« 11–17 nō māti. Mataio 10–12; Mareko 2; Luka 7; 11: ‘’O taua tino ’ahuru ma piti nei tā Iesu i fa’atono’ », Mai, pe’e mai—nō te ta’ata hō’ē ’e te ’utuāfare : Faufa’a ’Āpī 2019 (2019)
« 11–17 nō māti. Mataio 10–12; Mareko 2; Luka 7; 11 », Mai, pe’e mai—nō te ta’ata hō’ē ’e te ’utuāfare : 2019
11–17 nō māti
Mataio 10–12; Mareko 2; Luka 7; 11
« ’O taua tino ’ahuru ma piti nei tā Iesu i fa’atono »
’A tai’o ai ’outou i te Mataio 10–12; te Mareko 2; ’e te Luka 7; 11, ’a pāpa’ipa’i i te mau mana’o e tae mai nō ’ō mai i te Vārua Maita’i. E ’ōpua i te feruri i te reira ’e i te tāpa’opa’o i te reira.
Tāpa’opa’o i te mau mana’o e tae mai ia ’outou
Tē parare ’oi’oi ra te parau nō te mau semeio fa’aorara’a a Iesu. E naho’a ta’ata tei ’āpe’e iāna, ma te tīa’i e fa’aorahia rātou i tō rātou mau ma’i. I te hi’ora’a rā te Fa’aora i te naho’a rahi, ’ua hau atu te mea tāna i ’ite, i tō rātou noa mau fifi tino. Ma te ’ī i te aroha, ’ua hi’o ’oia ia rātou « mai te māmoe tīa’i ’ore ra » (Mataio 9:36). « Tē rahi mau nei te ’auhune », ’ua parau ’oia, « tē iti nei rā te feiā e rave » (Mataio 9:37). Nō reira ’ua pi’i ’oia ’ahuru ma piti ’āpōsetolo, « ’ua tuu atura i te mana nō rātou » ’e ’ua tono atura ia rātou nō te ha’api’i ’e nō te tāvini « i te mau māmoe i mo’e i te ’utuāfare o ’Īserā’ela » (Mataio 10:1, 6). I teie nei mahana, tē tāmau noa nei te hina’aro rahi nō te feiā rave, nō te tāvini i te mau tamari’i a te Metua i te Ao ra. ’Ahuru ma piti noa ā ’āpōsetolo, ’ua rahi a’e rā te mau pipi nā Iesu Mesia i nā mua a’enei—e mau ta’ata e nehenehe e fa’a’ite i tō te ao ato’a nei ē : « Tē fātata mai nei te bāsileia o te ao » (Mataio 10:7).
Mau mana’o nō tā ’oe iho tuatāpapara’a pāpa’ira’a mo’a
Tē hōro’a nei te Fatu i tāna mau tāvini i te mana nō te rave i tāna ’ohipa.
Te mau arata’ira’a tā Iesu i hōro’a i roto i te Mataio 10, nō tāna ïa mau ’āpōsetolo, e tuha’a rā tā tātou pā’āto’a i roto i te ’ohipa a te Fatu. E aha te mana tā te Mesia i hōro’a i tāna mau ’āpōsetolo nō te tauturura’a ia rātou ’ai rave fa’aoti i tā rātou misiōni ? Nāhea e noa’a ai ia ’oe tōna mana i roto i te ’ohipa tei pi’ihia ’oe ia rave ? (hi’o 2 Korinetia 6:1–10; PH&PF 121:34–46).
Tē rave nei te Tino ’Ahuru Ma Piti ’āpōsetolo i te ’ohipa a te Fatu i teie mahana.
’A tai’o ai ’oe i te fa’auera’a ’ua hōro’a te Mesia i tāna mau ’āpōsetolo, e fāri’i mai paha ’oe i te mau mana’o nō ni’a i te ’ohipa ’ua hina’aro te Fatu ’ia rave ’oe. E nehenehe te hō’ē tāpura mai teie i muri nei e tauturu ia ’oe ’ia fa’anaho i tō ’oe mau mana’o :
|
Te mau mana’o i tae mai | |
|---|---|
|
’Ua hōro’a te Fa’aora i te mana i tāna mau pipi. | Te mau mana’o i tae mai E hōro’a mai te Atua iā’u i te mana i tītauhia nō te rave i tā’u ’ohipa. |
Te mau mana’o i tae mai |
Hi’o ato’a Hīro’a fa’aro’o 1:6.
