“18--24 Mati Mataio 13; Luka 8; 13; ‘O Le Ua I Ai Taliga e Faalogo Ai, ina Faalogo Mai ia o Ia’” Sau, Mulimuli Mai ia te au---Mo Tagata Taitoatasi ma Aiga: Feagaiga Fou 2019 (2019)
“18--24 Mati Mataio 13; Luka 8; 13” Sau, Mulimuli Mai ia te Au---Mo Tagata Taitoatasi ma aiga: 2019
18--24 Mati
Mataio 13; Luka 8; 13
“O Le Ua I Ai Taliga e Faalogo Ai, Ina Faalogo Mai ia o Ia”
A o e faitauina le Mataio 13 ma le Luka 8; 13, mafaufau pe o le a faapefea ona e saunia oe lava e “faalogo” ma talisapaia aoaoga a le Faaola i nei faataoto. O le a se mea o le a e faia e faaaoga ai nei aoaoga i lou olaga?
Tusifaamaumau Ou Lagona Uunai
O nisi o aoaoga aupito manatua pea a le Faaola sa aumai i ni tala faigofie e ta’ua o faataoto. Sa sili atu i le na o se talafaatusa malie e uiga i mea faitino masani po o mea na tutupu. Sa aofia ai upumoni maoae e uiga i le malo o le Atua mo i latou o e sa saunia faaleagaga. O se tasi o uluai faataoto na tusia i le Feagaiga Fou---o le faataoto i le lulu saito (tagai Mataio 13:3–23)—e valaaulia ai i tatou e suesue lo tatou saunia e talia le afioga a le Atua. “Aua o ai lava e taliaina,” na fetalai ai Iesu, “o ia lea o le a tuuina atu i ai, ma o le a ia maua atili ai lava” (Faaliliuga Iosefa Samita, Mataio 13:10 [i le Mataio 13:12, vaefaamatalaga ])a]). O lea a o tatou sauniuni e suesue i faataoto a le Faaola---po o soo Sana aoaoga---o se nofoaga lelei e amata ai o le suesueina lea o o tatou loto ma ia naunau pe o tatou tuuina le upu a le Atua i se “eleele lelei” lea e ola ai, ma fuga mai, ma talaulau, ma fua mai ai ni fua o le a faamanuiaina ai i tatou ma o tatou aiga (Mataio 13:8).
Manatu mo Suesuega Faaletagata Lava Ia
O le a “le malo ole lagi” lea na faasino i ai Keriso i le Mataio 13?
I le mataupu lenei, “o le malo o le lagi e faasino i le Ekalesia moni a Keriso, o le malo lea o le lagi i luga o le fogaeleele. Mo nisi faamatalaga, tagai i le Bible Dictionary, “Kingdom of heaven or kingdom of God.”
E tatau ona saunia lo’u loto mo le mauaina o le afioga a le Atua.
Aisea e talia gofie ai e nisi loto le upumoni ae foliga e teena e nisi? O le faitauina o le faataoto i le tagata lulu saito o se avanoa lelei lea e mafaufau ai e uiga i le ala e te maua ai le upumoni mai le Alii. E ono fesoasoani le faafetaui muamua o fuaiupu 3–8 o Mataio 13 ma faaliliuga o loo maua i fuaiupu 18–23. E le a se mea e mafai ona e faia e atinae ai se “eleele lelei” ia te oe lava ia? O a ni mea e ono avea ma “mea matuitui” lea e taofia ai oe mai le faalogo ma mulimuli i le afioga a le Atua?
Tagai foi Luka 13:34; Mosaea 2:9; 3:19; Alema 12:10–11; 32:28–43; Dallin H. Oaks, “O Le Faataoto i le Lulu Saito,” Ensign po o le Liahona, Me 2015, 32–35.
Ua fesoasoani faataoto a Iesu ua ou malamalama ai i le ola ma le taunuuga o Lana Ekalesia.
Sa aoao mai e le Perofeta o Iosefa Samita e faapea o faataoto o i le Mataio 13 o loo faamatala mai ai le ola ma le taunuuga o le Ekalesia i aso e gata ai (tagai Aoaoga a Peresitene o le Ekalesia: Iosefa Samita [2007], 293–303). A o e faitauina nei faataoto, tusi i lalo mea o loo aoao ai oe e uiga i le Ekalesia a le Alii (atonu e te manao e faasino i le mea na aoao mai e le Perofeta o Iosefa Samita e uiga i nisi o nei faataoto):
-
O le saito ma le titania (13:24–30, 36–43): E ola faatasi e amioleaga ma e amiotonu seia oo i le iuga o le lalolagi.
