And It Was Night, mai vei Benjamin McPherson

June 10–16

Maciu 26; Marika 14; Luke 22; Joni 18

“Ia Me Kakua ni Vaka na Noqu Lewa, Me Vaka Ga Na Nomu Lewa”

Ni ko wilika na veika e vakamacalataki ena Maciu 26; Marika 14; Luke 22; kei na Joni 18, yadrava na veivakila ko ciqoma, vakabibi na veivakayarayarataki mo veisautaka nomu bula.

Vola na Nomu Veivakasama

E a tolu ga na ivakadinadina bula ki na rarawa i Jisu Karisito ena Were mai Kecisemani - ia e ratou moce ena levu ga na gauna. Mai na were ka e muri ena kauveilatai, e a kauta vua ko Jisu na ivalavala ca, mosi, kei na rarawa ni tamata kecega ka ra bau bula, e dina ga ni sega ni dua e bula tu ena gauna koya e a kidava na ka e sa yaco tiko. Ia e yaco, na veika bibi taudua ni tawamudu e dau lakosivi vakawasoma ka dau sega ni yadrava ko vuravura. Na Kalou ko Tamada, e yasakadua, e kila tu. E a rogoca na vakamamasu nei Luvena daudina: “Tamaqu, kevaka ko ni sa vinakata, ni kauta tani vei au na bilo oqo: ia me kakua ni yaco na noqu lewa, me yaco ga na nomuni lewa. A sa rairai mai vei koya e dua na agilosi mai lomalagi, a sa mai vakaukauwataki koya” (Luke 22:42–43). Eda a sega beka ni tiko vakayago meda vakadinadinataka na cakacaka qo ni nanuma na tani kei cuva ki na lewa, ena dua na rai, eda rawa ni ivakadinadina kece ni Veisorovaki nei Jisu Karisito. Ena veigauna kece eda veivutuni ka ciqoma na veivosoti ni noda ivalavala ca ia na veigauna kece eda vakila na kaukauwa veivakabulabulataki ni iVakabula, e rawa ni da vakadinadinataka na ka e yaco mai na Were mai Kecisemani.

Vakasama eso ni Vuli iVolanikalou Yadua

Maciu 26:17–30; Marika 14:12–26; Luke 22:7–39

Na sakaramede e madigi me nanumi kina na iVakabula.

Na cava o dau cakava mo nanumi ira kina na tamata ka ra bibi e nomu bula? Ena nona vakatakila na sakaramede na iVakabula vei iratou na Nona tisaipeli, e a kaya, “Dou cakava oqo mo dou vakananumi au kina” (Luke 22:19; raica talega 3 Nifai 18:7). E yaco vakacava na madrai, wai, kei na veitiki tale ni cakacaka tabu oqo me na vukei iko mo nanumi Koya kei na Nona rarawa? Vakasamataka na taro oqo ni o wilika baleta na imatai ni sakaramede. Kena ikuri, raica na ka vulici tale kunei ena iVakadewa nei Josefa Simici (raica draunipepa e ra kei na Bible appendix).

Taura e dua na gauna mo vakananuma kina na ka o vakila ena gauna ni sakaramede e veimacawa. Na cava o rawa ni cakava me vakaibalebale vakalevu cake? E rawa beka ni o vola e vica na ka o vakauqeti mo nanuma me baleta na iVakabula—Nona ivakavuvuli, Nona cakacaka ni loloma, na gauna ko vakila kina ni o voleka Vua, se na ivalavala ca kei na mosi e taura Vua ena vukumu.

Raica talega 3 Nifai 18:1–13; Vunau kei na Veiyalayalati 20:76–79; “Sacrament,” Gospel Topics, topics.lds.org; “Always Remember Him” (video, LDS.org).

Maciu 26:36–46; Marika 14:32–42; Luke 22:40–46

Sa Vakararawataki na iVakabula mai Kecisemani ena vukuqu.

Peresitedi Russell M. Nelson e sureti keda meda “solia noda gauna meda vulica kina baleta na iVakabula kei na Nona solibula ni veisorovaki” (“Vagolea Mai na Mana Nei Jisu Karisito ki na Noda Bula,” Ensign se Liaona, Me 2017, 40).

Vakananuma na cava mo na cakava mo ciqoma kina na veisureti nei Peresitedi Nelson. E rawa ni ko tekivu ena vakanananu titobu ena masu baleta na rarawa ni iVakabula mai Kecisemani, me vaka e vakamacalataki ena veitikina oqo, ka vola na veivakila kei na taro eso o vakasamataka.

Ena vuli titobu tale me baleta na iVakabula kei na Nona Veisorovaki, tovolea mo vakasaqaqara ena ivolanikalou tale eso me sauma na taro vakaoqo:

• Na cava e bibi dina kina Veisorovaki ni iVakabula? (Raica nae 2 Nifai 2:5–10, 17–26; 9:5–26; Alama 34:8–16; 42:9–26.)

• Na cava e a sotava na iVakabula ena Nona vakararawataki? (Raica na Aisea 53:3–5; Mosaia 3:7; Alama 7:11–13; VV 19:16–19.)

