sining

Ang artwork, mga video, ug ubang media makatabang sa imong pamilya sa paghulagway sa doktrina ug mga istorya nga kalabut ngadto sa mga kasulatan. Tan-awa ang Gospel Media Library sa ChurchofJesusChrist.org sa pagtan-aw-tan-aw sa mga koleksyon sa Simbahan sa mga kapanguhaan sa media. Kini nga mga kapanguhaan anaa usab diha sa Gospel Media app, ug daghang mga imahe makaplagan usab diha sa Gospel Art Book.

Gospel Topics [Mga Hilisgutan sa Ebanghelyo]

Sa Gospel Topics ikaw makakaplag sa nag-una nga mga impormasyon mahitungod sa daghang mga hilisgutan sa ebanghelyo, kauban sa mga link ngadto sa makatabang nga mga kapanguhaan, sama sa may kalabutan nga mga mensahe sa kinatibuk-ang komperensya, mga artikulo, ug mga video. Makaplagan usab nimo ang Gospel Topics Essays, nga nagtanyag og detalyadong mga tubag sa mga pangutana kabahin sa doktrina ug kasaysayan.

Mga Santos

Ang Mga Santos maoy usa ka lainlaing volume sa nag-asoy nga kasaysayan sa Simbahan. Volume 1, Ang Sumbanan sa Kamatuoran, ug volume 2, Walay Dili Balaan nga Kamot, nagsakop sa samang yugto sa kasaysayan sa Simbahan isip ang Doktrina ug mga Pakigsaad. Kini nga mga kasaysayan makahatag kaninyo og mga panabut ngadto sa kinatibuk-ang kahulugan [context] nga naglibut sa mga pagpadayag nga inyong gitun-an diha sa Doktrina ug mga Pakigsaad.

Mga Hisgutanan sa Kasaysayan sa Simbahan

Daghang mga artikulo mahitungod sa mga tawo, mga hinimo sa kamot nga kalabut sa kultura o kasaysayan [artifacts], kinaadman bahin sa ibabaw sa yuta [geography], ug mga hitabo sa kasaysayan sa Simbahan makaplagan diha sa ChurchofJesusChrist.org/study/history/topics.

Mga Manwal sa Seminary ug Institute

Ang mga manwal sa seminary ug institute naghatag og makasaysayanong kaagi ug doktrinal nga komentaryo alang sa mga baruganan ug mga istorya nga makaplagan diha sa mga kasulatan.