« ថ្ងៃទី ១៤–២០ ខែ មករា លូកា ២; ម៉ាថាយ ២ ៖ ពួកយើងមកថ្វាយបង្គំទ្រង់ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាថ្មី ឆ្នាំ ២០១៩ ( ឆ្នាំ ២០១៩ )
« ថ្ងៃទី ១៤–២០ ខែ មករា លូកា ២ ម៉ាថាយ ២ »ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាថ្មី ឆ្នាំ ២០១៩
ចូរយើងសរសើរថ្វាយទ្រង់, ដោយ ដាណា ម៉ារីអូ វូឌ
ថ្ងៃទី ១៤–២០ ខែ មករា
លូកា ២; ម៉ាថាយ ២
ពួកយើងមកថ្វាយបង្គំទ្រង់
សូមចាប់ផ្ដើមដោយការអាន លូកា ២ និង ម៉ាថាយ ២, ហើយផ្ដោតយកចិត្តទុកដាក់ទៅលើគំនិតខាងវិញ្ញាណនានាដែលអ្នកបានទទួល ។ គំនិតយោបល់សម្រាប់ការសិក្សានៅក្នុងគម្រោងនេះ អាចជួយអ្នកឲ្យស្គាល់គោលការណ៍សំខាន់បំផុត និងការទាក់ទងគ្នាមួយចំនួននៅក្នុងជំពូកទាំងនេះ ។
កត់ត្រាចំណាប់អារម្មណ៍របស់អ្នក
ចាប់តាំងពីថ្ងៃនៃការប្រសូតរបស់ទ្រង់ វាបង្ហាញយ៉ាងច្បាស់ថា ព្រះយេស៊ូវ គឺកុមារដ៏អស្ចារ្យ ។ វាពុំគ្រាន់តែជាផ្កាយថ្មីរះឡើងនៅលើមេឃ ឬការប្រកាសរបស់ទេវតាដោយអំណរដែលធ្វើឲ្យភាពជាទារករបស់ព្រះយេស៊ូវមានលក្ខណៈពិសេសនោះទេ ។ វាក៏ជាកត្តាពិតផងដែរដែលមនុស្សស្មោះត្រង់ផ្សេងៗទាំងនោះ—មកពីជាតិសាសន៍ដែលមានវិជ្ជាជីវៈ និងជីវប្រវត្តិផ្សេងៗ—ទទួលអារម្មណ៍ខិតទៅរកទ្រង់មួយរំពេច ។ ពួកគេបានមក ទាំងពីមុនទ្រង់ថ្លែងការអញ្ជើញរបស់ទ្រង់ឲ្យ « មកតាមខ្ញុំចុះ » ( លូកា ១៨:២២ ) ។ ប្រាកដណាស់ ពុំមែនមនុស្សគ្រប់រូបមករកទ្រង់ទេ—មានមនុស្សជាច្រើនដែលពុំស្គាល់ទ្រង់ ព្រមទាំងមានអ្នកគ្រប់គ្រងម្នាក់ដែលមានការឈ្នានីសបានចង់ផ្ដាច់ជីវិតទ្រង់ ។ ប៉ុន្តែអ្នកដែលស្វែងរកសេចក្ដីសុចរិតដោយរាបសា បរិសុទ្ធ និងលះបង់ បានរកឃើញនូវអ្វីដែលពួកគេស្វែងរកនៅក្នុងទ្រង់ ។ ការលះបង់របស់ពួកគេបានបំផុសដល់ការលះបង់របស់ពួកយើងផ្ទាល់ចំពោះ « ដំណឹងល្អពីសេចក្ដីអំណរយ៉ាងអស្ចារ្យ » ដែលបាននាំមកពួកគង្វាល គឺសម្រាប់ « មនុស្សទាំងអស់ » ហើយ « ព្រះគ្រីស្ទដ៏ជាព្រះអម្ចាស់ » ត្រូវបានប្រសូត្រមកនៅថ្ងៃនោះដើម្បីយើងទាំងអស់គ្នា ( សូមមើលលូកា ២:១០–១១ ) ។
