Karua ni Lako Mai

Na iKarua ni Lako Mai, mai vei Harry Anderson

Me 27–June 2

Josefa Simici—Maciu 1; Maciu 25; Marika 12–13; Luke 21

“Sa Lako Mai na Luve ni Tamata”

Ni o wilika na Josefa Simici—Maciu 1; Matthew 25; Marika 12–13; kei na Luke 21, o na taroga beka, “Na itukutuku cava e tiko ena veiwasea oqo e baleti au? Noqu matavuvale? Kei na noqu veikacivi?”

Vola na Nomu Veivakasama

Eratou kunea beka na tisaipeli nei Jisu ni veivakakidacalataki na Nona parofisai : na valetabu cecere e Jerusalemi, na valenisoqo vakayalo ni Jiu, ena vakacacani sara “ka talaraki sobu … ka sega e dua na vatu e taqa toka e delana.” E kena ivakarau ga era a via kila vakalevu cake na tisaipeli. “Sa yaco ni naica na veika oqo?” eratou sa taroga. “Ka cava nai vakatakilakila ni nomuni lako mai?” (Josefa Simici—Maciu 1:2–4). Na isaunitaro ni Vakabula ena vakatakila na veivakarusai levu ki Jerusalemi—e dua na parofisai ka vakavotukana ena —AD 70—ena lailai kevaka e vakatauvatani ki na ivakatakilakila ni Nona lako mai ena vakataotioti ni gauna. Na veika e dei cake mai na valetabu e Jerusalemi ena rawa ni sega ni tudei—na matanisiga, na vula, na kalokalo, na veimatanitu, kei na wasawasa. “Ka na yavalati na veikaukauwa vakalomalagi” (Josefa Simici—Maciu 1:33). Kevaka eda sa kila vakayalo, na veivakacacani oqo ena rawa ni vakavulici keda meda nuitaka e dua na ka e tudei dina sara. Me vaka e yalataka o Jisu, “Ena takali ko lomalagi kei vuravura, ia na noqu vosa ena sega ni takali. … Ia ko koya ena tugana na noqu vosa, ena sega ni vakacalai” (Josefa Simici—Maciu 1:35, 37).

ivakatakilakila ni vuli yadua

Vakasama eso ni Vuli iVolanikalou Yadua

Josefa Simici—Maciu

Na cava na Josefa Simici—Maciu?

Na cava na Josefa Simici—Maciu, e tiko ena Mataniciva Talei, e tikini ni Vakadewa nei Josefa Simici ena Volatabu. E tiko kina na veivakavoui ena na otioti n tikina ena Maciu 23 kei na veika kece ena Maciu 24 (raica na Bible Dictionary, “Vakadewa nei Josefa Simici”). E vakalesuya mai na veivakavoui nei Josefa Simici na veidina talei ka sa mai yali. Tikina e 12–21 ni Josefa Simici—Maciu e tukuna tiko na vakarusai nei Jerusalemi ena veigauna makawa; tikina e 21–55 e tiko kina na parofisai ni vakataotioti ni gauna.

Josefa Simici—Maciu 1:21–37; Marika 13:21–37; Luke 21:25–38

Na parofisai me baleta na Karua ni Lesu mai ni iVakabula ena rawa ni vukei au me’u vakanamata ki na veisiga ni mataka ena vakabauta.

Ena rawa ni veivakayavalati na wiliki ni veika ena yaco ena Karua ni Lako mai nei Jisu Karisito. Ia, ni a parofisaitaka o Jisu na veika oqo, e tukuna O Koya vei na Nona tisaipeli “mo dou kakua ni kidroa” (Josefa Simici—Maciu 1:23). Ena rawa vakacava ni o “kakua ni kidroa” ni o rogoca na veika me baleta na uneune, ivalu, veicavilaki, kei na lauqa? Vakasamataka na veitaro oqo ni o wilika na veitikina oqo. Makataka se toqa toka eso na ivakasala o kunea.

Raica talega na Vunau kei na Veiyalayalati 29:14–21; 38:30; 45:16–52; 88:86–94; “Second Coming of Jesus Christ,” iUlutaga Vakosipeli, topics.lds.org.

Josefa Simici—Maciu 1:26–27, 38–55; Maciu 25:1–13; Luke 21:29–36

Meu na dauvakavakarau tu ga ki na nona Karua ni Lako mai na iVakabula.

E sega ni vakatakila na Kalou “sa sega ni dua e kila na tiki ni siga sa lako mai na Luveni tamata” (Maciu 25:13). E sega ni vinakata o Koya me yaco mai na siga oya meda “kidacala” (Luke 21:34), sa vakasalataki keda o Koya ena sala meda vakavakarau kina.

Ni o wilika na veitikina oqo, raica matua na vosavakatautauvata kei na so tale na vakatautauvata e vakayagataka nai Vakabula me vakavulica vei keda meda dau vakavakarau ki na Karua ni Nona Lako mai. Na cava o vulica mai kina? Na cava o sa vakauqeti mo cakava?

Maciu 25:14–30

E namaka vei au na Tamada Vakalomalagi meu vakayagataka vakavuku na Nona isolisoli.