’Ei roto vau i te tāvinira’a a te Fatu, e fa’auru mai ’oia iā’u i te mea e parau.
’Ua ’ite ātea te Fatu ē e hāmani-’ino-hia tāna mau pipi ’e e ’aimārōhia tō rātou fa’aro’o—e ’ohipa tū’ati i te mea e fa’aruru ra te mau pipi i teie nei mahana. ’Ua parau fafau rā ’oia i te mau pipi ē, e ’ite ’iho ā rātou nā roto i te Vārua i te mea e parau atu. ’Ua tupu a’enei te tahi ’ohipa mai teie nō ’oe, i te fa’atupura’ahia teie parau hanahana i roto i tō ’oe orara’a, penei a’e i te taime ’ua fa’a’ite ’oe i tō ’oe ’itera’a pāpū, ’ua hōrō’a i te hō’ē ha’amaita’ira’a ’aore rā ’ua paraparau ’oe i te hō’ē ta’ata ? E ’ōpua i te fa’a’ite i te ’ohipa i tupu nō ’oe i te feiā tā ’oe i here ’aore rā e pāpa’ipa’i i te reira i roto i te hō’ē buka tāmahana.
Hi’o ato’a Luka 12:11–12; Te Parau Ha’api’ira’a ’e te mau Parau Fafau 84:85.
E aha te aura’a te parau a Iesu « ’Aore au i hōpoi mai i te hau, i te ’o’e rā » ?
’Ua ha’api’i Elder D. Todd Christofferson ē : « ’Ua pāpū iā’u ē, e rave rahi o ’outou tei fa’aru’ehia ’e tei tati-’ē-hia e te metua tāne ’e te metua vahine, ’e te taea’e ’e te tuahine i te fāri’ira’a ’outou i te ’evanelia a Iesu Mesia ’e i te ravera’a ’outou i tāna fafaura’a. ’Ātīrā ïa, ’ua tītau tō ’outou here pūai a’e i te Mesia i te fa’atusiara’a o teie mau aura’a iti, ’e ua tahe tō ’outou roimata nō te reira. Noa atu rā te reira, ’aita tō ’outou iho here i iti a’e, ’e tē tāpe’a māite ra ’outou i raro a’e i teie sātauro, ’e tē ha’amā ’ore nei ’outou i te Tamaiti a te Atua » (« Finding Your Life », Ensign, Māti 2016, 28).
Te ineinera’a ’ia ’ere i teie mau aura’a iti nō te pe’e i te Fa’aora, e ’āpe’ehia ïa e te parau fafau ē : « [’O] te tu’u noa i tōna ora nō’u nei, e ora ïa tōna » (Mataio 10:39).
E ha’amāmā Iesu Mesia i tā’u hōpoi’a i te taime e tūru’i au i ni’a iāna ’e tāna tāra’ehara.
E mau hōpoi’a tā tātou pā’āto’a e amo nei—tē vai ra nō tā tātou iho mau hara ’e mau ’ohipa hapehape, tē vai ra nō te mau mā’itira’a a vetahi ’ē ’e tē vai ra e ’ere te ta’ata te tumu, e tuha’a noa rā nō te orara’a i ni’a i te fenua nei. Noa atu ā te tumu o tā tātou mau tāfifira’a, tē tāparu nei Iesu ia tātou ’ia haere mai iāna, ’ia ti’a iāna ’ia tauturu mai i te amo i tā tātou mau hōpoi’a, ’ia māmā te reira (hi’o ato’a Mosia 24). ’Ua ha’api’i Elder David A. Bednar : « ’Ia rave ’e ’ia ha’apa’o tātou i te mau fafaura’a mo’a, nā te reira e tā’amu ia tātou i ni’a i te Fatu ia Iesu Mesia » (« Fa’a’oroma’i i te mau ’ati ma te paruparu ’ore », Ensign ’aore rā Liahona, Mē 2014, 88). E tāpe’a noa i te reira i roto i te ferurira’a ’e ’a feruri i te mau uira’a mai teie i muri nei nō te māramarama maita’i a’e i te mau parau a te Fa’aora i roto i teie mau ’īrava : « Nāhea tā’u mau fafaura’a e tā’amu ’āpiti nei iā’u i te Fa’aora ? » « E aha te tītauhia iā’u ’ia rave nō te haere mai i te Mesia ? » ’aore rā « Mea nāhea te zugo a te Fa’aora i te marū ’e tāna hōpoi’a i te māmā ? »
E aha te tahi mau uira’a e tae mai i te ferurira’a ’ia tai’o ’oe ? E pāpa’ipa’i i te reira ’e e ’imi i te mau pāhonora’a i teie hepetoma i roto i te mau pāpa’ira’a mo’a ’e te mau parau a te mau peropheta. E ’ite ato’a paha ’outou i te tahi pāhonora’a i tā ’outou mau uira’a i roto i te a’ora’a a Elder David A. Bednar i fa’ahitihia i ni’a atu.