គំនិតយោបល់សម្រាប់ការសិក្សាព្រះគម្ពីរផ្ទាល់ខ្លួន
ព្រះយេស៊ូវគ្រីស្ទបានប្រសូតមកក្នុងស្ថានភាពដ៏រាបសា ។
ទោះជាព្រះយេស៊ូវគ្រីស្ទមានសិរីល្អជាមួយព្រះ ជាព្រះវរបិតា« កាលលោកីយ៍មិនទាន់បានកើតនៅឡើយ » ក្ដី ( យ៉ូហាន ១៧:៥ ) ទ្រង់ស្ម័គ្រព្រះទ័យប្រសូត្រមកនៅកន្លែងដ៏តូចទាប ហើយរស់នៅក្នុងចំណោមពួកយើងនៅលើផែនដី ។ នៅពេលអ្នកអានលូកា ២:១–៧តើអ្នកកត់សម្គាល់ឃើញយ៉ាងណាអំពីស្ថានភាពរាបសារនៃការប្រសូតរបស់ទ្រង់ ? សូមព្យាយាមមើលលម្អិត ឬព្យាយាមយល់នៅក្នុងរឿងនេះ ដែលអ្នកពុំបានកត់សម្គាល់កាលពីមុនមក ។ តើអ្នកបានរៀនអ្វីខ្លះអំពីព្រះអង្គសង្គ្រោះមកពីស្ថានភាពនៃការប្រសូតរបស់ទ្រង់ ? តើការយល់ដឹងទាំងនេះជះឥទ្ធិពលដល់អារម្មណ៍របស់អ្នកចំពោះទ្រង់យ៉ាងដូចម្ដេច ?
សូមមើលផងដែរ វីដេអូ « The Nativity » ( LDS.org ) ។
មានសាក្សីជាច្រើនឃើញការប្រសូតរបស់ព្រះគ្រីស្ទ
ការប្រសូត និងភាពជាទារករបស់ព្រះគ្រីស្ទ ត្រូវបានគូសចំណាំដោយពួកសាក្សី និងពួកអ្នកថ្វាយបង្គំទ្រង់ជាច្រើនដែលមកពីទិដ្ឋភាពផ្សេងៗនៃជីវិត—ពួកអ្នកគង្វាលដ៏រាបសារ ដែលបានទៅមើលទ្រង់នៅឯក្រោលចៀម ពួកហោរាជាអ្នកមានបាននាំអំណោយមកថ្វាយទ្រង់នៅឯផ្ទះរបស់ទ្រង់ ស្ត្រីមេម៉ាយដែលបានបម្រើនៅក្នុងព្រះវិហារ និងសិស្សស្មោះត្រង់ម្នាក់ ដែលបានប្រមើលមើលយ៉ាងអន្ទះសារចំពោះការយាងមករបស់ព្រះមែស៊ី ។ នៅពេលអ្នករកមើលរឿងរបស់ពួកគេ តើអ្នកបានរៀនអ្វីខ្លះអំពីរបៀបដើម្បីថ្វាយបង្គំ និងធ្វើជាសាក្សី របស់ព្រះគ្រីស្ទ ?