Ena nona gauna na iVakabula, na “taledi” era vakatoka me ilavo. Ia, na vosavakatautauvata ni Turaga me baleta na taledi e rawa ni vakavulica vei keda na veika e vinakata o Koya meda vakayagataka vakacava na veivakalougatataki e solia mai o Koya. E namaka na Turaga meda vakavinakataki keda ena veika e sa solia vei keda. Ni o wilika na vosavakatautauvata oqo, vola e dua na ituvatuva ni veivakalougatataki kei na madigi e sa solia vei iko na Tamada Vakalomalagi. Na cava e namaka o Koya meda cakava ena veivakalougatataki oqori? O rawa ni vakayagataka vakavuku vakacava na isolisoli eso oqori? E sa vakalevutaki vakacava na nomu taledi ni o qarava na Turaga?

Maciu 25:31–46

Niu sa qaravi ira na tani au sa qarava tiko na Kalou.

Kevaka o dau vakasamataka tu beka se na lewa vakacava na Turaga na nomu bula, wilika na vosa vakatautauvata ni sipi kei na me. Na cava e bibi duadua ni o tu e matana na Karisito?

Raica talega na Mosaia 2:17.

Marika 12:18–27

Ena tomani tiko beka ga na vakamau ni oti na Tucake tale?

Eda vulica mai na vakatakila ni gauna oqo mai na tukutuku ni “Ni rau sa biuti vuravura erau sa sega ni veiwatini se soli me veiwatini” e vakaibalebale tiko vei ira era sega ni curu ena veiyalayalati ni vakamau vakaselesitieli (raica na VV 132:15–16). Na vakamau vakaselesitieli, “kevaka sa vakamautaka na watina e dua na tagane ena veiyalayalati vou ka sega ni mudu,” ena “tawamudu” kevaka erau sa dina ki na nodrau veiyalayalati na veiwatini (VV 132:9).

ivakatakilakila ni vuli vakavuvale

Eso na Vakasama me baleta na Vuli iVolanikalou Vakavuvale kei na Lotu Vakavuvale ena Moniti

Ni o wilika na ivolanikalou kei na nomu vuvale, ena rawa ni vukei iko na Yalo mo kila na ivakavuvuli cava mo vakabibitaka ka veivosakitaka me rawa ni sotavi kina na gagadre ni nomu vuvale. Oqo eso na vakatutu:

Josefa Simici—Maciu

Me vukea nomu vuvale ena kena vakadikevi na iwase oqo, sureti ira me ra vakasaqara na ivakavuvuli ni iVakabula kei na sala eda rawa ni vakavakarau kina ki na iKarua ni Nona Lako mai (raica, me ivakaraitaki, tikina e 22–23, 29–30, 37, 46–48). Na cava e rawa ni cakava na nomu vuvale me vakamuria kina na ivakasala?

Josefa Simici—Maciu 1:22, 37

Na cava na ibalebale ni vakamareqeta na vosa ni Kalou? Meda cakava rawa vakacava oqo vakamatavuvale? Ni da cakava oqo, ena vukei keda vakacava meda levea na veivakasini?

Maciu 25: 1--13

E rawa ni o vakayagataka na iyaloyalo ni tini na yalewa ka sala vata kei na idusidusi oqo me veitalanoataki na Maciu 25:1–13. Na vakamatailalai cava era raica na lewe ni matavuvale ena iyaloyalo ka vakamacalataki ena veitikina oqo?

Era na taleitaka beka na lewe ni matavuvale na vasaqara na tikini pepa e vakaturumi tu kina na waiwai o sa vunitaka tu? E rawa ni o biuta vata tu na tuturu oqori ki na veika e matataka ki na lewe ni matavuvale na veika e vakaqaqacotaka na nodra ivakadinadina ka vakavakarau ki na Karua ni Lako mai, me vaka na ivolanikalou, isulu ni lotu, se e dua nai yaloyalo ni valetabu.

Marika 12:38–44; Luke 21:1–4

Na cava eda vulica mai na ivakaraitaki ni yada? Na cava e vakavulica vei ira Nona tisaipeli na iVakabula me baleta na isolisoli? Vakaraitaka e dua na tiki dua ni soli katini, ka qai veitalanoataka na isolisoli ni nomu matavuvale kivua na Turaga kei na veika e veivuke kina na veisolisoli oqo ena kena taraicake na matanitu ni Kalou. Eso tale beka nai solisoli e solia tiko na nomu matavuvale ka sega ni volai ena tiki dua ni soli katini?

Na tiki ni Siliva ni Yada

Na tiki ni Siliva ni Yada mai vei Sandra Rast

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Vakavinakataki ni Vuli Yadudua

Vakarautaka na vanua e vakavolivoliti iko. “Na veika e tiko wavoliti keda ena rawa ni veivakayarayarataki bibi ki na noda rawa ni vulica ka vakila na dina” (Veivakavulici ena iVakarau ni Vakabula, 15). Saga mo vaqara e dua na vanua o na rawa ni vakila kina na veivakauqeti ni Yalo Tabu ni o vulica na ivolanikalou. Na sereivakatagi kei na iyaloyalo e rawa ni sureta na Yalo.

Goneyalewa e Lewe Tini

E Lima Vei Ira E Vuku, mai vei Walter Rane