• E tara vakacava noqu bula na vakararawataki nei Karisito? (Raica na Joni 10:10 – 11; Iperiu 4:14 – 16; 1 Joni 1:7; Alama 34: 31; Moronai 10:32 – 33; Dallin H. Oaks, “Vaqaqacotaki ena Veisorovaki i Jisu Karisito,” Ensign se Liaona, Nove. 2015, 61–64

• Taro tale eso:

Ni o vulica tiko na ka e yaco mai Kecisemani, e rawa ni vakatubu vakasama mo kila ni o Kecisemani e dua na were ni veiolive ka tiko kina e dua na iqaqi ni olive, ka vakayagataki me qaqia na olive ka kauta mai kina na waiwai ka vakayagataki ena cina kei na kakana kei na wainimate talega (raica Luke 10: 34) Na iwalewale ni kena vakayagataki e dua na icolacola bibi me kauta mai na waiwai olive e rawa ni vakatakarakarataka na bibi ni ivalavala ca kei na rarawa ka sa colata na iVakabula me baleti keda (raica na D. Todd Christofferson, “Tiko Ga ena Noqu Loloma,” Ensign se Liaona, Nove. 2016, 48–51).

Marika 14:27–31, 66–72; Luke 22:31–32

Na saumaki mai e ikalawa ka yaco tikoga.

Vakasamataka na veika e sotava ko Pita vata kei na iVakabula - na veicakacakamana e vakadinadinataka kei na ivakavuvuli e vulica. Na cava ga e kaya kina na iVakabula vei Pita, “Ni ko sa saumaki tale, mo vakataudeitaki ira na wekamu”? (Luke 22:32; vakaikuritaki). Na cava e vakavulica o Elder David A. Bednar e vakavulica na kedrau duidui na ivakadinadina kei na dina sa saumaki mai? (raica na “Saumaki vua na Turaga,” Ensign se Liaona, Nove. 2012, 106–9). Ni o wilika tiko na ka e sotava o Pita ena Marika 14:27–31, 66–72, vakasamataka na nomu saumaki vakai iko. Na lesoni cava o rawa ni vulica mai vei Pita? Ni ko wili kuria tiko na Veiyalayalati Vou, na ivakadinadina cava o kunea baleta na saumaki nei Pita kei na nona sasaga me vakataudeitaki ira na tani? A ciqoma na isolisoli ni Yalo Tabu sa na vakacava na kena revurevu ena nona saumaki mai? (raica na Joni 15:26–27; Cakacaka 1:8; 2:1–4).

Eso na Vakasama me baleta na Vuli iVolanikalou Vakavuvale kei na Lotu Vakavuvale ena Moniti

Ni tomani tiko nomu vulica na bula ni iVakabula kei na nomu vuvale, ena rawa ni vukei iko na Yalo mo kila na ivakavuvuli cava mo vakabibitaka ka veivosakitaka me rawa ni sotavi kina na gagadre ni nomu vuvale. Oqo eso na vakatutu:

Maciu 26:17–30; Marika 14:12–26; Luke 22:7–39

Na cava e vakila nomu matavuvale ena gauna ni sakaramede e veimacawa? Ni wiliki tiko na imatai ni sakaramede e rawa ni vakauqeta e dua na veitalanoa baleta na bibi ni sakaramede kei na sala eso ka rawa ni ra cakava kina na lewe ni vuvale na nodra sokalou me vakaibalebale vakalevu. Navuca mo vakaraitaka na itaba Passing the Sacrament (Gospel Art Book, no. 108) ka wasea na vakasama vakai kemudou me baleta na ka o rawa ni cakava ni se bera, ni yaco tiko, ka ni sa oti na sakaramede.

Luke 2: 40–46

Ni wilika tiko nomu matavuvale na veitikina oqo, e rawa ni ra veiwasei ena ka era vulica ni ra vulika tiko mai na ivolanikalou ka vakatututaki ena tabana ni vuli ivolanikalou yadudua “Na iVakabula e a vakarawarawataki mai Kecisemani ena vukuqu.”

Luke 2:50–51

Na cava eda vulica baleti Jisu mai na veika e yaco oqo?

Mo Kakua Mada ni Vakakoya, mai vei Walter Rane

Maciu 26:36–46; Marika 14:32–42; Luke 22:40–46

Na cava o vulica mai na nona vosa na iVakabula mai na veitikina oqo?

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Vakavinakataki ni Vuli Yadudua

Vulica na nodra vosa na parofita kei na iapositolo edaidai. Wilika na cava era vakatavuvulitaka na parofita kei na iapositolo e muri oqo baleta na dina e kunei ena ivolanikalou. Me vaka, ena koniferedi raraba ka qai sivi ka tabaki ena Ensign se Liahona, e rawa ni ko vaqara ena ulutaga tuvai ena “Atonement” (raica Vakatavuvuli ena iVakarau ni iVakabula, 21).

Kakua ni Yaco Noqu Lewa, Me Yaco Ga na Nomuni, mai vei Walter Rane