|
ទីបន្ទាល់អំពីព្រះគ្រីស្ទ |
តើអ្នកបានរៀនអ្វីខ្លះអំពីការថ្វាយបង្គំ និងការធ្វើជាសាក្សី ? |
|---|---|
ទីបន្ទាល់អំពីព្រះគ្រីស្ទ ពួកគង្វាល ( លូកា ២:៨–២០ ) | តើអ្នកបានរៀនអ្វីខ្លះអំពីការថ្វាយបង្គំ និងការធ្វើជាសាក្សី ? |
ទីបន្ទាល់អំពីព្រះគ្រីស្ទ ស៊ីម៉ូន ( លូកា ២:២៥–៣៥ ) | តើអ្នកបានរៀនអ្វីខ្លះអំពីការថ្វាយបង្គំ និងការធ្វើជាសាក្សី ? |
ទីបន្ទាល់អំពីព្រះគ្រីស្ទ អាណា ( លូកា ២:៣៦–៣៨ ) | តើអ្នកបានរៀនអ្វីខ្លះអំពីការថ្វាយបង្គំ និងការធ្វើជាសាក្សី ? |
ទីបន្ទាល់អំពីព្រះគ្រីស្ទ ពួកហោរា ( ម៉ាថាយ ២:១–១២ ) | តើអ្នកបានរៀនអ្វីខ្លះអំពីការថ្វាយបង្គំ និងការធ្វើជាសាក្សី ? |
សូមមើលផងដែរ នីហ្វៃទី ១ ១១:១៣–២៣; នីហ្វៃទី ៣ ១:៥–២១;វីដេអូអំពី « Shepherds Learn of the Birth of Christ » និង « The Christ Child Is Presented at the Temple » ( វីដេអូ, LDS.org ) ។
ឪពុកម្ដាយអាចទទួលបានវិវរណៈដើម្បីការពារដល់ក្រុមគ្រួសាររបស់ពួកគេ ។
យ៉ូសែប ពុំធ្លាប់បានធ្វើនូវអ្វីដែលលោកត្រូវបានសុំឲ្យធ្វើ—ដើម្បីការពារដល់ព្រះយេស៊ូវកាលពីកុមារភាពរបស់ទ្រង់—ដោយគ្មានជំនួយពីស្ថានសួគ៌នោះទេ ។ ដូចជាពួកហោរា គាត់បានទទួលវិវរណៈមួយដែលព្រមានដល់គាត់អំពីគ្រោះថ្នាក់ ។ នៅពេលអ្នកអានអំពីបទពិសោធន៍របស់យ៉ូសែប ចូរគិតអំពីគ្រោះថ្នាក់ខាងសាច់ឈាម និងខាងវិញ្ញាណដែលប្រឈមចំពោះក្រុមគ្រួសារសព្វថ្ងៃនេះ ។ ចូរពិចារណាអំពីបទពិសោធន៍ទាំងឡាយនៅពេលអ្នកបានទទួលអារម្មណ៍ដឹកនាំរបស់ព្រះនៅ ក្នុងការការពារដល់រូបអ្នក និងគ្រួសាររបស់អ្នក ឬមនុស្សជាទីស្រឡាញ់របស់អ្នក ។ ចូរគិតចែកចាយពីបទពិសោធន៍ទាំងនេះជាមួយនឹងអ្នកដទៃ ។ តើអ្នកអាចធ្វើអ្វីខ្លះដើម្បីទទួលបានការដឹកនាំដូច្នោះនាពេលអនាគត ?
បន្ថែមពីលើនោះទៀត អ្នកអាចនឹងពិចារណា ថានឹងមើលវីដេអូ « The First Christmas Spirit » ( LDS.org ) សម្រាប់ជាការបរិយាយមួយអំពីអ្វីដែលយ៉ូសែបអាចមានអារម្មណ៍ នៅពេលលោកមានការទទួលខុសត្រូវក្នុងការមើលថែដល់ព្រះរាជបុត្រានៃព្រះ ។
ទោះជានៅក្នុងយុវវ័យ ព្រះយេស៊ូវបានផ្ដោតទៅលើការធ្វើតាមព្រះហឫទ័យរបស់ព្រះវរបិតាទ្រង់ ។
ក្នុងនាមជាយុវជនមួយរូប ព្រះអង្គសង្គ្រោះបានបង្រៀនដំណឹងល្អយ៉ាងមានអានុភាពដែលសូម្បីតែគ្រូបង្រៀននៅក្នុងព្រះវិហារក៏មានការអស្ចារ្យចំពោះ « ប្រាជ្ញា និងពាក្យចម្លើយ » របស់ទ្រង់ផងដែរ ( លូកា ២:៤៧ ) ។ តើអ្នកបានរៀនអ្វីខ្លះមកពីខគម្ពីរទាំងនេះ អំពីព្រះអង្គសង្គ្រោះ កាលទ្រង់ជាយុវជនមួយរូប ? តើមនុស្សវ័យក្មេងដែលអ្នកស្គាល់កំពុងព្យាយាមដើម្បីធ្វើ « កិច្ចការរបស់ព្រះបិតា [ របស់ពួកគេ ] » យ៉ាងដូចម្ដេច ? ( លូកា ២:៤៩ ) ។ តើពួកយុវវ័យ និងកុមារតូចៗ បានជួយអ្នកទទួលបានការយល់ដឹងអំពីដំណឹងល្អកាន់តែជ្រាលជ្រៅយ៉ាងដូចម្ដេច ? តើអ្នកបានរៀនអ្វីខ្លះទៀតមកពីគំរូកាលពីកុមារភាព របស់ព្រះយេស៊ូវនៅក្នុង លូកា ២:៤០–៥២ និងនៅក្នុង ការបកប្រែដោយយ៉ូសែប ស្ម៊ីធ, ម៉ាថាយ ៣:២៤–២៦ (នៅក្នុងឧបសម្ព័ន្ធព្រះគម្ពីរបរិសុទ្ធ ) ?