’A fa’a’ore-noa-hia tā’u mau hara, ’a rahi noa ato’a tō’u here i te Fa’aora.
Tē ’ite ra ānei ’oe ia ’oe iho i roto i te fa’ati’ara’a a teie mau ’īrava nō ni’a i te tere o te Fa’aora ia Simona te pharisea ? ’Ua hōho’a ānei ’oe ia Simona ? E aha tā ’oe e nehenehe e rave nō te pe’e i te hi’ora’a o te vahine i te fa’a’itera’a i te ha’eha’a ’e te here ia Iesu Mesia ? E taime ānei ’ua ’ite ’oe i te marū ’e te aroha tā te Fa’aora i fa’a’ite i teie vahine ? E aha tā ’oe e ha’api’i ra i roto i teie mau ’īrava nō ni’a i te huru te fa’aorera’a hara e ha’apūai nei i tō tātou here i te Fa’aora ?
Mau mana’o nō tā te ’utuāfare tuatāpapara’a pāpa’ira’a mo’a ’e nō te purera’a pō ’utuāfare
’Ia tai’o ’outou i te mau pāpa’ira’a mo’a ’e te ’utuāfare, e nehenehe te Vārua e tauturu mai ’ia ’ite e aha te mau parau tumu e ha’afaufa’a ’e e ’āparau nō te pāhono i te mau hina’aro o te ’utuāfare. Teie te tahi mau mana’o :
’Ia hi’o tātou i te mau poro’i o te ’āmuira’a rahi i ma’iri a’enei, e aha te huru tātou te ’utuāfare i te fāri’ira’a ’e i te pe’era’a i te parau a’o a te mau ’āpōsetolo i tō tātou nei anotau ? Nāhea tā tātou ha’apa’ora’a i tā rātou parau a’o e ha’afātata nei ia tātou ia Iesu Mesia ?
E nehenehe e taututu i tō ’outou ’utuāfare ’ia hi’o mana’o i te mau ha’api’ira’a a te Fa’aora i roto i teie mau ’īrava nā roto i te fa’ahutira’a ia rātou i te hō’ē mea toiaha, e fa’a’ohu rātou, hō’ē ta’ata nā mua te huti, i muri iho e tauturu te tahi iāna. E aha te tahi hōpoi’a tā tātou e amo nei ? E aha te aura’a nō te ravera’a i te zugo a te Mesia i ni’a ia tātou ? E tauturu te hōho’a i roto i teie arata’ira’a ha’api’ira’a ’ia fa’a’ite e aha te hō’ē zugo.
Nāhea tātou i te « rave maita’i » i te mahana sābati ? (Mataio 12:12). Nāhea te Fa’aora e nehenehe e fa’aora i tō tātou mau ma’i i te sābati ?
Nō te mau mana’o hau atu nō te ha’api’ira’a i te mau tamari’i, hi’o te arata’i ha’api’ira’a o teie hepetoma i roto Mai, pe’e mai—nō te Paraimere.
Ha’amaita’i i tā ’oe iho tuatāpapara’a pāpa’ira’a mo’a
Faʼaroʼo i te Vārua. ’Ia rave ’outou i te tuatāpapara’a, e hi’o maita’i i te mau mana’o i roto i tō ’outou ferurira’a ’e tō ’outou ’ā’au (hi’o PH&PF 8:2–3), noa atu ā e au ē ’aita e tū’atira’a i te mau mea tā ’outou e tai’o ra. Penei a’e ’o te reira mau mana’o te mea mau tā te Atua e hina’aro ra ’ia ’ite ’outou ’e ’ia rave ’outou.
’Ua parau te Fa’aora : « ’A rave mai i ta’u zugo i nia ia ’outou » (Mataio 11:29).
Kirtland and the First Temple, nā Dan Burr