-
O le fua o le sinapi (Mataio 13:31–32):
-
O le mea faafefeteina (13:33):
-
O le oa natia ma le penina tau tele (13:44–46):
-
O le upega(13:47–50):
-
O le matai o le aiga (13:52):
A uma ona manatunatu loloto i nei faataoto, o le a se mea ua musuia oe e fai ina ia atili auai atoatoa i le faatinoga o le galuega a le Ekalesia a Keriso i aso e gata ai? O a ni fesili e oo mai i lou mafaufau e mafai ona fesoasoani ia te oe e faaaoga ai nei faataoto? Mo se faataitaiga, “O le a se mea ua ou naunau e ositaulaga mo le Ekalesia?”
Tagai foi Bible Dictionary, “Leaven,” “Parables.”
O le talalelei a Iesu Keriso o se “penina tau tele” (Mataio 13:46).
E ao ona ola le amiotonu faatasi ma e amioleaga seia oo i le iuga o le lalolagi.
O se tasi auala e faavasega ai lenei faataoto o le tusi lea o se ata o le faataoto ma faaigoa i faaliliuga o i le Mataio 13:36–43 ma le Mataupu Faavae ma Feaaiga 86:1–7. O le titania “o se vao e oona, lea vagana ua oo ina oso mai fua, e talitutusa ma le foliga mai o le saito” (Bible Dictionary, “Tares”). O a upumoni o i lenei faataoto ua musuia ai oe e tumau faamaoni e ui i le amioleaga o i le lalolagi?
O a ni auala na auauna atu ai ni “fafine e toatele” i le Faaola?
“Sa malaga ni soo fafine faatasi ma Iesu ma le Toasefululua, ma aoao mai ai faaleagaga ia [Iesu] ma auauna atu ia te Ia i le tino. … E le gata ina maua le auaunaga a Iesu---o le tala fiafia o Lana talalelei ma faamanuiaga o Lona mana faamalolo---sa auauna atu foi nei fafine ia te Ia, ma avatu a latou mea ma le loto faamaoni” (O Afafine i Lo’u Malo [2011], 4). O fafine o e na mulimuli i le Faaola sa latou tuuina mai foi se molimau mamana ia te Ia (tagai Linda K. Burton, “O Fafine Mausali,” Ensign po o le Liahona, May 2017, 12–15).
Manatu mo Suesuega Faaleaiga o Tusitusiga Paia ma Afiafi Faaleaiga
A o e suesue ma lou aiga aoaoga a le Faaola, e mafai ona fesoasoani le Agaga ia te oe e iloa ai po o a mataupu faavae e faamamafa ma talanoaina ina ia taulima ai manaoga o lou aiga. O ni nai fautuaga nei:
A o faitauina e tagata o lou aiga ia faataoto a le Faaola, atonu latou te fiafia e mafaufau i ni a latou lava faataoto e aoao mai ai ia lava upumoni e uiga i le malo o le lagi (le Ekalesia), e faaaoga ai mea faitino po o tulaga latou te masani ai.
O le a se mea e mafai ona tatou faia o se aiga e atinae ai le “eleele lelei” i o tatou loto ma i o tatou fale? Mataio 13:23 Afai e i ai ni au fanau laiti i lou aiga, e mafai ona malie pe a valaaulia tagata o le aiga e faatino ni auala eseese e saunia ai o tatou loto e faalogo i le afioga a le Atua a e mate mai e isi tagata o le aiga pe o le a la latou mea la e fai.
E mafai faapefea ona e fesoasoani i tagata o lou aiga ia malamalama i le taua o le talia ma le naunautai o le afioga a Keriso? Mo se faataitaiga, pupuni taliga o se tagata o le aiga a o e faitauina lemu le Mataio 13:13–16. O a ni mea na malamalama ai lena tagata mai fuaiupu? O le a le matafaioi a o tatou mata, taliga, ma loto i le taliaina o le afioga a le Atua? O a ni auala tatou te pupunia ai o tatou mata, taliga, ma loto i le afioga a le Atua?
O mea e tutusa ai tagata e toalua i nei faataoto? E i ai ni mea faaopoopo e tatau ona tatou faia o ni tagata taitasi ma o se aiga ina ia faamuamua ai le malo o le Atua i o tatou olaga?
E mafai faapefea ona tatou mulimuli i le faataitaiga a le Faaola ma faasaoloto tagata mai le nofopologa?
Mo nisi manatu mo le aoaoina atu o le fanau, tagai i le otootoga o lenei vaiaso i le Sau, Mulimuli Mai ia te A’u—Mo le Peraimeri.
Faaleleia o Lo Tatou Aoao Atu
Tauloto se mau. Filifili se mau e anoa faapitoa i lou aiga, ma valaaulia tagata o le aiga e taulotoina. Na aoao mai Elder Richard G. Scott, “O se mau ua taulotoina e avea o se uo tumau e le faavaivaia i se taimi o le olaga” (“O Le Mana o Tusitusiga Paia,” Ensign po o le Liahona, Nov. 2011, 6).
Faataoto i le Lulu Saito, saunia e George Soper