« តើមិនជ្រាបថា គួរឲ្យខ្ញុំនៅក្នុងព្រះវិហាររបស់ព្រះវរបិតានៃខ្ញុំទេឬអី ? » ( លូកា ២:៤៩ ) ។
តើការបកប្រែរបស់យ៉ូសែប ស្ម៊ីធគឺជាអ្វី ?
ដោយសារតែ មានសេចក្ដីពិត « ដ៏ច្បាស់ និងពិសេសៗទាំងឡាយ » ត្រូវបានបាត់បង់ពីព្រះគម្ពីរបរិសុទ្ធអស់ជាច្រើនសតវត្សរ៍មកហើយនោះ ( នីហ្វៃទី ១ ១៣:២៨សូមមើលផងដែរម៉ូសេ ១:៤១ ) ព្រះអម្ចាស់បានបញ្ជាឲ្យយ៉ូសែប ស្ម៊ីធ ធ្វើកំណែព្រះគម្ពីរបរិសុទ្ធដ៏បំផុសគំនិតមួយ ដែលត្រូវបានស្គាល់ថាជាការបកប្រែរបស់យ៉ូសែប ស្ម៊ីធ ។ កំណែថ្មីជាច្រើនដែលត្រូវបានធ្វើឡើងដោយព្យាការី ត្រូវបានដាក់បញ្ចូលទៅក្នុងឧបសម្ព័ន្ធនៃការបោះពុម្ពព្រះគម្ពីររបស់ពួកបរិសុទ្ធថ្ងៃចុងក្រោយ ។ ការបោះពុម្ពនៃកំណែថ្មីនៃព្រះគម្ពីរប៊ីបរបស់ស្តេចជេមស៍របស់ប. ថ.ក ក៏មាននូវលេខយោងជាមួយនឹងកំណែថ្មីរបស់ព្យាការីផងដែរ ។ ការបកប្រែរបស់យ៉ូសែប ស្ម៊ីធអំពីម៉ាថាយ ២៤ត្រូវបានស្គាល់ថាជាយ៉ូសែប ស្ម៊ីធ--ម៉ាថាយអាចរកបាននៅក្នុងព្រះគម្ពីរមុក្តាដ៏មានតម្លៃមហិមា ។ សម្រាប់ព័ត៌មានបន្ថែម សូមមើល Bible Dictionary « ការបកប្រែដោយ យ៉ូសែប ស្មីធ »,« Bible, Inerrancy of, »Gospel Topicstopics.lds.org ។
គំនិតយោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ
នៅពេលអ្នកអានគម្ពីរជាមួយនឹងគ្រួសាររបស់អ្នក នោះព្រះវិញ្ញាណអាចជួយអ្នកស្គាល់ថាគោលការណ៍អ្វីដែលត្រូវគូសបញ្ជាក់ និងពិភាក្សាដើម្បីបំពេញតាមតម្រូវការរបស់គ្រួសារអ្នក ។ នេះ គឺជាការផ្ដល់យោបល់មួយចំនួន ៖
សូមអញ្ជើញសមាជិកគ្រួសារឲ្យជ្រើសរើសមនុស្សម្នាក់ដែលបានពិពណ៌នានៅក្នុង លូកា ២, ដោយអានខមួយចំនួនអំពីការប្រាស្រ័យទាក់ទងរបស់បុគ្គលនោះជាមួយនឹងព្រះអង្គសង្គ្រោះ ហើយចែកចាយអ្វីមួយដែលពួកគេបានរៀនដែលចម្រើនដល់សេចក្ដីជំនឿរបស់ពួកគេទៅលើព្រះយេស៊ូវគ្រីស្ទ ។ ច្រៀងរួមគ្នានូវបទ « ម៉ារ៉ាបំពេរកូន » ឬ « ចម្រៀងរឿងព្រេងណូអែល » សៀវភៅចម្រៀងកុមារ លេខ ២៨–២៩, ៣២–៣៣ ។ តើយើងរៀនអ្វីខ្លះ មកពីចម្រៀងទាំងនេះអំពីការប្រសូតរបស់ព្រះអង្គសង្គ្រោះ ?
តើអ្វីទៅជា« កិច្ចការរបស់ព្រះវរបិតា » ? ( សូមមើល ម៉ូសេ ១:៣៩ ) ។ តើយើងរៀនអ្វីខ្លះអំពីកិច្ចការនោះមកពីរឿងនេះ និងមកពីរឿងផ្សេងទៀតដែលព្រះយេស៊ូវបានធ្វើ និងបានបង្រៀននៅក្នុងជីវិតរបស់ទ្រង់ ? សូមពិចារណាធ្វើការកត់ត្រាអំពីរបៀបខ្លះៗដែលគ្រួសារអ្នកអាចចូលរួមនៅក្នុងកិច្ចការរបស់ព្រះវរបិតា ហើយដាក់វាចូលទៅក្នុងក្រឡកែវមួយ ។ អំឡុងសប្ដាហ៍ក្រោយ នៅពេលគ្រួសាររបស់អ្នកកំពុងរកមើលរបៀបដើម្បីធ្វើនូវកិច្ចការរបស់ព្រះវរបិតាសួគ៌នោះ ពួកគេអាចជ្រើសរើសគំនិតយោបល់មកពីក្រឡកែវនោះ ។ សូមរៀបចំពេលមួយជាពេលដែលអ្នកនឹងចែកចាយបទពិសោធន៍របស់អ្នក ។
តើយើងអាចរៀនអ្វីខ្លះមកពី លូកា ២:៥២ អំពីរបៀបដែលព្រះយេស៊ូវបានអភិវឌ្ឍនៅក្នុងជីវិតរបស់ទ្រង់ ? តើសមាជិកគ្រួសារអាចចម្រើន « ប្រកបដោយប្រាជ្ញារឹតតែច្រើនឡើង ហើយជាទីគាប់ព្រះហឫទ័យដល់ព្រះ និងចិត្តមនុស្សផង » តាមរបៀបណា ?
សម្រាប់គំនិតបន្ថែមដើម្បីបង្រៀនកុមារ សូមមើល គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់ថ្នាក់អង្គការបឋមសិក្សា ។
ការកែលម្អដល់ការសិក្សាផ្ទាល់ខ្លួន
ប្រើជំនួយការសិក្សាព្រះគម្ពីរ ដើម្បីទទួលបានគំនិតបន្ថែមនៅពេលអ្នកសិក្សាព្រះគម្ពីរ សូមប្រើធនធាន ដូចជាលេខយោង Topical Guide, Bible Dictionary, សេចក្ដីណែនាំដល់បទគម្ពីរទាំងឡាយ និងជំនួយការសិក្សាដទៃទៀត ដូចជា LDS.org និង សៀវភៅសិក្សាព្រះគម្ពីរសញ្ញាចាស់សម្រាប់សិស្ស ( សៀវភៅសិក្សាប្រព័ន្ធអប់រំសាសនាចក្រ ឆ្នាំ ២០១៤ ) ។
ព្រះអង្គសង្គ្រោះនៃពិភពលោក បានយាងមកផែនដីនៅក្នុងស្ថានភាពដ៏រាបសា ។